xpredo script

العودة   نيو حب > المنتديات العامة > الحوار المفتوح > المنتدى الادبى > منتدى القصة
التسجيل

يوميات سعدية الصعيدية وميدو الاستايل(روعة)

منتدى القصة

01-02-2010, 08:07 PM
n ou_nou
 
انا طماعة ايوة وكثير كمان
بس كدة شوقتيني ارجوك نزلي الجزء اللي بعديه يا قمر
تحياتي
من مواضيع : n ou_nou احلى قصة حب قمر خالد
قصة قصيرة لكن رائعة
مشاعل و فارس احلامها
01-02-2010, 08:26 PM
بسمة امل للحب
 
حاضر يا حببتى
من مواضيع : بسمة امل للحب موت حبيب
يوميات سعدية الصعيدية وميدو الاستايل(روعة)
الصداقه الحقيقيه
قصة حب
خلاص الولد جانى قصة مؤثرة
02-02-2010, 12:56 PM
n ou_nou
 
طب جيبيهم يا فرح والله حرام عليك
ده احنا متشوقين للنهاية
تحياتي
من مواضيع : n ou_nou قصة قصيرة لكن رائعة
احلى قصة حب قمر خالد
مشاعل و فارس احلامها
02-02-2010, 01:25 PM
n ou_nou
 
يالله يا قمر على السريع
ده انا هموت عقبال ماعرف ميدو سعدية هيحصل بينهم ايه
تحياتي
من مواضيع : n ou_nou احلى قصة حب قمر خالد
قصة قصيرة لكن رائعة
مشاعل و فارس احلامها
03-02-2010, 02:21 PM
n ou_nou
 
يالله بقى يا فرح
نزلي الحلقات
من مواضيع : n ou_nou قصة قصيرة لكن رائعة
مشاعل و فارس احلامها
احلى قصة حب قمر خالد
03-02-2010, 03:59 PM
بسمة امل للحب
 

الحلقه السادسه عشر

سعديه بقى بعد اما روحت بيت عمها حست انها مخنوقه ومدايقه ومش عارفه تعمل اى حاجه خرجت لعمها واستاذنت منه انها تروح البلد عن اهلها تقعد 15 يوم تفك عن نفسها وتسلم على امها وابوها واخواتها اصلهم وحشوها وفعلا عمها وصلها لمحطه القطر وركبت سعديه وروحت بلدهم وبعد اما وصلت البيت وسلمت على ابوها ومامتها واخواتها واعدت بقى تحكيلهم على مصر وكمان على الى شافته فى الرحله وهمه مندهشين بقى وباباها
عمال يوصيها بقى
الحج سليمان ابو سعديه

الحج سليمان : بت يا سعديه تاخدى بالك من نفسك ومن شباب مصر دول علشان دول جولالات خشى ولا يخافوا ربنا اوعى حد يغويكى ويضحك عليكى

سعديه : يغوينى ايه يابا دول ولا يفرجوا حاجه عن البنات مستحيل ابص لحد فيهم متخافش يابا معاك راجل

الحج سليمان : عارف يا بتى وعلشان كده امنت عليكى وسبتك تسافرى تتعلمى وحدك
وفى اثناء الحوار دخل عمها الى بيحب سعديه وعايز يتجوزها اسمه محمدين

محمدين : السلام عليكم ازيكم يا جماعه

سعديه : فى سرها ( يا جاعدين يكفيكوا شر الجايين ابو الفصاد جه يادى اليوم لاسود ) اهلا يا محمدين

محمدين : ازيك يا سعديه يا بنت عمى نورتى البلد كيف احوالك

سعديه : الحمد لله يا محمدين كويسه

محمدين :ايه يا بنت عمى امتى امتحاناتك علشان نعمل فرحنا

سعديه : فرح مين انت يا ابو فرح اصوم اصوم وافطر على بصله ادى الى ناجص اخدك انت

محمدين : ليه يا سعديه هو انا بصله

سعديه : ايوه وبصله مصننه كمان ووبشراشير طويله وهبله ومعفنه وريحتها وحشه كمان

محمدين : عيب كده يا سعديه تشكرى يا بت عمى بس اعملى حسابك مش هتاخدى غيرى انا

الحج سليمان ابو سعديه اعد مش عاجبه الوضع
الحج سليمان : انتى يا بت مش هتاخدى غير عمك اخرسى مش هتاخدى غير محمدين

سعديه : ومالك يابا فرحان جوى كده وانت بتجول محمدين على اساس ان الدوبل مش محمد واحد اتنين فى بعض ولا على اساس انه رئيس الوزراء

الحج سليمان : انا جولتها كلمه وهشوف كلام مين الى هيمشى

وسابها وخرج هو ومحمدين واعدت هى ومامتها الست عطيات

الست عطيات : ايه يا سعديه التعليم خلاكى تعلى علينا يا بتى

سعديه : تعليم ايه ونيله ايه يا امه ده مش بيعرف الالف من كوز الدوره ولا حتى بيعرف يكتب اسمه

الست عطيات :ده عمك وعارك يا بتى

سعديه : على اساس ان انا الراجل وهو الست عارى وهلمه بس ياما علشان انا مش ناجصه وكرهت البلد من بوزه الفجرى ده الى شبه الشبشب المجلوب ولو كلمه تانى هسيب البلد وهمشى انهرده مش هبات فيها

الست عطيات : خلاص يا بتى انا سكت اهو بس انتى لازم تراجعى نفسك ربنا يهديكى

سعديه بقى اعدت هتموت ومش طايقه اى حد وبدأت تفكر
( محمدين مين ده الى هتجوزه انا كنت بقول محمد لا طلعلى محمدين واهو كمان محمدج خطب البت ام سحلول الى اسمها جنى ربنا ياخدها وجنى يركبها ولا يعرفوا يطلعوه منها بس انا مش ممكن اوافج على ابو الفصاد ده ولا يمكن اتجوزه ادى الى ناجص اخد واحد جاهل وكمان فجرى وشه يجطع الخميره من البيت انا هجدى ايامى دى على خير وعلى ما تاجى الاجازه اكون لجيت حل يلا اروح انام احسن من وشهم )
ونامت سعديه وهنشوف الحلقه الجايه حصل ايه


يعينى عليكى ياسعديه
من مواضيع : بسمة امل للحب الصداقه الحقيقيه
يوميات سعدية الصعيدية وميدو الاستايل(روعة)
قصص الف ليلة وليلة
ليلة زفاف مؤلمة جدا ارجوا من جميع الاعضاء الدخول
خلاص الولد جانى قصة مؤثرة
03-02-2010, 04:00 PM
بسمة امل للحب
 
الحلقه السابعه عشر

قضت سعديه الاجازه فى بيت اهلها وهى فى حيره مش عارفه تعمل ايه يا ترى هتوافق على محمدين ور ترفضوا وكمان هى متقدرش توافق عليه علشان مش بتحبه وكمان متقدرش ترفضه علشان اهلها وكمان مش عارفه تعمل ايه مع ميدو يا ترى تصارحه بحبها ولا لا وهى شايفه انها غلط تقله وخصوصا ان هو خطب ومش صارحها انه بيحبها وهى طبعا طول الوقت سرحانه وبتفكر ومش عارفه تعمل ايه وبعد انتهاء الاجازه نزلت مصر علشان الامتحانات بعد اما وصلت راحت الجامعه تانى يوم وقابلت ندى وحكتلها على كل حاجه


ندى : ياااااااااه يا سعديه كل ده فى قلبك وساكته طيب انتى ليه مش قلتى لميدو انك بتحبيه او صارحتيه كان ممكن ميخطبش جنى دى


سعديه : انتى مجنونه يا بت ولا ايه انا اصارحه لا كرامتى متسمحليش

ندى : الموضوع مش كده يا بنتى هو كان ممكن يفكر فيكى ويحبك

سعديه : انتى هبله والله يا بت ده بيحب العفريته الى اسمها جنى وهو اصلا مش بيفكر فيا ولا باجى على باله

ندى : بس انا لاحظت انه معملته ليكى مختلفه وكمان مهتم بيكى الفتره الى فاتت دى وكمان كان بيزعل جنى علشانك

سعديه : امال ايه الى خلاه خطبها تكونش سحراله ماهى جنى بحالها تلاجيها شغلت العفريت بتوعها وسحرتله

ندى : ههههههههه والله انتى فظيعه وده وقت تهريج يابنتى فكرى هتعملى ايه فى محمدين ده كمان

سعديه : والله ايم سوده ومش عارفه حاجه جال محمدين جال هو انا طايله محمد علشان اخد محمدين دى ايام هباب

ندى : بصى انتى قولى لاهلك لا واهتمى بميدو شويه يمكن يسيب الزفته دى ويهتم بيكى انتى

سعديه : الى اهم من ده كله الامتحانات جربت ولازم اهتم بيها

ندى : اه كده كويس بس لازم تتغيرى شويه علشان ينجذب ليكى ويحبك بقى

سعديه : اتغير ازاى بجى

ندى : يا بنتى انتى اجمل من جنى دى بالف مره لو اهتميتى بنفسك شويه وباستايل لبسك هتبقى قمر

سعديه : موافجه بس باحترام ومخلعش الحجاب

ندى : اوك نخرج بعد المحاضرات ونشوف هنعمل ايه

وبعد اما خلصوا المحاضرات نزلوا اشتروا شويه حاجات ولبس بقى وندى غيرت استايل سعديه خالص وكمان خدتها الى بيوتى سنتر علشان تغير من شكلها ومظهرها شويه
دخلت سعديه وهى مستغربه طبعا على الى بيحصل


سعديه : بت يا ندى ايه ده

ندى : بصى هنا هنعملك ميكب وهنظبطك شويه وهخليها تعلمك ازاى تحطى ميكب لنفسك وهشتريلك ميكب خاص بيكى

سعديه : بصى يا بت بلا ميكب بلا هباب الطين ده لا انا مش اغير فى خلجتى ياختى

ندى : يا بنتى مش هتغير فى خلقتك ولا حاجه بصى دى حاجات بسيطه وهاديه اوى بصى انا حاطه اهو واضح انى حاطه حاجه
سعديه : ايوه بس مش جوى

ندى : طيب هيبقى كده مش ظاهر

سعديه : بس جوليلها والنبى يبجى خفيف جوى مبحبش الهباب ده

ندى : لا هخليها تعلمك ازاى تحطى لنفسك علشان تعملى كل يوم لوحدك

علموا سعديه ازاى تحط ميكب هادى وكمان ازاى تغير لفه طرحتها للموضه وبعد ما خلصوا الشوبنج واللفه الطويله دى روحت سعديه عند بيت عمها استغربوا طبعا للوضع الى فيه سعديه بجد بقت زى القمر وهى قمر من الاول بس مكنتش مهتتمه بنفسها

مرات عمها : ايه ده يا سعديه ايه الى انتى عملاه فى نفسك ده

سعديه : ايه يا مرات عمى شيفانى ماشيه على اربع رجلين ولا ايه ما انا زى مانا

مرات عمها : لا التغيير فى شكلك وفى لبسك انتى بقيتى قمر

سعديه : جمر بالستر يا مرات عمى ما انا جمر من زمان هو انتى حوله ولا ايه مكنتيش بتشوفى

مرات عمها: قمر اه بس بقيتى قمر 14

طبعا الكل معجب بسعديه وبالاستايل الجديد وسعديه كانت فرحانه بكده وطبعا تانى يوم صحيت الصبح بدرى وعملت الى قالتلها عليه ندى وعملت الميكب الهادى الجميل ولبست اللبس الجديد وعملت الطرحه زى ما علمتها وبقت جميله اوى وراحت
الجامعه اول اما دخلت
هنشوف الحلقه الجايه

من مواضيع : بسمة امل للحب ليلة زفاف مؤلمة جدا ارجوا من جميع الاعضاء الدخول
قصص الف ليلة وليلة
موت حبيب
خلاص الولد جانى قصة مؤثرة
قصة بجد مؤلمة جدا ارجوا من كل اعضاء المنتدى الدخول حتى لايندموا على الاحباب
04-02-2010, 06:03 PM
n ou_nou
 
ميرسي على الحلقة فرح
حلوة والله
تحياتي
من مواضيع : n ou_nou مشاعل و فارس احلامها
احلى قصة حب قمر خالد
قصة قصيرة لكن رائعة
04-02-2010, 10:12 PM
half moon2
 
جميلة قوى يا فرح
تسلمى يا قمر
يلا بقى نزلى الباقى بسرعة
من مواضيع : half moon2
09-02-2010, 01:36 PM
n ou_nou
 
يالله يا فرح وين الاجزاء الباقية
تحياتي
من مواضيع : n ou_nou قصة قصيرة لكن رائعة
مشاعل و فارس احلامها
احلى قصة حب قمر خالد
 

الكلمات الدلالية (Tags)
الاستايلروعة, الصعيدية, يوميات, سعيدة, وميدو

أدوات الموضوع

الانتقال السريع

يوميات سعدية الصعيدية وميدو الاستايل(روعة)

الساعة الآن 01:12 PM.