xpredo script

العودة   منتدى نيو حب > المنتديات العامة > الحوار المفتوح > نكت

تتجوزيني ؟!؟

نكت

06-08-2009, 10:47 PM
LoVe HeaRt 2009
 
تتجوزيني ؟!؟

اقدم لكم الان ....مفاجأة الموسم قصة كفاح
ميرفت وعيلاء


_ تتجوزيني ؟


ـ أفندم ؟
ـ بقولك تتجوزيني ؟
ـ ؟؟؟
ـ تتجوزيني ؟
ـ لأ
ـ ليه ؟
ـ بصراحة كدة شكلك مش عاجبني
ـ إزاي يعني ؟
ـ يعني .. أصل أنا ليا مواصفات معينة لفارس أحلامي
ـ مواصفات معينة ؟ .. هو انتي هتتجوزي عربية؟
ـ لأ ! .. بصراحة كده .. إنت مش فارس أحلامي اللي باتمناه







ـ تتجوزيني ؟
ـ إيه ده ؟ شكلك اتغير
ـ إيه رأيك ؟
ـ واو .. شعرك بأة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة
ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
ـ مين عباس كيج ده ؟
ـ عباس ؟!! ياي .. إيه عباس دي ؟ اسمه نيكولاس
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي





ـ تتجوزيني ؟
ـ انت لسه ليك عين تكلمني ؟
ـ أيوة .. أنا عرفت مين بنكرياس كيج ده
ـ أولاً : اسمه نيكولاس كيج
ـ أيوة أيوة .. كنت هاقول اسمه صح .. بس اختصرته .. ده ممثل
ـ ممثل إيه ؟
ـ ممثل أمريكاوي
ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي
ـ دونكي دي تبقى شتيمة ؟
ـ أوف كورس





ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟





ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟



ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ما بيشتغلش ؟
ـ لا
ـ يعني مش هتتجوزيني ؟
ـ لا
ـ كدة أنا أزعل
ـ ما تزعلش يا بابا .. خليك فريش
ـ ماشي .. ماشي .. بس قوليلي
_ إيه ؟
ـ فريش دي تبقى شتيمة ؟





ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت
ـ وإيه هو ؟
ـ سواق تاكسي
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس
ـ شرف ؟ جتك القرف





ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جداً
ـ قد إيه يعني ؟
ـ ألف جنيه
ـ نعم ؟!!! .. ألف جنيه دول تروح تسرح بيهم ببطاطا
ـ يعني موافقة ؟
ـ روح اتنيّل





ـ تتجوزيني ؟
ـ عندك شقة ؟
ـ طبعًا .. أوضة على السطوح
ـ نعم ؟
ـ إيه المشكلة ؟! .. أحسن ما ننام في الشارع
ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة
ـ طيب .. كلها كام سنة وأجيبلك أحسن شقة في الدنيا
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع





( بعد سنوات)


ـ تتجوزيني ؟
ـ جبت الشقة ؟
ـ أيوة .. الحكومة بتبني شقق للشباب وأنا خدت شقة .. صحيح
إنها اتأخرت لسبع سنوات .. لكن المهم إنها جات
ـ فانتاستيك
ـ بس الشقة ناقصة حاجة
ـ إيه هي ؟
ـ مفيهاش حمام
ـ امشي من قدامي ! .. مش طايقاك





ـ تتجوزيني ؟
ـ إنت تاني ؟
ـ جبتلك حمّام إنما إيه
ـ خليه ينفعك
ـ ليه بس ؟ .. ده ينفع لينا احنا الاتنين
ـ وأنا مالي ؟
ـ مش عاجبك .. مش مشكلة .. أكتبه باسمك






(بعد سنين)
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل
ـ أصل إيه ؟
ـ أصل أنا بحُبك
(بضم الحاء)
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين
خليك روش وقول
I love you
ـ ماشي .. بس قوليلي
ـ نعم ؟
ـ روش دي تبقى شتيمة ؟





ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان
_ إيه ؟
ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة
ـ رقيقة ؟! .. ده انت بدأتي تقشفي
ـ فشر
ـ فوقي لنفسك .. العمر بيجري
ـ أنا مصرة على رأيي
ـ يعني إيه ؟
ـ يعني اقطع معايا
ـ بعد كل السنين دي ؟! .. بعد كل الحب ده ؟
_بلاش تراجيديا من فضلك
ـ ماشي .. بس قبل ما أمشي عاوز أسألك سؤال واحد بس
ـ إيه هو ؟
ـ تراجيديا دي تبقى شتيمة ؟





( بعد سنوات )


ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني
ـ طيب شاعدني عشان ألاقي النضارة
ـ آهي على الترابيزة قدامك
ـ فين ؟
ـ لا دي نظارتي أنا
ـ أيوة لقيتها
ـ البشيها باة
ـ ططييبب
ـ عينيكي فوق شوية .. ده بقك
ـ طيب لبشهالي إنت
ـ عقبال ما البشك الدبلة
ـ ما تكشفنيش .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟
ـ دي شتيمة ؟
ـ لاااااء .. بقولك تتجوشيني ؟
ـ آه !! .. أجوشك
ـ بالضااااابط .. هاه ؟
ـ شيبني أفكر
ـ أشيبك تفكري ؟! .. ده انت هتموتي خلاش
ـ لا .. شيبني أفكر بش
ـ ربنا يوفقك
ـ إيه ؟
ـ ربنا يوفقك
ـ بتقول إيه ؟
ـ ربنا ياخدك





(على فراش الموت)


ـ تـ … كوح .. كوح .. تتـ .. كوح كاح كيح .. تتكو .. كوح .. كوح
تتكوشـ .. كوح كوح .. يني ؟
ـ مش شامعة
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح
تتجوشيـ .. ؟ كوح .. كوح
ـ أجوش مين ؟
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ
ش .. كوح كوح كيح .. ميـ .. كوح .. مين ؟
ـ إيه ؟
ـ لا .. كوح .. أبدًا .. كوح .. كنت … كح كح .. بأكح
ـ كنت بتكح ؟!!!! .. شلامتك .. ما قلتليش ليه ؟
ـ هو .. كوح .. إنتي .. لشة .. عارفـ .. ـة .. كوح كوح
ـ بتقول إيه ؟
ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو
شيـ .. كوح كوح كوح كوح .. نـي ؟
ـ أجوشك ؟!! .. طب بش خد الدوا الأول
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
ـ أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !! .. كوح كوح -
كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع
ـ يا حاج .. يا حاج
لاااااااااااااااااااااااا ااااااااء


مااات الحج

من مواضيع : LoVe HeaRt 2009 حوار بين اتنين مخطوبين وطبعا الحماه في النص
تتجوزيني ؟!؟
كيف تقتل زوجتك بدون أن تعلم الشرطه
07-08-2009, 01:27 AM
tota&toma
 
حسبى الله والنعم الوكيل
هههههههههههه
قصة عابرة بصراحة
ميرسى تسلم على الموضوع الجميل
من مواضيع : tota&toma يلا احرق دم اى بنت ؟
طبق اليوم ( احرقى زوجك )
قوانين منتدى واحد عصبى. لاتعليق!
اختبار نفسى جديد ومضحك؟؟
ليلة القبض على بابسى
07-08-2009, 02:13 AM
سامح مان
 
هههههه
من مواضيع : سامح مان
07-08-2009, 04:31 PM
n ou_nou
 
ههههههههههههههههههههههههه ه
اجمل قصة فالعالم
من مواضيع : n ou_nou نكت على الماشي
فرفش شوية الدنيا حلوة
من الاذكى الطالب ام الاستاذ ام الاثنين معا ؟
نكت خفيفة
الزوجة المطيعة
08-08-2009, 12:20 AM
غزالtft
 
قصة جامد هههههههههههههههه
من مواضيع : غزالtft لغز صعب جدا اتحدى اى حد يعرف يحلو
اتكلم 6ساعات من غير اما تدفع ولا قرش من رصيدك
08-08-2009, 04:32 PM
اميمه زهران
 
هههههه فعلا قصه كفاح رهيبه جدا
من مواضيع : اميمه زهران اضحك من قلبك
12-08-2009, 03:34 PM
اميرة الزمالك
 
هههههههههههههههههههههههه
تسلم علي الموضوع الجميل
من مواضيع : اميرة الزمالك
14-08-2009, 07:23 AM
doaa_dodo
 
ههههههههههههههههههههههه
جــــــــــــــــــامــــ ـــــــــــــدة جدا
من مواضيع : doaa_dodo
14-08-2009, 07:43 AM
ريتاج الشرق
 
ههههههههههههههه
بجد جميله
من مواضيع : ريتاج الشرق الفرق بين البطه والوزة
عبارات مكتوبه علي سيارات نقل مصريه
نكت جامده اوي
نكت روشه
14-08-2009, 09:28 PM
boba_2008
 
ههههههههههههه
والله انا تعبت للحج ده و ف الاخر ماتجوزهاش بجد حرااااااام
من مواضيع : boba_2008
14-08-2009, 10:25 PM
LoVe HeaRt 2009
 
ياههههههههههههههههه


مشكرو لمرورك بجد و نوريني في كل مواضيعي
من مواضيع : LoVe HeaRt 2009 تتجوزيني ؟!؟
كيف تقتل زوجتك بدون أن تعلم الشرطه
حوار بين اتنين مخطوبين وطبعا الحماه في النص
14-08-2009, 10:46 PM
عاشقة روحه
 
ههههههههههههههههههههههههه ه
بجد بجد انت حاجه تحفه دا انا اول مرة اضحك كده ........زيلا عئبال عندك تتجوز مش تموت بعيد الشر عليك
من مواضيع : عاشقة روحه نكته موووووووت
دليل السعادة الزوجيه.........هههههههه..........اكيد مو واقعي هالشي
يا رب المرة اكون خفيفة دم عليكو.........هههههه
الرقم مشغول...........نمبربزي يا خوياااااااا......اضحكو معي
07-09-2009, 06:40 AM
سندريلا الزمالك
 
ههههههههههههه
تحفة
من مواضيع : سندريلا الزمالك إضحك كركر,, هههههههههه
 

الكلمات الدلالية (Tags)
تتجوزيني, ؟؟

أدوات الموضوع

الانتقال السريع

تتجوزيني ؟!؟

الساعة الآن 08:17 AM.