ممكن رأيكم لو سمحتم؟؟؟؟

انا بنت ومخلصه احدى كليات القمة واعمل بوظيفه محترمه وزى اى بنت بيتقدملها ناس كتير للزواج منهم اللى هى بترفضهم ومنهم اللى بكون غير مناسبه ليهم والحمد لله عايشه حياتى كويس
طبعا كلكم بتسألو امال ايه مشكلتها

مشكلتى انى الفتره الاخيره اتقدملى شاب سنه مناسب ومركزه كويس لكن تعليمه اقل منى يعنى خريج معهد انا شايفه انه مناسب ليا وهو من طرف واحد زميل فى العمل المهم اتقابلنا مره انا وهو وزميلى وزوجة زميلى وعجبته جدا وبعد ما روحت البيت زميلى كلمنى فى التليفون سألنى عن رايى وقالى انى عجبته وحابب انى اكمل معاه وانه طالب منه ياخد رقمى عشان نتفق ايه اللى يحصل

المهم اخد رقمى وكلمنى واتكلمنا مع بعض شويه وانا فى المقابله ما اتكلمتش كتير خالص واما زميلى قالى انه موافق وانا موافقه عليه قولتله يجى البيت ويبقا فى مقابله تانيه بعيدا عن الرسميات عشان اتكلم معاه ويتكلم معايا ونعرف بعض اكتر
المهم كلمنى تانى وقالى انه عاوز المقابله التانيه دى بعيدا عن البيت حتى لو فى حضور زميلى ومراته تانى
قولتله لا انا مش موافقه
بردو لحد كده يمكن مفيش مشكله لما الشاب ده كلمنى تانى وانا كنت عارفه من الاول ان لسه والده متوفى وهو اخر اخواته وكان عايش معاه المهم ان توقيت الارتباط الرسمى دلوقتى مش هينفع

انا رديت وقولتله امال ليه وافقت على المقابله من الاول قالى كنت فاكر انك مش هتعجبينى وكنت جاى عشان زمايلى كلهم شايفين انى لازم ارتبط

المهم قالى انه عاوز يستنى شويه لحد ما نرتبط رسمى منها عشان موضوع والده ومنها عشان نتعرف على بعض اكتر

قولتله لا انا مش هينفع اكلمك من غير اى ارتباط ولو عاوز ترجع فى كلامك انا هعتبر ان مفيش حاجه حصلت

وقولتله خلاص مش هنتكلم تانى الا اما الفتره دى تعدى ولو لاقتنى مش مرتبطه نبقا نفكر


المشكله انا معرفش انا صح ولا غلط فى كل اللى عملته تانى حاجه هو دلوقتى بيكلمنى فى التليفون كل فتره وبيقولى انتى وحشتينى وبيكلمنى فتره طويله جدا


انا كده صح ولا غلط وعاوزه رأيكم فى الموضوع كله


واسفه للاطاله

لو جاد حيجى البيت ومفيش حاجة اسمها والده لسه متوفى
ممكن متعملوش فرح او يتاجل

المشاركة الأصلية كتبت بواسطة hosam

لو جاد حيجى البيت ومفيش حاجة اسمها والده لسه متوفى
ممكن متعملوش فرح او يتاجل

هو فعلا تانى مره كلمنى بعد ما قولتله مش نتكلم تانى قالى مهم عندى انى اعمل فرح ولا لا

أنا من رأيى إنك على صواب فى الموضوع الأول أما الموضوع التانى وهو الكلام فى التليفون من رأيى أنه مش كويس

اختى الكريمه حاولى تبعدى عنه لفتره لانه لو جاد فعلا لما يلاقيكى بعدتى هيجى البيت ويتقدم ومشلازم يكون فيه حاجه فى الاول يعنى مجرد خطوبه وربط كلام لحد مالظروف تتحسن
ده رايى الشخصى


واتمنى لكى التوفيق

انا عن نفسى مش بكلمه فى التليفون خالص انما هو اللى بيتصل دايما وانا فعلا كلمنى مره وقولتله ما يكلمنيش تانى لكن بيقولى مش بقدر ما اكلمكيش واما زميلى سألنى على اخر اخبار الموضوع قولتله خلاص الموضوع انتهى وبردو بعدها بيكلمنى

ممكن تصلى صلاه استخاره لله اولا وثانيا خليكى تقيله وهو هيجيللك يعنى لو قاللك وحشتينى قوليلوه مينفعش كده فهمانى ومتقوليلوش وحشتنى علشان هو هيتجنن وهيجيللك هواء بعد ماتتخطبى برده خليكى تقيله بس نص نص لحد متعرفى دماغه فيه ايه
الزمن ده مفهوش امان والله

على فكره احسن قرار اللى انتى اخدتيه دا ودا الصح كله وانتظرى وكونى قريبه من ربنا هيرزوقك بيه او احسن منه ان شاء الله اهم حاجه تكونى قريبه من ربنا

قرارك صح .. وياريت مترديش عليه تانى خالص لحد ما يبان للحكاية بيان

لما هو مش عايز يرتبط من الأول مكانش جه

ربنا معاكى ويوفقك لما فيه الخير ليكى ويرزقك الزوج الصالح قولو امين

أنا قولت لك قبل كدا إن انتى صح ولكن موضوع الكلام فى التليفون مترديش عليه ولو كان شريكى فعلا وعاوز يرتبط بجد هيجى لحد البيت وربنا معاك ويرزقك الأفضل إن شاء الله

فى البداية كلامك صح
واللى انتى عملتيه ده الصح وعلى العموم هو لو ناوى خير هيجى يتقدملك ومش هيسيبك بس انتى خلبكى واثقة من نفسك
ومصممة على رايك
ويستحسن بلاش تليفون علشان متتعلقيش بيه اكتر وتوافقى على كلامه

وانتى اكيد تعرفيه ا كتر مننا
وربنا يوفقك فى حسن الاختيار

متتكلميش معاه فى التليفون ولو هوة عايزك حيجيلك

Ich moechte euch hiermit informieren, dass unser "Verwaltungs-Team" durch zwei neue Moderatoren erweitert wurde.

صديقتى العزيزه لو كان جاد فى كلامكه توكلى على الله ولا تضعى الفارق التعليمى فى ذهنك لان العلم ليس علم شهاده ولكن اقترح انك تختبريه فى الاول وتتاكدى من انه شريكى تقبلى تحياتى