xpredo script

العودة   نيو حب > المنتديات العامة > الحوار المفتوح
التسجيل

ده الكلام الى بيدحك بيه الشاب على البنت (بدافع الحب)

الحوار المفتوح

22-04-2010, 11:34 PM
عاشقه البحار
 
Ss7008 ده الكلام الى بيدحك بيه الشاب على البنت بدافع الحب


( فى الجامعة ))


هو - بحبك

هي = طيب

هو -باقولك بحبك

هي = أوكى عرفت خلاص

هو - يابنى ادمه انا بحبك بجد

هي = طب وانا اعمل ايه.؟

هو -حبينى زى مابحبك

هي = انا باعتبرك اخ وصديق ومابافكرش فيك غير كده

هو - انتى متحجرة الاحساس والمشاعر..تلاقى فيه حد تانى فى حياتك

هي = وهو لو انا ما حبيتكش يبقى بحب غيرك؟؟ تفكير غريب جدا

هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي

هي =لا وعلى ايه..خلاص ياسيدى ..اعتبرنا مرتبطين مؤقتا

هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر

--------------------------------------------------------------------------

(( فى البيت ))



هي = معقول يكون فيه حد ممكن يحبنى الحب دا كله؟؟
طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى

--------------------------------------------------------------------------

(( على التليفون ))



هو -عازمك النهارده على الغدا والسينما

هي = افندم؟؟

هو - ايه..كلامى غامض؟

هي = انا اسفه..ماقدرش اخرج معاك مادام علاقتنا مش رسمية

هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض

هي = مش هاينفع

هو - يبقى انتى مش بتحبينى

هي = طب قولى انت..لو انا اختك..هاترضى انى اخرج مع واحد تانى غريب؟

هو -( بغضب) لأ طبعا..دانا كنت قطمت رقبتك

هي = امال عايز تخرج معايا ليه؟

هو -آآه.. دى حاجه ودى حاجه تانيه

هي = هو انا مش بنت ناس برضه وليا أخ؟؟

هو - أنا مش هاثق فى أى حد تانى..لكن انا عارف نفسي وانتى عارفانى

هي = المبدأ واحد.. أخويا برضه ما يعرفكش

هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا

هي = وهو يا كده يا إما مش بحبك؟

هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟

هي = خلاص خلاص..أنا اسفه..بس اوعدنى انك مش هاتكررها تانى

هو - خليها لوقتها..هاستناكى قدام السينما الساعه 6 بالليل

--------------------------------------------------------------------------

(( فى البيت ))



هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هو اللى عملته ده صح ولا غلط؟
..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده

--------------------------------------------------------------------------

(( فى السينما ))


هي = انت مش قلتلى انه فيلم خيال علمى؟؟
دا طلع فيلم رومانسي

هو - حبيت اتفرج عليه انا وانتى..قصته رائعه..وكأنها اتعملتلنا

هي = ومالقيتش مكان أحسن من اخر صف فى القاعه؟

هو - أعمل ايه بس..جينا متاخرين والصفوف قدام كلها محجوزة

هي = الصاله شبه فاضيه..كلامك مش مريحنى

هو - ارجوكى بقى..احنا هانقلبها خناقه ولا ايه..عيشي معايا اللحظه

هي = ايه ده؟..ايه السفاله دى..ابعد ايدك عنى..انت بتعمل ايه؟

هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب

هي = انت اتجننت؟
والله لو ما لميت نفسك هافضحك فى السينما كلها

هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟

هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده

هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام

هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟

هي = حبك عاوزنى أكسر كل اللى اتربيت عليه

هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر

هي = أنا عارفه انك بتحبنى..وانا كمان بحبك...لكن...انا..مش


هو -بحبك وبحب كل حاجه فيكى..انتى جميله قوى

هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

--------------------------------------------------------------------------

(( فى البيت ))



هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..
يارب سامحنى أرجوك..ماقدرتش استحمل كل الضغط ده على اعصابى

--------------------------------------------------------------------------


(( فى الجامعة ))



هو - ها يا حبيبتى..تحبى نروح فين النهارده؟

هي = مش رايحه فى حته وكفايه بقى لحد كده؟؟

هو - ايه الكلام ده يا حياتى؟

هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه

هو - كلامك ده اكبر دليل انك مش بتحبينى

هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك

هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه

هي = بعد كل الابتزاز العاطفى ده؟؟

هو - ماحدش يقدر يجبر حد على حاجه..كان عندك مطلق الحرية انك ترفضى

هي = مع كل الضغط ده..ماكنتش قادره افكر

هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم

هي = انت حيوان بتمشيه رغباته..

هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك
من مواضيع : عاشقه البحار الصبر على المحن
تعالوا نعرف مميزاتنا وعيوبنا فى عيون الاخرين
موضوع خطير جدا عن اطفال الشوارع
النساء السوريات هن الاكثر زكاء وحتراما وسعوديات الاكثر دلالا وخمالا
المراه التى ابكى ملك الموت عندما قبض روحها
25-04-2010, 02:04 AM
مسعين بالله
 
رائع
ايه ده سينارست
ولا ايه
جميل اوي
وهادف
من مواضيع : مسعين بالله سجل حضورك برؤيا صادقه اثرت فيك
الحب هو الحل (حرية الفكر)
هل انت اله ام مخلوق؟(1)
كل يدلي بدلوه في تفسير غزه
فريق الخير
25-04-2010, 11:12 AM
عاشقه البحار
 
اقتباس:
المشاركة الأصلية كتبت بواسطة مسعين بالله
رائع
ايه ده سينارست
ولا ايه
جميل اوي
وهادف
تسلملى حازم على زوقك
وكم اسعدنى تشريفك صفحتى المتواضعة
من بعد غياب طويل
تحياااااااتى
من مواضيع : عاشقه البحار ده الكلام الى بيدحك بيه الشاب على البنت (بدافع الحب)
المراه التى ابكى ملك الموت عندما قبض روحها
تعالوا نعرف مميزاتنا وعيوبنا فى عيون الاخرين
موضوع خطير جدا عن اطفال الشوارع
الصبر على المحن
25-04-2010, 11:55 AM
عصـــtigerـــام
 
رائع جداً ما كتبتى من سيناريو
به نصائح لكل البنات
تحياتى لكِ
ودمتِ لنا بخير
من مواضيع : عصـــtigerـــام عشرون عاماً هزت العالم
<<الأدلــة العلميــة علـى خلـق الكـون مـن العـدم>>
هل الإنسان طيب القلب ضعيف الشخصية
ترشيد استهلاك الماء لك ولأجيالك القادمة
سر الحياة وسر السعادة
25-04-2010, 02:35 PM
sara_mero
 
حلو قوى يا اموله
نصائح حلوه
تسلم ايدك
من مواضيع : sara_mero أدخل وأكتب كل اللى فى بالك....
معلومات مهمه جدااااااااااااااا ....ادخلوا
اسئله ذكاء.....
ذكريات.....
نصائح قد تفيدك...
25-04-2010, 04:28 PM
سما الله
 
السلام عليكم

جميل جدا جدا ياأمل

ويارب كل بنت تكون عارفه كل الكلام ده

علشان مترجعش تندم

بس للأسف ياأمل البنت كائن ضعيف وعاااااااااااااااااطفى جداااااااااااااااااا

لما بتحب بتحب بجد أما الراجل

عقله قبل قلبه

شكرا ياقمر ع الموضوع الهادف
من مواضيع : سما الله الجـــــــرحــ الصــــــــامـــــــــتـــــ
يعتذر على internet Explorer عرض صفحة ويب ؟
أي أنواع الصمت تحب؟؟
القلب أم العقل أم الآثنين؟؟؟؟؟
**ماذا{إكتشفت اليوم}
25-04-2010, 07:03 PM
عاشقه البحار
 
اقتباس:
المشاركة الأصلية كتبت بواسطة عصـــtigerـــام
رائع جداً ما كتبتى من سيناريو
به نصائح لكل البنات
تحياتى لكِ
ودمتِ لنا بخير
شكرا لك عصام على تشريفك صفحتى
دمت بكل خير
تحيااااااااااااااتى
من مواضيع : عاشقه البحار ده الكلام الى بيدحك بيه الشاب على البنت (بدافع الحب)
موضوع خطير جدا عن اطفال الشوارع
النساء السوريات هن الاكثر زكاء وحتراما وسعوديات الاكثر دلالا وخمالا
الصبر على المحن
المراه التى ابكى ملك الموت عندما قبض روحها
25-04-2010, 07:05 PM
عاشقه البحار
 
اقتباس:
المشاركة الأصلية كتبت بواسطة sara_mero
حلو قوى يا اموله
نصائح حلوه
تسلم ايدك
تسلميلى يا قلبى على كلامك الجميل
تحيااااااااااتى
من مواضيع : عاشقه البحار موضوع خطير جدا عن اطفال الشوارع
تعالوا نعرف مميزاتنا وعيوبنا فى عيون الاخرين
المراه التى ابكى ملك الموت عندما قبض روحها
ده الكلام الى بيدحك بيه الشاب على البنت (بدافع الحب)
الصبر على المحن
25-04-2010, 07:07 PM
عاشقه البحار
 
اقتباس:
المشاركة الأصلية كتبت بواسطة سما الله
السلام عليكم

جميل جدا جدا ياأمل

ويارب كل بنت تكون عارفه كل الكلام ده

علشان مترجعش تندم

بس للأسف ياأمل البنت كائن ضعيف وعاااااااااااااااااطفى جداااااااااااااااااا

لما بتحب بتحب بجد أما الراجل

عقله قبل قلبه

شكرا ياقمر ع الموضوع الهادف
سمسومه حبيبت قلبى
مش عرفه اقول ايه على كلامك الجميل ده
جزاكى الله كل خير
تحياااااااااااااتى
من مواضيع : عاشقه البحار ده الكلام الى بيدحك بيه الشاب على البنت (بدافع الحب)
النساء السوريات هن الاكثر زكاء وحتراما وسعوديات الاكثر دلالا وخمالا
المراه التى ابكى ملك الموت عندما قبض روحها
تعالوا نعرف مميزاتنا وعيوبنا فى عيون الاخرين
الصبر على المحن
26-04-2010, 02:31 AM
مسعين بالله
 
اقتباس:
المشاركة الأصلية كتبت بواسطة سما الله
السلام عليكم


جميل جدا جدا ياأمل

ويارب كل بنت تكون عارفه كل الكلام ده

علشان مترجعش تندم

بس للأسف ياأمل البنت كائن ضعيف وعاااااااااااااااااطفى جداااااااااااااااااا

لما بتحب بتحب بجد أما الراجل

عقله قبل قلبه

شكرا ياقمر ع الموضوع الهادف
مين قال كدا
فيه من الرجال من هو اكثر عاطفه من البنات
مثلا مجنون ليلي
هوا اسم قيس اللي بيوضح الحكايه دي
لانه احب ولم يقود سفينه حبه الي بر الامان
عشان كدا سموه مجنون
مع انه عاقل
الولد زي البنت
لكن الرجل تميز بالعقل
اكثر (سنه) سنه بسيطه
وكونه تميز بالعقل
(فده) حاجه محموده
لم تنفي رومانسيته
بل اقول ان عقله هذا مع رومانسيته المفرطه
سيجعله ربان سفينه الحب الي بر الامان
ولو كانت الدفه مع رومانسي بلا عقل
لغرق المركب
شكرا للاضافه
واسف (لحشريتي)
من مواضيع : مسعين بالله كل يدلي بدلوه في تفسير غزه
فريق الخير
تخاريف صيام (عواطف مسروقه )
ماذا قدمنا لله
شروط فريق الخير
26-04-2010, 06:56 AM
ريتاج الشرق
 
تسلم ايدك الغاليه علي النصايح دي
بس يارب البنات تستفاد وتحط عقلها في راسها قبل ما تغلط
تحياتي لكي
من مواضيع : ريتاج الشرق ماذا تفعل ولو زارك رسول الله في بيتك
عندما تنجرح من أعز الناس .. هل تفكر في الإنتقام؟
أسأل عن أحبابك
هل من الممكن أن يكون أصدقاء النت أفضل وأوفي من أصدقاء الواقع
كل سنه وكل الأعضاء بخير
26-04-2010, 04:50 PM
عاشقه البحار
 
اقتباس:
المشاركة الأصلية كتبت بواسطة ريتاج الشرق
تسلم ايدك الغاليه علي النصايح دي
بس يارب البنات تستفاد وتحط عقلها في راسها قبل ما تغلط
تحياتي لكي
شكرا لكى ريتاج كلامك الجميل
والاجمل تشريفك صفحتى
تحيااااااااااتى
من مواضيع : عاشقه البحار الصبر على المحن
ده الكلام الى بيدحك بيه الشاب على البنت (بدافع الحب)
النساء السوريات هن الاكثر زكاء وحتراما وسعوديات الاكثر دلالا وخمالا
تعالوا نعرف مميزاتنا وعيوبنا فى عيون الاخرين
المراه التى ابكى ملك الموت عندما قبض روحها
26-04-2010, 05:24 PM
عاشق الله
 
منذ دخولى الجامعه وانا لاقيه عجايب عن الحب والبنات
فى رايكوا البنات عاوزين ايه من الولاد؟؟
انا هاقولكوا ... كل بنوته نفسها تتحب ويعجب بيها كل الولاد الى خلقهم ربنا وكل البنات تغير منها ده الطبيعى
وعاوزين يحبوهم لنفسهم ولشخصيتهم ككل مش عشان شكل ومظهر
و البنات كلهابتحلم بالحب مع فتى الاحلام الى يكون فيه كل الصفات اولهم الشخصيه القويه والرجوله وطبعا ديه مش متوفره اليومين دول بس وكمان نفسهم فى حد يحبهم بجد ويكون شاريهم ويعرف قيمتهم ويرفعهم لفوق ويكون متفاهم معاهم ويقدرههم ومايكونش شايف غيرهم يعنى اول مايقع فى حب البنت مايفكرش فى حد غيرها حتى لو كانت امه
بس الحقيقه فى حاجه البنات بتعملها وهى مش واخده بالها
ان اول ماتحس ان الولد الى ادامها بيحبها بتهرب وبتبعد حتى لو بتحبوا وبمجرد مايبعد عنها تحاول هى تقرب تانى واول مايجى تانى تبعد طب ليه بتعمل كده ؟؟
من مواضيع : عاشق الله رحلة الموووووووووت
صورة واحدة تجيب على أسئلة كثيرة
رسالة من غزة (مهم جدا ارجو الدخول)
لماذا تبكي النساء ؟؟؟
سؤال
 

الكلمات الدلالية (Tags)
البنت, امي, الحب, الشاب, الكلام, تدافع, بيديك, بيه, ده, على

أدوات الموضوع

الانتقال السريع

المواضيع المتشابهه
القبــض على شبكة دعارة الليموزينات
للبنات فقط.... البنت الناعمه والبنت الخشنه؟؟؟؟؟
((أنواع الكلام))

ده الكلام الى بيدحك بيه الشاب على البنت (بدافع الحب)

الساعة الآن 06:59 AM.