العودة   منتدى نيو حب > المنتديات العامة > الحوار المفتوح > رومنسيات

فى عيد الحب

رومنسيات


16-03-2010, 06:26 PM
قلب طيب وحزين
 
فى عيد الحب

فى عيد الحب حركات جامدة تعبّر عن حبك


لو كنتِ متجوّزة أو مخطوبة أو مكتوب كتابك أو حتى مقرية فاتحتك تابعينا..

لو كنتِ مرتبطة أو بتحبي.. خليكِ معانا وما تقفليش الصفحة..

لو ما كانش في حد في حياتك غير أهلك وأصحابِك.. يبقى برضه "بصي وطلي" علينا..

لأننا النهارده هنحتفل معاكم بعيد الحب.. وهنكون معاكم خطوة بخطوة..

عيد الحب فرصة

في ناس كتير لما بتسمع كلمة "عيد الحب" بتفتكر إن لازم يكون الاحتفال باليوم ده مع أي شريك للحياة سواء زوج أو خطيب أو حبيب، لكن ده مش صحيح؛ لأن عيد الحب ده اتعمل علشان الناس تجدد مشاعرها تجاه بعضها، يعني ممكن نحتفل بيه مع أهلنا أو أصحابنا، وممكن نقدّم هدايا لأمنا أو أبونا أو أخواتنا، ونقول لهم إن إحنا بنحبكم أوي، أو أي حد ضايقناه أو زعلناه في حاجة نصالحه سواء قريّب أو حتى جار، يعني من الآخر كده يا ريت ننتهز فرصة عيد الحب ده وما نخليش حد زعلان مننا.

حركات جامدة تعبّر عن حبك

في بنات كتير بتكون مخطوبة أو مكتوب كتابها وساعات متجوّزة، بس مش بتعرف إزاي تقول لشريك حياتها إنها بتحبه، علشان كده هنقول لك على حركات جامدة وتصرفات حلوة أوي تقولي بيها لشريكك إنك بتحبيه..

1- ممكن تروحي عند أي حلواني وتطلبي منه إنه يعمل لك تورتة شيكولاتة أو كريمة "على حَسَب اللي بيحبه شريكك"، وتكتبي عليها من فوق "أنا بحبك" أو "I Love You"، أو إنك تطبعي صورتك إنتِ وهو على التورتة، ودي طريقة جديدة ممكن الحلواني يعملها لك بمنتهى السهولة ومن غير تكاليف كتيرة.

2- اعملي له مفاجأة وإنتم قاعدين مع بعض، واتصلي براديو "نجوم إف إم" واطلبي منهم يذيعوا أغنية بيحبها وتهديها له، وشوفي تأثير ده عليه إيه، أو وإنتم قاعدين شغلي أي أغنية يكون بيحبها.

3- ممكن تبعتِ له في شغله بوكيه ورد أحمر أو علبة شيكولاتة، ومعاهم كارت تكتبي عليه "كل سنة وأنت طيب يا أرق حبيب" أو أي حاجة أنتِ تحبيها.

4- اشتري له أي حاجة هو محتاجها، وكان مكسل إنه يشتريها زي شرابات أو شامبو أو كريم مثلاً، وحطيهم في علبة شيك واربطي العلبة بـ"فيونكة حمراء"، واكتبي على العلبة "علشان كنت عارفة إنك مكسل أو هتنسى قلت أفكرك.. بحبك".

5- اشتري له ألبوم صور، وحطي فيه صوركم مِن وأنتم صغيرين لغاية لما كبرتم ولفيه بطريقة شيك وابعتيه على شغله.

6- سيبي له رسالة على بريده الصوتي، أو ممكن تبعتي له رسالة على الموبايل تعبّري له فيها عن حبك ليه.
7- اكتبي له كلمات حب في ورق أحمر كثير وارميه في كل أنحاء البيت بس في أماكن ظاهرة علشان يعرف يلاقيه ويقرؤه.

8- ممكن تحاولي تألفي له قصيدة حب أو حتى تكتبي له أبيات شعر رومانسية.

ودلوقتي خلص خلاص الكلام.. وهنيجي لوقت الأفعال، وهنبتدي نعمل مع بعض هدايا بأشكال جديدة وحركات جديدة نوصل فيها لكل اللي بنحبهم حبنا واهتمامنا بيهم.. وهنبتدي بـ:

فى عيد الحب رسالة غرام من العصور الوسطى




رسالة غرام من العصور الوسطى

كل اللي هتحتاجيه:

• ورق.
• كوب من الشاي البارد.
• فرشاة ألوان عريضة.
• شريطة ملوّنة بالأحمر أو الروز.
• زجاجة لها غطاء أو فلة "مغسولة ومجففة كويس".
• قلم.

وهتعملي الخطوات دي:

1- في الأول لازم تدي شكل العصور الوسطى للورقة اللي هتكتبي عليها رسالتك، وده عن طريق إنك تجيبي الفرشاه وتحطيها في الشاي، وتدهني بيها الورقة بمسحات خفيفة من على الوش والظهر، وتسبيها لمدة 3 ساعات علشان تنشف، ولو عايزة إن الورقة يكون شكلها أغمق كمان من الدرجة اللي طلعت لك في الأول، ممكن تعيدي دهنها بالشاي مرة أخرى بس بعد ما تكون نشفت خالص.

2- بعد ما الورقة بتاعتك تكون نشفت تقدري تكتبي رسالتك الغرامية اللي نفسك فيها، ولو كنت خايفة إنك تغلطي تقدري تكتبي كل اللي إنتِ عايزة تقوليه في ورقة خارجية بخط إيدك أو على الكمبيوتر، وبعد ما تتأكدي إن هو ده الكلام اللي إنتِ عايزاه، ابدئي اكتبيه على الورقة القديمة اللي أنتِ عملتيها.

3- دلوقتي بعد ما كتبتِ كل اللي أنتِ عايزاه واللي ممكن يكون كلام حب أو حتى قصيدة ألفتيها أو قصيدة عجبتك، ابدئي لفي الورقة على شكل رول أو شكل أسطواني، وبعد كده هتجيبي الشريط الملوّن اللي عندك وتربطي بيه الورقة من النصف على شكل فيونكة.

4- هتحطي الورقة أو الرسالة بتاعتك في الزجاجة وتحطي معاها شوية ورق أحمر أو روز مقطع "على حسب لون الشريطة"، وممكن إنك تحطي رمل أو قواقع أو حتى أوراق ورد أحمر أو روز جوه الزجاجة، وده هيزيد من جمال الزجاجة، وكمان هيضيف جو رومانسي أكثر.

5- اقفلي غطاء الزجاجة كويس وخبي الزجاجة في مكان يقدر يلاقيها بسهولة.





فى عيد الحب علبة مليانة بالمفاجآت




علبة مليانة بالمفاجآت

كل اللي هتحتاجيه:

• علبة دهان فاضية.
• ورق مقوى لونه أحمر أو روز.
• ورق للزينة على ذوقك، ويُفضّل إنه يكون لونه مناسب للون الورق المقوى.
• كارت رومانسي، ويكون لونه مناسب للون الورق المقوى أو الزينة.
• شرائط للزينة "يُفضل اللون الأحمر أو الروز"، ويكون في منهم شرايط سادة وشرايط ملوّنة علشان تضيف شكل أحلى.
• قطن.
• ملصقات "استيكرز" للزينة بالأشكال والألوان كتيرة على ذوقك وتليق على ألوان الورق.
• مسدس شمع أو صمغ.

وهتعملي الخطوات دي:

1- في الأول لازم تتأكدي إن علبة الدهان فاضية وكل بقايا الدهان الموجودة فيها جافة، وبعد كده هتجيبي الورق المقوى بتاعك وتقصيه على أد العلبة بالظبط.

2- وتجيبي مسدس الشمع وتحطي شمع على الورق وعلى العلبة من بره، وبعد كده تلزقي الورق على العلبة كويس أوي علشان ما تتفكش ويبقى شكلها وحش.

3- وعلشان تغطي إيد علبة الدهان هتجيبي الشريط الملون بتاعك وتلفيه على إيد العلبة، بس ما تنسيش تكوني حاطة شمع على الشريط وعلى إيد العلبة، ولما تلفي الشريط الملون خدي بالك من إنك تلفيه كله على الإيد لغاية ما تغطي الأيد كلها، وبعد كده هتجيبي الشريط السادة وتلفيه على الشريط الملون، بحيث يكون في فراغات ويبان من تحته الشريط الملون.

4- بعد كده هتجيبي ورق الزينة وتقصيه بطول وعرض من 3 إلى 5 سم "على حسب حجم العلبة وذوقك"، وتلزقيه على العلبة من بره بالشكل اللي تشوفيه مناسب.

5- بعد كده هتجيبي الملصقات "الاستيكرز" وتلزقيها بشكل عشوائي على العلبة من الخارج.

6- ونفس الخطوات اللي عملتيها في العلبة هتعمليها برضه في غطاء العلبة؛ علشان يكون شكله مطابق للعلبة بالظبط.

7- ولو عايزة تضيفي لمسات أخيرة على العلبة أحضري الكارت الرومانسي اللي اشترتيه واللي هيبقى حلو جداً لو كان فيه أبيات شعر أو كلام رومانسي، واخرميه من فوق بالخرّامة وحطّي فيه شريط، ويُفضّل إن لونه يكون لون مناسب لكل الألوان اللي حطتيها في الورق، وتربطي الشريط ده في إيد العلبة من على جنب.

8- ومن ضمن اللمسات الأخيرة كمان هتحطي قطن جوه العلبة، وتجيبي الهدية اللي هتقدميها وتحطيها في وسط القطن ده، وبعد كده تقفلي العلبه كويس أوي علشان تسبيها، وهو بقى يكتشف مفاجأة العلبة والهدية وينبهر بيها، وعلى فكرة ممكن تكون الهدية دي بسيطة ومش مكلّفة خالص.





فى عيد الحب برطمان مليان شيكولاتة




برطمان مليان شيكولاتة

كل اللي هتحتاجيه:

• أي برطمان فاضي عندك.
• قطعتان من الورق المقوى كل ورقة لون مختلف.
• شريط ملون.
• كارت رومانسي.
• خرامة.
• ملصقات أو "استيكرز" على ذوقك "يفضّل أن تكون قلوبا أو حروفا لتكتبي بها أي كلمة تحبيها".
• مسدس شمع أو صمغ.

وهتعملي الخطوات دي:

1- اختاري ورقة بلون معين وقصي قطعة منها بالطول والعرض اللي تحبيه.

2- أحضري الورقة الثانية وقصي قطعة منها، ولكن بعرض وطول أقل 4 سم من الورقة الأول.

3- اخرمي الورقة الأطول 3 أخرام في نهاية كل طرف من أطرافها.

4- الزقي الورقة الصغيرة في نصف الورقة الكبيرة، بعد كده الزقيهم على البرطمان من نصفه بالظبط، بس حاسبي تلزقي الأطراف المخرومة في البرطمان.

5- مرري الشريط الملون من جوه الإخرام اللي في نهاية أطراف الورق واربطيهم مع بعض حوالين البرطمان على شكل فيونكة.

6- بعد كده هتجيبي الكارت بتاعك وهتخرميه من فوق وتمرري منه الشريط الملون وتلفيه حوالين فتحة البرطمان من فوق وتلزقيه.

7- وآخر حاجة هتعمليها في البرطمان هي إنك تجيبي الملصقات "الاستيكرز" وتلزقيها على البرطمان من بره.

8- وبعد كده املي البرطمان من جوه بالشيكولاتة والبونبون، واقفلي الغطاء كويس.





فى عيد الحب قلب مليااااان بالحب




قلب مليااااان بالحب

كل اللي هتحتاجيه:

• صندوق خشب أو كارتون على شكل قلب "هتلاقيهم في أي محل هدايا أو لعب".
• دهان أحمر أو روز.
• فرشاة للدهان.
• ورد مجفف أو بلاستيك لونه أحمر.
• مسدس شمع أو صمغ.

وهتعملي الخطوات دي:

1- هتدهني الصندوق بتاعك باللون اللي اخترتيه.

2- سيبيه لما ينشف خالص.

3- بعد ما تتأكدي إن الصندوق نشف، ادهنيه كمان مرة علشان يبقى شكله أحلى، وتسيبيه لمدة 3 ساعات كمان علشان ينشف كويس.

4- بعد كده أحضري الصمغ أو مسدس الشمع، وابدئي الزقي الورد بتاعك على غطاء العلبة بس راعي إنك تلزقيه على شكل قلب.

وبكده نكون خلصنا القلب اللي هتحطي فيه الهدية بتاعتك، وبالنسبة للهدية فإنتِ ممكن يا ستي تختاري هدية ما بين الهدايا دي:

1- تذاكر لفيلم رومانسي أو مسرحية.
2- ساعة.
3- دبوس للكرافتة.
4- زراير للقميص.
5- زجاجة برفان.

ومش لازم تختاري ما بين الهدايا اللي فاتت دي، إنتِ ممكن تشوفي هو كان نفسه في إيه أو هو بيحب إيه وتشتريه له، وأكيد دي هتكون أحلى هدية.
وبكده يكون خلص كلامنا النهارده..
وكل عيد حب وأنتم طيبين..








من مواضيع : قلب طيب وحزين ما هى علامات الحب وشواهدة
استجواب الحب
رأى شكسبير فالحب
كلمات عن الحب
صمت الحب
16-03-2010, 06:27 PM
قلب طيب وحزين
 
يارب يكون الموضوع عجبكم
مستنية الردود
من مواضيع : قلب طيب وحزين ما هى علامات الحب وشواهدة
صمت الحب
رأى شكسبير فالحب
استجواب الحب
فى عيد الحب
17-03-2010, 12:42 PM
عبدالرحمن الشنوانى
 
شكرا ياصاحبة القلب الطيب على التوبيك الرااااائع
من مواضيع : عبدالرحمن الشنوانى بعشقك
شوية دندنه !!!
وها أنا منذ رحيلها
نظرت فى الحب
أحبك طول العمر.. وأعشقك أبد الدهر.. ورغم مفاجآت القدر
17-03-2010, 04:50 PM
قلب طيب وحزين
 
مرسية لمرورك فالموضوع
اسعدنى مرورك
من مواضيع : قلب طيب وحزين ما هى علامات الحب وشواهدة
استجواب الحب
فى عيد الحب
كلمات عن الحب
صمت الحب
17-03-2010, 10:13 PM
قلب طيب وحزين
 
الحمد الله انى التوبيك عجبك
اسعدنى مرورك
من مواضيع : قلب طيب وحزين صمت الحب
كلمات عن الحب
رأى شكسبير فالحب
ما هى علامات الحب وشواهدة
فى عيد الحب
19-03-2010, 06:53 PM
قلب طيب وحزين
 
بس انا مش ملك
مش مشكلة المهم انى الموضوع عجبك
واسعدنى مرورك
من مواضيع : قلب طيب وحزين رأى شكسبير فالحب
صمت الحب
ما هى علامات الحب وشواهدة
استجواب الحب
فى عيد الحب
21-03-2010, 11:12 PM
NOUR HEART
 
ميرسى ليكى يا قمر
موضوع كتييييييييييييييييييييييي يير مميز تسلمى
من مواضيع : NOUR HEART
21-03-2010, 11:19 PM
قلب طيب وحزين
 
تسلميلى يا قمر
وعلى مرورك
من مواضيع : قلب طيب وحزين كلمات عن الحب
صمت الحب
رأى شكسبير فالحب
ما هى علامات الحب وشواهدة
استجواب الحب
 

الكلمات الدلالية (Tags)
الحب, عدد, في

أدوات الموضوع

الانتقال السريع

فى عيد الحب

الساعة الآن 12:27 PM