العودة   منتدى نيو حب > الرياضة والسيارات > كرة قدم - kooora > الكورة المصرية > نادى العاب دمنهور

العنايه الألهيه تنقذ شعب المنصوره من الموت فى الحمام

نادى العاب دمنهور


17-04-2009, 04:58 AM
moltey
 
Wink العنايه الألهيه تنقذ شعب المنصوره من الموت فى الحمام

ياجماعه الموضوع ده فى غايه الأهميه اقسم بالله فى غايه الخطوره وياريت اليقرأ الموضوع ده ويشوفه يكملة لأخر حرف لانه موضوع فى غايه الخطوره وانا دايما بكتب مواضيعى باللغه العربيه لكن الموضوع ده هكتبه باللغه العاميه بتاعتنا عادى عشان محدش يمل من الكلام ويفهم الموضوع كله ياجماعه لما ماتش كوره يوصل لحرب بمعنى الحرب زى ماحصل فى مرسى مطروح يبقى احسن الكوره تتلغى والله العظيم تتلغى ياجماعه انا هنقلكوا صوره حيه من مطروح للمنتدى هنا عن مباراه المنصوره والحمام والكوارث الحصلت الى للأسف الاعلام حتى الأن منقلهاش بصوره صحيحه ياشباب احب اعرفكوا انا من المنصوره وبشجع المنصوره من سنه1991 ولفيت وراها فى كل مكان وكل بلد ومعمريش خفت وانا فى اى ماتش لكن ماتش الحمام شوفت الموت بعينى بصوا عشان مطولش عليكوا تعالو احكلكوا ايه الحصل من ساعه ماكنا فى المنصوره قبل الماتش.............
نادى المنصوره قرر انه يعمل رحلات الى مرسى مطروح وليلة المباراه اجتمع اعضاء النادى بالرابطه وقالولهم يعملوا ايه فى ماتش الحمام ووصوهم ان هما اول ميخشوا المدرجات هناك يشجعوا فريق الحمام وبلاش حد يشتم والكلام ده لان جمهور الحمام كان ليه سبقه معانا السنة الفاتت المهم الرحله طلعت تانى يوم حوالى 9اتوبييسات فى الساعه 8صباحا ووصلت مطروح الساعه 2الظهر وجماهير المنصوره فرحانه طول الطربق وبتشجع ومش فى دماغها اى حاجه واول موصلنا مدخل مطروح لقينا الأمن واقف مستنينا بطريقه عمرها محصلت كلنا عارفين ان اى فريق ضيف بيستناة امن يوصله لكن الأمن ده كان مختلف لأنه كان كتير جدا جدا وأصر انه يوصل الأتوبيسات على دفعتين ووصل أول دفعه ورجعلنا الأمن تانى ياخد الدفعه التانيه واصر ألأمن ان الدفعه التانية دى تستنى وصول اتوبيس اللعيبه بتاع المنصوره من اسكندريه عشان يوصلوهم مع بعض مره واحدة وطبعا الكل قلق من الموقف وقلقنا وقولنا ليه هما بيعملوا كده هوه فى اية المهم الساعه2وربع الجمهور كله وصل الملعب وفوجئنا ان كان فى جماهير من رابطة الاتحاد جايه بنفسها تشجع الحمام وفى جماهير كتيرة جدا من الحمام جايه تشجع وكأنة ماتش نهائى كأس وبدأوا يشتمونا ويشاوروا لجمهور المنصوره بأديهم وجمهور المنصوره كان كل العليه يشجع ويقول حمام حمام لو عرض الأرض زلزل حمام مش هينزل ولكن جمهور الحمام كان بيذيد فى الشتيمة وأول منزل لعيبه المنصوره نادت عليهم جمهور الحمام وقعدوا يشجعوا منصوره منصوره واول مفريق المنصوره جرى نحيه المدرجات بتاعتهم قام جمهور الحمام مشجعهم وشتمهم وكنا كلنا مندهشين من الحصل ده ورغم كده اول منزل لعيبه الحمام جمهور المنصورة قعد يشجعهم وبدأ الماتش عادى جدا ومفيش اى حاجه حصلت وبعد أول ربع ساعة بدأ جمهور الحمام تانى بالسب لجمهور المنصوره وقام جمهور المنصوره شاتم هوه كمان جمهور الحمام وقعدوا يشتموا فى بعض وطبعا كان واضح ان مش كل القاعد فى جمهور الحمام من الحمام لأن كان فى جمهور اسكندرانى كتير المهم وبعد نص ساعه من الشوط الأول احرزت المنصورة الهدف الأول برأس هانى ابو الفضل وبعدها اشتعلت المدرجات شرارة وكأنها اقسم بالله حرب بين اليهود والمسلمين حرب بمعنى الكلمه طبعا ياشباب وياجماعه وياكل من هتقرأ الموضوع ده فى اى بلد الراح ملعب الحمام اكيد عارف الملعب شكله ايه مكانه اصلا فى صحرا ومليان طوب المهم بعد مالمنصوره جابت الجون الأول جمهور اسكندريه بدأ بتزقيل الطوب على جمهور المنصوره قام جمهور المنصوره زاقل هوه كمان طوب عليهم وبعدها بدأت الحرب قام جمهور الحمام كله مقلوب علينا وكأننا يهود وبدأوا يزقلونا بالطوب وبالعصيان وبأزاز كان معاهم كأنهم كانوا محضرين ان فى معركه هتحصل وطبعا جمهور المنصورة بدأ يدافع عن نفسه وبدأ يزقل قام جمهور الحمام مزود اكتر الطوب وخرجوا بره الملعب وجابوا طوب وزودوا فى التزقيل والأمن معرفش يسيطر على الموقف والعساكر بدأت تجرى فى المدرجات هنا وهناك وبدأ الطوب يزيد والعصيان وازايز حاجة ساقعه تتزقل على جماهير المنصوره وكان فى جمهور كبير السن من جمهور المنصوره قعدوا يصرخوا ويجروا فى المدرجات يعينى اقسم بالله فى منظر يصعب على الكافر وطبعا فى ناس كتير اتصابت ووقعت على ألأرض منهم واحد بتاع الشاى كان فى حاله بيبع فى الشاى جه طوبه فى راسه اقسم بالله العلى العظيم تلاتة وانا بحلف الراجل وقع على الأرض مغمى عليه الكل افتكره مات وزاد التزقيل جامد جدا جدا طبعا كلكوا عارفين مدرجات الحمام مفيش اى مكان الواحد ينفع يستخبى فيه المهم جماهير المنصوره تنزل تحت فى اسفل المدرجات تلاقى عيال صغيره بتزقلها برخام من تحت تقوم الجماهير طالعه فوق فى اعلى المدرجات تلاقى جمهور الحمام بيزقلها من تحت ورا المدرج مكنش فية اى مكن نستخبى فيه مكنش فيه حل غير اننا نقف فى نص المدرجات وفعلا وقفنا فى نص المدرجات والناس قعدت تصرخ عشان الحكم يوقف الماتش والطوب والعصيان عمالة تنزل علينا وواحد ورا التانى عمال يقع اكتر من 15 واحد اتصابوا وفى ناس لحد الوقت فى العناية المركزة فى مدينة الحمام والاعلام بتاعنا مقالش اى حاجه من الكلام ده وجريده المساء مقالتش الحقيقه وقالت ان هما 7 بس لكن هما كانوا اكتر المهم جماهير المنصوره بدأت تسيب المدرجات وتنط فى أرض الملعب والمباراه شغاله نطت الجماهير فى الملعب من كتر الطوب التزقل قام الحكم موقف الماتش واللأمن نزل الملعب يطرد فى الناس النذلت اه ونسيت اقولكوا حاجه شوفوا الظلم التعرضناله شوفوا الحرب الحصلت علينا فى الحمام شوفوا واحكموا فين اتحاد الكوره يشوف المباراره ويحكم عشان يحكم ان الحمام ده المفروض يتلغى من الدورى خالص بصوا فى بعض من جماهير المنصوره سابت المدرجات ومشت ونزلت تحت فى الاستاد تستخبى فى الحمامات والحمامات طبعا بين المدرجين مدرج المنصوره ومدرج الحمام قامت جماهير الحمام داخله وارا جماهير المنصوره فى الحمامات وزقلوا عليهم طوب وكسروا عليهم الببان والناس غرقانه فى الدم وجمهور الحمام معندوش رحمه فوق المدرج وتحت المدرج وفى الملعب وفى الحمامات وكان مع جمهور الحمام حاجه كده عامله زى النبله لأنهم اصلا بدو وعرب قاموا ضاربين نبله من المدرجات وصلت لحد منطقه ال18 من الناحيه التانيه نزلت على لاعب المنصوره اصابتة ووقع من طوله وبلع لسانه والاسعاف جرى خدة فى وسط عياط من لاعبى المنصوره وكل ده والماتش متوقف والحكم مش عايز يلغيه اشهدوا يامنتدى دمنهور اين لجنه الحكااااااااااااااااااااا م من هذه الموقف فى فريق الحمام والأمن مش عارف يوقف الطوب وفعلا الأمن معزور احنا فى وسط بدو وفى وسط عرب وعاملين يضربوا فينا واحد ورا التانى والحكم واقف فى نص الملعب مش عايز يلغى الماتش ياشباب ياجماعه كلكوا عارفين ان فى الدور الأولانى اتلغلت مباراة المنصورة والمالية فى الدور الأول لصالح الماليه 2صفر فى ملعب المنصوره عشان اتزقل طوبة واحده وجات على الحكم فاتلغى الماتش انما الطوب يجي على اللعيبة وعلى الجمهور ميتلغاش الماتش هوه ده العدل ياهلاوى ؟؟ هوه ده العدل ياعم حدينى؟؟؟؟؟؟ هوه ده العدل يامشرفين المنتدى ؟؟؟ هوه ده العدل ياجمهور الكوره المصرية ؟؟ هوه ده العدل ياصاحبى يالى بتقرأ الموضوع الوقت ؟؟؟؟؟؟؟؟؟؟؟
اقسم بالله شوفنا الموت بعنينا امبارح فى الحمام كنا هنموت كلنا مش ممكن ده كانت حرب المهم منظموا المباراه بعتوا جابوا أمن ذيادة وسيطروا على الموقف والاسعافات شغاله بتنقل فى جماهير المنصوره والحكم المنة لله حسبى الله ونعم الوكيل فية كمل الشوط الأول عادى وانتهى بفوز المنصوره واحد صفر وطبعا لعيبه المنصوره معرفتش تدخل الغرفة بتاعتها فى الاستراحة الا لما جة الأمن ودخلهم بنفسة فى وسط تزقيل الطوب المهم فى الاستر احه طلع اللواء ابراهيم مجاهد بنفسة الى المدرجات بتاعت المنصوره وقعد يقول لجمهور المنصوره معلش وعشان خاطرى متردوش عليهم وشجعوهم وقولوا حمام ولو زقلوا عليكوا طوب محدش يزقلهم وفعلا والله العظيم تلاته جمهور المنصوره قعد يقول حمام حمام وقعد يشجع الحمام وفى اخر الشوط التانى بدأ جمهور الحمام يشتم فى جمهور المنصوره ويزقلوا طوب تانى لان ماعتش الاخمس دقايق على نهايه المباراه وطبعا ازاى المنصوره تكسب لازم يعملوها حرب وبدأوا يزقلوا طوب وصابوا ناس تانية من الجمهور وجت الاسعاف تانى تشيل فى المصابين وفى الدقيقه 43بالظبط من الشوط التانى قام مجدى طلبه ادارى نادى الحمام وشاور لجمهور المنصوره بصوابعه وعمل 3 يعنى بيقول ان خلاص سموحه كسبت طلخا 3 وانتهى الماتش ومنتوش صاعدين وطبعا ده استفز جمهور المنصوره جدا قام الحكم موقف الماتش وقام طرده وبعد مطرده يقوم جارى ادارى الحمام الهوه مجدى طلبه على ياسر الكنانى ويقوم ضاربة بالألم فى وسط الجهاز الفنى للمنصوره واالجهازين الفنيين مسكوا فى بعض واللعيبه الحتياطيين بتوع الحمام جروا وشالوا الرايات العصيان البتبقى موجوده عند زاويه الكورنر وجروا ورا لعيبه المنصوره الاحتياطى وضربوهم والماتش شغال والحكم المنه لله حسبى الله ونعم الله وكيل فيه شايف كل حاجه ومكلمش ومكمل الماتش عادى جدا ولاكأن فى حاجه وفى الوقت الضايع بدأ جمهور الحمام بتزقيل احمد سند بالطوب وكسروا التنده بتاعت كراسى الجهاز الفنى واحمد سند مسكها ووداها اللحكم والحكم عمل نفسه مش شايف حاجه واطلق صفاره نهاية المباراه بفوز غالى للمنصورة وتبدأ الحرب للمره الثالثه وقام جمهور الحمام بالنزول لأرض الملعب وجرى وراء لعيبه المنصوره وتزقيل فى المدرجات وفى الملعب وكأننا يهود والعساكر استخدمت العصيان وكل ده وجمهور المنصوره بينزل عليه الطوب من كل ناحيه وقاعدين موطيين على الأرض عشان الطوب يجي بس فى دهرهم وفى الملعب بيجروا ورا لعيبة المنصوره والأمن اول حاجه عملها جرى على الحكم دخله الغرفه بتاعتة وبدأ الأمن يسيطر على الموقف على المغرب كده والدنيا ليلت علينا واللواء ابراهيم مجاهد طلع لينا المدرجات وطلب من الأمن انه يعمل احتياطاتة واحنا خارجين وفى بعض الناس قالت ان جمهور المنصوره هيطلع على محافظة مطورح يبات ليله هناك لحد مالأمور تهدى لان البلد كلها كانت مستنية الجمهور بره ومحضرين عربيات نص نقل ولمين اهل البلد عليها واقفين بشوم والراح ملعب الحمام اكيد عارف انا بحكى على ايه اقسم بالله كنا واقفين فى الملعب خايفين من الطوب البيتزقل علينا من ناحيه ومن المنظر البره الملعب من ناحيه تانية البلد كلها مستنيانا نخرج وطبعا قلقنا جدا ولكن خدوا قرار بعد كده اننا نروح فى وقتها وبدأ الأمن يخرج جمهور الحمام خالص من الملعب وبدأوا يعملوا كردون خارج الملعب ونزلونا من المدرجات ووقفونا تحت شويه قبل منخرج من الاستاد عشان يأمنوا الشارع بره المهم وخرج معانا العساكر والظباط والأمن وركبونا الأتوبيسات وواحنا خارجين برضه زقلونا بالطوب ووصلنا الأمن لحد برج العرب واحنا كملنا ورجعنا هنا على الساعه 1بليل ده يرضى مين؟؟؟؟؟؟؟؟؟؟؟؟؟؟؟؟؟؟؟؟ بشرع مين الحصل دة؟؟؟؟؟؟ فين اتحاد الكوره؟؟؟؟؟؟؟؟؟؟؟؟؟؟؟؟ رجعنا امبارح زعلانين بعد ماكنا ناويين لو كسبنا هنرجع المنصوره نعمل احتفالات لانة ماتش صعب رجعنا معيطين رجعنا لقينا الدنيا مقلوبة فى المنصوره وقرايب الناس الكانت فى الماتش واقفه فى النادى مستنية الناس وهى جايه وكنا فى رعب ده كوره قدم؟؟؟؟؟؟؟؟ فى مباراه زى دى حصلت؟؟؟؟؟؟؟؟ محصلتش ولاسمعنا عنها؟؟؟؟؟؟؟؟ اكتر حاجه حصلت كانت بين الاهلى والاسماعيلى والحصل كان حصل للعيبه لكن وماتش البلدية وسموحه الجماهير نزلت الملعب ومزقلتش لكن جمهور ينزل الملعب ويضربوا اللعيبه وباقى جمهور الحمام يزقل جمهور المنصورة من المدرجات والبلد كلها لامه عربيات ومستنيانا بره ده محصلششششششششششششششششششششش شششش محصلششششششش اهوه ده جمهور المنصوره البيتقال عليه جمهور متعصب امال جمهور الحمام يبقى ايه احنا شوفنا الموت بعنينا والحكم ملغاش الماتش لية ولااحنا عشان بلد غلابة يتلغلنا احنا ماتشنا على سبب محصلش اصلا واحنا فى الحمام كنا هنموت والماتش متلغاش فين اتحاد الكوره الدولى والله والله الدولى فيييييييييين؟ عشان يلغى فريق الحمام ده خالص مينفعش اصلا الملعب ده يتلعب فيه كوره ولاينفع البلد دى يتلعب فيها كورة ده عرب ملهمش ديه والله مليهم دية الحصل لينا ده اية؟؟؟؟؟؟؟؟؟؟؟؟؟ الحصل فيبنا ده حد يرضاة والأخر تقولوا من حق سموحه انها تصعد اقسم بالله بسبب الماتش ده المنصوره المفروض التصعد بعد الحرب دى وانشاء الله هتصعد عشان الظلم البيحصرنا ده انشاء الله هنصعد وحسبى الله ونعم الوكيل فى كل واحد ظلمنا وبيقف قصادنا احنا مطلعين لاعيبه لمصر كلها وخيرنا عليهم والمفروض نصعد من السنه الفاتت لكن الأولمبى صعد بالكوسة برضه انشاء الله المنصوره هتصعد ياريت الكل يدعلنا لأننا والله اتبهدلنا وطبعا بشكر الأمن لأن لولاة كنا متنا الأمن عمل العليه وذيادة والله ووقف معانا لحد موصلنا اسكندرية وعملنا معامله كويسة جدا وصعبنا عليهم لكن السبب فى كل ده اهل مدينة الحمام وجمهور الاسكندريه وبتمنى من مودرن قناه مودرن العادلة انها تزيع الماتش بالكامل بدون حذف عشان مصر كلها تشوف الحمام عمل فينا اية وبصوا انا كدة خلصت وهسيب ليكم الحكم ومين الأحق بالصعود المنصوره ولاسموحة
من مواضيع : moltey المنصوره تستقر مره اخرى
ثانية واحده ياجماعة هى دمنهور حيرانة كدة لية!!!!!!!!
العنايه الألهيه تنقذ شعب المنصوره من الموت فى الحمام
المنصوره وسموحه واشهد ياعم بوحة
البلدية والمالية أدوا المنصورة الهدية
17-04-2009, 03:11 PM
الأهلاوي دائما
 
الله يكون في عونكم من اللي حصل ده وحسبي الله ونعم الوكيل فيهم وان شاء الله الصعود للمنصوره الحمام ده اصلا ملوش لازمه في الدوري ده كفايه اسمه فضيحه وان شاء الله هينزل السنه الجيه ومش طالع تاني وربنا يصبركم والله مش هقدر اقولك غير كده
من مواضيع : الأهلاوي دائما نداء لجميع افراد الرابطه بعدم حضور الاجتماع
دمنهور يرفض الاستغناء عن لاعبيه ويبحث تدعيم الهجوم والدفاع
مبروك للبترول... وانا بتشرف اني قابلتهم وسلمت عليهم
نتائج الاسبوع السابع عشر... وفوز دمنهور خارج ارضها
فرق الممتاز ب في مواجهات صعبه في كاس مصر
17-04-2009, 06:47 PM
اسماعيل بانجورا
 
مش عارف الصراحه .. يعنى هما يشتموا تشتموا .. هما يحدفوا طوب تحدفوا هههههههه
والله اخر موضه
جمهور اسكندريه يشجع الحمام .. حاجة معروفه مفيش فيها جديد
اولا لانهم اولى بالتشجيع من المنصورة (الحمام ) ( سموحه ) مطروح واسكندريه فدا طبيعى
ثانيا حكاية الامن ( طبيعى جدا ومتعملش مشكلة )
ثالثا منين جمهور الحمام يشجع المنصورة ف البدايه ويقلب بعد ربع ساعه ؟؟؟
رابعا جمهور المنصورة الذواق واللى واقف جنب فريقه لحد الللى وصل له ازاى يرد ع جماهير الغالب قليله جدا
كان الله ف عون الفرق والاعيبه ... وليذهب الجمهور للجحيم
يارب محدش يزعل منى
من مواضيع : اسماعيل بانجورا شريف الخشاب طار ومش راجع تانى
مقابلة لاعضاء وجماهير ومشجعى دمنهور
17-04-2009, 09:01 PM
mazingerzm
 
حرام يكون دة عندنا فى مصر مش معقول تكون دى مباراة كرة قدم دى حرب فى فلسطين لية كل دة ضرب وطوب وعصيان علشان اية علشان ماتش كورة علشان فريق يصعد والاخر لا ناس تموت وناس تدخل العناية المركزة فين اتحاد الكرة المحترم من الاحداث دى على الاقل ملعب الحمام ميتلعبش علية كورة لمدة سنة اقل عقاب على الى حصل عايزين قرارات صارمة مفيهاش محسوبية يا اتحاد زاهر هو خلاص الناس دى بقت فوق القانون وكمان صعد عندهم فريق ثانى من الضبعة اسمه الرجاء يعنى حنروح للموت مرتين لو مفيش رادع
من مواضيع : mazingerzm دمنهور يتخطى بنى عبيد ويواصل تقدمة نحو القمة
بالصور رجال رابطة محبى وعشاق دمنهور فى سمنود
الكروم يستعيد صدارة مظاليم مجموعة بحرى "مؤقتا" ودمنهور يواصل صحوته
ابراهيم المنسى واحمد عبد الرحمن يوقعان لدمنهور واختبارات للاعبين جدد للانضمام لدمنهور
علام: اتحاد الكرة مطالب باتخاذ قرار حاسم بشأن دورى المظاليم
19-04-2009, 02:06 AM
moltey
 
المفروض الحمام ده يلعب درجه ترسو لانة فريق قبيضه اصلا وحظة انه خلاص مواش نازل بس المفروض ينزلو حسبى الله ونعم الوكيل فيهم
من مواضيع : moltey المنصوره وسموحه واشهد ياعم بوحة
البلدية والمالية أدوا المنصورة الهدية
المنصوره تستقر مره اخرى
ثانية واحده ياجماعة هى دمنهور حيرانة كدة لية!!!!!!!!
العنايه الألهيه تنقذ شعب المنصوره من الموت فى الحمام
19-04-2009, 12:40 PM
الأهلاوي دائما
 
والله حرام يلعب كوره الحمام ده كفايه اسمه فضيحه وملعبه عامل زي شونه القطن
من مواضيع : الأهلاوي دائما الى كل شخص فى المنتدى سال عنى بعد ماتش الكروم يخش ويقرا المفيد
ادعولي يا رجاله
فوز دمنهور علي كهرباء طلخا
ليرز البلجيكى يطلب «جدو»
نتائج الاسبوع الثالث عشر
22-04-2009, 03:21 AM
moltey
 
والبلد نفسها مبتشجعش كورة اصلا كل البتعمله فى اى فريق منافس بيبقى عباره هن تعصب وخلاص عندهم تعصب وعادات بدو بطريقه فظيعه لكن هما مش فى دماغهم الكورة وناس بساط جدا جدا لذلك على الأقل وده على الأقل لو هيبقى فى فريق اسمه الحمام ميلعبش فى مدينة الحمام على الأقل وده اقل حاجه تتعمل الحمام ده يلعب فى مرسى مطروح نفسها فى المحافظة يعنى او فى اسكندرية لكن صعب صعب يتلعب فى البلد دى كورة
من مواضيع : moltey ثانية واحده ياجماعة هى دمنهور حيرانة كدة لية!!!!!!!!
المنصوره وسموحه واشهد ياعم بوحة
البلدية والمالية أدوا المنصورة الهدية
العنايه الألهيه تنقذ شعب المنصوره من الموت فى الحمام
المنصوره تستقر مره اخرى
 

الكلمات الدلالية (Tags)
من, الألهيه, الموت, المنصوره, الجمال, العنايه, تنقذ, صعب, في

أدوات الموضوع

الانتقال السريع

المواضيع المتشابهه
المنصوره وسموحه واشهد ياعم بوحة
ثانية واحده ياجماعة هى دمنهور حيرانة كدة لية!!!!!!!!
الكرسى فى الكلوب
رغم انتهاء فصل الشتاء ولكن ظهرت الكوسه فى فصل الصيف
خلف الكواليس........... شبه نهائى

العنايه الألهيه تنقذ شعب المنصوره من الموت فى الحمام

الساعة الآن 02:03 PM