xpredo script

العودة   منتدى نيو حب > المنتديات العامة > الحوار المفتوح > جديد فضفضة

أنا فى مصيبه كبيرة

جديد فضفضة

02-07-2009, 01:30 AM
فضفضة
 
أنا فى مصيبه كبيرة

أنا بجد مش عارفه أقول أيه غير أنى محتاجه مساعده منكم لأنى مش هاقدر أقول لحد أبدا على اللى جوايا الا ليكم أنتم بس وده مش عشان أنتو ما تعرفونيش لا والله لكن لأنى بحبكم ونفسى طول عمرى أنى يبقى ليا أخت وأهو ربنا بعت ليا أخوات كتير
معليش أنا أسفه أنا عارفه أنى طولت قوى فى المقدمه لكن أعذرونى لان الكلام اللى هاقوله ده صعب قوى
أنا متجوزه من 8سنين وعندى طفلين الحمد الله
لكن مشكلتى مع جوزى
فى انه مش بيقرب منى الا لما بيكون عايز حاجة مني هو بس وده ممكن يكون بيجى على فترات طويله ممكن بالشهور وأنا حاولت معاه كتير وبرضه مافيش فايده مش حاسس بيا خالص
أنا نفسى أحس أنى مرغوبه منه وأحس بأنوثتى معاه
أتكلمت معاه كتير وهو ولا كأنه سامع منى حاجه
وقولت له أنا فى شغلى بسمع كلام حلو كتير من الرجاله اللى بيعجبوا بجمالى وهو برضه ولا هو هنا
لحد ما أنا قلبى بدأينشغل بواحد زميلى لأنى لقيته حاسس بيا وبكل حاجه تخصنى
أنا عارفه أن ده غلط كبير قوى
بس غصب عنى لقيتنى بتشد له وبحب أقعد أتكلم معاه لأنه بيسمعنى مش زى جوزى خالص ,انا حاولت كتير الفت نظر جوزى ليا وأعرفه أنه مقصر فى حقى ولكن برضه ما فيش فايده
أنا دلوقتى عايزة أتطلق واسيبه عشان ماعمليش حاجه غلط وتغضب ربنا
بس هو مش عايز يطلقنى ولا حتى عايز يعطينى حقوقى ولا حتى يحس بيا
وأنا مش عارفه أعمل ايه أنا مش عايزة أفضحه فى العيله لأنه قريبى
وعشان عيالى كمان انا خايفه عليهم وأنا حكيت لأمى على كل اللى هو بيعمله فيا وهى أتكلمت معاه قبل كده وبرضه لا حياة لمن تنادى وهى موافقه على طلاقى منه وبتقولى دى حياتك وانتى حرة فيها
ياريت تقولوا ليا اعمل ايه انا بتقطع وهاتجنن
وياريت كمان ماتأسويش عليا
لأن الأحاسيس دى حاجه غصب عن الواحد
من مواضيع : فضفضة لمن يستطيع أن يجد لي حلاً ... برجاء المشاركة وإبداء الرأي
أرجو المساعدة ، مش عارف أنام
قولولى ازاى
أحب اخو خطيبي ؟؟؟
نفس المشكلة حب النت بس باختلافات
02-07-2009, 06:39 AM
*فتاة الوادى*
 
استحملي جوزك زي ماهو علشا عيالك يمكن
هو عندة مشكلة حاولي تعرفيها وتقربي اكتر

الست الكويسة هياللي تستحمل جوزها يا بنتي اذا
مات جوزك وهو راضي عنك ضمنتي الجنة
وبعدين الستات يا ما تستحمل علشان عيالها
واعرفي الفرق بين لما راجل برة البيت يحسسك بجمالك
دا عادي لانة غريب لكن كدة اللي هو نفسة قالك الكلام الحلة دة
جربية في الجواز نفس الحكاية صدقيني هو طبعا احنا محتاجين للكلمة الحلوة بس مش علشانها نخرب بيتنا
في حتة ذكرتيها انا مقدرشي اتكلم فيها بس عاوزة اقولك انتي متعرفيش ظروفة
والست الشاطرة متفضحش جوزها ومتقلوش علي اسرار بيتها حتي لامها
دة رايي رغم اني غير متجوزة بس اللي اقدر اشارك بية
من مواضيع : *فتاة الوادى*
02-07-2009, 11:03 AM
نور عادل
 
سامحينى اذا كان كلامى هيكون قاسى شويه عليكى
اى تصرف من الزوج مابيعجبش الزوجه بيكون رد فعل للزوج من اللى بتعمله الزوجه معاه يعنى بمعنى اصح اذا كان فى مشكله بينك وبين زوجك فهتكون منك انتى مش منه واضح من كلامك انك معجبه بجمالك وبتحاولى توضحى ذلك للزوج على الرغم من ان جمالك ده ممكن ميكونش بيعجبه او بمعنى اصح جمال كامن مفهوش تجديد حاولى تقربى من زوجك اقعدى معاه واتكلمو حسسيه ان هو اهم عندك من اى شيء اخر حاولى تجددى فى نفسك الرجاله فى الشارع بيشوفوا العجب وبرضه القنوات شغاله والنت يعنى جوزك عنده مشكله منك انتى لورجعتى لاول ايام جوازك هتلاقى الوضع اكيد كان مختلف اعملى كل شىء يجعلك فى قمه الجمال بس الاول شوفى جوزك بيفضل اى نوع من الجمال ياترى جمال الزوح ولا العقل ولا الجسد ومااقصدش طبعا تروحى تساليه لا افهمى جوزك عايز منك ايه بالضبط وقبل كل شىء اتاكدى انه بيحبك واكديله انك بتحبيه يعنى لوتتصلى بيه وهو فى الشغل وتقوليله انك بتحبية ابعتيله رساله اول مايدخل بيتك حسسيه انك مشتقاله اوى وفرحانه جدا وطبعا باجمل الملابس والابتسامه على فكره الراجل زى الطفل بيضحك عليه بكلمه اضحكى على جوزك والست على قدره كبيره اوى انها تحط جوزها فى جيبها سورى فى اللفظ بدل ماتقعدى تفكرى ان جوزك مش مهتم بيكى وووووو .......فكرى ازاى تكسبى جوزك صدقينى المشكله منك انتى اقعدى مع نفسك وفكرى كويس هتلاقى ان اخر مر شافك جوزك مهتميه بنفسك ومغيره من شكلك من فتره كبييييييييييييييييييييييي يييييره ابعدى الشيطان عنك والشخص اللى انتى بتتكلمى عنه ده مش جوزك يعنى بمعنى اصح اللرجاله مش وراهم غير الكلام الحلو عشان يقدرو يوقعوا البنت فى الغلط واعذرينى لو انتى بتفكرى انك تتطلقى عشان الشخص ده نصيحتى ماينفعش انك تتجوزيه لانه عارف انك متجوزه وعلى الرغم من ذلك بيقرب ليكى الشخص ده عايز يدمر حياتك بس احتياجك للحب والاهتمام مخليكى مش تشوفى الحاجات دى فكرى بعقلك ازاى تقربى جوزك ليكى واعملى كل اللى تقدرى عليه وربنا يوفقك ويبعد عنك الشىطان وياريت متدمريش بيتك بايدك
من مواضيع : نور عادل
02-07-2009, 02:58 PM
SEMEX
 
جوزك اكيد يحبك بس انتي مش فاهمه
من مواضيع : SEMEX
08-07-2009, 04:02 AM
m_elhdeny
 
من الاخر كدة زهقية واخلعى انتى كدة حياتك مستحيلة
من مواضيع : m_elhdeny
08-07-2009, 05:31 AM
نورنصراحمد
 
خليكى عاقلة علشان ولادك
واستحملى يمكن هو مريض نفسيا واستغفرى ربك
وزميلك اللى فى العمل كلامه حلو طول ماهو على البر
وياستى ياما بنسمع كلام حلو كتير
وانتى فاكرة لما تطلقى ان زميلك مش ممكن يكون اسوا من زوجك؟
وترجعى تقولى نار الاول ولا جنة الثانى
وطالما لابيضرب ولا بيقل ادبه دى كفاية اوى
وربنا معاكى
من مواضيع : نورنصراحمد
08-07-2009, 11:54 AM
عبدالرحمن الشنوانى
 
نفسى اسالك سؤال الكلام اللى انتى سمعتية من زميلك كلام حلو بس ولا انجرفتى فى علاقة اذا كانت علاقة اطلبى الطلاق افضل واسف جدا على اى معنى خارج وشكرا
من مواضيع : عبدالرحمن الشنوانى
08-07-2009, 12:47 PM
MEDO2009HAPPY
 
هذه المشكله كثيرا ماتحدث بين الأزواج ولأنك معك منه طفلين فالأمر يحتاج لعقلانيه ولا أستطيع أن أنكر حقك فى أن تعيشى حياة مريحه نفسيا مع زوجك ولكن دعك من هذا الزميل فهذا الزميل لو عاشرتيه سوف تكتشفى عيوبه الكلام الجميل والحلو سهل طالما دون التزامات أما حين يكون هناك التزامات فا الوضع يكون مختلفا .
نعود لمشكلتك مع زوجك أعتقد أنك يجب أن تعالجى عيوبك اولا وهى من المؤكد موجوده ولكن لا ترينها راجعى نفسك وشوفى أسباب بعد زوجك عنك سواء فى العلاقه العاديه أو العلا قه الجنسيه مؤكد هناك خلل يجب أن تبذلى جهدا فى معرفة سببه وأذكرك بقول الله تعالى( ومن يتقى الله يجعل له مخرجا ويرزقه من حيث لا يحتسب )صدق الله العظيم والأآيه فيها الرزق وليس الرزق هو المال بل كل ما ينقص الأنسان من نعم .
أسأل الله أن يهبك راحة البال وهدوء النفس .
من مواضيع : MEDO2009HAPPY
09-07-2009, 03:19 AM
m_elhdeny
 
ربنا يوفقك للى فية الخير وابعدى عن زميلك لان هوة اكيد عارف انك متزوجة وعمل كدة
من مواضيع : m_elhdeny
15-07-2009, 05:56 AM
الحقيقة ألم
 
انا دايما مقتنعة بحاجه ان الست اذا عاملت جوزها برومانسية وحنان أكيد هيكون فى رد فعل كويس من الوج يمكن انتى صحيح جميلة وربنا يبارك فى جمالك لكن الجمال مش كل حاجه الراجل بالذات طفل عايز الدلع والحنان حاولى معاه بحنانك مش بجمالك يمكن تلاقى رد فعل مختلف اصل مش معقول انتى هتكونى كده فى معاملتك وهو هيرد بجفاف اكيد لأ
والاهم من كده حاولى تبعدى عن زميلك ومش تسمحى لنفسك انك تكون فريسة للشيطان اللى عايز يهدم بيتك واذا لم ينصلح الحال خلاص يبقى الانفصال هو الحل الأسلم واذا حصل ده برضه تبعدى عن زميلك عشان اول ما هيعرف انك اتطلقتى هيبعد هو عنك لو كان انسان جدير بالثقة مش كان حاول سرقتك من جوزك بالكلام المعسول والله المستعان
من مواضيع : الحقيقة ألم
15-07-2009, 06:05 PM
ريتاج الشرق
 
حبيبتي قربي من ربنا وصلي كتير وادعي ربنا يقف بجانبك وصلي استخارة
من مواضيع : ريتاج الشرق
17-07-2009, 01:18 AM
mezoman
 
السلام عليكم
اعانك الله علي هذه المشكله ندعو الله ان يوصلك الي بر الامان و النجاه من كل شر
و يجب ان تعلمي ان الحياه مليئه بالصعاب و الانسان القوي هو الذي يستطيع القيام بعد ان يسقط و ليس الذي لا يسقط
اولا يجب ان تقوي ايمانك بالله لان الايمان يزيد بالطاعات و يقل بالمعاصي
فما رأيك ايها الاخت ان تحاولي انت بشتي الطرق جذب انتباه زوجك الكريم بطريقه غير مباشره بدون ان تطلبي منه ذلك
ان تحركي المشاعر الدفينه داخله لقد تعلمنا ان الحب دائما يمر بفترات صعبه و لكن سوف يأتي بأذن الله قريبا الفرج و تعيشي مع زوجك اجمل حياه مليئه بكل ما تتمنيه .
و اسمحي لي ان اطرح عليكي سؤالا واحدا ماذا سوف تفعلي لو علمتي ان زوجك فعل مع زميله له في العمل مثل زميلك في العمل ؟
ادعو الله ان يهدي لك زوجك
الصبر مفتاح الفرج
شئ اخير اطلب منك ان تكتبي في ورقه مميزات زوجك فقط و تفكري فيها و ماذا يعجبه في النساء و حاولي ان تقليدها و الله المستعان
من مواضيع : mezoman
17-07-2009, 03:28 PM
دودو هنا
 
زهقيه واخلعى اما الرجاله دوله عجب العجاب
او تدور الدائره وترجع عليك ساعتها حتقول اوعى تسيبه
كلام العضوات التانيين صح بس مشاعرنا هى اللى بتروح لبعيد فكرى بدماغك شويه
من مواضيع : دودو هنا
18-07-2009, 02:44 PM
Achilies009
 
إرمى كل نفسك فى بيتك وكل إهتمامك إديه لأولادك
الراجل اللى تعرفيه خديها نصيحه منى ولو أنى أصغر منك
متكلميهوش تانىوقوليله ميلمكيش تانى وعلى فكرة مفيش راجل محترم وأخلاقه كويسة يشكر فى جمال واحده متجوزة دا يبقا ناقص
أنا أٍفوخلى بالك منه والله ده ممكن يكون وحش جدا
وبعدين يعنى لو كان جوزك ده رومانسى أوى وبيشكر فى جمال كل الستات كنتى هترتاحى ويعجبك كدة؟؟؟
طبعا لاء
قدرى إنه ليكى وبس
وبعدين اللى بتتكلمى عنه ده مش كل حاجة
الماشعر مش كلام ولا أفعال
لاء دى خوف بيبان فى عينيه قوليلى لو فى مرة كدة جرتلك حاجة أوتعبتى
لإتكرى عمل إ]ه عشانك كدة؟؟؟
عيب أوى اللى بتعمليه ده
ونتى بكلمة واحد بيهتم بيكى دا لما قولتيهاله صدقينى
جرحتيه بيها
حافظى عليه
من مواضيع : Achilies009
19-07-2009, 11:51 AM
قطه مقطقطه
 
بصى ياقمر حولى تقربى من زوجك وعمليه بحنيه ورومانسيه الراجل مع زوجته بيكون زى البيبى الصغنون اقعدى معاه واتكلمى بحنيه ورومانسيه وعمليه اكانو بيبى صغنون صدقينى هتكسبيه وصدقينى لو قدرتى تفهميه هتقدرى تغيريه من نحيتك انتى اكيد تكونى عملتى حاجه زعلتو تلاقيقى مش بتحسسيسه بالتغير لازم تحسسهيه انك امراه متجدده كل يوم غيرى فى استيل لبسك غيرى فى اى حاجه فى البيت فى طريقه العشاء غيرى فى اى حجه المهم انك تحسسيه بالتغير صدقينى ده هيفرق كتير جدا معاكى وكمان بلاش تقوليلو ان فى حد من زميلك فى العمل بيقولك كلام حلو الراجل حتى لو مش بيحبك اكيد هغير عليكى علشان انتى مراتو
دا رائى معنى مش متزوجه بس ده راي ارجو ان راي يفيدك ان شاء الله
من مواضيع : قطه مقطقطه
 

الكلمات الدلالية (Tags)
أزيته, أنا, في, كثيرة

أدوات الموضوع

الانتقال السريع

أنا فى مصيبه كبيرة

الساعة الآن 06:47 AM.