العودة   منتدى نيو حب > المنتديات العامة > الحوار المفتوح > المنتدى الادبى > منقولات أدبية

فى حب مصر

منقولات أدبية

11-12-2009, 04:03 PM
medo
 
Icon15 فى حب مصر

فى حب مصر ماذا اقول
القلم حائر بين السطور

اكتب شعرا فهى الشعر المنثور

ارسم وردا فهى اطيب العطور

لو قلت احبها فلن يكفينى

فانا مريض بحبها فمن يداوينى

و قلبى يهوى قلبها و نيلها ينادينى

ولو كان لى الف قلب لأحببتها و لن يكفينى

فحبى لها مستمر مادامت تأوينى

بناديكى فى الغربة و بسمع همسك

و راجعلك و باتمنى اموت على ارضك

يا اجمل ما خلق ربى

و حبك جوة فى قلبى

=-=-=-=-=-=-=-=-==-=-=-=-=-=-=-=

حبك بطحني عالحشيش ... ومن غيرك مأقدرش أعيش ....


· قطعني حتة حتة وأرميني لأي قطة ... أنا كنت بأحب واحد دلوقتي بأحب ستة


· حبيبي قالي بحبك قلتله أتنيل ... دا الحب في القلب مش في التليفون يامنيل


· أنا وأنت شجرة توت .... أنا فرع دهب وأنت فرع ياقوت .......واللي يفرقنا يارب يموت


· الهس بس هس ... هوا لازم يحس ... هوا عمال بيتخن ......أنا عمال أخس


· ياللي وريت الفؤاد أيام أليمة ... أنت والفؤاد .......ما الكمش ايمه


· الحب في قلبي زي الكوسة ... وأن كان حبيبك جنبك قوله هات بوسة


· يامساء الخير والتجلي ... حسب التوقيت المحلي


· حبيبي ياللي أحبه قلتله أتنيل ... جربتك في الحب طلعت أكبر عيل


· أجيبلك هدية تاخدها ببساطة ... وفي عيد ميلادي تسوق العباطة


=-=-=-=-=-=-=-=-==-=-=-=-=-=-=-=

حََاوَلْتُ أُدْرِكُ سِرَّ مِصْرَ , وَنِيْلَهَا

فَاحْتَرْتُ فِيْ أَمْرِيْ , وَتَاهَ دَلِيْلِي

إِنْ غِبْتُ عَنْهَا . لاَ تُفَارِق مُهْجَتِيْ

حَتَّىَ أَعُوْدَ إِلَىَ ضِفَافِ النِّيلِ

فَإِذَا أَتَيْتُ , فَمَا أُقَاوِمُ سِحْرَهَا

وَتَخِرُّ أَرْبَعَتِيْ مِنَ التَّبْجِيْلِ

قَارَنْتُ مِصْرَ بِغَيْرِهَا , فَتَدَلَّلَتْ

وَعَجِزْتُ أَنْ أَحْظَىَ لَهَا بِمَثِيْلِ

مَا السِّرُّ مِصْرُ ؟ فَمَنْ سِوَاكِ لِعَثْرَتِيْ

هَلْ مِنْ سَبِيْلٍ فِيْ شِفَاءِ غَلِيْلِيْ ؟

لَكِ مِنْ إِبَاءِ الشَّامِخَاتِ إِلِىَ العُلاَ

فِيْ كُلِّ حَقْلٍ مُثْبَتٍ بِدَلِيْلِ

هَذِيْ الْحَضَارَةُ مُعْجِزَاتٌ فيِ الوَرَىَ

عَقِمَ الزَّمَانُ بِمِثْلِهَا كَبَدِيْلِ

رَفَعَ الإِلَهُ مَقَامَهَا , وَأَجَلَّهُ

فِيْ الذِّكْرِ , وَالتَّوْرَاةِ , وَالإِنْجِيْلِ

جَاؤا بِيُوْسُفَ مِنْ غَيَاهِبِ ظُلْمَةٍ

أَرْضَ العَزِيْزِ , فَكَانَ خَيْرَ نَزِيْلِ

مَنْ فِيْ الشِّدَادِ سِوَاكِ مِصْرُ تَكَفَّلَتْ

بَيْتَ النُّبُوَّةِ مِنْ عَطَاءِ نَبِيْلِ؟

والنِّيْلُ يَتْبَعُ وَحْيَ مُنْشِئِ قَطْرِهِ

كَالطَّيْرِ حِيْنَ الوَحْيِ , عَامَ الفِيْلِ

يَحْنُوْ عَلَىَ طِفْلٍ فَنَامَ بِمَهْدِهِ

فَلَكَمْ لِنِيْلِكِ مِنْ يَدٍ بِجَمِيْلِ؟

فيِ طُوْرِ سَيْنَاءٍ تَجَلَّىَ رَبُّنَا

فوْقَ الكَلِيْمِ , بِأَوَّلِ التَّنْزِيْلِ

وَكَذَا البَتُوْلُ , أَتَتْ لِمِصْرَ بِإِبْنِهَا

تَبْغِيْ الأَمَانَ , وَتَحْتَمِيْ بِمَقِيْلِ

يَكْفِيْكِ يَا أَرْضَ الكِنَانةِ هَاجَرٌ

مِيْلِىْ بِتِيْهٍ , يَا كِنَانَةُ مِيْلِي !

يَا ( أُمَّ إِسْمَاعِيْلَ) : وَصْلُكِ وَاجِبٌ

مَنْ عَقَّ مِصْرَ فَقَدْ أَتَىَ بِجَلِيْلِ

ِبثرَاكِ يَرْقُدُ خَيْرُ عِتْرَةِ مُرْسَلٍ

طِيْبٌ يَفُوْحُ , وَبَلْسَمٌ لِعَلِيْلِ

هَذِيْ عِنَايَةُ قَادِرٍ خُصَّتْ بِهَا

مِصْرٌ , لِتَبْقَىَ مَوْضِعَ التَّفْضِيْلِ

بُوْرِكْتِ مِصْرُ , فَلاَ أَرَانِيَ بَالِغاً

حَقَّ الْمَدِيْحِ , وَإِنْ جَهَدْتُ سَبِيْلِي !

قَدْ شِئْتُ إِطْنَاباً , وَعُذْرِيَ أَنَّنِيْ

أَطْفَأْتُ حِيْنَ بَدَا سَنَاكِ فَتِيْلِي !

فَالنُّوْرُ أَنْتِ , وَلاَ ضِيَاءَ إذَا انْضَوَىَ

عَنَّا ضِيَاؤُكِ , يَا عَرُوْسَ النِّيْلِ

يَا مِصْرُ : يَرْعَاكِ الإِلَهُ كَمَا رَعَىَ

تَنْزِيْلَهُ مِنْ عَابِثٍ وَدَخِيْلِ !!

=-=-=-=-=-=-=-=-==-=-=-=-=-=-=-=
من مواضيع : medo قصيدة الشيخ عائض القرني في الدفاع عن النبي صلى الله عليه و سلم
أنشودة يا قدسنا لا تحزني
قصائد جميلة بمناسبة شهر رمضان
ألا بذكر الله تطمئن القلوب
فى حب مصر
12-12-2009, 12:23 AM
شذا&
 
سلمت يداك ميدو

وشكرا لك على الكلمات الجميلة

والقصائد الرائعة

لك مني أجمل تحية



من مواضيع : شذا& الحب المتسامي
الحلم
من دونك
أحبك
أوجع من مطر خفيف
12-12-2009, 09:18 AM
medo
 
الموضوع ليه اكثر من عنوان
بس ده افضل عنوان ليه بالنسبالى
تسلمى على مرورك الكريم
من مواضيع : medo قصيدة الشيخ عائض القرني في الدفاع عن النبي صلى الله عليه و سلم
اكبر مكتبة قصائد منوعة لغزة... البطولة والفداء
احبك فلسطين
أنشودة يا قدسنا لا تحزني
أوراق حياتــي
12-12-2009, 01:19 PM
عاشقه البحار
 
اسم مصر


على اسم مصر التاريخ يقدر يقول ما شاء


أنا مصر عندي أحب وأجمل الأشياء


بحبها وهي مالكة الأرض شرق وغرب


وبحبها وهي مرمية جريحة حرب


بحبها بعنف وبرقة وعلى استحياء


واكرهها وألعن أبوها بعشق زي الداء


واسيبها واطفش في درب وتبقى هي ف درب


وتلتفت تلاقيني جنبها في الكرب


والنبض ينفض عروقي بألف نغمة وضرب


على اسم مصر


مصر النسيم في الليالي وبياعين الفل


ومرايه بهتانة ع القهوة .. أزورها .. واطل


القى النديم طل من مطرح منا طليت


والقاها برواز معلق عندنا في البيت


فيه القمر مصطفى كامل حبيب الكل


المصري باشا بشواربه اللي ما عرفوا الذل


ومصر فوق في الفراندة واسمها جولييت


ولما جيت بعد روميو بربع قرن بكيت


ومسحت دموعي في كمي ومن ساعتها وعيت


على اسم مصر


أنا اللي اسمي حتحـور .. أنا بنت رع


مثـال الأمـومـة ورمـز الحـنـان


تفـيض حـلمـاتي وتمـلا الـتـرع


وتسـقـي البـشـر كلهـم والغـيـطان


نهايته يا مصر اللي كانت أصبحت وخلاص


تمثال بديع وانفه في الطين غاص


وناس من البدو شدوا عليه حبال الخيش


والقرص رع العظيم بقى صاج خبيز للعيش


وساق محارب قديم مبتورة ف أبو قرقاص


ما تعرف اللي بترها سيف والا رصاص


والا الخراب اللي صاب عقل البلد بالطيش


قال ابن خلدون أمم متفسخة تعيش ليش


وحصان صهل صحى جميع الجيش


على اسم مصر



النخل في العالي والنيل ماشي طوالي


معكوسة فيه الصـور .. مقلوبة وانا مالي


يا ولاد أنا ف حالي زي النقش في العواميد


زي الهلال اللي فوق مدنة بنوها عبيد


وزي باقي العبيد باجري على عيالي


باجري وخطوي وئيد من تقل أحمالي


محنيه قامتي .. وهامتي كأن فيها حديد


وعينيا رمل العريش فيها وملح رشيد


لكني بافتحها زي اللي اتولدت من جديد



على اسم مصر


مصر .. التلات أحرف الساكنة اللي شاحنة ضجيج


زوم الهوا وطقش موج البحر لما يهيج


وعجيج حوافر خيول بتجر زغروطة


حزمة نغم صعب داخلة مسامعي مقروطة


في مسامي مضغوطه مع دمي لها تعاريج


ترع وقنوات سقت من جسمي كل نسيج


وجميع خيوط النسيج على نبرة مربوطة


أسمعها مهموسة والا أسمعها مشخوطة


شبكة رادار قلبي جوه ضلوعي مضبوطة


على اسم مصر


وترن من تاني نفس النبرة في وداني


ومؤشر الفرحة يتحرك في وجداني


وأغاني واحشاني باتذكرها ما لهاش عد


فيه شيء حصل أو بيحصل أو حيحصل جد


أو ربما الأمر حالة وجد واخداني


انا اللي ياما الهوى جابني ووداني


وكلام على لساني جاني لابد أقوله لحد


القمح ليه اسمه قمح اليوم وأمس وغد


ومصر يحرم عليها .. والجدال يشتد


على اسم مصر


لللشاعر الكبير عم الشعراء صلاح جاهين
من مواضيع : عاشقه البحار ليه بتخبى عليا؟
وحشتنى.... حبيبي
رساله من النساء الى الرجال ( أنا أسف )
أحبك بكل مافيني..
همسة حب
12-12-2009, 01:21 PM
عاشقه البحار
 
كلام روعه ربنا يوفقك ميدو
من مواضيع : عاشقه البحار حبيبى انا بنديك وقلبى بيسال عليك
ليه بتخبى عليا؟
ابحث عنك بين دموعى وبتسامتى
هى دى الكوسه فى بلدنا
أحبك بكل مافيني..
 

الكلمات الدلالية (Tags)
مصر, حب, في

أدوات الموضوع

الانتقال السريع

فى حب مصر

الساعة الآن 01:42 PM