العودة   منتدى نيو حب > منتدى الاسرة السعيدة > منتدى المراة

الطريق الي قلب الرجل معدته

منتدى المراة


10-10-2008, 08:43 AM
حازم صيام
 
الطريق الي قلب الرجل معدته

دي حكمه .. اكتشفتها النساء من زمان علشان كده .. مفيش لها براءة اختراع.. لانها فعلا صحيحه.. او علي الاقل .. فيه علاقه بين متندي المطبخ .. ومنتدي الحب والغرام.. ولو مش مصدقين يبقي شوفوا مشاركتي بعنوان الحب والمانجو.. وكل بناتنا الجوليتيين اكده كلامي .. وكذلك شبابنا الرومياوي علي وزن ( منياوي ) ودا وزن الريشه في الحب .. مش بس كده.. دا العلاقه دي لها صور كتيره .. يعني مثلا ممكن حاله من حالات الحب تخليك متكلش خالص .. وفيه لحظات ماما هتكرهك فيها.. وهي ان الاستاذه معده مفتوحه عل البحري زي سمكة القرش.. تحت عنوان من عناوين فوازير نيلي ( بحبه يا باب ) .. والدليل علي كده ما جاء في مشاركتي القمحاويه بعنوان ( الحب والحبه بين الشب والشبه ).. وفيه ظواهر كونيه كتيييييييييييييييييير قوي بتحدث في عالم بطن ادم.. وقلب حواء .. لما اسمه ايه ده يحصل .. هوا اسمه ايه ده انا مش فاكر من الزهايمر ..مش من ان (اسمه ايه ده ) جاني في المنام ولا حاجه .. لا سمح الله :
  • [ ]ممكن الاستاذه عبله تكون شاطره جدا في الاكل والطبخ وبعد كده مع اول حب تلاقي اول مره يتعجن منها الرز
    [ ]ممكن كمان مس جوليت لما يتعزم عندهم روميو .. تلاقي حاجه غريبه .. اجمل اكل طلع في حياتها .. ومش هتقدر تطلع طعم زي كده تاني.. دي روعه اللقاء الاول.. والعلاقه فيها واضحه بين القلب والمعده
    [ ]الطب والواقع يؤكد ان فيه علاقه بين المعاشره الزوجيه والاكل.. وياريت محدش يشبط في البند ده .. بلاش طفاسه
    [ ]اخوانا الدكاتره اللي معندهمش قلب ( وده واضح من فواتيرهم ) بياكدوا ان لما الانسان بياكل الدم بيتجمع عند المعده ..لان الدم رسول القلب .. يعني مفيش علاقه اكبر من كده ولا مباشره زي كده.. يعني تقدر تقول ان دقات القلب ممكن بدل ما تدق لحن حب .. وتقول نم تم تم تم تم .. تفضل تقول : عنب عنب عنب عنب .. او سكر سكر سكر سكر.
    [ ]ممكن كمان اكله ترتبط بيها وجدانيا وتحبها طول عمرك بسبب .. تناولك اياها لما ( اسمه ايه ده )كان جامد اوي.. وكيوبيد كان قريب منك .. وسهمه كان قاتل .. يقوم تحب الاكله دي طول عمرك .. علشان كده بانصحك يا عنتر وانت شايل سيفك .. اعزم عبله علي حاجه تناسب جيبك .. لانك لو جبت كفيار اوجمبري .. هتلاقي ارتباطك العاطفي ميستغناش عنهم .. وده هنعرفه ان شاء الله مع مشاركه جديده اسمها الطريق الي قلب المراه علي راي الشوام ( المصاري ) انصحك اول عزومه تكون علي فول نابت .. هتعيش طول عمرك بجيب سعيد الجيب.. وهتلاقي فلوس تشتري ميكي جيب
    [ ]
    [ ]حبايبنا الولاد اكتشفه قلب المراه في الحكايه دي ( حكاية الاكل يعني ) .. يقوم تلاقي الاكل ميتوصفش ومش ممكن تقدر تاكله ( من السوء ) وتلاقي ادم بيقول شعر في الاكل .. لانه خايف من لعنة الفراعنه .. لو قال : لم اري اكلا بهذا السوء..
    [ ]زي ما الحياه لها رموز في الحب مثل الورده والاحرف الاولي والذهب والخواتم وكده .. برضه الاكل له رموز رومانسيه .. يعني لو قابلت حبيبتك ع الكورنيش.. مش هتاكلوا محشي ولا كباب ولا كفته.. ولا هتاكلوا اتنين كيلو مشمش او منجه ..ولا زبيب حتي مع ان الزبيب بيعبر عن الحب والغرام .. مينفعش .. لكن رموز الحب دايما زي الورده والمنديل مش اكل بجد يعني .. ولكن مجرد اندكيشن ( رمز ) للحب وسنينه .. يعني مثلا فشار .. لب وسوداني ( لو كنت بتحب واحده سوداني ).. وممكن لب سوري ( لو بتحب واحده سوريا ).. ترمس .. جيلاتي .. دره مشوي .. بطاطا مشويه .. المهم تكون حاجه مشويه علشان تتناسب مع قلبك المشوي ..
من مواضيع : حازم صيام الطريق الي قلب الرجل معدته
11-10-2008, 04:00 AM
no_wonder
 
ههههههههههههههههههه
لا انا عايزه تكون اول عزومة
جمبرى وكافيار
عشان ياخد على كده
وبلاش تخلى الشباب ياكلوا البنات فول نابت
ماتفسدش اخلاقهم
طب كنت عايزه اعرف
لو حد حب واحده مصرية
يعزمها على ايه فى الجدول ده
بطاطا؟؟؟؟؟؟؟
خليهم يكعوووا يا حازم
مافيش حاجة بتيجى بالساهل
مش قد كده ماتعملش كده
بس موضوعك واسلوبك عجبونى اوى
تقدر توصل اللى انت عايزه بطريقة جميلة
هاستنى موضوعك الجاى
عشان اشوف هاتاكلنا ايه اليوم ده
لك منى اجمل سلام حازم
من مواضيع : no_wonder
11-10-2008, 04:09 AM
qwert1234
 
شكرا لك سيدى الفاضل موضوعك جميل
بشدة واعجبنى كل شىء به
تقبل منى مرورى المتواضع
وشكرى واحترامى لك
تحياتى العطرة
من مواضيع : qwert1234
01-07-2010, 05:00 AM
مسعين بالله
 
اقتباس:
المشاركة الأصلية كتبت بواسطة qwert1234
شكرا لك سيدى الفاضل موضوعك جميل
بشدة واعجبنى كل شىء به
تقبل منى مرورى المتواضع
وشكرى واحترامى لك
تحياتى العطرة
الله يمسيك بالخير يا ايمن
انا عمري مطنشتك
ولا اقدر
مش عارف ايه اللي حصل
بس مرورك كريم وجميل
تسلم
من مواضيع : مسعين بالله
 

الكلمات الدلالية (Tags)
معدته, الرجل, الطريق

أدوات الموضوع

الانتقال السريع

المواضيع المتشابهه
50 صفة في الرجل تعجب بها المرأة :
بعض اقوال الفلاسفه عن ((الرجل ))
كل شئ عن برج السرطان
كل شئ عن برج العذراء
فرق الحوار بين الرجل والمرأة

الطريق الي قلب الرجل معدته

الساعة الآن 10:02 PM