xpredo script

العودة   نيو حب > المنتديات العامة > الحوار المفتوح > المنتدى الادبى > منقولات أدبية
التسجيل

مصر

منقولات أدبية

27-04-2010, 07:13 PM
العندليب 73
 
كاتب مصر

وآدى مصر
بعد مافارقت عنينا
ابتسامة وصبح اخضر
فى الحوارى والمدينة
والميادين اللى حافرة جوه منى
حته أوسع م. الميدان
والمآذن والجوامع
واللى مابتعرف تميز
مين بيرفع فى الأذان
والقرايب الحبايب
لما بيفيض الحنان
وآدى مصر
ضحك طلبة جوه جامعة
أو صحاب ساكنين مدينة
نكتة حلوة
وانا بكتب احلى غنوة
فى القمر أحلى الأغانى
وآدى مصر
عقد مرمر
والهوى سكر مكرر
والقلوب رايقة وصافية
لون سماها
والهوا مخلوط كلام
والطريق مفروش زحام
الزحام جوايا صورته
والكلام ينفع أغانى
آدى مصر
العواميد اللى واقفة فى الشوارع
ع. الحديد محفور أسامى
وقلب حب
والصحاب متجمعين بره القهاوى
وانا قلبى لسه حاير
ناوى تمشى والا لسه
صدقونى ماكنت ناوى
آدى مصر
بعد ماطال الفراق
بعد ماقطع ضلوعنا
حر نار الإشتياق
الترع متفرعه منها القناية
ع.الغيطان والفلاحين
وانا بعمل بيت صغير
من عجينة طين زمان
والسنابل والكيذان
مليانين بالخير بشاير
فرن بيتنا لسه داير
والبنات عاملين ضفاير
والفلوس غلة ودقيق
وانا قلبى لسه حاير
ناوى تمشى والاه لسه
صدقونى ماكنت ناوى
وآدى مصر
امى اختى ولاد اخويا
عمى خالى وروح ابويا
لما بتجيلى فى منام
طايره فى سرب الحمام
مين يصدق إنه نفسى
ترجعونى وتخادوا كام؟
وآدى مصر
الكريم شهر الصيام
جه علينا
بس ريحته مش ريحتنا
أو كلامة مش لغتنا
لسه فاكر شكله فيكم
لما كنت فى حضن بيتنا
ضرب بمب عيال حارتنا
فينها لمة الحبايب ع. الفطار
والشعوب فرحانة بينا
فى المشارق والمغارب
عمالين يحكوا فى سيرتنا
وآدى مصر
كل عام وانتم بخير
ياحبايبى الطيبين
مين بيضمن أنه يبقى
أو بيضمن يبقى فين
آدى أرض الله كبيرة
واسعة فى كل البلاد
بس قلبى لسه أوسع
من بلادة
لسه فاضل حته فاضية
تكفى كل حنين عبادة
وآدى مصر
لما بنشوفها بعنيهم
غنوة حلوة فى الإذاعة
مسرحية .... تمثيلية
كل شئ مليان براعة
صدقونى ياجماعة
مصر اكبر من كلامى
وإن عشقت ودبت عشق
تبقى مصر ياناس غرامى
وآدى مصر
بعد عام هيه هيه
ألف عام برضه هيه
العيال فرحانه عشق
والقلوب بتحب ميه
البنات فى البلكونات
والشباب رايحة وجاية
لسه سور الجامعة عايش
قلب حفر واسم حب
مكتوبين فى حته ليا
لسه فاكر المكان
نفسى أرجع بس لابس
لسه فاكر لبس أبويا
هيه لاسه وجلابيه
نفسى أرجع بس خايف
حضن بلدى يكون نسينى
نفسى ابكى من حنينى
وان نسيتنى لسه حافظ
شكل مصر


راقت لى فنقلتها
لكم


أحمد أبوسنة شاعر عامية مصرى


من مواضيع : العندليب 73 انا ليه بهون عليكى
حكاية أني أحبك
مصر
عنــــــــاقيـــــــد الحــــــب
الحزن
 

الكلمات الدلالية (Tags)
مصر

أدوات الموضوع

الانتقال السريع

مصر

الساعة الآن 12:53 AM.