xpredo script

العودة   نيو حب > المنتديات العامة > الحوار المفتوح > جديد فضفضة
التسجيل

فى البلكونة

جديد فضفضة

02-07-2009, 02:26 PM
فضفضة
 
فى البلكونة

انا متجوزة من تسع سنين وعندي اولاد الحمد لله
مشكلتي بقي في جووووووزي
بيقوللي الرجالة مش بتنسي كل شوية يعيد ويزيد في المشاكل والله العظيم اللي حصلت من اول جوازنا
وفاكرهم بالتاريخ
انا قلت برده يمكن انا اللي وحشة ونكدية من شوية كدة قلتله تعاله ندخل البلكونة نقعد نتهوي شوية
وافق ودخلنا ومسكني بقي: فاكرة اول ما اتجوزنا ورجعت من الشغل وملقيتشي اكل
فاكرة لما بزعقلك ورزعتي باب الاودة ودخلتي؟
فاكرة اما قولتلك روحي اخدمي امي وانتي قولتي انك تعبانة ومش هتروحي؟
الكلام ده ممكن يكون من خمس سنين مثلا!!!!!!!
وافضل احاول اغير في الموضوع وابتسم واقوله ايوة صح عندك حق ده انا غلط في حقك كتير وسامحني وربنا يقدرني واعوضك وافضل اعيط في الاخر
والطريقة دي في كل خروجة او قاعدة صفا بيني وبينه
حتي لما بيدخل يلاقيني حاطة ميكاب اوفر يقوللي فجاة لما جيت من السفر فجاة ولقيتيك منكوشة؟ وشكلك يغم؟ فيه واحدة تقعد كدة حتي لو جوزها مش موجود؟
واللي زاد وغطا بقي انا اهلي مقاطعيني من سنة بسببه وهو مش سايبهم في حالهم
بجد قبل كدة حصلت مشكلة بينه وبين امي علشان ضربني وحرق ايدي بالاكل السخن وهي دافعت عنه هو والله العظيم وقالتلي انتي اللي غلطانة علشان انتي عارفة ان جوزك مش بيحب الاكل سخن
بعدها حصلت مشكلة وكانت امي جاية تزورني شافت الخناقة فزعقتله وقالتله ليه بتعمل فيها كدة؟ هي دي الامانة اللي سايبينها عندك؟
من وقتها وهو زعلان وكل شوية امي تراضيه وتحايله هي وابويا لدرجة امي قالتله لو عايزني يا حبيبي اجي ابوس راسك قدام عيلتك كلها انا مستعدة علشان انت تصفي
هو يقول انا مش زعلان ولا حاجة بس كلام وبس
بيعاملهم وحش جدا
يعني مثلا ييجي ابويا يزورني يدخل الاستاذ يفضل يصلي المغرب في ساعتين وكل شوية ابويا يسالني عنه وابقي في نص هدومي قدامه وفي الاخر يطلع يسلم عليه في برود ويقوله انا نازل علشان اسيبك انت وبنتك تاخدوا راحتكم
ونفس الحركات مع امي
ويخليهم ينزلوا من هنا ويرجع يقولي دول عملوا وسووا فيه وده تحت مسمي اصل الرجالة مبتنساش
طبعا هم كل مرة يعمل كدة ويزعلوا وانا احايلهم يرجعوا تاني يسامحوه هو يشوفهم بقوا كويسين يتلوي تاني ويقولي اصلي مش قادر انسي ومفيش حد بيعمل عمايل اهلك دي
طبعا النتيجة انهم يئسوا منه خلاص وبجد بطلوا يكلموه بس بيني وبينهم تليفونات ومامتي اعتبرتني مسافرة هي عايزة تقولي اعتبرتك موتي خلاص بس مكسوفى تقولها
عايزة اقولكم ان نص وقت قعدة البلكونة كانت شتيمة في اهلي
لما خلاني في الاخر اقوله ابوس ايدك اعتبرهم ماتوا دول ناس مش كويسين ومفيش حد محترم يعمل عمايلهم اخيرا بعد حوالي ساعة ونص بطل شتيمة فيهم لما انا شتمتهم
كل كلامه معايا انهم معرفوش يربوني علشان هم ناس مش كويسين
نفسي يبطل يتكلم في اللي فات
انا كل ما يجيب سيرة المشاكل دي افضل اقوله طيب معلشي طيب انا اسفه بفضل اخده علي قد عقله واقوله انا وهم غلطانين علشان خاطري كفاية
بجد حرمت اخرج معاه في اي مكان حتي ركوب العربية مش بخلص من نفس الكلام
ودلوقتي بيعاتب علي اهلي بيقوللي ازاي بقالهم سنة مدخلوش بيت بنتهم؟
وبعدين يرجع ويقولي اصلي قابلت حمايا في الشارع صدفة ولما شفته افتكرت اللي عمله فيه من اربع ولا خمس سنين ولقيت نفسي شايلة واتغميت اول ما شفته

عايزة ارتاح ممكن حد يدلني؟
من مواضيع : فضفضة قالو عن الحب ولكن؟
مشكلتى انى بحب شخص عن طريق النت
كان جاى يقضى وقت......منه لله
لو شكيت فى زوجى
ارجو المساعده
08-07-2009, 03:56 AM
m_elhdeny
 
كبرى دماغك وزى مبيعامل اهلك عاملى اهلو لان ضعفك وضعف اهلك هوة اللى خلاة يعمل كدة فيهم
لان من الاخر هوة لما لاقهم ضعاف قدامهم استغلهم فانتى متبينيش الضعف ده
من مواضيع : m_elhdeny
12-07-2009, 06:09 PM
MEDO2009HAPPY
 
الحقيقة لوسلمت بكل كلامك وأنك ملا ك وهو شيطان اكون ظالما اين عيوبك الم تفكرى ولو مرة أن تكتشفى أى عيب موجود فى شخصيتك وكيف تعالجى هذا العيب ولو كان زوجك بهذه الصورة البشعة كما تصوريها هل عند لحظات الصفاء بغرفة النوم يتكلم بنفس الطريقة أم أنه يكون شخص مختلف رقيق المشاعر الخلاصة ان شخصيتك ضعيفة وقد تركتيه يقول مايقول دون محاسبة فتعود على هذا المطلوب منك وقفة جاده معه لتفهميه انك فاض الكيل بك من اسلوبه شريطة أن تعالجى عيوبك وأسأل الله لكما ولى الهداية
من مواضيع : MEDO2009HAPPY
13-07-2009, 07:35 AM
محمد الحدينى
 
احتسبى عند الله
من مواضيع : محمد الحدينى
18-07-2009, 02:37 PM
Achilies009
 
هو فعلا الأخ معهاه حق
مفيش راجل ربنا يرزقه بزوجه وأمها ,أبوها بالطريقة دى ويبقا كدة
مستحيل لازم هينسى ويصفا
إفضلى زة مأنتتى وأوعى تخربى على نفسك وعلى أولادك بكلمة خلاص بخلاص لاء
صدقينى الكلمة الحلوة تكسر الحجر بس قوليلى على اللى إنتى كتبتيه ده
ولو تقدر إمتبيهومله فى ورقة وسيبيهاله
لو إنسان يبقا لازم يتغير خالص للعكس
وبعدين أنا لاحظت فى تصرفاته غيره عليكى
مش عارف بس الله أعلم دا إحتما والله يكون حب عالى جدا بس هو فاكر إنه لو باح بيه يبقا بيجرح كرامته
دورى جواه هو مين
ويا بختك بيه لو كان زى مأ،ا فاهم
يلا ربنا يسعدك
من مواضيع : Achilies009
31-08-2009, 11:15 PM
russia17
 
كلميه بصراحه على اللى هو بيعمله معاكى ممكن يفضفض معاكى وتحلو المشاكل اللى بنكو
من مواضيع : russia17
02-09-2009, 01:18 PM
dam
 
حاولى ان تعاملية بالحسنى وان تلبى لة كل طلباتة وان تطيعية فى كل شى الا معصية الله تدم السعادة بينكم وحالولى انك تحسيسسية انك احسن منة وتعاملية هو واهلة كويس وسيبك من اى حد يقولك عاملية بالمثل
وان شاء الله حتوفقى فى حياتك
من مواضيع : dam
21-09-2009, 10:15 AM
Mora Adam
 
فى ناس مش بتقدر النعمه اللى فى ايديهم وجوز حضرتك من النوع دا من الناس ...
ربنا يعينك عليه بس مافيش اى سبب يخليك تقطعى صله رحمك ولو جوزك طلب من دا عارضيه
حتى لو عملو فيكـِ ايه .حتى لو بيكرهوكـِ ويتمنو موتك(اعذورينى ع المبالغه) برضو روحى بوسى ايديهم ورجليهم وراضيهم دول اهلك ربنا يهديكـِ .... ولو جوزك راح يكون كدا ع طول فى حل والحل دا ابغض الحلال عند الله بس دا الحل الوحيد مع الشخصيات اللى زى جوز حضرتك بس اظاهر انك بتحبيه والا ما كنت استحملتى دا كله منه ....
ربنا يقويك ويهدى جوز حضرتك
من مواضيع : Mora Adam
03-10-2009, 01:27 AM
بسمة امل للحب
 
ابتسمى للحياه
وحاولى تغيرى زوجك

انا هقولك حل انامعرفش صح ولا غلط
اكيد جوزك بيغلط كتير زى مهو يمسك الغلط عليكى انتى كمان اعملى كدة
لما يجى يقولك فاكرة وفاكرة وفاكرة انتى كمان قوليله فاكر وفاكر وفاكر

سعتها بس ممكن يتغير
معرفش الحل دة بنسبك ولالا الصراحة
يكفينى شرف المحاولة انى اسعدك
تقبلى تحياتى
من مواضيع : بسمة امل للحب
03-10-2009, 03:57 AM
hazem elbasha
 
الصراحة أنتى الى عملتى كده لما سمحتيله يغلط فى أهلك وأستدرجك لحد ما خلاكى تغلطى فيهم وبعد كده بتدورى على حل
الحل فى ايدك لوحدك أنتى تقدرى تخليه ينسى يحترمك ويحترم أهلك الا لو فيه حاجة كبيرة 0
من مواضيع : hazem elbasha
 

الكلمات الدلالية (Tags)
البلكونة, في

أدوات الموضوع

الانتقال السريع

فى البلكونة

الساعة الآن 11:59 PM.