xpredo script

العودة   نيو حب > المنتديات العامة > الحوار المفتوح
التسجيل

موضوع مهم للنقاش حاجات كتير جوايا

الحوار المفتوح

29-07-2010, 03:20 PM
malka
 
06 موضوع مهم للنقاش حاجات كتير جوايا

لقى طالب مصرعه من مركز أبو قرقاص منتحراً، بعد إعلان نتيجة الثانوية العامة. تلقى اللواء محسن مراد مدير أمن المنيا بلاغا من مأمور مركز شرطة أبو قرقاص يفيد انتحار الطالب وليد خلف عبد الحكيم من زاوية حات التابعة لمركز أبو قرقاص، عقب سماعه النتيجة والتأكد من رسوبه، حيث تبين أنه قام بإغلاق الباب على نفسه وربط حبل فى سقف المنزل ووضعه حول رقبته وشنق نفسه. وقد عثرت عليه أسرته معلقا إلا أنها لم تستطع إنقاذه.

ولسه يا وزير التعليم

بجد حسبى الله ونعم الوكيل

مش عارفة ايه مزاج السادة الوزراء انهم يعكننوا على الشعب

عايزة افهم بس هما بيستفيدوا ايه ؟؟؟

الثانوية العامة فى بلدنا كارثة من الكوارث الطبيعية

وياريت بيطلع منها الطلاب فاهمين حاجة

شوية مختلين عقليا ميعرفوش اى حاجة فى اى حاجة ماسكين العملية التعليمية ومعتقدين انهم جهابذة وعباقرة واللى بيعملوه محدش يقدر عليه

من ناحية محدش يقدر عليه .. ففعلا محدش يقدر عليه

لان محدش عنده كمية الغباء دى كلها .. ده غباء حصرى فى التعليم المصرى

الخبر ده كنت متوقعاه ويمكن اكون كنت بستناه .. وبستنى اكتر منه كمان .. مهو أكيد الموضوع مش هينتهى بانتحار طالب واحد

فى شرع مين يرسب نصف طلاب الثانويع العامه ؟؟

نصف الطلاب !!!!


نصف الطلاب مذاكروش ليل نهار .. ولا تعبوا وسهروا واكتأبوا وعيطوا من المناهج التقيلة اللى مش قادرين عليها

نصف الطلاب أهاليهم مدفعوش اللى وراهم واللى قدامهم فى دروسهم الخصوصية
نصف الطلاب معاشوش سنتين فى جحيم الثانوية العامة وعيشوا معاهم أهاليهم وأقاربهم ، وبيوتهم تحولت من بيوت عادية لثكنات عسكرية معلن فيها حالة الطوارئ ليل نهار

والله أنا قلبى بيبكى .. حزينة جداااا على كسر قلوب الطلبة وأهاليهم بالشكل المفجع ده


هو خلاص مفيش رحمة


طيب بتضيقوا عالناس فى المعيشة .. فى الجواز .. فى الشغل .. فى غلاء الأسعار .. فى الارتفاع الجنونى لاسعار شقق الشباب .. فى تدمير نفسية الشباب والبنات .. والناس مش قادرة وهتنفجر من كل حاجة ومحدش حاسس ولا سائل ... لكن دى حاجة وانكوا تحطموا قلوب واحلام ولادهم حاجة تانية خالص


كل انسان طبيعى بيستحمل كل حاجة عشان خاطر ولاده


عشان يربيهم كويس ويعلمهم كويس ويفرح بيهم ولهم


حتى الفرحة استخسرتوها فى الناس


مفيش عقل خالص .. مفيش نسبة ذكاء أرنب حتى


سيبوا للناس حاجة تريحهم نفسيا يمكن ينسوا عمايلكوا السودة شوية


مش كفاية أصلا انهم هيدخلوا كليات عجيبة وأساتذتها معقدة برضه ويتخرجوا منها زى ما دخلوها وفى الاخر يقعدوا فى بيوتهم

طيب ادوهم فرصتهم فى البهدلة الطبيعية .. بلاش تبهدلوهم كده من اولها وتكرهوهم فى حياتهم وبلدهم .. الحكاية مش ناقصة


هى عقدة وبنخلصها فى الناس ولا ايه ؟؟


والله ياريت يا حكومة قبل ما تمسكى حد مصير ابنائك .. تعرضيه على طبيب نفسى


وياريت تبقى تكشفى انتى كمان احتياطى زيادة اطمئنان احنا طبعا واثقين فى قدراتك العقلية الخارقة بس محتاجين نطمن.. يمكن يكون مستوى ذكائك تعدى الحدود الطبيعية وكسر الارقام القياسية .. وساعتها بقى يبقى يا بختنا يا هنانا


ربنا يرحمك يا وليد ويصبر أهلك و ينتقم من كل ظالم



حسبى الله ونعم الوكيل

من مواضيع : malka حرف وكلمه وعبارة
حروف الأحزان
الهُموم كثيرَة ، وَآلامُهـآ أكبَر
* أشباح الذات*
هل ترى نفسك أنسان غامض
29-07-2010, 03:30 PM
medo
 
الاول على الجمهوريه من بلدى المنصورة
فى الثانويه العامه
2010
طلع على التلفزيون
وقال ان الامتحانات
كان فى اسئله بره المنهج
هدف الوزارة
عايزانا نبقى احلا جيل فى العالم
ويطلعوا اجيال تتحدى المصاعب
ويكونوا فاهمين
بس الطريقه بتاعتهم بتموت
هاتلاحظى جدا بره مصر
ان الشهاده المصريه بتبقى غاليه اوى فى بلاد بره
وشيخ الازهر الجديد برده
هايعمل الثانويه الازهريه 4 سنين
مفروض يغيروا طريقتهم فى وضع الامتحانات
من مواضيع : medo لماذا يلبس اليهود قبعة صغيرة ؟
تقرير عن أفضل 10 شعوب على مستوى العالم
ذكريات مش هتتنسي
الصديق الحقيقي
عشر نجمات تضئ حياتك
30-07-2010, 12:38 AM
la impree du co
 
ياأستاذة ملكة عندما قال طه حسين التعليم كالماء والهواء ، كان يقصد من وراء ذلك أن يكون الكل متعلما"دون اشارة لابالتصريح ولابالتلميح أن يكون التعليم وسيلة ،
وبمعنى اّخر نحن من اتخذ التعليم وسيلة للعمل بالوظائف العامة ، وبمرور الوقت خاصة من بعد ثورة يوليو وحتى الاّن كان من المنطقى والطبيعى أن تهجر الحرف <كالنجار والسباك والنقاش ...الخ> ، وبعد وقت قليل من الاّن ستكون كل مصر خلف المكاتب ...أهذا منطق.....؟!!
فمن سيزرع الأرض ونحن نتشدق بالاكتفاء الذاتى...؟!
من سيقوم بتشييد المبانى ونحن نستدل على عمال الحفر ونجارى الحديد المسلح والبناء والكهربائى...الخ؟!!
من,,,,ومن...؟!!
بل اذا كانت الحكومة قد التزمت بتعيين الخريجين فور تخرجهم فقد كان واضخا" أن تهربا" من النزامها هذا سبكون اّجلا" أم عاجلا" تحت وطأة الانفجار السكانى ، فمصر من بعد الاحتلال كانت فى حدود العشرين مليون تعدادا" والاّن نحن بمصر فى حدود مايكسر حاجز الثمانين مليونا"....فلماذا نرمى بكل ثقل تلك المشاكل على الحكومة....,,
تدرين تماما" أننا بمصر وبأحد السنوات كان الكل من طلبة الثانوية العامة كتبوا رغباتهم <كلية الصيدلة>،
واستمرت هذه الموضة حوالى خمس سنوات ، أفلا تدرين أنه من كثرة عدد الخريخين أن ألزمت نقابة الصيادلة خريجى كلية الصيدلة ألا تفتح صيدلية الا على بعد مائة متر من أقرب صيدلية ، وأن تزيد مساحة الصيدلية عن خمسة وعشريت مترا"....وذلك للحد من الالتحاق بهذه الكلية ......,,
ثقافتنا تعتمد على <الفشخرة> فكيف لابن الجار أن يكون دكتورا" مثلا"وابنى يكون نجارا"وهو متعلم..؟!!
أضفى الة ذلك مايشبه المصيبة الكاملة التى سوف تحدث من قصر الوظائف العامة على نسبة <ال5 %> من ذوى الاحتياجات الخاصة ، دون تعيين أحدا" سواهم وهذا موجود بمصر منذ مايقارب العشر سنوات،
أتدرين أنه بعد عشر سنوات أخرى سيكون كل العامليت المصالح الحكومية والوزارات من أصحاب الاحتياجات الخاصة لأن 5 ×20=100 %....!!
ومن ذلك أيضا" حتى لايطول التفسير بعدم المنطقية هذه أننا لم نر حتى الاّن ذائع الصيت من أمثال زويل والباز والمشد ومجدى يعقوب ....الخ، فتبدو الثانوية <كلعبة البخت > التى كانت منتشرة بين تلاميذ المدارس ،
ومن الطبيعى جدا" ولو كنا على الصراط المستقبم أن تلتحق أعدادا"كبيرة من خريجى الثانوية العامة كليات ليست لها امكانياتها وذلك من وراء ظواهر تسريب الامتحانات والتلاعب فى النتائج ...الخ،
أو أن يكون الالتحاق بضغط<الفشخرة> من الأهل كأن يكون نبوغ وميول الطالب فى دائرة الدراسات الأدبية ،
ويضغط الأهل للالتحاق بالكليات العلمية....,,
ببساطة لابد من تغيير جذرى فى ثقافة الشعوب العربية فيما يتعلق بالمؤهل والعمل معا"،
ولابد من القضاء على الظواهر الحكومية والتى تصب فى خانة سوء ادارة التعليم ...,,
من مواضيع : la impree du co
30-07-2010, 05:39 AM
malka
 
طيب انا مع حضرتك أن لابد من تنشيط المهن الحرفيه
بس أيه أللى يمنع أنك تكون صنايعى مثلا نجار كما قولت وفى نفس الوقت
معاك شهاده عاليه

نعتبرها للزمن هقولك مثل صغير
ممكن حضرتك تروح تخطب أول سؤال يسأله والد العروسه أنت معاك شهاده ايه
وبعدها يسأل أمكانياتك أيه

والمشكله بقى لو طلعت العروسه تعلمها عالى يرفض الوالد فورا ويقول ده
مش متكافأ معها لا يمكنويرفض زواج أبنته منه

مع العلم أنه يعلم جيدا أن الفتاه تريده ولكن كل ما يهم الأب
أنه يريد زوج أبنته معه شهاده يتفشخر به أمام الناس

وكده نبقى طلعنا عن الموضوع نفسه أحنا بنتكلم عن التعليم
وطريقه المدرسين أللى عايزين يعطوا دروس وبالحصه

وفى لآخر الطلاب يكتشفوا أن الأسئله خارج المنهج نهائيا
أللى يجيلوا سكته قلبيه وأللى ينتحر
وأللى وأللى وأللى

يا الله ما ذنب الأهالى هو أن نفسهم يكون أبنهم معه شهاده عاليه
ونفسهم يكون أحسن منهم أو حتى ميشوفشى اللى هما شافوه

ملخص الكلام أن التعليم هنا زى الزفت

أنا بشكركم جدا على مروركم ومناقشتكم للموضوع

بالتوفيق للجميع
ملكه
من مواضيع : malka مع بعض أو ضد بعض
وصايا لمن اراد ان يقطف ثمار الجنـه
قدمت إحداهن شكوى
لمسات تحسسك بقيمة حياتك
فى مجتمعنا
30-07-2010, 01:30 PM
عصـــtigerـــام
 
اعتقد أن المناهج الأوروبية وضعت للاستفادة منها من قبل الطلاب فى حياتهم العملية والشخصية
لأن طريقة تحصيل المواد الدراسية بتكون إيجابية ، وتعتمد على المناقشة بين المدرس والطالب لتحقيق أقصى استفادة .
أما نظام الامتحانات فيحتوى على اختيار من متعدد
وبين الاخيارات أكثر من إجابة ، ولكن توجد إجابة أصح أكثر من غيرها ، ويكون على أساسها التصحيح
أما التعليم المصرى يعتمد على الحفظ لمجرد دخول الامتحان والإجابة ومن ثم تفريغ العقل بهذه المعلومات بعد الامتحان
ونظام الامتحان معقد ، (عرف-أشرح-ناقش)
وهذا النظام هو من جعل الطلبة تحفظ لمجرد الامتحان ، وليس للحصول على معلومات مفيدة يستفيدون منها ، وكذلك لأن اختيارك لكليتك المفضلة يعتمد على مجموعك
وليس كما يفعل الأوروبيون كل شخص يختار الكلية المفضلة ، ومن ثم يقوم بعمل اختبارات
وهل فعلاً هو مناسب لتلك الكلية أم لا.
من مواضيع : عصـــtigerـــام ما هى أهدافك ؟؟؟
ثمانية أشياء مهمة يجب تعلمها من الحياة
سر الحياة وسر السعادة
الفرق بين الشورى والديمقراطية
ما العلمانية ,, ؟
 

الكلمات الدلالية (Tags)
للنقاش, لهم, موضوع, حاجات, جوايا, كبير

أدوات الموضوع

الانتقال السريع

المواضيع المتشابهه
نظره الشاب للبنت, موضوع للنقاش
قائمة بالمواضيع التي لا يجوز نشرها
المرأة وقيادة السيارة ..( موضوع مفتوح للنقاش)
الارقام المميزه الارقام المميزه موضوع للنقاش
موضوع للنقاش : عيوبي لا اراها وعيوب الناس اجري وراها ، لماذا ؟!

موضوع مهم للنقاش حاجات كتير جوايا

الساعة الآن 10:49 AM.