xpredo script

العودة   نيو حب > المنتديات العامة > الحوار المفتوح > جديد فضفضة
التسجيل

مشكلتى انى بحب شخص عن طريق النت

جديد فضفضة

19-06-2009, 10:26 PM
فضفضة
 
Red face مشكلتى انى بحب شخص عن طريق النت

السلام عليكم
انا بنت
مشكلتى انى بحب شخص عن طريق النت بس حبة قوى وهو بيحبنى بردوة قوى
وقدرت اتاكد من كدة
بس المشكلة انه اغنى منى بكتير قوى ابوة وعمة ناس مهمة قوى فى مصر ومشهورين جداااااااا
هو مش قايلى علشان ميحسسنيش انه اعلى منى مرضاش يقولى بس انا عرفت
مش مهم عرفت ازاى بس والله الكلام دة مضبوط
انا مش عارفة اعمل ياترى استمر معاه ولا ممكن فى يوم يعايرنى انى اقل منة بليز ساعدونى
من مواضيع : فضفضة لو شكيت فى زوجى
مشاكلي كثيرة ...
أنقذوني
بدون عنوان
احتاج مساعدتكم.........لقد اخطأت ولا اعرف ما افعل
19-06-2009, 10:57 PM
fares el amany
 
اولا السلام عليكم ورحمه الله وبركاته
اختى فى الله
ممكن اسألك سؤال؟
هو انتى ايه اللى اكدلك انه بيحبك
تفتكرى البنات اللى بينخدعوا من الشباب كانوا عارفين انه بيكدب عليهم ومخدوعين
اكيد كانوا واثقين اوى انهم بيحبوا بعض اوى بس فى الحقيقه كدب
اختى
ياريت تفكرى بعقلانيه اكثر واكبر من ذلك
تعرفى الحب فى النت نسبه نجاحه كام فى الميه 1 فى الميه
فاهمه يعنى ايه حب فى النت ده معناه انه الشاب ده مااتعرفش على بنات قبل كده وانتى كنتى اول بنت فى حياته يتعرف عليها ومعاكى عرف يعنى ايه حب
اختى
نصيحه من اخ ليكى ياريت خليكى فى الواقع وحبى شخص اتعرفتى عليه وشفتيه بطريقه غير النت حتى لو كان الشخص ده بيحبك بجد بس بالنسبه ليا انا اشك فى الموضوع ده هو ليه ماقالش ليكى انه من عيله هو عاوز ايه من حبه ليكى حيخفى عنك لحد امتى ولا انتى عاوزه حب بدون زواج تفتكرى ده يرضيكى ويرضى ربنا .
بعدين لو افترضنا انه بيحبك بجد بالنسبه لاهله حيوافقوا يجوزوه ليكى وهما العيله الغنيه
يااختى فى الله
هو لو كان واثق انه يقدر يقنع اهله بالجواز منك كان قاللك من بدرى انه من عيله وانه حيقنعهم بأنه مفيش فرق بين الغنى والفقير وانه بيحبك ولا يمكن يستغنى عنك بس الحقيقه انه عارف صعب تكونوا لبعض لان من الواضح انه لا يستطيع اقناع اهله بهذا الموضوع وطبعا ده بالنسبه لو كان صادق فى حبه من بنت تعرف عليها من النت وليس للخداع.
وبعدين لو افترضنا انه اهله وافقوا على الجواز( وطبعا انا شايف انه مستحيل)تفتكرى ان ان شاء الله انه بقى عندكم ابناء
لو سألك ابنك ياماما و انتى اتعرفت على بابا ازاى علشان يجوزك؟
حتقوليله اتعرفت عليه على النت (بس انا بالنسبه ليا صعب انك تقوليله انه اتعرفتى على والده عن طريق النت)
اختى
لو قدرتى تحلى كل المشاكل دى اللى ممكن تواجهك يبقى وقتها اقولك ربنا يوفقك معاه وكمان انا اتمنالك السعاده ويارب ربنا يرزقك باللى يحبك بجد ويسعدك
اختى
ياريت ماتزعليش من كلامى انا كنت شدديد فى الكلام شويه بس انتى طلبتى رأيى وانا لازم اقولك اللى انا شايفه بجد لانك انتى اختى فى الله ويجب عليا النصح
اتمنالك السعاده من كل قلبى وانه تجدى الشخص اللى يحبك بجد وتحبيه وتعيشوا اجمل واسعد ايام حياتكم مع بعض
تقبلى مرورى
والسلام عليكم ورحمه الله وبركاته
من مواضيع : fares el amany ممكن رأيكم
19-06-2009, 11:03 PM
MEDO2009HAPPY
 
أختى العزيزة مع عدم اعترافى بالحب على النت الا اننى ارى انك لو كنتى متأكده من حبك وحبه فيجب ان يكون هناك مصارحه بينكما بكل شئ واذا كنتى قادره على اسعاده وحبه لكى قوى وكانت الامور واضحه توكلى على الله ولا تخافى مع دعائى لك بالتوفيق
من مواضيع : MEDO2009HAPPY
19-06-2009, 11:29 PM
*فتاة الوادى*
 
لو بتحبية اتجوزية ساعات بنحس بناس ونحبهم حتيلو كانوا بعاد عنا الحب تلاقي ارواح حتي لو مشفوش بعض
وانا متاكدة انك شوفتية وكلمتية لو بيحبك بجد متتنازليش عنة الفوارق دة كانت زمان وبعدين الراجل بياخد الست لة ولحياتة مختلفة عن المراة متقدرشي تنزل لحياتة لو هو كان اقل منها عاوزة اقولك ان الراجل هو الاساس والمهم انة يكون بيحبك وربنا يوفقك وانسي موضوع الفوارق دة بس المهم اهلة يوافقوا
من مواضيع : *فتاة الوادى*
19-06-2009, 11:31 PM
انا مظلوم
 
بصى انتى قولتى بتحبيه ومتاكده من حبه ورغم الفوارق
لكن المهم الشخص بيتعامل ازاى معاكى لو بدون فارق
يبقى انسان اصيل وتوكلى على الله لانى فيه قصه مشابه
صورة طبق الاصل من موضوعك وناجحه
من مواضيع : انا مظلوم
19-06-2009, 11:49 PM
مايا مصطفى
 
على فكرة انا عرفتك يا صحبة المشكلة
بس بدى اقولك شئ انا قولتهولك قبل كدة لما جيتى اختى راى
الحب مش بانه فقير او غنى الحب دة احساس بين اثنين وانتى قولتيلى انك مكنتيش تعرفى انه غنى وهو كان يعرف انك على قد حالك
وبعدين انا قولتلك انتى متاكدة من حبة قولتيلة اه
وانا بردوة اتاكدت من كلامك انه بيخاف عليكى مش بيحب تكونوا لوحدكم لازم فى مكان عام وبيخاف على سمعتك
دة حتى بيخاف يسلم عليكى علشان انتى محرمة عليه
تفتكرى لو حب بالشكل دة ممكن الانسان يضيعة
بصراحة تبقى عبيطة لو ضيعتيه
يختى لو مش عاجبك هتيه
الوحدة مننا تتمنى انها تلاقى شخص كدة
من مواضيع : مايا مصطفى
20-06-2009, 02:06 AM
نور الفردوس
 
اقتباس:
المشاركة الأصلية كتبت بواسطة مايا مصطفى
على فكرة انا عرفتك يا صحبة المشكلة
بس بدى اقولك شئ انا قولتهولك قبل كدة لما جيتى اختى راى
الحب مش بانه فقير او غنى الحب دة احساس بين اثنين وانتى قولتيلى انك مكنتيش تعرفى انه غنى وهو كان يعرف انك على قد حالك
وبعدين انا قولتلك انتى متاكدة من حبة قولتيلة اه
وانا بردوة اتاكدت من كلامك انه بيخاف عليكى مش بيحب تكونوا لوحدكم لازم فى مكان عام وبيخاف على سمعتك
دة حتى بيخاف يسلم عليكى علشان انتى محرمة عليه
تفتكرى لو حب بالشكل دة ممكن الانسان يضيعة
بصراحة تبقى عبيطة لو ضيعتيه
يختى لو مش عاجبك هتيه
الوحدة مننا تتمنى انها تلاقى شخص كدة
يا خبر يا مايا انتى صغيره اوى اوى على كلامك ده والله البنات بالزمن ده بجد عيونها فتحت بدرى بدرى

عامة يا فضفضة اللى هقوله ليكي حاجه واحده بس انتى عرفتيه اذاى ؟ و منين ؟
بمعنى خلينا صرحه الحب من الشات غلط مليون المية انتى عرفتي واحد اصلا داخل يعلق واحده و مش بدماغه شئ لاكن لو اتعرفتى عليه قبل الحب يعنى قبل ما يرسم عليكي انه بيحبك و كدا بجو شغل بالنت او عمل متبادل بشئ محترم و بعدين وجدتى مشاعرك و مشاعره ملتو لبعض ده احتمال يكون حب و لاكن اللى اقصده ان في شباب و بنات كتير بيدخلوا للتعارف و بس و قصدهم يعملوا قصص حب تسالي بس

علشان كدا خدى بالك ايه هيا طريقة التعارف و الحب جت تدريجيه ؟
و اولادك لو سألوكي على رأى احد الأعضاء هتقولى ليهم ايه ؟
يعنى لو قابلتيه بشكل محترم بالنت مش هتخجلى لاكن لو بالشات شئ مخجل اكيد

لاكن لو قابلتيه بشكل محترم من النت النت مثل العمل او اى نشاط اجتماعى بالشارع ولاكن ايه هو شكل العلاقة و بدايتها اذاى
و ده بخلاف ان واضح انك نزلتى قابلتيه
اذاى يا اختى تقابلي شاب متعرفيهوش و لو معاكي حتى قريبتك انتى متعرفيش شكل البنت اللى ترضى تقابل شاب يعنى مش محترمه متزعليش منى انى بقول ليكي الكلام ده مش بهينك و الله انتى كاختى الصغيره و انا عيزة انصحك لان للاسف الان البنات نسيو حجات مهمه جدا و قيم لازم تكون جوا اى بنت و تميزها يا اختى الحياء الحياء
اذاى ارضى اقابل شاب غريب عنى حتى لو بحبه و بموت فيه و حياتي متنفعش بدونه لاكن الا السمعه يا اختى و الا خيانة والديكي اهلك ليه تخونيهم و تخرجي مع شاب غريب تشوفيه و افرضى كان مش كويس و خد ليكم صور مع بعض و لو بمكان عام حتى بس يكفى انها صور ليكم مع بعض
سعتها هتكون ليكي مصيبه و ممكن يمسكها عليكي ذلة صح ولا لا ؟
الحب مش عيب بالنت بالعفريت بس اذاى طريقة التعارف و سير العلاقة ؟ و اذاى قابلتيه ؟ و اذاى شوفتيه بالحقيقة ؟ و اخبرتى اهلك ولا لا ؟ اخبرتى امك او اختك او اخوكى او والدك ؟
للاسف البنات بتتكسف و تخاف من اهلها و بالاخر بيرتكبوا مصايب
يا حبيبة قلبي انا عيزة ليكي الخير
المشكله الان ممكن يكون بيحبك و لاكن بنسبة كام بالمئه ؟
طيب هو طلب الارتباط بيكي ؟ و هتعرفيه اد ايه بدون زواج ؟ ملازم يا جماعه نعرف ايه حدودنا
عرفه قلبك ممشيكي و مش ادره توقفى اندفاعك نحوه لاكن يا حبيبة قلبي
اوعى يكون حبك ليه اكبر من حبك لربك ولا خوفك على ضياعه اهم من خوفك على ضياع علاقتك بربك لان ربنا سبحانه و تعالى هو اللى هيسهل ليكي الطريق لارتباطكم لو ليكم نصيب و لو مكنش ربنا يرزقك بالاحسن منه
فكرى لو مرتبطتيش بيه و ارتبطتى بواحد بعده مقدار ظلمك لجوزك ده لانك ارتبطتى بغيره اد ايه
محدش مننا بيادر يتحكم بحبه و قلبه غصب عننا لاكن تصرفاتنا هيا اللى بنتحاسب عليها
لو عايزك يتقدم ليكي و نصيحتى حولى تقولى لاخوكى او امك او اختك الكبيره اى حد قريب منك و تحسي انه ممكن يسمع ليكي
و نقطه كمان تاكدتى من فارق المستوى من مين من واحد قال الكلام ده صح طيب ميمكن يكون بيكذب عاوز يبعدكم عن بعض و يمكن يكون جد يعنى معنى كدا انه في فارق اجتماعى كبير و عائلي و دى من اهم مقاومات الحياة الزوجية مش الفلوس لو هو غنى و انتى فقيره ميهمش و لاكن العائله ناس ايه ؟
يعنى ايه هو مستوى العائله مستواهم الاجتماعى و مستواكي ؟ ده الفارق الاهم هو ده اللى العائلات بتبحث عنه لو مش ذى بعض مينفعش
متجبيش عائله جاهله و معظمهم اميين مثلا و عائله اخرى كلها ظباط و مهندسين و دكاتره
ياحببتى دى عيلتين بيتجوزوا
و كل ده مين هيعرفوا ؟ تعرفي مين اهلك لو هو عاوزك بجد هيتقدم و سعتها هما يبحثوا متسبيش نفسك للعلاقه الحرام خلى ربنا يبارك ليكم

لو بتحبيه صحيح خليه يتقدم و متديش ليه اى معلومات عنك انتى لسه متضمنيهوش حاولى تعرفيه باخوكى بعد ما تقولى ليه او والدك طبعا بعد قراره بانه يتقدم
لازم تيجي عن طريقهم هما و يخدوا حزرهم منه
الدنيا يا حبيبة قلبي مبقتش تتضمن و احنا قدوتنا دلوقتى افلام الحب و الهيام احنا غلابه والله و قلوبنا ضعيفه و مش لاقيين اللى يقدر مشاعرنا و الشباب مبقوش يتقوا ربنا ولا حتى البنات للاسف خدى بالك من نفسك يا حببتى
و حفظى على حبك لو كان بجد حب ولاكن باي اسلوب ؟؟؟؟؟؟؟؟

حبي مالتش متحبيش بس خدى بالك من نفسك و متعرضيهاش للخطر قدر استطاعتك قولى لاهلك و قولى ليه يتقدم و طمأنيني عنك يا قمر


من مواضيع : نور الفردوس
20-06-2009, 02:19 AM
nader ahmed
 
والله انتى اللى حاسة بحبه لك
ولو فيها تطفل شوية
اطلبى منه الباسورد بتاع المنتدى ولو اعطاه لك ادخلى وشوفى
ولما تتاكدى لا فرق فى الحب بين غنى وفقير
وربنا يوفقك
من مواضيع : nader ahmed
20-06-2009, 02:27 AM
نور الفردوس
 
اقتباس:
المشاركة الأصلية كتبت بواسطة nader ahmed
والله انتى اللى حاسة بحبه لك
ولو فيها تطفل شوية
اطلبى منه الباسورد بتاع المنتدى ولو اعطاه لك ادخلى وشوفى
ولما تتاكدى لا فرق فى الحب بين غنى وفقير
وربنا يوفقك
تصدق عندك حق فعلا اهم حاجه تعرف بيها البنت اذا كان الشاب بالنت بيحبها ولا لا انه يرضى يديها الباس ورد بتاع ايميله او المنتدى لانه فعلا مش هيوافق ابدا لانه مش بيحبها
عندك حق
من مواضيع : نور الفردوس
20-06-2009, 12:58 PM
MEDO2009HAPPY
 
معلشى حد يفهمنى لو اعطاها البسورد هتدخل تشوف ايه يعنى ايه وراء البسورد فهمونى يرحمكم الله
من مواضيع : MEDO2009HAPPY
20-06-2009, 01:44 PM
نور الفردوس
 
اقتباس:
المشاركة الأصلية كتبت بواسطة MEDO2009HAPPY
معلشى حد يفهمنى لو اعطاها البسورد هتدخل تشوف ايه يعنى ايه وراء البسورد فهمونى يرحمكم الله
فيه انه لو بيحبها بجد هيديها اليوزر لانه مش هيخاف يكون معلق كذا واحده مثلا و باعت ليهم كلام حب و هيام و هما بيبعتوا ليه هما كمان يعنى هيكون متاكد ان حببته دى هيا كل حياته
الانسان لو حب يدي حبيبه عمره و حياته و ميهمهوش بيكونوا الاتنين روح واحده بجسدين هو ميادرش يخبي عنها شئ و لا هيا تخبي عنه شئ
و بعدين بيشاركوا بعض بكل شئ و في كل شئ لاكن لو واحد م بيحب واحده مسستحيل هيديها ثقته بادق خصوصياته

الاتنين للى بيحبوا بعض مبيكنش في مبنهم خصوصيات اصلا هما الاتنين واحد
فهمت
من مواضيع : نور الفردوس
20-06-2009, 02:02 PM
MEDO2009HAPPY
 
اشكرك على التوضيح بس ده مش كفايه للتأكد من الحب وبعدين هو انتى شايفه ان الحب على النت شئ ممكن والا هو مجرد تعلق بشخص ما تكونت داخلنا صورة رسمناها حسب تخيلنا وحسي مايسمح لنا به من معرفه عنه اذا كنا فى واقعنا على الأرض بننخدع فى مظاهر تبدو لنا براقه فما بالنا اذا كانت المعلومات التى نأخذها لا نستطيع التأكد منها عموما سنجد اختلافات كثيرة فى الرأى بين الأعضاء كل حسب خبرته وثقافته وتجارب حياته .شكرا لك على التوضيح
من مواضيع : MEDO2009HAPPY
20-06-2009, 03:04 PM
نور الفردوس
 
اقتباس:
المشاركة الأصلية كتبت بواسطة MEDO2009HAPPY
اشكرك على التوضيح بس ده مش كفايه للتأكد من الحب وبعدين هو انتى شايفه ان الحب على النت شئ ممكن والا هو مجرد تعلق بشخص ما تكونت داخلنا صورة رسمناها حسب تخيلنا وحسي مايسمح لنا به من معرفه عنه اذا كنا فى واقعنا على الأرض بننخدع فى مظاهر تبدو لنا براقه فما بالنا اذا كانت المعلومات التى نأخذها لا نستطيع التأكد منها عموما سنجد اختلافات كثيرة فى الرأى بين الأعضاء كل حسب خبرته وثقافته وتجارب حياته .شكرا لك على التوضيح

هرد عليك بشئ هو الشكل و الوش بس اللى بيحدد الحب ؟ يعنى مثلا ممكن تقابل بالشارع بنت و تتعرف عليها و انت متعرفش هيا منين اصلا و تقول ليك معلومات و تطلع كلها كذب صح ولا لا ؟ هتقول مفيش حب الا لو تعرف عائلتها و اصلها و فصلها ؟

لا يا اخى في حب بالنت لسبب مش كل الناس كذابه و العلاقه الطويله اللى بهدف غير الدخول بغرض الحب و العشق ممكن تولد الحب يعنى مثلا لو اتنين عرفوا بعض بالنت و طريقة معرفتهم مثلا شغل بالنت سواء ادارة موقع او عمل من النت فقط و كانت و لفتره كبيره يوجد احتكاك بالعمل و بالطبع يمكن ان يوجد حوار خارج عن نطاق العمل ولاكن اساس الحوار العمل فكانك تعمل خارج النت اى لا تدخل بغرض الهزار و اللعب و التسالى و العشره بتزيد بالاحتكاك بالعمل الجاد و تعلم وقت المشاكل التى يمكن ان تصادفك بحياتك و مشاركة الطرف الاخر لها اى يمكن ولاكن اسلوب المعرفه كيف و هل اول ما عرفتم بعض حبيتوا بعض و اصلا انتم بتكلموا بعض ليه ؟ يعنى علاقات صداقة مفيش شئ اسمه صداقه لان صداقة يعنى رسم على حب
لاكن لو علاقة النت كانت جاده لاهداف محدده و بعد فتره من العلاقه المحترمه بدون اغراض نشأ التجازب يمكن ان يحدث و الكذب خارج و داخل النت يوجد
الفارق يا اخي الاسلوب بالتعارف فقط
من مواضيع : نور الفردوس
20-06-2009, 07:17 PM
MEDO2009HAPPY
 
عموما أنا مازلت مختلف معك فى الرؤيه وأنك لم تضعى فى حسابك أنك حينما تخاطبين شخص عادة تنظرين الى وجهه وتعرفين من خلال تعبيرات الوجه كيف يفكر ورد فعله واشياء اخرى لذلك انا احترم وجهة نظرك واقدرها مع اختلافى معها ولك الشكر .
من مواضيع : MEDO2009HAPPY
20-06-2009, 11:57 PM
تلميذه نشيطه
 
بصي أختى من رأي أن تبدعتى عنه خالص
وجزاك الله خيرا
من مواضيع : تلميذه نشيطه
 

الكلمات الدلالية (Tags)
مشكلتي, النت, ارجوكم, اوى, بحث, ساعدونى, شخص, عن, طريق

أدوات الموضوع

الانتقال السريع

المواضيع المتشابهه
تامر ( مشكلتى فى كلمة حاضر )

مشكلتى انى بحب شخص عن طريق النت

الساعة الآن 03:12 AM.