العودة   منتدى نيو حب > منتدى الاسرة السعيدة > منتدى المراة > مطبخ حواء

افطر معانا مائدة متكاملة فى رمضان

مطبخ حواء


24-09-2006, 02:20 AM
hlol
 
افطر معانا مائدة متكاملة فى رمضان

افطر معانا مائدة متكاملة فى رمضان

طبق الخضار
طبق الخضار اللي معانا الأسبوع ده هو "خضار بالبشاميل"..
المقادير:
• كيلو كوسة.
• 1/2 كيلو "بسلة".
• 3 جزرات.
• 2 حبة بطاطس.
• 1/2 كيلو لحمة مفرومة معصجة.
مقادير البشاميل:
• نصف كوب دقيق.
• 4 ملاعق سمن.
• نصف كوب لبن حليب.
• بيضتان.
• ملح وفلفل.
طريقة عمل البشاميل:
سخني السمنة في صينية وبعد كده حطي الدقيق وقلبي السمنة مع الدقيق كويس لغاية لما تلاقي لون الدقيق بدأ يصفر، ضيفي إليه اللبن مع التقليب المستمر.... لغاية ما تلاقي العجينة أصبحت سميكة نوعا ما، وده علشان تتماسك مع الخضروات، بعد كده شيليه من على النار. وبعد ما يبرد هاتي البيض وحطيه في طبق واضربيه بالمضرب مع الملح والفلفل وبعد كده تضيفيه للبشاميل.
طريقة عمل الخضار مع البشاميل
قطعي الخضار وبعد كده اسلقيه مع شوية مرقة.... بعد ما تسلقيه صفيه من المية اللي فيه في المصفاة... بعد كده هاتي صينية وادهنيها بشوية بشاميل وبعد كده هاتي الخضار ورصي نصفه في الصينية ومن فوقه حطي اللحمة المفرومة المعصجة بالبصل، وبعد كده حطي باقي الخضروات، ومن فوق الخضروات حطي البشاميل على الوش.. وبعد كده دخليه الفرن على نار هادئة لغاية ما يحمر لونه، وبعد كده خرجيه...

وبالهنا والشفا..
وعلى فكرة مع الطبق ده ممكن إنك تقدمي فراخ مشوية..

السلطة
الطبق اللي معانا النهارده هو طبق السلطة المشكلة
المقادير
• حلقات من البصل الأخضر أو ممكن من البصل العادي.
• فجل مقطع.
• الطماطم مقطعة شرائح.
• شرائح خيار.
• شرائح كرفس.
• معلقة كبيرة زيت زيتون.
• بقدونس مفروم.
• خس.
• جبنة.
• معلقة زيت عادي.
• معلقة خل أو عصير ليمونة.
• ملح.
الطريقة:
هاتي الخضروات دي كلها واغسليها، وبعد كده قطعيها شرائح، وبعد كده حطيها في طبق السلطة وحطي عليها الزيتون والجبنة والزيت والخل أو الليمون والملح.

وبالهنا والشفا
وخدي بالك إن طبق السلطة ده على قد ما هو يبان بسيط إلا إنه مهم جدا، لأنه فيه قيمة غذائية عالية جدا.

العصائر
افطر معانا مائدة متكاملة فى رمضان
عصير قمر الدين
طبعا ده يعتبر المشروب الرسمي على أي سفرة في رمضان ودي طريقة لعمل قمر الدين..
هاتي لفة قمر الدين وبلي منها على حسب ما إنتِ عايزة في كوب فيه مية وحطيه في التلاجة، وقبل أذان المغرب بساعة خرجيه ودوبيه بالمعلقة في المية لغاية ما تلاقي إن قطع قمر الدين بدأت تختفي، وبعد كده اضربيه في الخلاط مع السكر وصبيه في كوبيات العصير.
وبالهنا والشفا

طبق الحلو
افطر معانا مائدة متكاملة فى رمضان
كنافة بالقشطة
المقادير:
• 1/2 كيلو كنافة.
• كوب سمن سايحة.
مقادير القشطة:
• 2 كوب لبن حليب.
• 5 ملاعق كبيرة دقيق.
• كوباية قشطة.
مقادير الشربات:
• 1/2 كوب سكر.
• 3/4 كوب ماء.
• عصير ليمونة.
• فانيليا.
طريقة عمل الشربات:
حطي السكر والمية كلهم مع بعض في إناء على نار هادئة لمدة ربع ساعة.
بعد كده ضيفي الليمون وسبيه لمدة 5 دقائق لغاية ما يغلي، بعد كده حطي الفانيليا وشيليه من على النار وسيبيه لغاية ما يبرد.
طريقة تحضير القشطة:
دوبي اللبن مع الدقيق مع بعض، بعد كده حطيهم في إناء على النار وقلبيهم كويس لغاية ما تلاقي الخليط بدأ يتماسك، بعد كده شيليه من على النار وضيفي إليه القشطة وقلبيه كويس لغاية ما تلاقي الخليط بدأ يتجانس، بكده تبقى القشطة جاهزة.
طريقة عمل الكنافة:
هاتي الكنافة وقطعيها كويس وبعد كده افركيها بالسمن السايح، بعد كده هاتي صينية وادهنيها بالسمنة، وبعد كده حطي نصف مقدار الكنافة في الصينية مع الضغط عليها كويس بإديكِ أو باستخدام صينية أخرى، وده علشان الكنافة ماتكونش هايشة في الصينية، بعد كده رشي شوية سمنة فوقها وشوية قشطة من اللي إنتِ عملاها، بس خدي بالك إنك تبعدي عن الأطراف..
بعد كده ضيفي النصف الباقي من الكنافة واضغطي عليها زي المرة اللي فاتت ورشي فوقها شوية سمنة علشان الوش يحمر، وبعد كده دخليها الفرن على نار هادية.. بعد كده لما تلاقيها استوت خرجيها من الفرن ورشي عليها الشربات اللي إنتِ عملتيه وسيبيها لغاية ما تبرد، وبعد كده قطعيها وقدميها.

وبالهنا والشفا
وبكده تكوني عملتِ فطار في منتهى الجمال وكمان حصلتِ على وجبة غذائية كاملة العناصر الغذائية المفيدة للجسم. وبألف هنا.

من مواضيع : hlol البيض مع الجبن والفلفل
خلطة مميزة لحشو الفراخ او الوز والبط ولااطيب
عصير الجوافة
تعالوا اتسحروا معانا
شاورما بالفرن سهله ولذيذه.....
03-10-2006, 06:28 PM
amr_mero1
 
مشاركة: افطر معانا مائدة متكاملة فى رمضان

شكرا ليكى على اضافتك المتميزة وكل عام وانتى بخير
من مواضيع : amr_mero1 بعض انواع تسويات البيض :
صلصة طماطم بالأعشاب
الجندوفلى ( البكلويز)
أقراص الدجاج
فطائر فواكه البحر والشمر
 

الكلمات الدلالية (Tags)
مائدة, متكاملة, معانا, افطر, رمضان, في

أدوات الموضوع

الانتقال السريع

المواضيع المتشابهه
صور فوانيس رمضان 2012 | احلى فوانيس 2012 | كل عام وانتم بخير
أحلى رسائل رمضانيه......
ورقة يوم في حياة صائم
رســائل رمضــانيّة
اكبر موسوعة على جميع المنتديات لمسجات رمضان كل عام وانتم بخير

افطر معانا مائدة متكاملة فى رمضان

الساعة الآن 06:25 PM