حد يساعدني في حل مشكلتي بليززززز

انا بصراحة عندي مشكلة بسيطة ولكن مش عارفة احلها وهيا اني بحس بملل كبير لما بذاكر اي كتاب حتى المواد اللي بحبها وانا دلوقتي في 2 ثانوي وبقالي من وقت ما بدات الدروس وانا مبذاكرش الا ساعة ساعتين في اليوم وباقي اليوم يا في الدروس او المدرسة ومستوايا بقا في الارض مع العلم اني كنت متفوقة جداا في كل السنين اللي فاتت وكمان انا علمي وغير كده عندي نص اليوم فاضي تقريبا اني ازاكر بس مش قدرة ازاكر ولا كتاب واهلي حاطين املهم عليا وبجد مبيحرمنيش من اي حاجة عشان اجيب مجموع عالي وادخل طب -بتمنى انكم تساعدوني عشان انا بجد حضيع كده وشكرررررررررا مقدماااااااااا

حاولى تنظمى وقتك واضغطى على نفشك شويا
وذاكرى وحاولى تشوفى اى حاجة تساعدك على التركيز يعنى منبهات قهوة او نسكافيه او اى مشروب دافى
وفى الاول وفى الاخر استعينى بالله

وربنا يوفقك ويكرمك يارب وتجيبى مجمو ع يدخلك الكليه اللى انتى عايزاها

حاولى تنظمى وقتك واضغطى على نفشك شويا
وذاكرى وحاولى تشوفى اى حاجة تساعدك على التركيز يعنى منبهات قهوة او نسكافيه او اى مشروب دافى
وفى الاول وفى الاخر استعينى بالله

وربنا يوفقك ويكرمك يارب وتجيبى مجمو ع يدخلك الكليه اللى انتى عايزاها

بصى اختى معنى الحاله اللى انتى فيها نوع من القلق من شى انتى كنتى بتذكرى ومتفوقه تمام
ودلوقتى بقيتى مستواكى فى الارض لازم فى شى بيشغل راسك مش شرط انك تكونى فى حاله حب لا انتى خايفه من شى او فى شى قلق لكى حياتك حاولى تصلحى الشى ده وتنسيه وتركزى فى دراستك اهم
وهذا تفسير لكلامك حاله ملل هنقول مثلا انك بتحبى الكمبيوتر ومش عاوز تزكرى بسبه ممكن او التلفيزيون والمسلسلات لابدمن وجود سبب حقيقى انظرى الى السبب الحقيقى واخرجى منه وابتدى ذكرى من جديد وعوضى اللى فات اليوم اللى بيعدى مش بيتعوض
تحياتى للكى واتنمنى لكلى السعاده وتكونى عند حسن ظن اهللك وتجيبى
150%
أى خدمه مجموع جااامد جدا

الله يعينك أختي
النصائح لي قدموها زمايلي أكيد صحيحة حضيفلك حاجة بس هي إنك تفكري في أهلك ولي يعملوه عشانك أكيد حابة تفرحيهم يلا حبيبتي شجعي نفسك كدا واستعيني بالله وكلنا معاك حنسأل عنك كل يوم ماتفكريش في أي حاجة تعكر مزاجك أكيد حتوصلي يلا go

بصراحه مفيش نصيحه أقدر أقولهالك بعد كلام أخواتى الأفاضل

أستعينى بالله يا غاليتى وحاولى تركزى وتشوفى أنتى مشغوله بأيه

وتلغيه حاليا من تفكيرك لأن مفيش أهم من مستقبلك

حاولى تركزى فى مستقبلك ومتفكريش غير أنك تكونى شئ مهم لنفسك ولعائلتك الكريمه

اذكرى الله كثيرا وأن شاء الله هيكون بجانبك يا غاليتى

ربك المستعين بكل شئ

ربنا معاكى ويوفقك ويقدملك كل خير

للأمام دائما

ملكه

اولا بعد نصايح االاخوة انا مقدرش اقول حاجة بس احب اقولك حاجة واحدة
حاولى تبعدى عن اى حاجة ممكن تشغلك عن مذاكرتك
لازم تذاكرى عشان تجيبى مجموع كويس

والله يااختي أنا بعاني من نفس المشكلة وللأسف معدلي طاح بسبب مللي من المذاكرة

شوفي إحنا الثنتين لازم نساعد بعض

أنا حالياً بدأت الترم هذا بداية قوية أقوى من الترم اللي عدا

لازم نتعب معليش عشان نرتاح بعدين

كل يوم أفكر وأقول لنفسي كيف تبغي تكوني شخصية ناجحة ومش قادرة تتعبي ؟!

شدي حيلك حبيبتي وأنا بشد حيلي ..

أنا الأيام هذه عندي إجازة بأستغلها في تجميع محتوى البحوث وإنتي أوعديني تنتبهي لمذاكرتك

وياااااااارب تتوفقين

أختي العزيزة
انا مريت بنفس المرحلة دي السنة اللي فاتت انا دلوقي في 3 ثانوي بس بجد بجد انت مش هتصدقيني
حاولي تعملي حاجة انتي بحبيها واني بتذاكري او قبل المذاكرة لو هيا حاجة هتشغل جامد بس بجد انا عمل كدا ونفعت الفكرة
يعني مثلا انا بحب التصميم جدا بقيت افتح الكومبيوتر وانا بذاكر ممكن العب شوية بالفوتو أو اخش على موقع الهوست واشوف التصاميم وكدا ولما بتشغلني اوي بسيبها يعني بدبر اموري بس بجد نفعت
ولما لقيت الن خدني بقيت العب اقبل ما اذاكر وبمع نفسي وكون فايق ومركز بقوم اذاكر
بمعنى اني لما لاقي نفسك ركزتي في حاجة اكيد بحبيها روحي ذاكري

ربنا يوفقك انتي وكل اللي في الثانوية ويا رب تحققي أملك وتفرحي اهلك

بصى يا قمر انا هقولك حاجه طبعا كلام كل الاخوات الافاضل تمام وزى الفل
بس شوفى انتى نفسك تبقى فى كليه ايه وتخيلى لما اصحابك دخلوا الكليه دى وانتى جبتى مجموع قليل ومدخلتيهاش والله العظيم هتندمى اشد الندم اهم حاجه انك توظبى على الصلاه وارقى نفسك او خلى مامتك ترقيكى واستعيدى بالله من الشيطان الرجيم واعملى لنفسك جدول بكل الوقت اللى عندك فاضى والدروس والمدرسه وشوفى كام ساعه فاضيه عندك فى اليوم وواعدى نفسك مع ربنا انك ان شا ءالله هتعملى كل اللى تقدرى عليه عشان تفرحى مامتك وبباكى واوعى تفتكرى انهم لوقالولك روحى داكرى معناه انهم بيديقوكى لا هما بيقولوا كده عشان تبقى احسن واحده فى الدنيا وابدئى بدعاء المداكره وانهى المداكره بدعاء برضه
دعاء بدايه المداكره :اللهم انى اسالك فهم النبين وحفظ المرسلين والملامئكه هالمقربين اللهم اجعل لسانى عامرا بدكرك وقلبى بخشيتك وسرى بطاعتك
واقرى الفاتحه وايه الكرسى
ونهايه المداكره:اللهم انى استودعك ما قرات وما حفظت فرده الى حين حاجتى الليه
معلشى على الاطاله بس ربنا يكرمك ان شا ءالله ويوفقك وتجيبى مجموع جميل جدا يدخلك الكليه اللى انتى عيزاها

قوووووووووووووووووووولى يارب عاوزه ارجع الانسانه بتاعت زمان بس من قلبك بجد
وصلى ركعتيين قبل الفجر وادعى وتذللى لله عز وجل وشوفى انا مجرب فى كل حاجه كده بيدينى اللى انا عاوزه حتى ولو كنت محتاج فلوس
والله بيرزقنى

انا عندى حل لماتذاكرى ممكن تذاكرىو انتى بتسمعى موسيقى

انا عندى حل لماتذاكرى ممكن تذاكرىو انتى بتسمعى موسيقى

ههههههههههههههههههههه
حلوه دى
كده هتروح مع الموسيقى ومش هتذاكر

,والله انا مش هقدر أقولك اكتر من الأخوه ألأفاضل
ولكن اولا يجب ان تستعينى بالله ثم بعد ذلك يجب ان تنظمى وقتك وأبدأى المذاكره بماده مثل الرياضيات حتى يتم تنشيط مخك يعنى حلى كام سؤال وبعد ذلك ذاكرى أى ماده تانى وعندما تجدين نفسك فى حالة ملل ارجعى وحلى كام سؤال فى الرياضيات أيضا
لأن مادة الرياضيات ماده لذيذه وهتشغل دماغك ان شاء الله
وربنا يوفقك ويكرمك

Ich moechte euch hiermit informieren, dass unser "Verwaltungs-Team" durch zwei neue Moderatoren erweitert wurde.