xpredo script

العودة   نيو حب > مالتى ميديا > اخبار الفنانين | اخبار النجوم
التسجيل

علشان خاطر ظاظا

اخبار الفنانين | اخبار النجوم

21-08-2006, 03:12 AM
bob
 
Exclamation علشان خاطر ظاظا

علي عبد الخالق يعود للسينما
المخرج الكبير "علي عبد الخالق" بدايته كانت من خلال فيلم شديد الخصوصية والإنسانية وهو فيلم "أغنية على الممر"، وتوالت أعماله السينمائية من خلال سلسلة أفلام حققت نجاحا على مستوى النقاد والجمهور "جري الوحوش" و"الكيف" و"العار" وغيرها.. قدم الأفلام الكوميدية والاجتماعية والسياسية، وقرر فجأة البعد عن السينما إلى أن ظهر "ظاظا" وأعاد "علي عبد الخالق" من جديد..
في أكثر من حديث لك قلت إنك اعتزلت السينما، ولكن سيناريو فيلم "ظاظا" أعادك مرة ثانية.. إيه اللي شدك للفيلم وإيه سبب اختيارك لـ"هاني رمزي"؟
فعلا أنا كنت مقرر إني مش هاشتغل سينما تاني وإني هاشتغل تليفزيون بس، لكن المنتج "هاني جرجس" عرض عليّ الموضوع وألح عليّ وقال لي إن الموضوع هيعجبك قوي، وفعلا قريته والموضوع عجبني جدا ولقيته معالج بشكل كوميدي راق جدا، والحقيقة إن المنتج هو اللي اختار "هاني رمزي" وأنا لما قرأت السيناريو قلت إن مفيش حد يقدر يعمل الفيلم غير "هاني رمزي"..

فيلم "ظاظا" كوميدي وأنت قدمت في تاريخ السينما أفلاما بتعتمد على كوميديا الموقف زي فيلم "الكيف" مثلا.. ليه دلوقتي فيه سطحية في الكوميدية؟ يا ترى السبب في الورق ولا في سوء تناولها وتقديمها؟
-أنا رأيي إن الكوميديا الحالية كوميديا الإفيهات.. أفلام ضاحكة مش كوميدية، لكن في نسبة منها كويسة والكتاب هم المسئولون عن حال الكوميديا الآن..
مين المؤلفين اللي بيكتبوا كوميديا وبيعجبوك؟
- بيعجبني "بلال فضل" و"محمد أمين".. باحس إنهم عندهم موهبة ولولا ضغوط السوق كانوا انطلقوا وحققوا انقلاب في الكوميديا أكتر من الموجود دلوقت..

تقصد بإيه ضغوط السوق؟
-ضغوط السوق بتفرض عليهم إنهم يكتبوا الإفيه اللفظي علشان المنطق السائد إن الأفلام دي الجمهور عايزها، وبلغة السوق تبيع وتجيب فلوس فبيضطروا يكتبوا إفيهات ضاحكة تعجب شباب اليومين دول، لكن هم عندهم فكر كوميدي جيد.
إيه رأيك في "طارق عبد الجليل" مؤلف فيلم "ظاظا"؟
أنا أعتقد إنه من الكتاب الموهوبين، كاتب سيناريو محكم بلغة كوميدية سياسية دخل بيها منطقة جديدة جدا في الكوميديا..
الفيلم قصة فيها جرأة وفيها تلميحات في السياسة والنظام.. إيه موقف الرقابة وهل أنت في تاريخك السينمائي كنت على وفاق مع الرقابة ولا على خلاف معاها؟
الرقابة طول عمرها بتعاملني معاملة خاصة جدا ودايما موضوعات أفلامي ماكانتش فيها إثارة أو ابتذال.. مع فيلم "ظاظا" حذفوا مشاهد معينة والفيلم عدى..

"علي عبد الخالق" مخرج السبعينيات، هو نفسه مخرج 2006 بأداواته واتجاهاته وحركة كاميراته؟ هل غيرت من أسلوبك؟
طبعا غيرت من أسلوبي وطورت من نفسي ولازم أواكب شوية التكنيك والإيقاع الجديد في السينما، وإنتم بقى لما تشوفوا الفيلم هتحسوا بنفسكم التغيير والتطوير..
سلسلة الأعمال اللي اتقدمت في الستينيات والسبعينيات كانت بتعكس واقع اجتماعي معين لكن في فترة التسعينيات والألفية الجديدة الموضوعات اللي بتتقدم فيها سطحية.. هل ده راجع لثراء فترة الستينيات عنها في التسعينيات والألفية الجديدة؟
أنا أعتقد إن الواقع الاجتماعي دلوقت أغنى بكتير لكن العيب على المنتجين وصناع السينما مش عايزين يغامروا ويقدموا موضوعات مختلفة يجسدوا فيها الواقع اللي بنعيشه في المنطقة العربية عموما من أحداث اجتماعية وسياسية، وأعتقد إنه بدأ في الفترة الأخيرة تتقدم موضوعات مهمة زي "عمارة يعقوبيان"، ولازم صناع السينما يفهموا إن التنوع الجيد الهادف مطلوب لصناعة السينما.

إيه رأيك في فيلم "عمارة يعقوبيان"؟
أنا لم أشاهده حتى الآن لكن واضح من الضجة الكبيرة عليه إن فيه آراء تؤيد وآراء تعارض وهو ده الفن الحقيقي..
بتهتم بإيه أكتر، النجاح الفني ولا النجاح الجماهيري؟
- الاثنين وفيه حاجة تانية أهم، وهي إني أكون راضي نفسيا ولما أشوف الفيلم أستمتع بيه وده الأجر الحقيقي بالنسبة لي لأن أي فيلم باعمله بيكون جزء مني ومن حياتي ومن عمري وتاريخي الفني.
من مواضيع : bob رجب على شاشة الفضائيات
منة تصور كاريوكي
رامز يغني الواد الطايش
قص ولزق بمهرجان الحب البلجيكي!!
تامر حسني" يُفاجئ "محروس"
07-10-2008, 07:37 PM
الخاتم الاسود
 
نشكر ظاظا
من مواضيع : الخاتم الاسود
 

الكلمات الدلالية (Tags)
خاطر, علشان, ظاظا

أدوات الموضوع

الانتقال السريع

المواضيع المتشابهه
سعوديات في بريطانيا ((روايه رومنسيه )) من 6 الى 8
قصت حب حقيقيه
سعوديات في بريطانيا ((روايه رومنسيه )) من 6 الى 8
يوميات ساره وعمر .... للتثبيت......

علشان خاطر ظاظا

الساعة الآن 10:49 PM.