xpredo script

العودة   نيو حب > المنتديات العامة > الحوار المفتوح > رومنسيات
التسجيل

غَير حياتَك من الإدمان للإيمان .. من كتاباتي <راب

رومنسيات

05-10-2009, 05:09 PM
MOHAMED ONLY ONE
 
Icon15 غَير حياتَك من الإدمان للإيمان من كتاباتي <راب

بسم الله الرحمن الرحيم
السلام عليكم ورحمة الله وبركاته




موضوعي الجديد هو عن الإدمان وعن شباب المخدرات
مقدرتش أعبّر عن الكلام ده إلا بالراب .. وياريت ينول أعجابكمغَير حياتَك من الإدمان للإيمان    من كتاباتي <راب






أصحي أسمعني وفوق
أرفع إيدَك لفوق
مش هفضل كدّه ساكتين
لأ.. لازم نتكلم ونفوق


مُعدل الجرايم أرتفع
والناس عايشين في هلع
عمرنا ما هنقدر نتكلم
غير لما بالعذاب ندوق


ليه لما نشوف مظاليم
نُقف كلنا ساكتين
لازم نعمل حاجه
ده إللي قال عليه الدّين



تعبانين محتاجين أي حد جنبنا
ندمانين مصدومين الحياة مش واقفه في صفنّا
مستعدين نساعد أي حد يلجألنا
إن شاء الله وبعون الله هنغيّر
من نفسنا


أنزل الشوارع وحتي الميادين
هتلاقي الناس كُلها
بالحقيقة مصدومين
حاول تساعد الغير
صَحي فيك الضمير
لازم تغيّر من نفسَك
وتبدأ بالتغيير


تعرف إيه أجمل شئ فينا
إننا بنتعلم من الغلط لما بيعدّي علينا
يلا نقول كُلنا علي طول
هنتحلي بالإيمان والإدمان
هيخلص بينا

الإدمان زي الأعصار
طَقس وكُله دمار
بركان مليان شرار
لو جربت تقرب منّه
هتنحرق علي طول في النار

حاول تبعد عنّه
لترجع تندم منّه
خليك دايماً فاعل للخير
وربنا هيكفيك شرّه


خلاص هنفوق وهنكمل حلمنا
إيه أجمل من حماس بيجري في دمنا
إيدي ف إيدَك للمستقبل
الخير هيعُم علينا كُلنا


شباب الإدمان كتير
وبقول لكُلّ واحد منهم
أتحلي بالإيمان
وأوعي من قلبَك يطير
أنا كلامي ليه معاني
وده واضح في التعبير
عايز تفسير..!
ليه هما بالمخدرات مُتمسكين
علشان ليها عليهم تأثير

شَبكتهم فيها كتير
بيساعدوا بيها الغير
لفعل الشئ الغلط
وبحياتهُم للتدمير

ليه أحنا مش نساعدهم
ونحبب فيهم الخير
ونبقا لبلدنا رجالة
أسمنا شباب التعمير


أصحي أسمعني وفوق
أرفع إيدَك لفوق
مش هفضل كدّه ساكتين
لأ.. لازم نتكلم ونفوق


وفي أخر كلامي ولكنه مش الأخير
أنا مش هوافق أبداً
لأي نوع من أنواع التدمير
وهحارب الإدمان حتي ولو كان خطير
هكتب كتير كتير بكلامي البسيط الكبير
وهيبقي أسمي
واحد من جيل شباب الخير


خلاص هنفوق وهنكمل حلمنا
إيه أجمل من حماس بيجري في دمنا
إيدي ف إيدَك للمستقبل
الخير هيعُم علينا كُلنا


موضوعي الثاني عن الراب

كُلّ عام وأنتم بخير
وأرجو أن تكون الكلمات البسيطة أعجبتكُم
أغلي تحيةغَير حياتَك من الإدمان للإيمان    من كتاباتي <راب
من مواضيع : MOHAMED ONLY ONE يــا ســـلام < كلمات أغنيه من تـاليفي
غَير حياتَك من الإدمان للإيمان .. من كتاباتي <راب
الـ ـنـ ـظـ ـره الأولــ ـى
هستنى تاني ؟ كلماتي
من شدة عذابي بكيت __`~`__أغنـيـه !! كلماتــــــي
05-10-2009, 09:30 PM
ema elraya
 
يا خبر انت بتتمنى انها تكون عجبتنا بجد تحفة يا مودى
اجمل ما فيه يعنى باستثناء طبعا انها من كتاباتك
ان اسمى فيها ههههههههههههههههههههههههه
بجد تحفة يا مودى كمل كتاباتك اللى بنموت فيها
دمت فى حفظ الله
من مواضيع : ema elraya اخطر سؤال بالحب؟؟؟؟؟؟؟؟؟
محاكمة الحب
05-10-2009, 10:20 PM
troy_axel
 
أشطة
كووووووووووووول
أنا متابع مواضيع عن الراب
خش على اللنك الي في توقيعي وأنشر
بس عندي تعقيب صغنن
أنك حاول تجيب كلام جديد عشان الأغنية في منها كلام كتير من أغنية دمر نفسوا بأيدو لـegy rap school
من مواضيع : troy_axel ما هو الحب ؟
08-10-2009, 12:17 PM
MOHAMED ONLY ONE
 
Question تعقيبَك الصغنن غلط يا مان !

بسم الله الرحمن الرحيم
السلام عليكم ورحمة الله وبركاته


أسمحلي أقولَك يا Troy أن كلماتي إللي أنا بكتبها لا بقتبس حاجه من الأغاني , و ولا بنقل كلمات وحروف من أي منتدي آخر ولاكن هذه الكلمات من صميم داخلي ومشاعري وأحاسيسي فعندما أكتب أي موضوع أو أي كلمات إذا كانت هذه الكلمات رومانسيه أو عن الراب فأنا بشعر بيها وإلا إذا ماكنت كتبتها أو فكرت فيها ., يظهر يكون عندَك حق في حاله واحدة فقط إن الفكره واحده بيني وبين الأغنيه فأنا أعبّر بطريقتي الخاصة عن الإدمان والأغنية أيضاً كذلك..

أنا حاسس إني لما فكرت أكتب عن الراب كتير من أعضاء المنتدي أفتكروني أقتبست الكلمات لذلك لم أري ردود في الموضوع .., حتي أن موضوعي الأول
https://new7ob.com/vb/pro115761.htm
< راب Rap راب > نُقل لقسم كلمات الأغاني
ولا أعلم السبب مع العلم إني كتبت بجوار أسم الموضوع < من تأليفي > فلم أتضايق لأنه مش من أختصاصي ولاكن من أختصاص المشرف أو المراقب .,

فـ دلوقتي هبينلَك حُسن نيتي,
فهذه هي كلمات أغنية دمر نفسه بأيده
لفرقة إيجي راب سكول,

الكلمات
أصحى في إيه
قوم من النوم تعالى هنا
ايجى راب سكول بتقول أحنا محدش قدنا
عشان بنغنى راب عربى طالع من قلبنا
لو مش مصدق تعالى أسال فى حينا

وأوعى تتعدى حدودك دا الحدود متكهربه
فى منطقتنا شباب كتير كلها متعصبه
شباب دماغها رايحه
مخدرات ريحتها فايحه

والكلام ده مش فى منطقتنا بس ده فى البلد
فى اى مكان تروحه مخدرات بتتوجد
عاوز مسئول يقولى معنى الكلام دوت إيه
ما تقلقش يا أبنى الوضع مسيطرين عليه

فكر وقولى كام فى المخدرات دى اتدفع
طب ما تقولى معدل الجريمه إللى ارتفع
كام شاب فى شبكه المخدرات وقع
كام أم قلبها على عيالها بيتوجع

إنتشار غريب دوّر تلاقيله معنى
لازم يغمض عينه ولازم يفتحها ويسمعنا
قبل ما اليأس يدب فينا ونقول أحنا ضيعنا
وساعتها هنندم والندم مش هيبقاله معنى

عنيك حمرا زى الدم
كأنَك شايل ألف هم
حياة حلوه قلبتها
وجالك وقت للندم

عاوز تدمر نفسك وتعيش حياتك فى اليأس
يبقى هى فكره واحده مخدرات وبس
أيوه هى فكره واحده مخدرات وبس

دمر نفسه بأيده
مفيش حاجه هتفيده
هيوصل للنهايه وهيبقى إيه

ده الشيطان زميله
مخدرات طريقه
وإللي عامل صديقه هيضحك عليه


دخلت حياتنا
دى كارثه كبيره
هنسمعك أسامي خطيره
وأهى قلبت حيره
الدنيا بايظه على دماغك
مالقيتش غيرها قدّامك
مخدرات أشرب بقى جنانك

خطوات كتير وأنتا دلوقتى فى أول خطوه
الخطوه الأولى
الدخان
أول طريقك للإدمان
بتلف بإيدك كام جوان
وصلت للطيران
دبابيس محطوطه فى كوبايه
دخان طاير عامل خيلان

الخطوه التانيه
دنيتك فانيه
ما بقاش فى حاجه بتأثر فيك غير حاجه واحده بس هى الكليه
الاس أر ( sr ) والالترا دول
عامل هيد ( head<دماغ يعني> ) مش معقول
فاكر نفسك ملك والناس كلها عليك بتقول

شوف المدمن ده وصل نفسه لفين
شوفو حد يشيله من هنا إنتا ياأبنى إبن مين شيطان رجيم
الكلّ عنك بيبعد يا ترى دلوقتى صاحبك مين
أسال عقلَك مش هو برضه سليم

الخطوه التالته
الماده القاتله
الفيزا الخبيثه لنفسك بقت رخيصه
حلوتها خدرتك خليتك بنى ادم اعمى
أنا نفسى فى حاجه اقوى
مفيش غير بس الأبره
أربط دراعك فى عروقك مخدرات جريئه
بعد الخطوه دى خلاص مفيش خطوه جايه
السجن أو الموت هو الناهى للقضيه

ألحق نفسك بدّل ما تبقى لنفسك
أنتي الضحيه


دمر نفسه بايده
مفيش حاجه هتفيده
هيوصل للنهايه وهيبقى ايه
ده الشيطان زميله
مخدرات طريقه
وإللي عامل صديقه هيضحك عليه



يارب أكون وصلت المعلومه ., وأنا أسف لو كان كلامي جارح بالرد يا Troy أنت أخ عزيز يا مان
وكُلّ عام وأنت بخيرتعقيبَك الصغنن غلط يا مان        !
من مواضيع : MOHAMED ONLY ONE حُـبـيـبتى بـحـلــم بـيكــى فـى أحــلامــى
هل تتغير الساعه وحُبك في قلبي كمان يتغير؟؟؟!
من شدة عذابي بكيت __`~`__أغنـيـه !! كلماتــــــي
كلام وخواطر لحبيبتي.......
قـــرب عـليـا .... كلماتي <أغنيه
08-10-2009, 12:21 PM
MOHAMED ONLY ONE
 
اقتباس:
المشاركة الأصلية كتبت بواسطة ema elraya
يا خبر انت بتتمنى انها تكون عجبتنا بجد تحفة يا مودى
اجمل ما فيه يعنى باستثناء طبعا انها من كتاباتك
ان اسمى فيها ههههههههههههههههههههههههه
بجد تحفة يا مودى كمل كتاباتك اللى بنموت فيها
دمت فى حفظ الله
هههههه صحيح يا إيمان , تسلمي يا جميل لمروركِ الجميل المميز إللي مش بيفارق مواضيعي
كُلّ سنة وأنتي بخير., دمتي في حفظ الله
من مواضيع : MOHAMED ONLY ONE (شـكــلي بــمــووت) _ مع توضيح صغير
أراجع نفسي _ كلماتي
آهات قلبي من دونه
بـحُـب عذابي معاك
أغنيه من كلماتي وألحاني ؛ كُـنـت بـخــاف
 

الكلمات الدلالية (Tags)
&ltراب, <راب, للإيمان, من, الإيمان, حياتَك, عصير, كتاباتي

أدوات الموضوع

الانتقال السريع

المواضيع المتشابهه
إدمــــان الإنترنت

غَير حياتَك من الإدمان للإيمان .. من كتاباتي <راب

الساعة الآن 10:59 AM.