xpredo script

العودة   نيو حب > المنتديات العامة > الحوار المفتوح > نكت
التسجيل

نكت على الريس حسنى مبارك

نكت

31-08-2009, 02:44 AM
saraj
 
نكت على الريس حسنى مبارك


الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته: خليهم خمسينتين وفرح عايلتين
قال ابنه: خليهم 25 وفرح أربع عوايل
قال كابتن الطيارة: يا عم أرم نفسك وفرح 70 مليون مصري.

------------ --------- --------- ---------

----- --------- ---

علاء مبارك شارك! في من سيربح المليون ......
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!



------------ --------- --------- ---------

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة
1. ليه انت رئيس بقالك 25 سنه ؟
2. لسه معينتش نائب ؟
3. ليه ولادك ماسكين كل حاجه فى البلد ؟
4. ليه مصر حالتها الاقتصاديه زفت و انت مبتعملش حاجه؟

ساعتها بالضبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله

1. ليه انت رئيس بقالك 25 سنه ؟
2. لسه معينتش نائب ؟
3. ليه ولادك ماسكين كل حاجه فى البلد ؟
4. ليه مصر حالتها الاقتصاديه زفت و انت مبتعملش حاجه ؟
5. ليه جرس الراحه رن ربع ساعه بدري ؟
6.. وبعدين فين رامى ؟؟؟؟؟؟ !!!!!

------------ --------- --------- ---------

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه ,

هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك, صلي على النبي

------------ --------- --------- --------- --------- --------- --------- --------- ----






واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5 مليون $ دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام"
الرجل الثاني : " من 5 الى 10 لتر بنزين .


------------ --------- --------- --------- --------- --------- --------- --------- --------- --------- --------- --------- --------- ------
مرة سيادة الريس مد إيده في جيبه لقي 5 مليون جنيه !!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر الفاضل وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد:
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع
بألف جنيه عن كل مليون جنيه وخلاص .
الريس راح يمشي ، وهو بيمشي قام لقي عمنا صفوت الشريف بيمشي
بنفس المكان فقال له : أنت بتعمل إيه هنا؟ أنت حتمشي كام؟
صفوت قاله 78 كيلو يا ريس.
الريس: يخرب بيتك؟ ده أنت خربت البلد !!
صفوت: أنت جاي علي أنا وتحاسبني؟ روح شوف علاء ابنك جايب موتوسيكل وبقاله 3 أيام بيمشي فيه

------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- ---





كان حسني مبارك فى سرير المرض حينما أخذ يلقى بوصاياه الأخيرة لوزيره احمد نظيف :
- وصيتك الحكم من بعدى يا احمد ...
- فى رقبتى يا ريس .. كله تمام والسلطة هياخدها جمال ...
- ثم راح فى غيبوبة .. أفاق منها بعد قليل ...
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
- ثم راح فى غيبوبة .. أفاق منها بعد قليل ...
- احمد ...
- نعم يا ريس؟
- بس ماتنساش .. توكيل الزلط لعلاء


------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- --------- -





كان حسني مبارك بيخطب في الشعب ... فكل شويه واحد يقوم ويقول ...
عاش حسني مبارك موحد الاديان ويقعد ...
يروح حسني مكمل كلامه وشويه ويقوم الراجل ... ويقول عاش حسني مبارك موحد الاديان ...
اتمسك من امن دوله وطااااااااخ ...

ويقولوله ايه الي انت بتقوله إيه دا ... ازاي موحد الاديان ؟؟؟ ...
دي مصر فيها مسيحين ويهود ومسلمين وطااااااخ ...
فرد عليهم يا باشا .... ماهوه موحد الأديان علشان هوه اللي مكفرنا كلنا

------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- ---------
واحد سأل المغنى سعد الصغير ... إنت ما غنيتش للريس ليه زى الباقيين ....
سعد الصغير قاله : إزاى طبعاً غنيت !!!
قاله : غنيت إيه ؟؟؟
سعد الصغير قاله : غنيت له طبعاً " بحبك يا حمار " ...
------------ --------- --------- --------- --------- --------- --------





بيقولك واحد تانى لقى الفانوس السحرى ودعكه طلعله العفريت
و قالــــــه: شبيك لبيك تطلب أيه ؟
قاله الراجل : أنا عايز كوبرى بين القاهره و أسوان
العفريت قاله : دى صعبه قوى .. نقى حاجه تانيه
الراجل قاله : خلاص خلى حسنى مبارك يسيب الحكم
العفريت قاله : أنت عايز الكوبرى رايح جاى ولا رايح بس


------------ --------- --------- --------- --------- --------- --------- --------- --------- --------- --------- --------- --------- --------- --------- --------- --------- ---------





إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل و لا عبدالناصر ؟
نظيف : انت طبعا يا ريس .. جمال مين دا اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين دا ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب دا كان بيخاف من ربنا .. إنما انت لأ




من مواضيع : saraj نكت على الريس حسنى مبارك
31-08-2009, 03:04 AM
HONDA ACCORD 99
 
والله أخي الفاضل كل الزعماء العرب بنفس الطريقةالتي ذكرتها في نكاتك..
موضوعك جريء جداً
على كل حال شكراً للإضافة ولو أنها قامت على مبدأ المساس بأحد الزعماء وهذا ما لا نحبذه لكن هي في النهاية مجرد تسلية وضحك ..
من مواضيع : HONDA ACCORD 99 اضحك معنا ,مظاهرات حاشدة في منتدى حب جديد تطالب بإسقاط الإدارة
كله بسبب الإنترنت ؟؟
حوار داخل قطار
بمناسبة قرب الإمتحانات
الجيش العربي فين..
31-08-2009, 06:28 AM
سندريلا الزمالك
 
هههههههههههههههههههه

من مواضيع : سندريلا الزمالك إضحك كركر,, هههههههههه
31-08-2009, 07:00 AM
ضي القمر99
 
هههههههههه
من مواضيع : ضي القمر99 مراتي جابتلي الضغط
31-08-2009, 07:58 AM
amr_mero1
 
هههههههههههههههههه تسلم ياباشا
من مواضيع : amr_mero1 الفرق بين مصر و تونس ايه؟
حل حكومي لظاهرة الإنتحار حرقاً ههههههههه
اكتب وصيتك قبل ما تدخل
31-08-2009, 11:37 AM
روميو_
 
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههه


والله جامد اوووووووووووووووووى

هههههههههههههههههههههههه
من مواضيع : روميو_ نكت جامده مووووت‏
نكت جمدا علشان الاحباط
31-08-2009, 01:46 PM
اجمل البنات
 
ههههههههههههههههههه
احنا كده ممكن ياخدوا كل اللى فى المنتدى على امن الدولة على طول ومنها على المعتقل
ميرسى على النكت
من مواضيع : اجمل البنات تخيل كده لو رمزى( بتاع راجل وست ستات ) بقى مدرب المنتخب
طرق الموت المتعددة
قناة الزمالك قريبا على شاشة التليفزيون
31-08-2009, 04:31 PM
tota&toma
 
ههههههههههههههههههههههههه ه
هنتمسك امن دولة
بس جامدين اوى
من مواضيع : tota&toma ليلة القبض على بابسى
يلا احرق دم اى بنت ؟
حاجات بنعملها من غير ما نحس!!!
حكاية الربع جنيه المخروم !!
مسلسلات تركية
25-09-2009, 03:37 AM
hazem elbasha
 
هههههههههههههههههههههههه
والله جامدة موووووووووووووت
من مواضيع : hazem elbasha على رأى المثل ....
حظك اليوم 20/8/2009
أضحك من قلبك ........
نكت جامدة
شعر أخر تهييس........
25-09-2009, 10:50 AM
أسامة فقط
 

هاههاهاهاهاهاهاهاهاهاهاها هاهاهاههاهاهاهاهاهاهاها
من مواضيع : أسامة فقط
 

الكلمات الدلالية (Tags)
مبارك, الريس, حسنى, على, نكت

أدوات الموضوع

الانتقال السريع

المواضيع المتشابهه
اخبار الجلسة الذى حضرها الرئيس مبارك
من يحكم مصر بعد مبارك؟
لن يفعلها مبارك
مبارك يلقي كلمة الافتتاح اليوم في منتدي شرم الشيخ
مبارك ومحمد السادس يبحثان الاوضاع فى الشرق الاوسط

نكت على الريس حسنى مبارك

الساعة الآن 05:15 PM.