xpredo script

العودة   نيو حب > المنتديات العامة > الحوار المفتوح
التسجيل

نتيجة دة ايه؟؟؟؟!!!!

الحوار المفتوح

16-01-2010, 10:25 PM
بسمة امل للحب
 
Lightbulb نتيجة دة ايه؟؟؟؟!!!!

حبيتك و احنا في سنة اولى
بامارة ما طلعتي الاولى
و في تانية لقيت قلبي ارتاحلك
و في تالتة بدأت ألمحلك
و في رابعة لقيتك مشغولة




عادي
أغنية سخيفة من أغاني اليومين دول اللي بيتفننوا
انهم يلاقولها موضوعات غريبة

بس العجيب في الموضوع بقى إن الاغنية دي اغنية اطفال
و إن المعذب اللي حبيبته طنشته و طلعت مشغولة بغيره هو في الحقيقة
مطرب طفل ... و إن سنة أولى اللي بيتكلم عليها هي
- بالتأكيد - سنة اولى ابتدائي ...

الحقيقة ان ولادنا الصغيرين بقوا محاصرين بالاغاني و الافلام
و اللي هما تقريبا مش بيشوفوا غيرها قدامهم و بيحاولوا يقلدوها
على اعتبار إني عايزة ابقى طنط الكبيرة دى ...
خصوصا لما يلاقوا اهلايهم فرحانين بده
و بيشجعوهم و يسقفولهم ...

و نتيجة ده ايه ؟؟
انك تلاقي مثلا عيل في ابتدائي و عنده جيرل فريند ....
و بنت ماطلعتش م البيضة تلاقيها بتقولك انا باحب فلان زميلي في الفصل



و عشان ماحدش يقول اني بابالغ حاحكي لكم قصيتن حدثوا بالفعل
و العهدة على الراوي


اقتباس:
الاولى
المدرس بتاعي في ثانوي قالي انه في مرة كان داخل فصل ابتدائي حصة احتياطي ...
فكان واخد معاه هدايا عشان يعمل مسابقة و يدي هدايا للولاد و كدة ...
فبعد ما خلص لقى ولدين بيتخانقوا ... فيه ايه يا عم ...
يا مستر اصله عايز ياخد مني المسطرة بتاعتي عشان زرقة زي بتاعة فلانة ...
اصله بيحبها ... !!!







اقتباس:
التانية
لما احد الامهات بتدور في كرسات ابنها _ اللي في ابتدائي برضة
بالمناسبة _ عشان تشوف الواجبات ... لقت الكراسة مليانة قلوب و بحبك يا بودي
... طبعا بعد ما استفسرت من بودي عرفت إن اللي كاتبة الكلام ده
هي البنوتة الامورة زميلته في الفصل !!!

افتكر إن اصلا الاطفال في السن ده مابيبقوش مدركين معنى الكلام ده أصلاً ...
هما بيقلدوا اللي بيشوفوه و اللي الكبار بيوجهوهم ليه ...

زي مثلاً فرق الاطفال اللي طلعت اليومين اللي فاتوا اللي بيلبسوا فيها البنات
لبس مش عارف ايه و يحطولهم ميك اب _ بيبقى شكلهم سخيف اصلاً _
و يخلوهم هما و الولاد يطلعوا يغنوا و يرقصوا ... و كل ما البنوتة ترقص احسن
تحس ان اللي حواليها فرحانين بيها اكتر ......

كان شيء طبيعي لغاية الموضوع اللي قريته في مجلة ماجد -
أيوة باقرا مجلة ماجد فيه حاجة - لما كان فيه برنامج اطفال و المذيعة بتسأل البنوتة
نفسك تطلعي ايه لما تكبري ... فردت بكل براءة : رقاصة !!!

طبيعي يكون كدة و هما دول اللي القدوة اللي شافتهم من ساعة ما بدأت تفهم ...
و دي الحاجة اللي اهلها كانوا بيبقوا فرحانين قوي و هي بتعملها و يسقفولها عليها ...

نفس الشيء بنكرره في حاجات كتير ... الاغاني ... الافلام ...

عندي واحد قريبي مثلا عنده بنوتة عندها سنتين يا دوب بتتكلم ...
و كان طبيعي و هية بتتعلم أول الكلمات اللي حتواجه بيها الحياة إن يكون ضمنهم
الكلمة اللي قلبت العالم العربي من المحيط إلى الخليج : أطبطب ؟؟

و طبعا الاهل و الاصحاب فرحانين بيها و بيسقفولها ...

اللي عايزة أقوله أن الاباء و الامهات بييجوا بعد كدة عايزين يمشوا حياة ولادهم بطريقة معينة و عايزينهم يبقوا كويسين و يهتموا بالاخلاق ... بس ماعتقدش الموضوع ده حيبقى سهل أبداً على طفل و طفلة فتحوا عنيهم لقوا قدوتهم نانسي( طبعا مش نانسى انا )

و أخواتها و شافوا في الافلام إن فيه حاجات كتير عادي و مافيهاش مشاكل ...
جايين بعد ما بقوا مراهقين بتقولولهم عيب و حرام ؟؟
طب كان فين من بدري ...

و عليه ماحدش يستغرب لو اكتشف إن اخته اللي في حضانة بتحب زميلها
و نفسها تطلع زي نانسي عجرم ...
او ان اخوه اللي في اعدادي بيفكر يتجوز عرفي



تحيااااااااتى


و دمتم سالمين


من مواضيع : بسمة امل للحب همـــسة اليكم احبائى
من كل بستان زهرة ( حدائق الايمان )
«•.. ..• ماذا تعلمنـا من صـداقـة المنتـديات •.. ..•»
مُـــت كي يحبـــــــــك النـــاس
الأدلة على وجود الله ، والحكمة من خلقه للعباد
 

الكلمات الدلالية (Tags)
ايه؟؟؟؟, حب, نتيجة

أدوات الموضوع

الانتقال السريع

المواضيع المتشابهه
ابوتريكة: الفوز نتيجة الاجتهاد...احمد صديق : اهنئي لاعبي الزمالك علي هذا المستوي
الصائمون يصابون بالسمنة نتيجة الاكل المشبع بالدهون
تشير دراسة جديدة إلى أن درجة حرارة كوكبنا الآن هي الأعلى منذ 12 ألف عام نتيجة ارتفاع
منع سويلم والنحاس من دخول اتحاد الكرةوإعلان نتيجة التحقيقات في أزمة "شيكابالا" قريبا
اليوم نتيجة المرحلة الأولي للتنسيق والثانية بعد غد

نتيجة دة ايه؟؟؟؟!!!!

الساعة الآن 08:31 AM.