العودة   منتدى نيو حب > المنتديات العامة > الحوار المفتوح > جديد فضفضة

ملجأى هو الله

جديد فضفضة


11-12-2010, 09:43 PM
فضفضة
 
Unhappy ملجأى هو الله

السلام عليكم ورحمه الله
ملجأى هو الله
أنا لجأت للقسم ده علشان حابه أحكى لحد مشكلتى وكمان نفسى حد ينصحنى ع مش لاقيه حد أحكيله
أنا بنت عايشه طول عمرى أبعد بالمشوار عن الحب لما كنت فالجامعه مكنتش بسمح لأى شاب إنه يبدى حتى عن حبه ده مش قله مشاعر منى ولكن إتربيت على كده إنى أبعد عن العلاقات دى
ولكن أنا كنت ومازالت زى أى بنت نفسى أحب وأتحب كماااان
يعنى جوايا حلم طول عمرى إنى ألاقى إلى بحلم بيه مش أى زوج ولا أى راجل أعرفه وأتجوزه وبس لأ نفسى يكون مختلف يحبنى أوى ويخاف عليه وميجرحنيش ولا عمره يقسى عليه ويعوضنى عن أى حزن أو ألم شوفته فحياتى وكان دايما عندى الثقه فالله إنى هلاقيه وإنى زى ماهعمله هيعاملنى بحب وحنااااااان وكمان أمان
هو السند والأمان بالنسبالى

لكن سبحانه يقول للشئ كن فيكون بالصدفه إتعرفت على شاب إرتحتله أوووووى وبدأت أحكيله وأشكيله كل مزعل فالاول كنت شايفاه فعلا أخ ومش أى أخ لأ أخ جدع أوى كان بيسمعنى كتييييييير وأنا كنت بحكى من غير مخاف وبدأ يتبنى جوايا إحساس تانى خالص فجأه لقيت نفسى عايزة أكلمه كل يوم وأسأل عنه وأموت وأسمع صوته لكن هو عادى جدا كان يتكلم معايا عن كل حاجه برده بس كأخت
إحتفظت جوايا بإحساسى ومحبتش إنى أقوله عن إلى جوايا بس كنت بموت فكل لحظه نفسى أقوله عن كل إلى جوايا تعبت من كتر منا مخبيه عن إحساسى الصادق ده وفجأه لقيته بيقولى إنه عارف عن إحساسى ده إتكسفت أوى وإنجرحت أوى أوى لما بيقول إنى مجرد أخت وهو بيعزنى بس ؟؟؟؟؟؟

أوقات كتير كتييييير فكرت فيها إنى أبعد أحسن وأول مبشوف رقمه على التليفون بلغى تفكيرى وأرد بلهفه شديده أوى وأقول كفايه إنى بسمع صوته كفايه إنه بيسأل عليه

مشكلتى دلوقتى إنى مش قادره أنساه وبيوحشنى أوى أوى وبتعذب أوى من فكره إنه مش بيحبنى وهيكون مع حد غيرى أنا والله بتمناله كل خير ونفسى أشوفه سعيد ومبسوط أنا مش أنانيه بس أنا تعبت أوى أوووووووى ومش عارفه أعمل إيه
طبعا مستحيل أجبره إنه يحبنى ع إحنا مش بنحب حين نختار ولا نختار حين نحب إنما الحب قــــــــــدر يأتى دون إختيار

حتى للأسف كل ماحد يتقدملى للزواج مش بقدر أشوفهم بحس إنى شيفاه هو تفتكروا حياتى وقفت عليه تفتكروا كده خلااااااص إنتهت .. كل إحساس جوايا ملكه وخده معاه

تعرفوا لغايه دلوقتى مقولتلوش إنى بحبه هو حاسس بس بصراحه عنده لا مبالاه أنا مش بعتبه لأنه حر ومن حقه يختار البنت الى يختارها قلبه
المشكله مشكلتى أنا تعبانه ومش عارفه أعيش نفسى أكلمه كل شويه بس مش ببقى عارفه أقوله إيه
عارفه إن حبى وهم بالنسباله بس دايما دايما عندى أمل إنه يحس بيا رغم إن خلى الأمل جوايا مش موجود بس كل شويه يتبنى جوايا أمل جديد ويرجع يموت وهكذا
لو ردكم إنى أبعد عنه خالص صدقونى عملتها قبل كده ومقدرتش خالص أكمل بيبقى كفايه عليه إنى أطمن عليه
آسفه إنى طولت عليكم بس كان نفسى أفضفض بجد ولا لى سوى أن أدعو الله أن يرزقنى الصبر ويرزقنى الرضا الكامل
الحمد لله
وشكرا لكم جميعا

من مواضيع : فضفضة الدمار
هفسخ الخطوبة يعنى هفسخ ايه العالم المفترية دى
ساعدونى ارجوكم
يأست خلاص
كان جاى يقضى وقت......منه لله
30-12-2010, 06:47 PM
salwa.love
 
قولي له في أثناء الكلام معاه إنك في مين اتقدم لك وإنو الأهل بيسألوا عنوا ولو كان مناسب وسمعتوا كويسه حاتجوزوا لو حصل وبارك لك يبقى أول ما حد يتقدم لك وكان كويس ومناسب وافقي واتجوزيه وسدئيني إنك حتنسيه لأنك حتلاقي اللي يبادلك نفس الشعور ومش معقول تنتظري من سياتوا يعطف ويتكرم ويقولك بجبك وعايز اتجوزك وأما لو كان بحبك هينهار ويعارض جوازك
من مواضيع : salwa.love
30-12-2010, 08:25 PM
MOHAMED ONLY ONE
 
مع كلام ورأي سلوى
وبالتوفيق ليكي
من مواضيع : MOHAMED ONLY ONE
02-01-2011, 10:13 PM
فضفضة
 
Unhappy

اقتباس:
المشاركة الأصلية كتبت بواسطة salwa.love
قولي له في أثناء الكلام معاه إنك في مين اتقدم لك وإنو الأهل بيسألوا عنوا ولو كان مناسب وسمعتوا كويسه حاتجوزوا لو حصل وبارك لك يبقى أول ما حد يتقدم لك وكان كويس ومناسب وافقي واتجوزيه وسدئيني إنك حتنسيه لأنك حتلاقي اللي يبادلك نفس الشعور ومش معقول تنتظري من سياتوا يعطف ويتكرم ويقولك بجبك وعايز اتجوزك وأما لو كان بحبك هينهار ويعارض جوازك

أولا بشكرك جدا ع إهتمامك وردك
ثانيا إنتى عندك حق فكل كلامك
أنا فعلا لازم أنساه وانى مستناش إنه يجى ويتكرم عليه ويقولى بحبك أو عايزك
أنا نفسى غاليه عليه أوووووووى وكفايه جرح وإهانه بقى
أنا خلاص هبعد عنه نهائى وهنساه
وعارفه إن ربنا هيعوضنى أكيد خير
بشكرك جدا

من مواضيع : فضفضة خطيبى
ملجأى هو الله
أنا فى مصيبه كبيرة
قولولى ازاى
مشاكلي كثيرة ...
07-01-2011, 11:36 AM
medo
 
يقول ( لأبي فراس الحمداني ) : الحب من طرف واحد يجنى على صاحبة
الافضل انك تبعدى
من مواضيع : medo
 

الكلمات الدلالية (Tags)
لمحمد, الله, بحبك, يا, حبيبى, ظ…ظ„ط¬ط£ظ‰, ظ‡ظˆ, هو, ط§ظ„ظ„ظ‡

أدوات الموضوع

الانتقال السريع

ملجأى هو الله

الساعة الآن 07:42 AM