xpredo script

العودة   نيو حب > المنتديات العامة > الحوار المفتوح
التسجيل

تعالوا نتذوق الفن...!!!

الحوار المفتوح

12-05-2009, 08:41 PM
no_wonder
 
كاتب تعالوا نتذوق الفن !!!

تعالوا نتذوق الفن


الفن...يعنى ايه فن...؟يعنى ايه موسيقى...؟ يعنى ايه جيتار او طبلة...؟ ومين هو بيتهوفن...؟ يعنى ايه لوحة...؟ يعنى ايه موناليزا او بنات اسكندرية (توقيعى)...؟ يعنى ايه رقص...؟ يعنى ايه باليه ورقص ايقاعى...؟ يعنى ايه اغنية ...؟ مين فيروز...؟ مين حليم...؟
...بسأل كتير مش كده
الفن مش معناه مود موسيقى او حبة كلام على قافية واحدة او شوية الوان على لوح قماش
الفن ده موضوع كبيييير جدا
__________


هابتدى معاكو باقرب فن لينا وهو فن الاغنية

الله على فيروز وهى بتقول
وانا عينى على الحلا والحلا ع الطرقات-
...اغنى له غنيات
وهو بحاله مشغول

ويا سلام على عمرو وهو بيقول
-دب دب طاخ طاخ (طبعا مسروق)
ليلى نهارى تعالى حبيبى


ايه اللى جاب ليله فى نهاره لحبيبه مش فاهمة انا
انا كنت من محبى عمرو واعترف بس القديم
دلوقتى انا زعلانة منه والله

طب يا سلام بقا لو نسمع نجاة وهى بتقول...:
-انت تقول وتمشى وانا اسهر مانمشى...(دلع)


الله عليك يا تامر يا نجم الجيل بقى وانت بتقول
-وحياة امى.....(اوعى تكون هاتشتم...لايمكن تكون دى اغنية)
او
-والنظرة جابتنى جابت اهلى....(جابت اهلك فين ان شاء الله...؟)

حتى ان جابت اهلك لحد بيتها ده اسلوب...؟ انا حاسة ان دى شتيمة مش اغنية وماتجيبش سيرة الاهل ادينى بقولك اهو
واعترف برضه ان زمان قلت عليه مغنى موهوب وكنت بحبه جدا يمكن شفته قبل حتى ما يعمل اول شريط ليه مع شيرين
فى قناة النيل للمنوعات واعجبت بيه جدا جدا ولسه حتى الان فاكرة البرنامج ده
بس ليه كده معرفش...وليه يشوه موهبته
ولو دى بداية اسلوب جديد فى الغناء هاتكون ايه نهايته...؟ (ربنا يستر)
ولو ده نجم الجيل انا هتبرا من الجيل
لان كده الجيل بيضيع مواهبه فى كلام فاضى

ويا روحى يا عبد الحليم والله عليكى يا ثومة برغم انى ماقدرش اسمعها لان ده عصر السرعة زى مابيقولوا واتعودت على كده للاسف
بس لو سمعتها بتوه واحيانا بكون رايقة وبسمع.....الكلام متنقى...اللحن عالم تانى تحب تحفظ الاغنية تحب ترددها
وطبعا عندنا فيه ناس بتفهم او لسه بيفهموا يارب مايتحولوا
زى محمد منير اغانية مميزة ومصرية جدا
وفيه فنان جديد اسمه ادم يارب مايتهور هو كمان
لكن للأسف ضاعوا فى وسط الدوشة والزحمة والسرقة او الاقتباس عشان فيه ناس بتزعل

احنا خنقنا الاغنية العربية
________


ودلوقتى بقا من سمات الشباب والروشنة او ماعرفش اسمها ايه دلوقتى...
انك تسمع اغانى اجنبى
نصصصصها او اكتر شتايم....ياربى....
شتايم وقبيحة كمان
حد ياجماعة يا عاقلين حاول يسمع اغنية ويترجمها كده...؟؟؟؟؟؟
هاتتخضوا....
يالهوى ايه الكلام ده.....عيييييييب....
مش لينا الاغانى دى يا اخوانا طب هما قلالات الـــــــ.... احنا نعمل زيهم...؟
ياه...ضرب وخبط ورزع وتنطيط وسرقة ومجرمين وخيانة .. ده كله وانت بتسمع (مش فيديو كليب ولا حاجة)
ده اللى انت بتعيشه لما بتسمع الكلام ده
وبحس ان المغنى بيتفتف فى وشى
(الفيديو كليب حاجة تانية ومش صحى نتكلم فيه - حسبى الله ونعم الوكيل)
هو ده الفن...؟؟؟؟؟؟
واسأل اى حد عن الكلاسيكيات القديمة هاتلاقية تنح
اسأله عن سيناترا والان ديلون
طب اسألة عن صناع الاغنية
اسألة عن الفيس (the king)
بلاش القديم...
اسأله عن سيلين ديون هايقولك تيتانيك
عن التون جون... ديانا روس عن بريان ادامز
....ابييييييييييض....
برغم ان اجمل الاغانى سمعناها منهم واحلى الاصوات على الاقل تحس هما بيقولوا ايه
بس طبعا دول يعرفوا فيفتى سينت ... و امينم ... وجاستين ... واغلب كلامهم وجع دماغ مش فن ابدا
لاننا مش بناخد بالنا بنهز دماغنا وخلاص زى ماتقولوا كده موجوعة موجوعة
...يارب يجيلى ارتجاج فى المخ...اهو بقى-
ونادرا ماحد يحفظ اغنية
__________


ولا الاغانى الشعبية بسمعها وبعيييييييييييييييييط
على اللى راح
الله يرحمك يا سيد درويش
وعلى رأيك يا عدوية
زحمة يا دنيا زحمة
وتاهوا الحبايب.....

ولا تعلييق على الاغانى الشعبية
__________


ايه رأيكو بقى فى الاوبرا يا جماعة
دى بقى موال تانى وعالم خيالى لو دخلته هاتخلى كل خلية فى جسمك تحس مش قلبك بس
كل لحن كل نغمة احساس صافى
شىء خيالى بنعيشة...
وللاسف انا عارفة رأى الشباب فى الاوبرا
صويت وناس تخينة...
حاجة تضايق مش كده...؟
او يمكن ارتبطت الاوبرا معانا بفئة معينة من الناس
الارستقراطيين المثقفين ...
مش اى حد يعنى يفهم اوبرا
ليه هما دول عندهم دماغ والشباب الرايق الجميل ده لا...؟
وكما القراءة للجميع...
الفن ايضا للجميع
...مافيش حاجة فى الفن اسمها مقتصر على
__________


شوية كلام بقا ع الموسيقى
مين اللى بيسمع موسيقى...؟
ايه ده واحد بس طب نزل ايدك
مين بقى بيحس الموسيقى...؟
انت برضه لوحدك لا نزل ايدك ماهو مش ممكن كده يا جماعة

طب تعرفوا ليه الموسيقى بيقولوا عليها حرام...؟
عشان التوهان والسرحان والعوالم الغريبة اللى بتقع فيها
واللى تأثيرها احيانا بيكون اكبر من المخدرات....
والله عليكوا يا شباب ... اغلبهم بيذاكر على الموسيقى
ماهو انت لو تعرف ايه هى الموسيقى عمرك ماتعرف تذاكر
ولا انت مش بتذااااكر...؟؟؟؟؟؟؟؟؟
طب يلا نعمل سوا تجربة...
غمض عنيك ... شغل موسيقى اى حاجة بس بلاش خبط عالفاضى او حاجة تخض نقى حاجة حلوه
هاه...؟
لالالالالالالالالالالالال الا.... ماتنامش
معايا بقى....
اسمع الجيتار لوحده كده
ايه رأيك...؟
والطبلة لوحدها
طب خد بالك من عازف الكمان بيعمل ايه...
وااااااااااااااو... حاجة تانية مش كده...؟
شغل الموسيقى تانى واراهنك لو هى نفس اللى كنت بتسمعها قبل كده
وسيبك م الريمكسات والكلام الفاضى والديجيهات بتوع اليومين دول

بس برضه فيه كلام جميل بيحصل دلوقتى
زى مرة تخيلوا انى فى وسط الناس وسمعت عزف هايل فضلت متنحة شوية شوية
وبعدين سقفت زى الهبلة او هو ده اللى قالوه
(وطبعا الجميع بصلى وقالوا ايه العبيطة دى (الله يسامحهم
وسألت على اسم العازف قاللولى (جيسى كوك) بس عجبنى جدااااااااا
وهو دا الحرام...انى فعلا تاه عقلى بالموسيقى

تعالوا بقى ننم على شباب الجيل

الله عليهم طاخ بوم طرااااااااااااااخ واوىواوىواوىىىىى
تخيلوا سمعت فيه ريمكس فيه صوت عربية اسعاف بتقول واوىواوىواوى
ههههههههههههههههههه
دا الصوت ده اختاروه عشان يزعج الناس ويخليهم يبعدوا من قدام عربية الاسعاف
تحطوه فى مقطوعة موسيقية دا كلام برضه...؟
ايه اخبار موزارت...
عمر خيرت...؟
مش بنسمع الحاجت دى ليه
اه صحيح المذاكرة ... نسيت...

الموسيقى مش خبط وخضة بس
لا فيه موسيقى تانية قالوا عليها حرام عشان بتاخد العقل فعلا مش كلام
انما احنا بنسمعها بننام
__________


...والرقص
الله على الرقص
لا مش قصدى الراقصة اللوبية سوسو زكريا ... انا قصدى الرقص الرقص
مش عايزة اجابة يا شباب اليوم...
افتكروا كده مين اتفرج على استعراض باليه...؟؟؟
هاه... مش هاستنى اجابة لان شكلى هاستنى للابد...
الرقص مش الرقص الشرقى
الشرقى اقرب للاغراء منه للفن...!
اممممممممم شكلى هانضرب ... خلاص فيه فن بس مش اوى يعنى
طب ايه رأيكو فى الرقص الايقاعى...؟
هبل مش كده...؟؟؟؟ ناس مالهاش دعوة هى بترقص على ايه بس بترقص وخلاص
وحركات مش مفهومة....
بس هقلكوا على حاجة

الرقص = فن = رمز

معادلة بسيطة اهى...
الفن ده رمز بيدل على حاجة لو الموضوع ادلق كده مباشر بيبعد عن الفن اكتر
وكل ماكان الفن غامض كل ما زادت اثارته...!
فين الغموض بقى فى رقص اليومين دول...؟
يعنى نحاول نركز شوية ونتعمق وبلاش الكتاب وعنوانه ...ده فى الجرنال بس

تقريبا بقى الرقص الشرقى اقرب للعرى والاثارة ...
والغربى اقرب للكونغ فو والاثارة برضة فى ذات الوقت...
عندنا كل واحده شايفة نفسها حلوة او مش حلوة مش هاتفرق تــــ..... وترقص وكل ماتـــ.....اكتر
كل ما اعترفوا انها موهوبة اكتر...!
طب ماشى الرقص الشرقى فن...
ليه الرجالة مش بترقص شرقى ...؟ هوالرجالة مش بيفهموا فى الفن ولا ايه...؟
!!!...لا فيه بيرقصوا طبعا ... بس عيب نتكلم عليهم
واتقوا ربنا ياحريم عيب ومافيش حاجة اسمها اعمل الواجب فى فرح اختى او زميلتى
... احنا عارفين التقاليع دى كويس
ده بالنسبة للمصريين ماعرفش باقى الدول عندهم واجب ولا بيكتفوا بالمدرسة
وياسلام ع الفالس والتانجو والروقان
والرقص على فكرة مهم جدا كعلاج نفسى وكنوع من الرياضة البدنية
فطبعا ماننساش افضاله
__________


اما بالنسبة للشعر فحدث ولا حرج
الشاعر بيكتب قصيدة توصف حالة او شعور معين.... مش حبة كلام وخلاص
لا....
دا ياسيدى الشاعر لو جامد شوية ممكن يخليك تحب وانت مالكش حبيبة اوتكون نفسك تحب زيه
وهو وشطارته بقى
يعنى عايزة افهم حاجة...
لما واحد ياحرام يفضل يبكى ويمسك ورقة وقلم ويقعد كام ساعة يبكى ويكتب
تفتكروا ايه الناتج من دا كلة...؟
قصيدة فكاهية...؟
لا...دا انت نفسك ممكن تبكى لو قريت اللى كاتبه
لانه بيقولك خد اقرا انا حاسس بأيه...

وطبعا كلنا عارفين اشهر قصة حب
(بين ام كلثوم والشاعر الهيمان بحبها (احمد رامى
لولا حبها مكناش سمعنا منه اعظم اغانى وقصايد...
ماهو الراجل قدم لنا حبه عشان نعيشه معاه
يعنى مش كلام على ورق اهو...
دى مشاعر صادقة واحنا عشناها وحسينا بيها

الشعر احساس جميل فعلا
لانك بتدخل قلب الشاعر من خلال كلماته
ولو عايز تحكم على انسان ... اقرا شعره وانت تعرف قلبه كويس وهاتقرب منه اوى
لان الشاعر كتاب مفتوح...
وهو اللى بيشاركك كتابه وبيفتحه قدامك
يعنى اى كلمة فى اى قصيدة هاتلاقى منها كلمة بتضحك...او كلمة وحيدة...او كلمة زعلانة
ومش اى كلمة وخلاص...
مش محتاجين قافية ... احنا محتاجين احساس
ياريت تزوروا المنتدى الادبى كبداية ... ويمكن ...
__________


نتكلم بقى عن موضوع انا بتخانق فيه كل مرة زى مابيقولوا حبى واعتزازى
!!...وهو الفن التشكيلى
واللى نفسى افهمه ايه اللى بيضحك فى لوحات بيكاسو وفان جوخ...؟
...ياريت حد يقوللى كده عشان انا بتنرفز ...
وفيها ايه لوحة بتلات عيون ماهو فيه رواية اسمها انف وثلاث عيون ماضحكتوش عليها ليه...؟

وبسأل حد (هو هنا فى المنتدى) ايه رأيك فى لوحة (الموناليزا)...؟
!!!...قاللى رخمة وشكلها وحش
؟؟؟؟؟؟؟؟؟؟؟؟؟ انا قلت لك اتجوزها ؟؟؟؟؟؟؟؟؟؟؟
قلنا ...
الفن = رمز
واللوحة لو فهمتها ممكن تقف قدامها بالساعات
مش اى لوحة طبعا لان لكل منا لوحة
تخيل لما تشوف شكلك فى لوحة ... ممكن حد تانى يشوفها شخبطة ومن غير معنى
او تلاقى حياتك موجودة فى لوحة او مودك دلوقتى او حلمك فى شوية الوان...
حاول تبص شوية دقق انسى الخطوط والالوان ... وفجأة هتلاقى مفيش خطوط والوان...
دا لا سحر ولا شعوذة...
دا فن
والرسام او النحات لو طلبت منه يرسم لوحة فيها ورد وفل وحاجات حلوة وهو مضايق...
هاتلاقية طلع لك ورد ميت ... فل مشنوق
مايقدرش يرسم غير اللى حاسس بيه...
بمعنى انه بيخرج كل مشاعرة فى اللوحة
مش مجرد الوان بقى...
لا...دى مشاعر انسانية ... دا انت ممكن تتخض وتبحلق لو تعمقت فى لوحة...
لانك هاتشوف فيها انت حاسس بأيه...!!!


للدرجة دى الفن قدر يجسد ادميتنا...؟
بلاش تضحك وتجرى لان ده فن وعلم
ومش اى حد يتقال عليه فنان...
اللى يتقال عليه فنان هو بس اللى بيقدر الفن ... وبيقدر الفنان اللى زية
مش لازم يكون عندك الموهبة...
المطلوب منك انك تقدر الموهبة ... وبكده انت اخذت لقب فنان

والفنان يا جماعة مش اسم وخلاص...
دا لازم يخليك تعيش هو حاسس بأيه...
لو الفنان زعلان لازم تزعل معاه...
لو بيبكى تبكى معاه...
لو بيضحك تضحك معاه...
لان وظيفة الفنان الاولى انه يسلفك مشاعرة
ولو محصلش يبقى فنان فاشل مابيعرفش يعزف او يكتب او حتى يرقص


يعنى الموضوع كبير
دا احنا مش بنفوت على نفسنا مود نعيشه او حاجة حلوة نتفرج عليها ونسمعها...
لا...احنا بنفوت ارق المشاعر الانسانية...
واللى للاسف بتقل شوية بشوية مع المشاغل والحياة السريعة...
وسرقنا منا اى وقت نحاول نتصل فيه بمشاعرنا...!!!

بيتهيألى ده وصف يبين قد ايه احنا بعدنا عن الاحساس بالفن
واننا محتاجين نصفى عقولنا شوية ونترك مجال ولو بسيط اننا نرجع احساس فقدناه او اغلبنا فقده
فمازال هناك من يعيش فى زمن الفن
واتمنى ان اكون منهم...!!!
...فتعالوا نتذوق الفن...

ولكم منى اجمل وارق سلام




(يلا...كل واحد يجيب الطبق بتاعه وييجى يحصلنى)
من مواضيع : no_wonder أرجو من كل المسلمين المشاركة
تعالوا نتذوق الفن...!!!
13-05-2009, 12:35 AM
مسعين بالله
 
انت تقول وتمشى وانا اسهر مانمشى...
بس مش نجاه اللي قالت
دا المؤلف
المأسوف علي شبابه
يبقي مين الفنان
وفين الفن
بالضبط

لكن انا اعرف الاكثر فنا
وهو اللي بيحصله كدا فعلا
من مواضيع : مسعين بالله قال الحكيم وقلت
فريق الخير
هل انت عضو بهذه النوادي؟
قال الحكيم وقلت
عضو توفي من المنتدي
 

الكلمات الدلالية (Tags)
الفن, تعالوا, وتذوق

أدوات الموضوع

الانتقال السريع

المواضيع المتشابهه
تعالوا نفضفض عن احلامنا
تعالوا نتخلص من شعر الجسم للابد
اربع صور عاريه!!! ..... تعالوا نشوفها مع بعض.., ادخلوا بسرعة
تعالوا نتعلم طرق جديدة عملية في البحث

تعالوا نتذوق الفن...!!!

الساعة الآن 08:04 AM.