العودة   منتدى نيو حب > المنتديات العامة > الأخبار والحوادث > قضايا واراء

من الفقير للكبير!!!!

قضايا واراء


21-11-2012, 10:25 PM
احمد اسحاق
 
فرصة من الفقير للكبير!!!!

[IMG]http://www.*************/dam3at_7ozn/ekccwarat/alslam.gif[/IMG]






من الفقير للكبير!!!!




ربنا يحميك ياكبيرنا الله يكون في العون مش عارف انت مستحمل المعجنة والاستهبال ده ازى ليل ونهار نازلين طحن فيك...معلش ياكبير ليهم يوم هيكون اسود من قرن الخروب..نفسى اغمض عينى وافتحها ألقيهم اتحرقوا وليس لهم وجود تصدق ياكبير نفسى استمتع برغيف العيش وحلاوته مش عارف وده بفضل جهود حكومة الثوره اللي شغلها بان من اول يوم. دلوقت بقى مفيش تهريب للدقيق من اى مخبز فى مصر.مائولكش ياكبير على طعم الرغيف ده انا وعيالى بنكلوه حاف من حلاوته..راحت ايام الطوابير بتاعت العيش الله لايرجعها..معلش متزعلش من اللي عاملين يهاجموك دول عالم ناقصة تربية ياكبير.. تصدق ياكبير وانا عارف انك هتصدق البت حفيدتى بتشكرك لانها من شهر تسعة مش عارفة تعمل عملية اللوز عشان الاضراب!معلش ياكبير اللي بيستعبطوا ويحللو كل كلمة بتقولها خليهم يستهبلوا بكره تيجى على دماغ اهليهمابواشرف جاري بيدعيلك قبل ماينام على عودة الامن والامان عشان من كام يوم كان واقف فى البلكونه وعربيته قدام عينه وفجأه لقى اللى بيفتحها فى عز النهار وخدهاوفك..وام اشرف ترقع بالصوت وابو اشرف اتهف فى عقله.ابن المجنونة وراح قال ايه يعمل محضر. قالوله تدفع كام!لسه الشغل زى الفل فى كل الاقسام! وقاعدين بيحرسوا بعض! وعربيات الشرطة بتاخد الحريم يشتروا الخضار من السوق واخر مرة الناس شافت عربية الشرطة امبارح كانت مع مدام في سوق دربالة بتاع اسكندرية وسيبنانخبط رسنا وراس اللي خلفونا فى الحيط! معلش ياكبير خليهم يستهبلوا.اصلهم بيقولوا عليهم علمانيين وليبرالين وكفــار.معلهش ياكبير خليهم يسوقوا الهبل شوية ..وانا وجيرانى وصحابى كل يوم بنعمل عزومه وبنعزم كل الاهل والاحباب وعينك ماتشوف الاالنور.السفرة بتبقى مليانه من خير حكومة ثورتنا..اصل الاسعار رجعت زى زمان وتقدر تقول أقل كمان!معلش ياكبير خليهم يستهبلوا الظاهر والله اعلم اخرتهم قربت .الواد ابن القرعة المعفن ابن الاسطى فتحى الحلاق قال ايه مش عاجبه موضوع السلفة ودايما يعايب عليك ويقولى ازاى رايح يستلف اقل من خمسه مليار وعنده فى طره (ناهب المليارات) ابو علاء ده لو ميل عليه حبه يبعت يجبله كام مليار من بره وينغنا ويزقططنا معاه! هو الكبير بيعمل كده ليه ومقعد ابو علاء زى الملك تكييف وميه وكهربا كله تحت رجليه واحنا واهل حارتنا ليلة العيد مكنش عندنا ميه! قلت له بس يابوجهل دى سياسة الكبير..صحيح شعب جاهل صدق اللي قال لسه بدرى عليكم انتم غير مؤهلين للديمقراطية .انتم كنتم تحلموا تصرفواانبوبة الغازببطاقةالكترونية والا عشان ابوك ماأستلمش بطاقة الانبوبة تقعد تعايب على الكبير! معلش ياكبيرخليهم يستهبلوا. ياه كنت هنسى..كان نفسى اصورلك مدرسة بنتى مدرسة غيط العنب الابتدائية اللي فى غيط العنب بصراحة لا شوفنا غيط عنب ولا منجة مائولكش حاجة اخر منجهة! ياكبير المدرسه زى الخرابه وبصراحة الخرابه احسن منها والا الشارع اللي مودّي ليها تقولش حوارى بنجلاديش ولا مدقات صحراء الصومال! والتعليم عال العال! كل حاجه بفضل حكومة عمنا اللي منور الدنيا الحاج قنديل..والنموس رحرح وبقى كتير بعد مامطرت فى الميادين ومش قدرين نشترى علبة رش بسبب جيوبنا الفاضية ودلوقت بنام وبدعيلك من مكان مدعاش منه قبل كده انسان .من تحت السرير ياكبير بسبب النموس.ملعون ابوالفقر!ورغم فقرى بدعيلك يرفع الله من شأنك ويعينك... ويرفع كربنا وكربك ويقطع لسان اللي يمسك بكلمة ولامؤاخذة...













ولنا لقاء لمن يعيش
اخيكم / احمداسحاق
من مواضيع : احمد اسحاق من الفقير للكبير!!!!
 

أدوات الموضوع

الانتقال السريع

المواضيع المتشابهه
هل الفقير لا يعيش في هذة الدنيا؟
الغني و الفقير
واخير بعد انتظار اغنيه الفقير والغنى مع محمد الصغير ونجوم بهتيم اسمع الاغنيه دى واحك

من الفقير للكبير!!!!

الساعة الآن 10:10 AM