xpredo script

العودة   نيو حب > المنتديات العامة > الحوار المفتوح > المنتدى الادبى > منتدى القصة
التسجيل

يوميات شاب عادي

منتدى القصة

21-08-2010, 12:57 AM
n ou_nou
 
ارجوك ملكة نزلي الباقي كله والله انا متشوقة اعرف اللي هيحصل في الآخر
ديه حلوة اويه
في انتظار الباقي احيييك تحية مليئة بالمحبة والورد والرقة
n ou_nou
من مواضيع : n ou_nou قصة قصيرة لكن رائعة
مشاعل و فارس احلامها
احلى قصة حب قمر خالد
21-08-2010, 02:25 AM
سنجر الحلبي
 
مشكووووووووور علي القصه الاكثر من روعه في انتظار باقي الحلقات
تحياتي
من مواضيع : سنجر الحلبي رواية وقبل أن يرفع الجلاد سيفه طلب أن يؤذن له بكلمة يقولها للملك
21-08-2010, 04:26 AM
lovly bird
 
بجد يا ملكه قصه قمه فى الروعه والجمال والتذكير بالله تعالى
جزاكى الله خير الجزاء على كل هذه الأفادة التى تقدميها
وانا متشوقه جدا لاستكمال القصه ومعرفه باقى الاحداث التى لا احتمل تأخيرها
ياريت تنزلى الباقى كله
واسفه على التأخير فى الرد
اختك فى الله تحيااتى
من مواضيع : lovly bird مـهـلا خـذ الـعبـرة
ثـمـن الـعـرق
الكـوب السـاخن
21-08-2010, 10:15 PM
محمود عبدالمجيد
 
ملكه... ما شاء الله
المتابعين كترم
والقصه بتزداد روعه وجمال
ربنا يجزيكى خيرعنها وعن كل من قراها
منتظرين الحلقه القادمه
من مواضيع : محمود عبدالمجيد
22-08-2010, 12:17 AM
n ou_nou
 
ربنا يبارك فيك يا ملكة كملي
ديه القصة روعة بس لو مش عايزة قوليلنا
تحياتي
من مواضيع : n ou_nou احلى قصة حب قمر خالد
قصة قصيرة لكن رائعة
مشاعل و فارس احلامها
23-08-2010, 04:02 PM
malka
 
بصراحه مش قادره أوصف سعادتى لمتابعتكم
بجد انا سعيده جدا

فى أول الحلقات كان جلنى أحباط من عدم المتابعه
معأن القصه تستاهل بجد

أنا بشكر كل من مر من هنا وأستفاد ولو حتى حرفا واحدا
أخواتى الكرام

سوف أنزل لكم كل يوم حلقه حتى تقدورون أن تتابعوا ولم يفوتكم
أى حلقه من الحلقات

أخواتى الكرام
أرجوا أن لا تنسونى بدعائكم

تحياتى لكم جميعا
وأنتظرونى فى الحلقه القادمه
ملكه
من مواضيع : malka سميره ضحيه من الشات
هل الرجل يصنع المرأة أم المرأه تصنع الرجل؟
العلبـــة دي .. فيهـا إيـه ..؟!
أيه أللى فى الورقه ديه
حلم عمــــــرى
23-08-2010, 04:04 PM
malka
 
الحلقة الرابعه و الثلاثون




مناجاه..




عاد عبد الرحمن الى البيت ..

وجد الجميع قد ناموا..

دخل غرفته ..

واغلق الباب..

جلس على سريره يستعيد ما حدث له اليوم ..

ثم بدات الافكار تتزاحم فى راسه..


إنها رسائل من الله اليك يا عبد الرحمن...


لو مفهمتهاش يبقى انت اغبى انسان على هذه الارض..

لقد آن الاوان..


نعم..

لقد حان الوقت للتخلص من ذل المعاصى..

لقد حان الوقت لكسر قيود الشهوات..


كفايه ذنووووووووووووووووووب...


لو متبتش دلوقتى ..هتوب امتى تانى؟؟؟


لو مبداتش امشى فى طريق ربنا صح همشى امتى؟؟


لو منتهزتش وجود معاذ وعبد الله جنبى دلوقتى؟؟ هلاقى صحبه صالحه فين بعد كده؟؟؟

كان عبد الرحمن مشحونا بشحنه ايمانيه عاليه فى ذلك الوقت جعلته ينتفض من على سريره..


وقف فى وسط الغرفه وبدأ ينظر حوله..



ما هذا ؟؟ ومن هؤلاء؟؟



ذهب الى المطبخ واحضر كيسا كبيرا...



ثم اخذ ينزع كل صور المطربين والممثلين الموجوده على الحائط فى غرفته ويضعها فى الكيس..


احضر كل الشرائط والسيديهات الخاصه بالافلام والاغانى ووضعها ايضا فى الكيس..



ثم ربطه ووضعه فى سلسلة القمامه..


عاد الى جهاز الكومبيوتر..


دخل على القرص الخاص بالافلام والاغانى وقام بعمل فورمات..

فتح المتصفح وقام بحذف جميع المواقع الغير اسلاميه من المفضله..


وفى تلك اللحظه ..تذكر ذلك الشيخ الذى كان يتحدث فى الميكروباص..


ماذا كان اسمه؟؟؟


انه...حازم شومان...


فتح محرك البحث..وكتب حازم شومان..


ظهرت له نتائج عديده للبحث..


ولكن جذب انتباهه رابط بعنوان ..


راجعلك يارب..


قام بفتحه والاستماع اليه..


احس عبد الرحمن بسعاده غير عاديه وانشراح فى صدره بعد سماعه للمقطع..



قام وتوضأ ..



وللمره الاولى يشعر بمعنى السجود لله..


اخذ عبد الرحمن يناجى ربه ودموعه تفيض على خديه قائلا..


ما احلمك يا رب.. عصيتك كتيير وامهلتنى؟؟


ما اعظمك يارب..اتجرأت عليك وسترتنى!!


ما اكرمك يارب..ذنوبى طالعه اليك ونعمك علي لا تعد ولا تحصى..!!


كنت قادر يارب انك تاخد منى كل نعمه عصيتك بيها فى يوم من الايام ..


انا مش عارف اقولك ايه يارب؟؟؟


انا مكسووووووف منك يارب..


ولكنك رحمن ..رحيم..


جيتلك يارب..


رجعتلك يارب..


وقفت على بابك..


يارب متطردنيش..


مليش رب غيرك..


اروح لمين غيرك يا رب..


انت ربى وسيدى ومولاى وح..ب...ي...ب..ي ..


بحبك يارب..


يا حبيبى ..


نفسى الاماره بالسوء غلبتنى والشيطان وسوس لى وعصيتك..


بس جيتلك طمعان فى عفوك يارب..


يارب عذابك شديد ..


مستحملش نظرة غضب واحده منك يارب..


بس انت غنى عن عذابى..


يارب متعذبنيش ..


يارب متعذبنيش ..


يارب متعذبنيش ..


انا ضعيف يارب..


انا حقير يارب..


بس انت قولت فى كتابك..


(قل يا عبادي الذين اسرفوا على انفسهم لا تقنطوا من رحمة الله إن الله يغفر الذنوب جميعا)


عمرى ما هيأس من رحمتك يارب..


عمرى..

عارف ومتاكد انك هتقبلنى ومش هتردنى ..


اقبلنى يارب..


واغفر لى يارب ..

واهديني يارب..


اهدينى يا رب..


اهدينى يارب..




تابعونا ..

= = =
==
=

من مواضيع : malka أمرأه عجوز دفنوها وهى ساجده
العلبـــة دي .. فيهـا إيـه ..؟!
سميره ضحيه من الشات
هديتي ...... (بعد كل تعليق قصة جديدة)
يوميات شاب عادي
24-08-2010, 12:00 AM
n ou_nou
 
القصة حلوة اوي كملي رنا يبارك فيك يا جميل تحياتي
من مواضيع : n ou_nou قصة قصيرة لكن رائعة
مشاعل و فارس احلامها
احلى قصة حب قمر خالد
24-08-2010, 03:43 AM
malka
 
علشان خاطر عيونك ومتابعتك بأستمرار
سوف أنزلك حلقه جديده حالا

أنتظرينى يا غاليتى
ملكه
من مواضيع : malka أمرأه عجوز دفنوها وهى ساجده
حلم عمــــــرى
أيه أللى فى الورقه ديه
سميره ضحيه من الشات
يوميات شاب عادي
24-08-2010, 03:46 AM
malka
 
الحلقة الخامسه و الثلاثون




ابدأ صح..




استيقظ عبد الرحمن فى صباح اليوم التالى وكله همة ونشاط ..

ذهب الى الكليه..

وهناك ..قابل صديقه محمد ..


عبد الرحمن : السلام عليكم ورحمة الله وبركاته..



محمد: وعليكم السلام ورحمة الله وبركاته..



عبد الرحمن : ازيك يابنى.. فينك كده؟؟


محمد: الحمد لله ..انا موجود اهو بس كنت مشغول حبتين..
متعرفش معاذ مختفى فين كده بقاله كام يوم..؟؟؟



عبد الرحمن : ده انا اللى لسه كنت هسألك عنه..!
اخر مره كلمته فيها كان الخميس اللى فات وقالى انه مش هيقدر يجى الكليه الاسبوع ده علشان عنده ظروف..



محمد: ان شاء الله يكون بخير..


عبد الرحمن : يارب..


محمد: مش عاوز مني حاجه علشان مستعجل؟؟


عبد الرحمن : شكرا..ابقى طمنا عليك وعلى معاذ..


محمد: ان شاء الله..
السلام عليكم..


عبد الرحمن : وعليكم السلام ورحمة الله وبركاته..



عاد عبد الرحمن الى المنزل ..


وفى طريق العوده ..اتصل به عبد الله..


عبد الله: السلام عليكم ورحمة الله وبركاته..


عبد الرحمن : وعليكم السلام ورحمة الله وبركاته..

كنت لسه هتصل بيك والله اول ما اروح..



عبد الله: القلوب عند بعضيها..ايه اخبارك؟؟


عبد الرحمن : الحمد لله..انا بجد محتاج اقعد معاك انهارده ضرورى يا عبد الله..



عبد الله: خير ان شاء الله..

هستناك بعد المغرب زى كل مره..

خلاص ..ماشى باذن الله..



عبد الرحمن : باذن الله..
السلام عليكم



عبد الله: وعليكم السلام ورحمة الله وبركاته



عاد عبد الرحمن الى المنزل..

تناول الغداء..

ثم نزل وصلى العصر فى جماعه..

ثم جلس فى المسجد يقرا القرآن..

حتى بلغت الساعه الرابعه والنصف..

فخرج من المسجد وذهب للقاء عبد الله..

وصل اليه فى اذان المغرب..

فذهبا وصليا المغرب جماعة ..

وبعد الصلاه دار هذا الحوار..



عبد الرحمن : بص بقى يا عبد الله..

انت عارف انى بعتبرك انت ومعاذ زى اخواتى بالظبط..

وربنا يشهد انا بحبكم قد ايه..

انا الحمد لله نويت اتوب لربنا ..ونفسى تاخد بايدى علشان ابدأ صح ..




عبد الله: الف مبروووووك يا حبيب قلبى..

والله انت مش حاسس انا فرحان بكلامك ده قد ايه دلوقتى..

ربنا يحفظك ويثبتك يارب..

بص بقى يا سيدي..

لازم تعرف الاول ان التزامك ده مش شطاره منى او منك ..ده فضل من ربنا انه هداك ووجهك للطريق الوحيد اللى فيه سعادة الدنيا والاخره..طريق الاستقامه..

وده الطريق اللى بنظلب من ربنا انه يهدينا ليه فى كل صلاه ..احنا مش بنقول فى كل صلاه فى الفاتحه (اهدنا الصراط المستقيم) ..؟؟


عبد الرحمن : تمام..



عبد الله: واللى يأكدلك ان ده فضل من ربنا عليا وعليك ان انا وانت عارفين ناس كتيييييييير فى الضياع ..مع انهم عارفين انهم ماشيين مسدود وفيهم ناس كتير عارفين الصح فين ..وعارفين ان اللى بيعملوه غلط..ومع ذلك مستمرين فيه..وللاسف ناس كتييييييير منهم ماتت على معصية ربنا والعياذ بالله..
فالحمد لله على نعمة الهداية ..


عبد الرحمن : الحمد لله..



عبد الله: الحاجه التانيه..
مش عاوزك تدخل فى الدين حامى..وتتقل على نفسك..علشان بعد فتره متعملش زى اغلب الناس وتلاقى نفسك سبت كل حاجه مره واحده..

وطبعا مش قصدى التدرج فى ترك المحرمات..لا طبعا..قصدى التدرج فى العبادات والطاعات..

النبى صلى الله عليه وسلم بيقول (إذا نهيتكم عن شئ فاجتنبوه ، وإذا أمرتكم بأمر فأتوا منه ما استطعتم ) رواه البخاري

وربنا بيقول ( وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا)

يعنى ايه؟؟

يعنى طالما عرفت ان الاغانى حرام ..يبقى سمعا وطاعه يارب..

عرفت ان الشات والكلام مع البنات حرام..يبقى سمعا وطاعه يارب..

انما مثلا لو فى الاول صليت الخمس صلاوات بس ومصليتش النوافل ..مفيش مشكله..شوية بشوية وهتلاقى نفسك باذن الله بتزيد فى الطاعه..

ماشى يا سيدي؟؟



عبد الرحمن : ماشى..

وده فعلا اللى انا عملته والحمد لله..

انا رميت كل شرايط وسيديهات الافلام والاغانى اللى كانت عندى ومسحت كل حاجه من على الجهاز..



عبد الله: الحمد لله..
شوفت بقى ربنا بيحبك قد ايه علشان يوفقك لكل ده..



عبد الرحمن : الحمد لله..



عبد الله: الحاجه التالته علشان تبدأ صح ..

لازم يكون ليك جدول وثابت وورد محاسبه تحاسب نفسك عليه..متسبش العمليه ماشيه سبهلله كده..لو مشيت من غير جدول محاسبه هتلاقى نفسك مره تفوت صلاة الجماعه..مره تنسى ورد القران ..مره تنسى الاذكار ..وهكذا..

الجدول هنبتدى فيه الاول بحاجات اساسيه ..وان شاء الله نزود حاجه كل فتره..

ماشي؟؟



عبد الرحمن : ماشي..



عبد الله: الجدول عندى فى البيت ..وكلنا مشينا عليه فى الاول..هو عباره عن حاجه بسيطه جدااا..زى
- صلاة الجماعه
- ورد قرآن ثابت يوميا
- أذكار الصباح و المساء
- أذكار بعد الصلاة
كده يعنى..



عبد الرحمن : هستناك تجيبهولى ان شاء الله..



عبد الله: ان شاء الله..
دلوقتى فيه حاجه مهمه جداااااااااا لازم نعملها الاول..


عبد الرحمن : ايه ؟؟



عبد الله: عايزين نشتغل على نظافه..



عبد الرحمن : ازاى يعنى؟؟



عبد الله: احنا شغلنا كله عبادتنا وطاعتنا لله قائمه على القلب..
فلازم ننضف القلب من التراب اللى الذنوب والمعاصى راكمته عليه ..علشان تحس بلذة الطاعه بعد كده ولما تعوز قلبك تلاقيه موجود..

والنضافه دى بقى هتبقى عن طريق سماع دروس عن الدار الاخره ..الجنه والنار ويوم القيامه والقبر وهكذا..

ماشى؟؟



عبد الرحمن : ماشى..



عبد الله: على بركة الله..

هات ايميلك..

واول ما اروح هبعتلك رابط اسطوانه خطييييييره عن الدار الاخره لمجموعه من الشيوخ..

وفيه موقع كمان اسمه احلى حياة فى طاعة الله..هتلاقى هناك احلى صحبة تعينك على طاعة الله ..


وكمان فيه سلسله رووووووعه لازم تسمعها..اسمها على فين يا شباب..للدكتور حازم شومان..



عبد الرحمن : سبحان الله..

كنت لسه هقولك دلنى على حاجه اسمعها للراجل ده..

انا سمعتله لغاية دلوقتى درسين واثروا فيا جدااااااااااااا لابعد ما تتصور..




عبد الله: نحسبه على خير ولا نزكيه على الله من الدعاه المخلصين..


عبد الرحمن : ربنا يبارك فيه ويزيده..



عبد الله: اللهم امين..

صحيح قبل ما انسى..

فيه حاجه مهمه عايز اقولهالك..



عبد الرحمن : قول..



عبد الله: بحبك فى الله..



عبد الرحمن : وانا كمان بحبك فى الله انت ومعاذ وربنا يجمعنا مع النبى فى الجنه ان شاء الله..

عبد الله: اللهم امين..



انتهى الحوار بين عبد الرحمن وعبد الله..

ثم صليا العشاء..

وعاد كل منهم الى منزله..

وهكذا..

بدأ عبد الرحمن يشق طريق الالتزام خطوة بخطوة..



تابعونا ..



#################################


من مواضيع : malka حلم عمــــــرى
هل الرجل يصنع المرأة أم المرأه تصنع الرجل؟
يوميات شاب عادي
هديتي ...... (بعد كل تعليق قصة جديدة)
•♥♥• الحـــــــــــــب مـــــــــــوتــــــــــــا •♥♥•
24-08-2010, 04:25 AM
lovly bird
 
بجد القصه ديه من اجمل ما قرأت فى حياتى
الاحداث والمواقف وطريقه السرد
مخليه القصه واقعيه لابعد مدى قريبه من كل اللى بيقرأها جزء من حياتنا
وانا فعلا متشوقه جدا انى اعرفها كلها واعرف ايه نهايتها مع انى هاكون حزينه جدا لما تنتهى لانها جزء من حياتننا اليوميه ماينفعش يكون ليها نهاية
بشكرك جدا ملكه على المجهود الراائع ده
بارك الله فيك وجعله فى ميزان حسناتك يوم ان نلقاه
فى اتنظار باقى الحلقات بكل شوق
تحيااتى لكى اختى الغاليه
من مواضيع : lovly bird ثـمـن الـعـرق
مـهـلا خـذ الـعبـرة
الكـوب السـاخن
24-08-2010, 11:17 AM
malka
 
حبيبة قلبى منوره التوبيك
أنا بشكرك جدا لمتابعتك القصه

لأنها فعلا رائعه أنا قرأتها كامله مرتين من قبل
ومن شدة أعجابى بها بقرأها معكم الان للمره الثالثه

أنتظرينى يا غاليتى سوف أنزل حلقه جديده
تحياتى لكى يا قمرايه
ملكه
من مواضيع : malka •♥♥• الحـــــــــــــب مـــــــــــوتــــــــــــا •♥♥•
هديتي ...... (بعد كل تعليق قصة جديدة)
يوميات شاب عادي
المنحوس منحوس
حلم عمــــــرى
24-08-2010, 11:29 AM
malka
 
الحلقة السادسه و الثلاثون




أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا؟؟؟؟




بدات اللقاءات تتكرر بين عبد الرحمن وعبد الله..



وقام عبد الرحمن بالاستماع للاسطوانه والسلسله التى نصحه بها عبدالله..




والتى كانت بفضل الله سببا فى علو همته واقباله على الله..




وكان عبد الله فعلا نعم الرفيق والاخ والصديق..




لايترك عبد الرحمن..




يسأل عليه باستمراره ..




ويتابعه فى اوراده..




ويلبى له اى طلب يطلبه ..




ولا يبخل عليه بالنصح والارشاد..


وبدا عبد الرحمن فى حفظ كتاب الله..




وفى اسبوع واحد بفضل الله كان قد اتم حفظ سورة البقرة وتعلم احكام التجويد..




وبدأ يحافظ على حضور الدروس الايمانيه مع عبد الله ..ويتعرف على بعض الاخوه الجدد..




تغيرت حياة عبد الرحمن بالكامل..

من اصغر شئ فيها الى اكبر شئ..


كل شئ..مأكله وملبسه ونمط نومه واستيقاظه وتعامله مع والديه..الخ




كان والديه فى قمة السعاده ان يروا عبد الرحمن بهذه الاخلاق وهذا الالتزام..



على الاقل تجاههم ..


فقد اصبح عبد الرحمن شديد البر بوالديه..


لا يُسمع له صوتا وهما فى المنزل..


يساعد والدته فى امور المنزل..


ولا ينام قبل تقبيل ايديهما..


أصبح من رواد المسجد فى كل الصلوات ..

خاصة صلاة الفجر..


بل اصبح هو الذى يوقظ والديه واخته للصلاه..





وهاهى امه تدخل عليه منذ يومين قبيل الفجر ..فتجده قائما يصلى لله..


فدعت الله ان يثبته..


وان يبعد عنه شياطين الجن والانس..





مضى ثلاث اسابيع ..


وعبد الرحمن من طاعة لطاعة..


بدأ يشعر بلذة الطاعه..


وحلاوة الايمان..


..



ولكن ..


وفى احدى الليلي..



كان عبد الرحمن جالسا قبل الفجر ..



يستغفر الله ..



ويطلب من فيض عطاياه..




اذ بصوت الهاتف المحمول يعلن عن وصول رساله..



وبعدما انتهى ...


قام وفتح الرساله..



فوجدها رساله فارغه من رقم غير مسجل..



تعجب كثيرا..



من الذى يرسل رساله فارغه فى هذا الوقت..



اتصل بالرقم ..

ولكن (عفوا ..رصيدك الحالى لا يكفى لاتمام هذه المكالمه) ..



لم يكن مع عبد الرحمن رصيد ..



فتجاهل الامر..




نزل لصلاة الفجر..




وبعد عودته..


دخل غرفته..




واخذ يقرأ أذكار الصباح..




ولكن قاطعه صوت المحمول ..




انه نفس الرقم الغير مسجل ..




ولكنه يتصل هذه المره..!




ضغط عبد الرحمن على الزر الخاص بالرد ولم يبدأ هو بالسلام..




جلس الطرفان برهه فى انتظار من يبدأ الحديث..



المتصل : ألو


( كاد عبد الرحمن يُغشى عليه من رقة الصوت!! )





تذكر عبد الرحمن انه أصبح انسانا جديدا..



فقال بصوت خشن:

وعليكم السلام ورحمة الله..

مين حضرتك؟؟




المتصل : أنا .........





تابعونا ..

= = =
==
من مواضيع : malka أمرأه عجوز دفنوها وهى ساجده
هديتي ...... (بعد كل تعليق قصة جديدة)
سميره ضحيه من الشات
يوميات شاب عادي
هل الرجل يصنع المرأة أم المرأه تصنع الرجل؟
24-08-2010, 01:00 PM
احمد يحى
 
سلمت يداكى والا الامام قدما
وجعله الله ى ميزان حسناتك
من مواضيع : احمد يحى قصة شاب نشر صور لاخته على الانترنت
لماذا يا ابى ....؟؟؟؟؟ قصة شاب قتل اباه بسسبب المخدرات!!!
قصة أعجبتني :
رجلا سألوه لماذا تحب زوجتك هكذا .؟!
 

الكلمات الدلالية (Tags)
يوميات, شات, عادى

أدوات الموضوع

الانتقال السريع

المواضيع المتشابهه
يوميات سنه أولى جواز ( فلان و فلانة)
يوميات معلمه
يوميات صــــرصـــــــور
يوميات خادمة هندية عاشت ايام تعيسة

يوميات شاب عادي

الساعة الآن 03:05 AM.