xpredo script

العودة   نيو حب > المنتديات العامة > الحوار المفتوح > نكت
التسجيل

الولد والبنت في الشيكروباااظ

نكت

05-09-2010, 02:33 PM
دمعه خايفه تنزل
 
06 الولد والبنت في الشيكروباااظ

طبعا كلنا ركبنا ميكروباصات سواء كان في ازمة تكاسي او بنت
لوحدها وخايفه تركب تاكسي بليل او مثلا نفضت جيبك مره
وحده ملقتشي غير اجرة ميكروباص
الحقيقه ان الميكروباصات بنشوف فيها كتير وبنسمع اكتر لكن
وكالعاده لازم نعمل مقارنه الواد والبت كل حاجه ومنهم
الميكرو ... باظ
نمره واحد
وانت بتوقف الميكروباص وياسلام لو مافيش مكان
لو انت بنت يادوب تبصي بس بصة استعطاف لأي بأف قاعد
هايقوم ينط يقعد في ضهر السواق عشان تعدي

انما بقا لو انتى ولد شوفلك اي حتة اترزع فيها او انشالله
تتشعلق مانتا اساسا مالكش أهل يخافو عليك

ثاني حاجة
طبعا وانتا طالع كتير مننا ممكن يخبط راسه في الباب
طبعا لو كنتي بنت هاتلاقي اللي بيقولك خير حصلك حاجة ؟؟؟
من كل الركاب وممكن طبعا تلاقي اللي ممكن يقوم يضرب السواق
انما بقا لو كنت ولد... اسمع بقا اللي يضحك عليك واللي يقولك
ايه اتعميت ؟؟ .. يا لطخ تستاهل شوف كنت بتبص فين


تالت حاجة
وانت بقى بتقفل الباب وطبعا السواق بيقولك اقفله بالراحه على
اساس انه هايتكسر في اديك مانتا بقا رامبو اللى نايم على جمبو

طبعا لو كنتي بنت وبتقفلي بالراحه خالص وممكن الباب
مايتقفلش يقولو شوفو الرقة حتى الباب مش هاين عليها

تخبطه بالجامد

وياعيني عليك لو كنت ولد والباب ماتقفلش ..
ايه ياعم النايتي مش قادر تقفل الباب اتفو على دا جيل

.... ولو قفلت الباب بالجامد بقا
لو كنتي بنت طبعا هايقولو معلش اكيد متعصبة شوية
ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فان دام بس بالراحه ع أم الباب

رابع حاجة
طبعا ممكن يجيلك فون ( فووون هااا ) وانت قاعد في الميكروباص
لو انتي بنت وانتي بتقولي الو ياسلااااام الله يا جماعه على
صوتها شوفوالرقة يابخته المحظوظ ابن المحظوظه اللي
بيكلمك ولو معاها موبايل معفن .... ياسلام ع التواضع
انما بقا لو كنت ولد الهي يجيلك ضربة انت واللي بيرنلك
دلوقتي وطي ياعم صووت ام صوتك صرعتنا والله عرفنا
انك معاك زفت موبايل
ولو الموبايل معفن .. وكمان بتتعايق بموبايل معفن
امال لو كان موبايل عدل شوية كنت عملت ايه

نمرة خمسة

لو انتا بقا طالع والسواق مشغل اغنية بيئة ومعلي الصوت
بقي وانت عايز تتكلم في النوبايل

طبعا لو انتي بنت القانون بيديكي الحق الكامل انك تقوليله
وطي الكاسيت او اطفيه ( قانون ساكسونيا طبعا )

انما لو ولد هاتلاقي السواق من غير ما يرد عليك يادوب يبصلك
بصة بقرف ويلف وشه تاني ويعلي الصوت كمان ويفضل
يبرطم بقي : انت هاتشترينا بأم النص جنيه اللي هاتدفعه

سادس حاجة
طبعا بقا انتا وصلت الحمد لله بعد القهر والتفرقه العنصرية اللي
اتعرضت ليه طول الطريق عايز تنزل بتقول للسواق على جنب
وطبعا لايمكن هايسمعك ماهو مشغل الاغاني ومعلي الصوت
على اخره
طبعا لو انت ولد هتقول مرة واتنين وعشرة وينزلك بعد الحته
اللي انتا عايز تنزل عندها بشارعين تلاته وطبعا هايقولك
ماسمعتكش مانتا اللي صوتك واطي زي البنات
انما بقا البنت يادوب كل اللي هاتعمله انها توشوش نفسها على
جنب وكأنها بتكلم نفسها هاتلاقي بقيت الاربعتاشر نفر اللي
قاعدين في الميكروباص بصوت واحد بيقولو للسواق على
جنب ..... اييييه انت اطرش ؟؟؟

( ملطوش من تبّاع ميكرو بااااظ سابقا ... مقاول انفار حاليا )
وكما قال شاعر البوئين احمد مكى
الافيه المنتشر حاليا الى ان يجد جديد
جزره وجطمها عجل
من مواضيع : دمعه خايفه تنزل كيف تحضر العفريت(ممنوع للاقل من 18 سنه وصغار السن)
حوار مع مصري خفيف الظل
ازاي تخلي البنات تتفرج علي ماتش كوره قدم
الولد والبنت في الشيكروباااظ
ازاي تبقي رزل في الكليه
18-09-2010, 08:21 PM
دمعه خايفه تنزل
 
.................................................. .................................................. .
من مواضيع : دمعه خايفه تنزل صوره تقترب منها تطلع رائحه
ماتت بسبب منتدى حب جديد
الفرق بين جواب البنت والولد
اتحداك تخرج زعلان
ازاي تخلي البنات تتفرج علي ماتش كوره قدم
08-10-2010, 06:05 PM
eslamprotec
 
بصى هو من الزوق انى لو انا قاعد فى ميكروباص
وطلعت بنت او ست كبيره جميله او غيره
من الادب والزوق
ان الشخص اللى قاعده اقرب ليها يقوم ويقعده
انا عن نفسى بقول ان لو دى امى او اختى مرداش انه تقف وسط الزنقه وفى ناس كتير مش محترمه

شكرا اختى على موضوعك بارك الله فيكى
من مواضيع : eslamprotec
08-10-2010, 06:35 PM
احمد يحى
 
اقتباس:
المشاركة الأصلية كتبت بواسطة eslamprotec
بصى هو من الزوق انى لو انا قاعد فى ميكروباص
وطلعت بنت او ست كبيره جميله او غيره
من الادب والزوق
ان الشخص اللى قاعده اقرب ليها يقوم ويقعده
انا عن نفسى بقول ان لو دى امى او اختى مرداش انه تقف وسط الزنقه وفى ناس كتير مش محترمه

شكرا اختى على موضوعك بارك الله فيكى
واشمعنا بنت او ست كبيره جميله مينفعش بنت او ست محترمة
من مواضيع : احمد يحى سأل طفل والده : ما معنى الفساد السياسي ؟؟؟
أمريــكي ســـأل عربي : بتعرف تعوم ؟؟
منى .......... واحمد
نكته جااااااااااامدة
مرة واحد رخم ... و ذكى جداااااااااا فى رخامته........
08-10-2010, 07:28 PM
eslamprotec
 
اقتباس:
وطلعت بنت او ست كبيره جميله او غيره


انا بقول مش شرط لوقريت كويس وقولت او غيره من اللى بسمعه حبيبى شكرا لليك

من مواضيع : eslamprotec
14-10-2010, 08:40 AM
amr_mero1
 
من الادب انك يكون فيه احترام للناس الكبيرة والبنات ولكن نظرة الشباب حاليا للبنات تختلف عن زمان
من مواضيع : amr_mero1 اكتب وصيتك قبل ما تدخل
الفرق بين مصر و تونس ايه؟
حل حكومي لظاهرة الإنتحار حرقاً ههههههههه
20-11-2010, 02:54 PM
دمعه خايفه تنزل
 
اقتباس:
المشاركة الأصلية كتبت بواسطة amr_mero1
من الادب انك يكون فيه احترام للناس الكبيرة والبنات ولكن نظرة الشباب حاليا للبنات تختلف عن زمان
ميرسي لاحلي مرور
مرورك نور صفحتي والله
تحياتي
من مواضيع : دمعه خايفه تنزل لكل محبي الشيكولاه
صوره تقترب منها تطلع رائحه
ازاي تخلي البنات تتفرج علي ماتش كوره قدم
اختر رقم وجاوب عليه بكل صراحه
اسمك بالانجليزيه
 

الكلمات الدلالية (Tags)
الشيكروباااظ, الولي, في, والبوب

أدوات الموضوع

الانتقال السريع

المواضيع المتشابهه
غلاسة بنات ورخامة ولاد !!!!
معاكسات اخر زمن !!!!!!
الولد بيحب الصفات دي فى البنت هل هذا صحيح ؟

الولد والبنت في الشيكروباااظ

الساعة الآن 05:58 AM.