xpredo script

العودة   نيو حب > المنتديات العامة > الحوار المفتوح
التسجيل

مواقف دراسيه لا تُنسى

الحوار المفتوح

10-05-2009, 01:02 AM
مواطن عربى
 
Eyelove مواقف دراسيه لا تُنسى

السلام عليكم
اليوم الموضوع فى شوية شئاوه ( شقاوه )
اليوم مطلوب من كل عضو عاوز يشارك فى الموضوع ان يحكى على موقف او اكثر حدث معه فى اثناء الدراسه
طبعا هيجى واحد ويقول لى إبدأ بنفسك
ماشى
رغم ان ده كان ايام الدراسه يعنى مر عليها سنين وسنين ولاكن هذا الموقف لا ينسى أبدا
ابدأ
كنت اثناء الدراسه فى الثانويه البحريه وكان المُتخرج بمجموع منها يستطيع الالتحاق بالاكادميه البحريه بالاسكندريه مباشرة بدون اى تكاليف
اما الان ؟؟المُتخرج منها ممكن يروح يئعد جنب إمه مواقف دراسيه لا تُنسى
كان عندنا مُدرسة انجليزى من زوات الجمال الربانى يعنى بدون مكياج ولا يحزنون ...وكانت من الحى الذى ولدت فيه واسكنه
وكان اخوتها اصدقائى ولكن كانو يكبرونى بفارق بسيط
المهم وفى ذالك اليوم تغيب احد المدرسين عن الحضور
وقامت الاداره بجمع فصلين على بعض ووضعهم بفصل المعمل لانه يتسع لأكبر عدد
وقامو بتعيين هذه المدرسه على الفصلين لإعطاء حصة إنجليزى
ولكبر العدد فى الفصل حدث هرج ومرج وكلام فى الفصل وشغب
وكنت جالس فى الصف الاول بجوار الباب
ولان المدرسه تعرفنى جيدا واخوتها اصدقائى كنت مؤدب جدا جدا فى الفصل على غير العاده مواقف دراسيه لا تُنسى
ومن كثرة الشغب ذهبت المُدرسه للإستعانه بمدرس من الاداره للسيطره على الفصل
وجاء معها مدرس اللغه العربيه وكان منشى ومحفلط وايضا كان قصير القامه مواقف دراسيه لا تُنسى
واول ما دخل الفصل حتى يسيطر عل الفصل ويبين لها إنه عنطر إبن شداد ويترسم عليها أعد يزعق ويهزء فى الفصل ولأنى كنت بجانب الباب قام المدرس وهو ماشى بضربى بالقلم على وجهى وكانت قويه
وما كان منى إلا اننى بدون شعور وبرد فعل غير إرادى قلت له بتضربنى يا إبن المره ال(...)ورُحت ضربه بالقلم على وشه وركله فى بطنه وتشاجرنا سويا والفصل حدث فيه هرج كبير وزيطه وزمبليطه وزعيق وتصفير من الطلبه وبعضهم ساعدنى فى الضرب من تحت لتحت بحجة إنه بيفض الخنائه وتقطعت ملابسى وملابسه
وتجمع المدرسين والاداره وقامو بأخزنا للمدير
وهناك فى مكتب المديرعندما رئيت وجه المدرس بجد صعب عليا لان كان بها خدوش نتيجة ضرب وخربشة أظافر منى ومن الاخرين
وجاء المدرسين وبعض الطلبه ليدلو بشهادتهم للمدير وكانت من بينهم المُدرسه وللأسف شهدت ضدى مواقف دراسيه لا تُنسى
وقال المدير للمدرس توجه الى المستشفى وهات تقرير طبى
وقامت الاداره بفصلى لحين حضور ولى الامر مواقف دراسيه لا تُنسى
وخرجت من المدرسه ومش عارف هئول لوالدى إيه لما هروح وجائنى مُدرس التكنولوجيا على باب المدرسه وقال لى إنت هتروح فى داهيه ويمكن تتمنع من دخول الإمتحان فأحسن ليك إنك تروح تعمله محضر فى الشرطه وإنت لسه زى مانت كدا 0( باين أن المدرس ده بيعزالمدرس التانى شويه مواقف دراسيه لا تُنسى)فزهبت الى الشرطه لعمل المحضر واستدعت الشرطه والدى رحمه الله ( وده مكنش فى الحسبان إن يجيبو والدى ) آه الدنيا هتطربق فوق راسى مواقف دراسيه لا تُنسى
وإستدعت الشرطه المدرس وفى قسم الشرطه حدث ان هذا المدرس تعرف على والدى وطلعو أقارب من بعيد يعنى أبن خلت خالت ست ستى ؟؟؟؟؟؟؟؟؟؟؟؟؟؟ ومكنتش اعرف إنو أريبى
فتفقو فى قسم البوليس إنى اتنازل عن المحضر وهو يتنازل عن التقرير الطبى ويتم الصلح نظير إنى اقوم بألأعتزار له فى طابور الصباح ( يعنى اكبره كدا بالبلدى )
وهنا حسيت ان والدى ظلمنى ظلم كبير جدا وصعبت على نفسى جدا
واقسمت انى لن اصالحه ابدا
وفى اليوم التالى قام مدير المدرسه بإلقاء محاضره عن الأدب وإننا لابد من إحترام المدرس وحجات من إللى بيقولوها فى المواقف دى وبعد ما إنتهى من المحاضره قال فى المكرفون
على الطالب ( ............) ان يحضر إلى المكرفون ويعتزر للمدرس وإنى ابوس رأسه( أل أعتزر أل وكمان ابوس رأسه هع هع)
وساعتها حسيت إنى بتخنأ ومتضايق جدا جدا وانه وقع على ظلم كبير جدا جدا
فما كان منى إلا ان توجهت إلى باب المدرسه وخرجت من المدرسه دون ان أُنفز ما إتفقو عليه لأنه كان بالنسبه لى حكم بالإعدام
فما كان من ألإداره إلا ان قامت بفصلى وإستدعاء ولى أمرى وإبلاغه بما حدث
فقام والدى بألإعتزار للمدرس فى غرفة المدير وسوا الأمر بينهم وإتفقو على عودتى بعد فصلى من المدرسه لمدة 15 يوم
ومرت الايام وعُدت الى الدراسه ومشيت الايام
وبعد مرور حوالى 50 أو 60 يوم كان المدرس ده هو المشرف وكان يتفقد الادوار والحوش والكنتين وكنت انا مزوغ من حصه وجالس فى الكنتين بشرب شاى وبدخن
وفجأه لقيت هذا المدرس امامى
وقال لى طيب اعمل فيك إيه يعنى يعنى اعمل فيك إيه دلوقت
فبتسمت وقلت له ولا حاجه دى سيجاره و واحد شاى وهروح الفصل وإبتسمت إبتسامة إحراج
فجلس بجوارى وأعد يدينى فى حكم ومواعظ وفى الاخر اخد علبة السجائر وقال لى روح الفصل وانا لى تصرف تانى مع الحاج والدك
ومر يوم وتانى وانا مستنى والدى يفتح الموضوع ويدنى شويه فى اجنابى لكن لم يحدث
لأن المدرس طلع جدع معايا ومئلش حاجه لوالدى مواقف دراسيه لا تُنسى
من مواضيع : مواطن عربى من أراد أن يرى جهنم فليدخل
كم الفرق بينكم ولماذا ؟؟
احنا بتوع كله
أُريدها اُنثى ولاأُريدها ؟؟
علاج مرض الصدفيه
10-05-2009, 02:39 AM
جراح قلب
 
هههههههههههههههههههههه
موضعك جميل
وليه ذكريات جميله
بس الاولاد هما اللىبيكون ليهم مواقف صعبه
بصوره واضحه
لكن البنات غلابه لايزيدوا ولا يعيدوا
بالعكس ممكن يقع عليهم الظلم

من مواضيع : جراح قلب اليوجينيـــــــــــــــــــــــــــــــــا
السعال والانفلونزا...!!!!!
فلسفة أعجبتني...!
ارجوا الدخول والاهتمام لما سيقال
عروس تدعوكم لمشاهدتها....؟؟؟؟؟؟
10-05-2009, 02:48 AM
سندريلا الزمالك
 
ههههههههههههه , لا لا لا بجد يا أستاذ مواطن ضحكتنى قوى.
و أحيى فيك عزة نفسك مع إن ممكن حد تانى يغلطك , بس أنا مبحبش إسلوب المدرسين ده هو إل جابو لنفسه.
من مواضيع : سندريلا الزمالك إعرف بعض صفاتك
<<< إعرف شخصيتك من مشاهدتك للتلفزيون >>>
<< برج الحوت >> ... إهداء إلى ملاك
معلومات عامة ومهمة .....( 2 )
<< برج السرطان >>
10-05-2009, 02:53 AM
سندريلا الزمالك
 
مش بالضبط يا جراح , يعنى انا ليا مواقف بس ممكن لو قراها حد ياخد عنى فكرة غلط إنى مشاغبة مع إنى طبعى هادى ومؤدبة.
بس إن المدرسين هما إل بيوصلونا لكده.
من مواضيع : سندريلا الزمالك خدوا بالكم من حركاتكم .....!
الحيل الدفاعية .... (الجزء الأول)
نصيحة فى محلها.
<< برج الميزان >>
اختبار نفسي عالمي رائع لتحديد الشخصية من بين 16 نمط
10-05-2009, 10:52 AM
مواطن عربى
 
اقتباس:
المشاركة الأصلية كتبت بواسطة سندريلا الزمالك
مش بالضبط يا جراح , يعنى انا ليا مواقف بس ممكن لو قراها حد ياخد عنى فكرة غلط إنى مشاغبة مع إنى طبعى هادى ومؤدبة.
بس إن المدرسين هما إل بيوصلونا لكده.
شكرا سندرلا على المرور
ولو عاوزه تحكى احكى إحنا خلاص من غير ما تحكى اخدنا فكره انك شقيه ههههههههه
وعلى فكره المدرس ده من بعد الدراسه اصبح معرفه جامده جدا معايا
والان هو راجل كبير فى السن بشوفه فى المسجد راجل مُسن جدا
لان انا طبعا كبرت واتجوزت وخلفت واولادى دخلو المدارس
من مواضيع : مواطن عربى لحظات انوثه أم لحظات ؟؟؟
الجاسوس الذي مات مرتين..ملفات الجاسوسية
مواطن عربى ...وحكاية صديق
سؤال للبنات فقط
أُريدها اُنثى ولاأُريدها ؟؟
10-05-2009, 02:33 PM
تـيـنـهـيـنـان
 
هههههههههه ،،
مثل ما قالت جراح ،، و لا مواقف بالرعب هذه القصة
مواقف بسيطة ،،


من مواضيع : تـيـنـهـيـنـان ...........اب مع ابنه ............
موقف لا يمكن نسيانه
اجمل شعور في العالم ..........
شوفو الطفل الياباني شو عمل في الامريكان
اللغة الشبابية
12-05-2009, 03:46 PM
احلام مايا
 
انا هتجرء واكون اول واحده تحكى لان انا شويه جريئه
كنت فى الثانويه وفى العام الثانى وكنت ومازلت جميله ههههههههههههه
وكان ابى يوميا يوصلنى إلى المدرسه وينتظرنى ليأخزنى بعد الدراسه
وكان ومازال والدى شيك ولا يظهر عليه انه والدى ( عيوق ) وعلى فكره والدى افضل صديق لى
والهظار إللى بهظره معاه مأجرئش أهظره مع حد تانى وهو لغاية الان حنون جدا عليا انا واولادى
وفى يوم جاء المدرس المسؤول عن الفصل وقال لى إيه إللى بيحصل ده مينفعش كدا إللى بيحصل ده كل يوم أمام المدرسه لازم يكون فى شوية أدب وإحترام ونهرنى بشده امام الفصل
فقلت له هو فيه إيه يا إستاذ علشان تقول ده كله
قال لى يعنى إنتى مش عارفه فيه إيه طيب . تيجى مكتب المديره بعد الحصه
ومشى المدرس وهو متضايق جدا جدا
فذهبت الى مكتب المديره وكان بإنتظارى هناك هذا المدرس
فقالت لى المديره يابنتى إنتى مخطوبه
قلت لا
فقالت لى المديره يا بنتى دى مدرسه محترمه ومينفعش إللى انتى بتعمليه ده
حاولت ان افهم من المديره
فقالت لى الشاب إللى بيسناك كل يوم ويخدك فى عربيته ده
حاولت ان افهمهاان مفيش شباب بيستنانى فرفضت ان تسمعنى
على العموم تيجى غدا ومعاك والدك ولو مجاش والدك إنتى مفصوله لحين حضوره
فذهبت منهاره جدا للبيت وحكيت ما حدث لوالدى وقال لى انا غدا هاجى معاك واشوف ايه الحكايه
وفى الصباح جاء ابى ليوصلنى كالعاده وامام المدرسه كان بيركن العربيه ومر المدرس وتهكم عليا وقال إيه البجاحه دى انتى محرمتيش
دخلت انا وابى الى المديره وعرف ابى المديره بنفسه وجلس لحين حضور المدرس
وجلست بجواره
وخرجت المديره تتكلم فى المحمول على الباب
جاء المدرس بعد شويه
وعندما رئى ابى قال له لغاية هنا انتى جاى إيه البجاحه دى يا اخى إتلمو شويه حرام عليكو دول ولاد ناس
وكان المدرس سريع الكلام ومتنرفز جدا
فقال له ابى إيه الحكايه يا إستاذ قال له مينفعش كدا يا اخى عاوز توصلها لغاية باب المدرسه طيب متخش لغاية جوا احسن
قال له ابى ايه الحكايه يا استاذ انت عاوز تقول ايه متخلنيش اتنرفز عليك
قال كل يوم بتوصلها لهنا وكمان بتجيلها بعد الدراسه هو فيه ايه
دلوقت الناس تقول إيه على المدرسه
روح اخطبها يا سيدى طالما انتى بتحبها كدا
فقال له بحب مين يا راجل انتى واخطب مين يا متخلف انتى دى بنتى يا بنى ادم يا متخلف
فقال المدرس بنتك هههه طيب هات البطاقه وريهانى
فقام والدى بإعطاء البطاقه للمديره
فقام المدرس باخزها منه
وهنا كانت الطامه الكوبرى إحمر وجه المدرس وإصفر وبقى مش عارف يئول إيه
فضحك والدى وقام اخز المدرس فى حضنه حتى يزيل خجله
فبتسمت المديره وقالت للمدرس خلى بالك يا إستاذ سامى تانى مره من كلامك
وقال المدرس والله انا اسف جدا مش باين عليك إن حضرتك والدها خالص السن مش باين
ومن يومها اصبحت فتاه الفصل المدللة عند الاستاز سامى ومئولش ليكو على المعامله بقت إزاى
من مواضيع : احلام مايا شكرا _مشكورين _موضوع حلو _ تسلم ألأيادى _ وفى الاخر الكلمه الطيبه هى الهدف
معروف وإحسان ندمت عليه
كاتب وموضوع .........واحلى أعضاء
الويل لكم يا يهود
إبتسم أنت على قيد الحياه
12-05-2009, 11:19 PM
جمال على
 
بسم الله الرحمن الرحيم
السلام عليكم ورحمة الله

فى صباح كل يوم ونحن فى طابور الصباح .ويبدا زميلانا محمد عبد الحميد البحار
فى قرأة القرآن الكريم فى إذاعة المدرسة
تجد سكان حى المعادى الراقى جدا يتحركون بالتصوير البطيىء وبصمت مهيب
حتى يمتعوا أرواحهم وآذانهم بهذا الصوة الشجى المدرب
وكنت تجد صمت رائع فى الطابور

كانت مدرسة الرياضيات انتقلت إلينا جديد
متعجرفة ومتسلطة وتنظر إلينا من أعلى
تنظر إلينا بأحتقار وكأنها بنت الباشا ونحن أبناء الفلاحيين الرعاع.
ليس لنا عندها سوى الشرح بوجه عابس لا تضحك ولا تشجعنا بكلمة
فى يوم الفراش أخبرها بأن لها تليفون عند المدير
وذهبت للتحدث فى التليفون ، وأنطلق صوة محمد البحار يتلو آيات القرآن الكريم
عادت المدرسة ولكنها لم تدخل الفصل وظلت واقفة لفترة
وحين دخلت سكت زميلنا البحار .فسألت من الذى كان يقرأ
قال أنا يا أبله .فتبسمت لأول مرة وقالت صوتك رائع
قاللها أنا أذهب مع شيوخ محترفين نقرأ فى المناسبات الدينية
وأتعلم منهم حرفية القرأة وأصولها.
فتشجعنا وقال زميل مش عبد الحميد بس يا أبله أحنا فصلنا فيه مواهب كتيرة
نصر وحمدى أبو راضى وحمدى ذكرى من أشبال النادى الأهلى
وجمال فنان بياخد جوائز فى الرسم
وظلت المدرسة تسأل كل منا أسئلة تدل على ذكائها ودرايتها بأمور كثيرة
ولآنى أعشق المرأة الذكية فقط صفحت عنها وتاجاوزت عن غلاستها السابقة
وأيضا زملائى أحسوا بنشوة النصر حين تغير إسلوبها معنا جذريا
وظلت تعاملنا بإحترام شديد الى نهاية السنة
كان هذا فى الأعدادى.
شكرا لكم.
من مواضيع : جمال على رسالة من شيقيقتى الكبرى للسيد/ أرد وغان
مطلوب توقيع مليون مسلم فورا لنصرة رسول الله
مصطلحات صهيونية ............نتداولها للآسف......
كزانوفا حى يرزق ولم يمت وأنا أعرف مكانه الآن
العناكب
 

الكلمات الدلالية (Tags)
ما, مواقف, تُنسى, دراسيه

أدوات الموضوع

الانتقال السريع

المواضيع المتشابهه
مواقف طريفة ..
مواقف مواقف مواقف كله طرائف (برضة للبنات هههههههه)

مواقف دراسيه لا تُنسى

الساعة الآن 06:57 AM.