xpredo script

العودة   منتدى نيو حب > مالتى ميديا > اخبار الفنانين | اخبار النجوم

اتعلمت الغناء من ماما

اخبار الفنانين | اخبار النجوم

21-08-2006, 01:40 AM
bob
 
Exclamation اتعلمت الغناء من ماما

المطربة "جنات" نجمة شابة انطلقت بسرعة الصاروخ وحققت نجاحا كبيرا في ألبومها الأخير "اللي بيني وبينك" والذي حقق أعلى مبيعات في سوق الكاسيت.. "جنات" مطربة حساسة وجميلة تهتم بالكلمة وتعبر من خلال صوتها ورومانسيتها عن كل المشاعر والأحاسيس وتترجم الحب والعواطف بأسلوبها الخاص وبشخصيتها الغنائية المتفردة التي يتوقع لها الكثيرون بعد إصدار ألبومها الجديد وحصولها على المراكز الأولى في المسابقات الغنائية في كافة وسائل الإعلام أن تكون نجمة من نجوم الأغنية العربية.

كلنا عارفين بدايتك من خلال أغنية "افهمني يا حبيبي" مع الملحن "وليد سعد" ولكن عايزين نتعرف على بداية موهبتك.. مين اللي شجعك على دخولك مجال الغناء؟
البداية كانت وأنا صغيرة جدا.. ماما كانت بتغني وصوتها حلو واتعلمت منها الغناء وبدأت أسمع أغاني "أم كلثوم" و"فريد الأطرش" وعمري 8 سنين.. بدأت أشارك في مهرجانات مهمة وأنا عندي 15 سنة وأخذت جوائز كثيرة لحد ما دعيت إلى حفلة بدار الأوبرا المصرية ونال صوتي وموهبتي إعجاب الحضور وانطلقت بعدها.
احنا ملاحظين إن كل أغنياتك أغاني رومانسية جدا.. هل أنت فعلا رومانسية؟
أنا رومانسية جدا وده اللي شافوا المنتج بتاعي "أحمد دسوقي".. شاف الرومانسية في شخصية صوتي، وبحب كمان إني أكون متنوعة، يعني أقدم الإيقاع والدراما، وأنا سعيدة جدا بالملحنين اللي اتعاملت معاهم "محمد رحيم" و"محمد يحيى" و"خالد عز" و"شريف تاج" اجتهدوا معي ودرسوا صوتي وقدمو لي الألحان المناسبة لي.
أغنية "أكتر من سنة" إنت قلت إنها قريبة قوي من قلبك.. ليه؟
هي فعلا قريبة من قلبي لأنها رومانسية وفيها حب وفيها حزن شديد.. ولأنها جديدة بالنسبة للمستمع وكمان فيها طرب.
كليب "أكتر من سنة" ظهرت فيه بشكل بسيط جدا من خلال التصوير والأماكن وكمان الملابس بتاعتك بسيطة جدا.. هل كانت مغامرة منك إنك تقدمي كليب بعيدا عن الصخب والإبهار بتاع اليومين دول؟
أنا كنت عاوزة أقدم حاجة مختلفة وكمان قصة الغنوة لازم تتقدم بالشكل ده وماينفعش يتقدم غير كده وقريبة جدا من شخصيتي الحقيقية ويا رب يكون عجب الناس.
هل فعلا فيه صناعة نجم حقيقية تدعم الفنان؟
أنا أعتقد إن ده موجود.. المطرب يغني بس، لكن اختيار الأغاني والإخراج واختيار الملحن والشكل اللي بيظهر بيه والدعاية ده دور المنتج وصناعة النجم مهمة جدا بشرط إنه يكون عنده الموهبة.
اختيار الكلمة دلوقت بقى صعب؟
هو فعلا فيه صعوبة لأن دلوقت الكلام كله متكرر وصعب تلاقي كلمة جديدة وبسيطة تدخل القلب والإحساس وتوصل لقلوب الناس، وأنا سعيدة جدا بالشعراء "خالد أمين" و"أمير طعيمة" و"أيمن بهجت قمر" لأنهم تعبوا معايا قوي وقدموا لي أحلى كلام.
أغنية "بحبك" عجبت الناس ووصلت لهم قوي؟
أنا فعلا حاسة إن الأغنية وصلت للناس.. هي كلمات "خالد أمين" وألحان "محمد رحيم" وأكتر حاجة مميزة في الغنوة إن كلامها رومانسي.. أنا حبيتها قوي ودخلت قلبي وكل الناس لما تسمعها بتعيش الحب وكل حد يسمعها يحس إنها ليه..
كلنا عارفين موضوع أغنية "اللي بيني وبينك" والخلاف مع "عمرو دياب".. هو غناها وإنت غنيتيها لكن عايزين نعرف العلاقة بينك وبين "عمرو دياب" دلوقت؟
أنا واحدة من معجباته وماينفعش أتكلم عن مطرب زي "عمرو دياب" لازم سنين من التطورات والنجاحات في المزيكا علشان أتكلم عن "عمرو دياب".. أنا لحد دلوقت نظرتي ماتغيرتش وأنا معجبة بيه جدا.
وهو كمان علاقته بيك كويسة؟
هو مبسوط مني قوي وأصحابي حضروا حفلة له وقالوا إنه بيسمعني وبيقول عليّ كلام حلو ومبسوط مني، وقال: "أنا بحب صوتها وعايز أساعدها".. وهو فعلا ساعدني.. هو نجم فعلا..
هل بتفكري تقدمي تجارب غنائية لأفلام سينمائية؟
دي حاجة تسعدني لو فيلم ناجح والغنوة حلوة يبقى أكيد هتضيف ليّ، لكن لو الأغنية مجرد إنها موجودة في فيلم وخلاص يبقى مالهاش لازمة.
لو اتعرض عليك دويتو غنائي تعمليه مع مين؟
الدويتو اللي هاكون مبسوطة منه ومش مصدقة نفسي إن أعمله هيكون مع "عمرو دياب"..
أغنياتك كلها بتقوليها بإحساس عال جدا لدرجة إن ناس افتكرتها تجارب حقيقية في حياتك؟
بجد الناس افتكروا كده؟ أنا مبسوطة جدا من ده.. الحمد لله هو ده النجاح وأنا أحب الناس لما يسمعوا الغنوة يحسوا بيها كأنها ليهم وبتترجم قصصهم ومشاعرهم، أما لو كنت بتسألي عن أغنية عبرت عن تجربة حقيقية في حياتي فمفيش حد في الدنيا ماحبش ومفيش حد فينا ماتخدعش وأي موضوع بقوله بعيش معاه.
إيه مواصفات الشخص اللي ممكن تحبيه؟
يكون مهتم بيّ وأحس إني كل شيء في حياته، وأحس معاه بالاستقرار والأمان.
ازاي بتتعاملي مع الشائعات؟
مش باهتم بيها.. ولا كأني سمعت حاجة.
إيه الحاجة اللي بتفرحك قوي؟
لما الأطفال الصغيرين يعرفوني وأسألهم إيه رأيهم فيّ، وهم مش بيعرفوا يجاملوا وأنبسط قوي لما الأطفال يحبوا يتصورا معايا..
إيه علاقتك بالأصدقاء في الوسط الفني؟
فيه كتير قوي بيحبوني ومش عايزة أنسى حد.. لما الألبوم بتاعي ظهر كلمني "محمد الحلو" و"خالد سليم" وكتير قوي..
احنا ملاحظين إنك عاملة رجيم قاسي.. ازاي بتحافظي على رشاقتك؟
أنا مش باكل خالص.. باكل قليل جدا.. لازم الواحد يهتم بنفسه وشكله يكون حلو أمام الكاميرا وبامارس الرياضة بشكل منتظم..
النيو لوك بالنسبة لك عامل ازاي؟
مش لازم أطلع كل شوية للناس بشكل.. لو عايزة أغير لون شعري يبقى علشان أنا محتاج أغير مع نفسي مش علشان الصور والإعلام والحاجات دي..

رد فعل الجمهور وصل لك ازاي؟
وصلني من أول يوم.. الأغنيات كانت حلوة والناس أعجبوا بالبساطة اللي قدمتها في كليب "أكتر من سنة"..

أخيرا ازاي هتحافظي على التميز والنجاح بعد كده؟
ربنا يكرمنا ونقدر دايما نفكر في حاجات جديدة ومختلفة وبتعجب الناس وأكتشف في نفسي تطوارات كتيرة في اختياراتي وأدائي، وشكرا إني كنت
من مواضيع : bob شريف ينتهي من التوربيني
حنان مطاوع:
اخبار المطربين؟!!!
شريف اسألني أنا !!
عطية وفيلم جديد
 

الكلمات الدلالية (Tags)
ماما, من, الغناء, اتعلمت

أدوات الموضوع

الانتقال السريع

اتعلمت الغناء من ماما

الساعة الآن 10:50 AM.