xpredo script

العودة   منتدى نيو حب > المنتديات العامة > الحوار المفتوح

هو احنا ليه بقينا كده؟؟

الحوار المفتوح

11-01-2010, 07:04 AM
ساره@SARA
 
Discc هو احنا ليه بقينا كده؟؟

السلام عليكم اعضاء المنتدي جميعا
الاول اتمني ان تكونوا باتم خير وسعاده
وكل سنه وانتم طيبين
وغير كده بجد عاوزة اقولكم قد ايه المنتدي بيوحشني لكن
(لو كان الفراق واللقاء بايدينا ماذهب غالينا علينا )
مااااااااااااااعلينا .......
المهم يارب تكونوا كويسين
ندخل في الموضوع
بصراحه يا جماعه الموضوع ممكن مايكونش جديد ويكون بعض الافاضل من الاعضاء اثاره بطريقه او باخري
لكن بجد الموضوع اللي هكلمكم فيه مضايقني بجد
هو ليه ياجماعه بقينا كده ؟؟؟
بقينا وحشين من جوانا اوي كده ؟؟؟؟
راحت فين اخلاقنا اللي كانت عند الكل مسلم ومسيحي بحراوي ووصعيدي
راحت فين الانسانيه جوانا ؟؟؟
مشاهد صغيرة بتعدي كل يوم في حياتنا لكن بجد كل مشهد منه بيهدم كتير من اخلاقنا ومباديء اتربينا عليها ......

مثلا لما تلاقي في المترو ست مسنه وكبيرة واقفه مش لاقيه مكان وبنت صغيرة في السن حلوة وامورة كده وقاعده ماسكه الموبيل بتتكلم بتعمل شات المهم يعني ممكن تستحمل الواقفه الست واقفه وهيه عاااااااااااااادي جدا ولا فارقه تفضل قاعده رجل علي رجل والحياة تمام لحد ماتنزل
طيب هيجري حاجه لو وقفت للست الكبيرة دي تقعد وهيه تستحمل شويه ...
دي حاجه .........

مثلا لما تلاقي راجل مسكين بيمد ايده يطلب مساعده معاكم ان التسول انتشر بصورة فظيعه وشيء مسيء اللي بقي بيحصل والمشاهد اللي الواحد بيشوفها .........لكن
مش هيجرا حاجه ياسيدي لو بدل ماتزعق له وتحرجه وسط الناس وهو فعلا ممكن يكون محتاج مش هيجري حاجه ابدا لو قلت له بطريقه لطيفه ربنا يسهلك واللهي بسيطه بس جربوها...

مثلا مثلا
لما تلاقي بنت ماشيه في الشارع وهيه والشله بتاعتها وماشاء الله بنات زي القمرات وشياكه واخر نظام وتلاق يالصوت مسمع المنطقه كلها ......
طبيعي هتخلي اللي يسوي واللي يسوي برده يتكلم ...
وترجع تقولك بيعاكسوني .....
طيب جربي توطي صوتك شويه هيبقي احلي .. وهيوفر عليكي كلام ممكن لو اتقالك وسمعتيه يجرحك اوي.......
خد دي كمان ياعم

انا عاوزة اعرف البنت ولا الولد المحترم اللي تلاقيه في قلب الشارع ووسط الناس ويستعرض ولاتستعرض عضلاتها وتزعق في مامتها ولاباباها
طيب يا سيدي وياستي اذا (بليتم فاستتروا ) يعني عقوق عيني عينك كده ..
تلاقي مامتها الغلبانه نازله تشتري معاها لبس مثلا تلاقيها بكل براءة امهات تقولها طيب جربي البلوزة دي اوسع شويه تلاقي البنت بصت لها بصه ولا كانها هيه اللي امها وابسط حاجه ماما (اسكتي انتي, انتي مش عارفه الدنيا عامله ازاي...)
طيب يعني هيه دي شكرا اللي بتقوليهالها ؟؟؟؟؟؟؟

مااااااااااااعلينا
حاجات من دي كتير
واللي بقي منتشر اوي بقي اننا تفشي فينا داء (قله الذوق)
ايوه بجد مابقاش عندنا دم بقت كل حاجه( معلش واللهي لا مؤاخذه )..واحيانا ماببتقالش اصلا..
يعني تبقي واقف في طابور اي حاجه من الحاجات الكتير في بلدنا اللي ليها طوابير وتلاقي دبابه داخله قدامك معلش يا حضرة اصل عندي وعندي ...................
طيب ماشي في حالات طارئة والناس لبعضيها بس اطلب بذوق شويه ....
يعني شباب مع بعض ماشي بنت وصحبتها ماشي
لكن مش واحد كبير في السن تيجي سيادتك علشان وراك ميعاد مع الجيرل فريند ولا ماتش تحرجه كده وتاخد مكانه ......
(ده فرضا ان صاحب الدور الاصلي راجل من اللي لسه بيتعاملوا بالذوق ....
اجارك الله بقي لو واحد من بتوع اليومين دول من عينه اخينا بتاع لامؤاخذه
مابقاش طابور بقي سوق وخناقهه والفاظ متنقيه عالفرازة )
لا بقي وسع للي جايه دي
الشباب ايوه انتو
نيجي بقي للمعاكسات اللي بيسميها البعض انها بقت واجب قومي ووطني
بذمتك بذمتك هيكون ايه احساسك لو اللي بتعاكسها دي اتلفتت ولقيتها اختك ولا بنت عمك ولا حد تعرفه اظن هيبقي شكلك محرج اوىىىىىىىىىىىى
طيب وليه ياابن الناس تحط نفسك في موقف زي ده ولا يكون معاها حد ويديك اللي فيه المفيد ترقد في السرير وماحدش ساعتها هيعبرك وتبقي عبرك لخلق الله
اتقي الله كده في بنات الناس علشان ربنا يرزقك ببنت الحلال اللي تتقي ربنا فيك هيه كمان واكيد عارفين برده ان بقي عادي جدا ان الشاباب هما كمان بيتعاكسوا
فماتعاكسش يا شاطر علشان ماتقعش في واحده هي كمان كانت بتعاكس(كما تدين تدان)
علشان مااطولش عليكم اكتر من كده وتقولوا انتي هتعملي فيها مصلح اجتماعي والكلام اللي عارفه انه هيتقال بس بجد انا بخاطب الناس اللي لسه عندها اخلاق وذوق وانا واثقه انهم اعضاء حب جديد بجد ياريت كل واحد يدور جواه علي الاخلاق اللي كانت مقربانه من بعض ومخليه الحياة احسن من كده بكتير الامثله اللي ضربتها دي علي سبيل المثال وامثله خفيفه لكن فيه اكتر من كده بكتيييييييييييييييييييير ؟؟
ياريت كل واحد لما يقرا الموضوع يتفاعل معاه ويوقل ايه اللي بيشوفه وبجد بيضايق منه علشان كلنا نستفيد واللي بيعمل حاجه من دي يحاول يبطلها او يمنع انها تحصل ..
والسلام ختااااااااااااام
سلامو عليكو
من مواضيع : ساره@SARA أسماء الشياطين و وظيفة كلٍ منهم.......
لو جريء اعترف .........
بطاقه هويه
أشتقت لــ أنا
زوجة ثانية أم.....علاقة خفية . فماذا تختارين ؟؟!
11-01-2010, 10:20 PM
مسعين بالله
 
انما الامم الاخلاق ما بقيت
فان هموا ذهبت اخلاقهم ذهبوا

فربنا يستر يا ساره
مادام دي رؤيتك

لان الناس الطيبه مثلك هي مراه الحقيقه
وهم وحدهم من يحتكرون الصواب
من مواضيع : مسعين بالله أعلم أهل الارض
الفرق بين المنقول والمعقول
شروط فريق الخير
اسباب البكاء مع نسيم الحب والهواء
سجل حضورك برؤيا صادقه اثرت فيك
12-01-2010, 01:38 PM
HONDA ACCORD 99
 
التربية هي الأساس .

وعلى ما تربى الفتى وترعرع في بيت أهله ,,

وكما يقول المثل : إذا كان ربُ البيتِ بالدفِ ضارباً فشيمةُ أهلِ البيتِ الرقصُ .

هل ينظر الأب هذه الأيام إلى أولاده ؟؟

هل تراقب الأم فتاتها من باب الخوف عليها وليس من باب التخوين ؟؟

هل يتفرغ الأب لمراقبة شبابه وأبناءه الطلاب في المدارس والجامعات ؟؟

هل هذه هي الأخلاق التي يتم تربيتها عليهم ؟؟

لا نلوم الأهل وحدهم ولكن نلقي باللوم على المدارس أيضاً فهي مناراتٌ للأدب والتربية قبل العلم والثقافة .

هل أصبح أستاذ اليوم يعطي الدرس كما كان سابقوه يفعلون ؟؟

أم مجرد دخوله الصف يأتي بالكرسي ويجلس مسامراً الطلاب حتى انتهاء الدرس ؟؟

إنها بكل بساطة عملية خيانة للأمانة ..

فلم يعد هناك راعٍ ولم يعد هناك مسؤولٌ عن رعيته ..


شكراً للموضوع الجميل والحساس نوعاً ما.

تحياتي لكِ أختي العزيزة .




من مواضيع : HONDA ACCORD 99 أسرار الكيبورد و وظائفه| كيفية كتابة الأحرف والعلامات والتشكيلات
وقفة
جراحات وعمليات التجميل ,, مارأيك بها ؟؟
ما معنى كلمة ( كشخة ) المتداولة في دول الخليج العربي ؟؟...
ماذا قال صاحب فكرة ستار اكاديمي عن المسلمين؟‏
12-01-2010, 02:12 PM
ريتاج الشرق
 
ميرسي ليكي سارة علي التوبيك الجميل ده
والله فعلآ الحاجات دي لما تحصل تحرق الدم
بس في ناس كتير لسه كويسين
فكما قال رسول الله صلي الله عليه وسلم الخير في وفي أمتي إلي يوم القيامه
بس القله اللي بيعملو الحاجات دي نتيجه للعيشه اللي عيشنها التي تحكمها الماده والمصالح وتلاقي الناس كلها مستعجله ومعندهاش وقت وانا شايفه ان من أسباب ذلك اننا معتش عندنا قدوة حسنه الواحد بيسمع عن فساد المسئولين تلاقي وزير بياخد رشوة ومسئول كبير بيعمل تسهيلات لنفسه يعني علي رأي المثل حاميها حراميها طيب بالله عليكي لما يكون ده حال الراعي الرعيه هتبقي إزاي
من مواضيع : ريتاج الشرق دنيا الأماني
ماذا تفعل ولو زارك رسول الله في بيتك
مؤلمه ولكن رائعه
أسأل عن أحبابك
كل سنه وكل الأعضاء بخير
13-01-2010, 02:40 AM
sarsora
 
موضوع جميل
وبالفعل مواقف تتكرر
بس الحقيقة انا اوقات بيقابلنى ناس كتير زوق جدا فى معاملتهم وفى بلاد مختلفة يعنى
لان كل بلد فيها الكويس وفيها السئ

ومن المواقف دى انا شوفت بعينى موقف البنت اللى بتكلم مامتها فى المحل
بطريقة مش كويسة
ومامتها يعينى غلبانة معاها

بس بصراحة مش عارفة الوم على مين
عالمجتمع اللى لما البنت خرجتله لقاته غريب والبنات اللى بتلبس ضيق وبتهتم بمظهرها بالضيق
هو اللى خلاها بتدور عاللبس فى المحلات المغرى واللى يلفت الانتباه
وكمان كونها بتشوف البنات اللى بتتخانق مع مامتهم فبتقلدهم
فاصبحت مفيش حاجة عجباها لا اللى مامتها بتقوله ولا اللى المجتمع بيقوله
فبيحصل صراع عندها ما بين الاتنين فبترفض كلام مامتها وبتحاول تعلى صوتها علشان الناس تقول عليها فاهمة
وهى مش فاهمة حاجة خالص ومش فاهمة ان كلام ربنا يعلو على كلامها عندما امرنا بطاعة الوالدين

لكى تحياتى عالموضوع الاجتماعى الرائع

من مواضيع : sarsora .. انتظر لحظة لو سمحت ..
فتى احلامك..(طبعا للبنات فقط)يعنى ممنوع دخول الشباب.للمناقشة
..لماذا نعطس؟؟؟!!!!!
هما دبلتين وبس
الحب يعطل أجزاء التفكير والتقييم فى المخ
14-01-2010, 10:20 PM
حبيبالناس
 
موضوع وحقائق صحيحة
إمتيازية الموضوع شكرا
من مواضيع : حبيبالناس تساقط النجوم
10-05-2010, 04:41 AM
قلب طيب وحزين
 
موضوع رائع
ومش كل الناس كدة
تسلم الايادى
من مواضيع : قلب طيب وحزين اصعب احساس
سؤال لكل الاعضاء
الابتسامة
لماذا
لو مقدرتش تضحك متدمعش
 

الكلمات الدلالية (Tags)
آيه, احنا, بقينا, هو, كده؟؟

أدوات الموضوع

الانتقال السريع

هو احنا ليه بقينا كده؟؟

الساعة الآن 04:11 PM.