xpredo script

العودة   نيو حب > المنتديات العامة > الحوار المفتوح > جديد فضفضة
التسجيل

خطيبى

جديد فضفضة

24-11-2009, 01:03 PM
فضفضة
 
خطيبى

السلام عليكم ورحمة الله وبركاته
مشكلتى انى مخطوبة تقريبا من 3 شهور لواحد قريبى مكنتش اعرفه قبل ما نتخطب اوى مجرد سلام كدة وخلاص ومن 3 شهور جه والده وكلم اهلى انه عايز يخطبنى وكل البيت عندنا وافقو وقالولى فكرى بس نفس الوقت هما كانو مديين الموافقة لاهل خطيبى و طلبت انى اقعد معاه علشان اتعرف عليه شويه ومحصلش قبول خالص ومحسيتش انى مستريحة ولما قولت لماما انا مش مستريحة قاليتلى ده قريبك وابن عيلة كويسة و مستواهم المادى كويس وعمرك ما هتطلبى منه حاجة ومش هيجيبهالك حاولى تستريحى معاه وتحبيه ومش عايزين مشاكل تحصل فى العيلة
بس انا والله حاولت بدل المرة الف انى احبه لكن حاسة انه بيفكر بطريقة وانا بطريقة تانية خالص ودايما يقولى انا بحبك ومقدرش اعيش من غيرك بس انا مش مصدقة لانه مكنش بيشوفنى الا نادرا طيب منين بيحبنى انا صليت استخارة وحسيت ان الحكاية مش هتكمل ومكنتش مستريحة بعدها انا دلوقتى حاسة انى بضحك عليه ومعنديش الجرأة انى اقوله انى مش مستريحة معاه الحكاية دى تعبانى جدا والله بقالى 3 شهور مش بنام نفسى اغمض عينى وافتحها الاقى الحكاية دى خلصت بس من غير ما يحصل مشاكل فى العيلة نفسى حد يقولى اعمل ايه انا وافقت بس علشان اهلى والعيلة لكن مش عارفة احس باى حاجة ناحيتة ..

من مواضيع : فضفضة أنا فى مصيبه كبيرة
ممكن رأيكم لو سمحتم؟؟؟؟
قولولى بالله عليكم أغيره ازاى
يأست خلاص
مشكلتي كبيره وغامضه ويا ريت القى عندكم الحل
24-11-2009, 08:12 PM
rona93
 
بصى انا هقولك حاجه انتى ممكن تتكلمى مع خطيبك وتعرفيه انك حاولتى لكن مش قادره ترتاحى معاه وهو فعلا لو بيحبك زى ما بيقول مش هتحصل ولا هيسمح تحصل مشاكل فى العيله ولو مش هتعرفى تقولى كده ممكن حد يوصلوا ده مش شرط انتى يعنى
وكمان انتى لو استمريتى معاه وانتى مش مرتاحه هتتعذبى وهو كمان هتعذبيه معاكى
وعلى فكره لو بعد الشر حصلت مشاكل لو سبتيه احسن ما تحصل مشاكل بعد ما تتجوزيه بعد الشر طبعا
بس انا عايزاكى الاول توصليلوا انك مش مرتاحه يمكن هو يعرف يحسك ويفهمك ويتغير عشانك وان شاء الله يتحل الموضوع على خير
من مواضيع : rona93
24-11-2009, 11:41 PM
m_elhdeny
 
قوليلة فى وشة
من مواضيع : m_elhdeny
24-11-2009, 11:48 PM
اجندين
 
هاد زواج اختي حياة اطفال عشرة فكري كويس انت لسه على البر
من مواضيع : اجندين
25-11-2009, 05:29 AM
m_elhdeny
 
ايوة الزواج مش حب وبس لان الحب مش حياكلك ولا يشربك ولكن
ممكن تحبى زوجك مع مرور الوقت ومن الممكن ان تندمى علية لاحقا

وعلى العموم خدى اللى بيحبك مش اللى انتى بتحبية
من مواضيع : m_elhdeny
05-12-2009, 08:23 AM
سندريلا الزمالك
 
شوفى أختى مرت بتجربة شبه بتاعتك بس مش مع حد من قرايبنا
إتخطبت لواحد وفعلا ملقتش نفسها معاه خالص زيك كدة
حاولت تغير فيه لكن للأسف مفيش فايدة إسلوب حياته متغيرش ولا طريقة تفكيره ولا حاجة أبدا

وخدت القرار وقالت لبابا إنها مش هتقدر تستمر بالشكل ده
وفعلا فسخت الخطوبة ..
وهى دلوقتى إتجوزت واحد تانى والحمد لله مرتاحة ومتفاهمة معاه و ربنا كرمهم ب روزى

شوفى يا أختى فالله انا عارفة إن الوضع عندك انتى هيبقى صعب عشان دول قرايبك
بس صدقينى طالما صليتى إستخارة وحسيتى برضه إنك مش مرتاحة
يبقى لازم تصارحيه بالحاجات إل بتخليكى مش منسجمة معاه ولو فضل زى ما هو ومتغيرش
خدى القرار الشجاع وسبيه بالحسنى وبإذن الله ربنا يعوضك بالصالح ليكى
وأهلك ممكن يبقى فى مشاكل فى الآول لكن مسير الزمن يهدى الأمور

يا أختى إنتى مش هتجاملى أهلك على حساب حياتك الجاية
وعايزة ألفت نظرك لحاجة خطيرة, إنتى لو فضلتى خايفة ومتصرفتيش ممكن بكرة وبعده
تكونى معرضة إنك تحبى واحد تانى بعد الجواز إحنا بشر مش ملائكة
وخصوصا البنات والستات بيبقوا محتاجين لحاجات معينة انا حاسة إنك مش لاقياها فى خطيبك
وساعتها هتبقى خائنة والعياذ بالله ...

كونى شجاعة وواجهى الموقف


ملحوظة صغيرة : انا بكره حكمة خدى إل يحبك ومتاخديش إل تحبيه
انا من رأى لا ده ولا ده
انا آخد واحد انا وهو بنحب بعض
هعمل إيه بإل بيحبنى وانا مش بحبه هبقى عايزة أخلص منه بأى طريقة
أما التانى أنا إستحالة أتجوز واحد مش بيحبنى
من مواضيع : سندريلا الزمالك
05-12-2009, 03:45 PM
مواطن عربى
 
السلام عليكم
القصه دى بنشوفها تأريبا فى كل بيوت العرب من كل الدول
يعنى متداوله شبه عاديه جدا
من المعروف ان البنات رقيقات المشاعر بزياده شويتين عن الاولاد
فبيكونو رسمين فى خيالهم فارس الاحلام فلما بيجى حد يخطبهم وميكونش فيه ولو 200%من اللى فى الخيال بيزمزئو
لكن يا بنت الحلال انا هئول لك كلمه ترضى ضميرى
حاولى تطولى فترة الخطوبه شويه لغاية الكميه ما تتألف وإن شاء الله يكون خير
__________
على فكره
انا مع زواج الاقارب مليون بالميه
والسبب وجيه جدا
ان الزواج من الاقارب نسبة الطلاق فيه بتكون ضعيفه عن غيره لاعتبرات إسريه لو فيه مشاكل زوجيه
من مواضيع : مواطن عربى
06-12-2009, 12:00 AM
m_elhdeny
 
كلام جميل
من مواضيع : m_elhdeny
31-01-2010, 11:10 AM
سما الله
 
المفروض دى حياتك أنتى الى هتعشيها

ومادام مش مرتاحه الصراحه أفضل شىء

ومش معقول هتتجوزى أرضاءا لأهلك

فكرى كويس وقررى

من مواضيع : سما الله السلام عليكم ورحمه الله وبركاته
03-02-2010, 04:00 PM
m_elhdeny
 
انا عندى رايين

الاول ان انتى تقوليلو عشان ده مستقبل وعشرة وكدة

والتانى هوة قريبك فاكيد حتستحملوا بعض

فالصراحة انا مش عارف اقولك ايية
من مواضيع : m_elhdeny
10-02-2010, 07:44 PM
ايجبشن جيرل
 
المقولة دى صعب ان حد يعيش بيها
صعب اوي انك تعيش مع حد و مش قادر تحبة ... انا زيك بالظبط والله يا فضفضة بس انا بقى من كتر حبة ليا انا اتخطبتلة و مشيت ورا الكلمة دى بس ف الاخر مش قادرة حاسة انى محتاجة احب و ف نفس الوقت مش عارفة اكلمة بطريقة حلوة و احبة .. بجد حاجة صعبة ...بس انا قررتاتجوزوا عشان كلام بابا و ماما نفسنا نفرح بيكي ..
بصي سيبها ع ربنا ولو فية خير الموضوع هيمشي ......
من مواضيع : ايجبشن جيرل
 

الكلمات الدلالية (Tags)
خطيبي

أدوات الموضوع

الانتقال السريع

خطيبى

الساعة الآن 06:33 AM.