العودة   منتدى نيو حب > المنتديات العامة > الحوار المفتوح

وقفه مع النفس

الحوار المفتوح


15-07-2010, 07:59 PM
fares el amany
 
وقفه مع النفس

السلام عليكم ورحمه الله وبركاته

ازيكم ياصحابى

انا حابب اكلمكم عن موضوعمهم
هو اننا محتاجين بجد نوقف مع نفسنا وقفه بجد ونواجه نفسنا بصراحه وبلاش هروب
المشكله فى الشباب والبنات
انعدام شخصيه بالكامل
انا مش عارف ابدألكم من فين بس ححاول اوضحلكم
اانا عايز كل شاب مننا وكل بنتتوقف قدام المرايه ويسألوا نفسهم
ياترى احنا مسلمين بجد
طيب ياترى هو احناممكن ننصر الاسلام
ياترى هو ربنا خلقنا ليه
طيب لو افترضنا ان رسول الله دخل علينا فى البيت على فجأه
تفتكروا موقفنا حيبقى ايه
لما الشاب مشغل الاغانى ولابس الحظاظه فى ايده واللى لابس السلسله واللى مسقط البنطلون بتاعه واللى متشبه بالبنات
طيب بالنسبه للبنت لما يدخل عليها الرسول ويشوفها لبسها كله عرى او اشبه بالعرى زى الملابس الضيقه اللى بتظهر اللى تحتهم وكمان خارجه بشعرها وكمان ضاربه وشها بالكريمات وغيره وماسكه الموبايل ومنتظرها حبيبها تحت البيت او فى النادى
ياترى مش خايفه من ربنا
ياترى احنا بنتهرب من الحقيقه ليه
طيب امتى بجد حنقف مع نفسنا وقفه بجد
امتى؟
امتى؟
امتى حنفوق من الغيبوبه اللى عايشين فيها
ممكن تردوا عليا وتقولولى امتى
مستنين امتى
لما يجيلكم ملك الموت
ولا فى القبر
ولا لما يصلوا عليك
ولا لما يغسلوك
ولا ايه بالظبط
امتى
حتأجل توبتك لربنا امتى
لامتى حتقول بعدين حتوب
وتشبهك بالنساء فى اللبس وتسقيط البنطلون وعلاقتك المحرمه مع البنت وكمان سماعك الاغانى
بعدين لما اخطب والاقى بنت الحلال ولا لما اجوز ولا لما ايه تانى
مستنى ايه تانى

وانتى اللى عايشه فى الغيبوبه حتفوقى امتى
وتعرفى ان علاقتك بابن الجيران ده حتوديكى فى داهيه
وهدومك المزنوقه اوى اللى مبينه كل اللى تحتهم
ولا اللى مش لابسه الحجاب الشرعى
انتى مش عارفه انك بضاعه رخيصه
كل اللى رايح واللى جاى يشوفها
انتى مش عارفه انه حرام علاقتك دى وكمان الهدوم اللى بتلبسيها وشعرك

بجد ياصحابى
والله انا بقولكم الكلام ده من قلبى جايز يكون الكلام مش مرتب بس بحاول اعبر عن اللى جوايا محدش يزعل منى لانه بجد خايف عليكم
حقولكم حكايه حصلت فى واقعى
معايا واحد صاحبى
الولد ده كان بيدخل الشات وعلاقات مع البنات وكمان فى بلده وسماع اغانى ونظرات للبنات وغيره من غيبوبه الشباب
المهم
صاحبى ده كان موجود معانا وبعد ماروح البيت تانى يوم سمعنا انه مات
تعرفوا مات ازاى
اخوه قتله
ايوه اخوه قتله
تفتكروا حيقول ايه لربنا

بجد احنا محتاجين نفوق من الغيبوبه لانه بجد حنفضل مذلولين من اليهود وغيرهم بسبب بعدنا عن الدين بتاعنا وحربهم علينا عن طريق الافكار اللى مش كويسه زى التطور وبلاش تخلف ونقلد الغرب فى العادات وبعدنا عن ربنا
بجد بالله عليكم
نرجع نفكر تانى
محتاجين بجد نفوق ونعرف اننا محتاجين مسلمين ومسلمات يحرروا الاقصى وننصر اخوانا فى العراق وفلسطين والشيشان وغيرهم
بالله عليكم ارجعوا للدين تانى علشان نرجع تانى اعزه زى وقت ماتمسكنا بدينا كنا اسياد العالم
بالله عليكم ماتنسوش ربنا وبلاش انعدام شخصيه وبلاش تقليد


معلش طولت عليكم ورغيت كتييير بس بجد علشان بقول كلام من قلبى
وربنا يهدينى ويهديكم
سلام
من مواضيع : fares el amany لماذا ماء الاذن مرا وماء العين مالحا وماء الفم عذبا؟
ايه قرأنيه تحولت الى مسج غرامى(مهم جدا)
اصحاب بجد
وقفه مع النفس
صدق او لاتصدق فهو الواقع
 

الكلمات الدلالية (Tags)
مع, النفس, انعدام, بالكامل, شخصيه, وقفه

أدوات الموضوع

الانتقال السريع

المواضيع المتشابهه
النفس تبكى على الدنيا(قصيده راائعه للامام على بن ابى طالب)
امساك النفس عند الغضب
محاسبة النفس على صيغة جدول
تعرف على علم النفس
الانانية (حب النفس)

وقفه مع النفس

الساعة الآن 11:45 AM