xpredo script

العودة   نيو حب > المنتديات العامة > الحوار المفتوح > المنتدى الادبى > منتدى القصة
التسجيل

ليه كان ردها كده

منتدى القصة

26-09-2010, 09:17 PM
modern romio
 
Discc ليه كان ردها كده

بسم الله الرحمن الرحيم
عايز احكيلكم قصتي مع حبي وعايزكم بس تقولولي ليه هي فشلت
انا في كليه صيدله انسان طيب عادي مش مختلط نهائي ومعرفشي حاجه عن اي حاجه لولا ذكائي مكنتش عرفت اتعامل مع الناس لان بابا وماما كانوا محوطين علي اوي وكاني كنت في اوضه محبوس فيها وطلعت فجاه لعالم واسع وروحت كليه صيدله.قابلت السنه اللي فاتت واحده كان عادي بالنسبالي شويه شويه لقيتني بشوفها علي طول شويه لقيتني بحبها ومش قادر استغني عنها انا بكتب اغاني وكتبت فيها اغاني كتير اوي لدرجه اني كتبت فيها اغنيه مره وهي قاعده في الفتره دي ماكانتشي هي تعرفني بدات اعرفها من بعيد لبعيد وكاني كاميرا بتنقل تصرفاتها وسبحان الله لقيتها زيي مش مختلطه وصفات كتير اوي زيي مشيتها السريعه طريقه مسكتها للقلم ضحكتها لما تقابل واحده صاحبتها تعرفها وكده ياعني
شويه بشويه بدات هي تلاحظ اني ببصلها كتير بس هي ماكانتشي بتكلم ولاد اطلاقا الا للضروره القصوي بس لما شافتني بالصدفه وجت عنيها في عنيا تلحق نفسها وتبص في الارض اتجننت بيها فحضرت معاها مره سكشن وكتبت لها ورقه قلت فيها اني بحبها ولو عايزاني اوك يبقي هتقدم لها بعد سنتين مش عايزاني مش هتعرض لها وروحت عليها في السكشن وقلت لها بعد اذنك دي رسالتي اقريها وبعدين قطعيها او احرقيها يهمني انك تعرفي اللي فيها وهزت راسها يعني لاء وسابتني ومشيت ومره شوفت واحد واقف جنبها وهي بتنقل الجدول فهمت غلط انا حساس جد وبغير عليها جدا وقلت يمكن خطيبها طب ليه مقالتليش للاسف انا خيالي شويه فخليتها ماشيه مع صحبتها وقلتلها كنت قولي كنت هفهم بس حرام انك تسبيني اتدمر.
وبعد كده متعرتضش ليها خالص وقلت يمكن الطريق اهلها اتصلت بالارضي جبت رقمهم من موقع وكلمت مامتها وقلتلها علي كل حاجه كانت عنيفه معايا في البدايه بعد كده بقت كويسه جدا معايا وخلاصه اكتر من خمس مكالمات مع مامتها
اني متعرضشي لبنتها ووعدتها بكده وانها مش هتكلمها الا لما انا اتقدم ليها واخدت ارقامي وقالت لو حصل اي حاجه هتتصل بيا لاني مينفعشي اتصل عشان لو رد باباها وكده وحسيت مامتها صادقه معايا قالتلي حاجات كتير عنها وعنهم وقالتلي انها خايفه لاي حد يتقدم عشان عارفه انا بحبها قد ايه واني ممكن اخطب بنتها امتي وكده
كنت بسال مامتها دايما انت قولتيلها حاجه تقول لاء لما تتقدم وفضلت سنه كامله متعرضشي للي بحبها في الكليه صعب اوي انك تحب حد وتبقي مش عارف مشاعره كنت بحلل كل المواقف معاها في السنه دي كان لما تبصلي واشوفها تدير وشها بسرعه وانا فضلت مغامرات من بعيد اقعد في الاماكن اللي هيا بتقعد فيها اكلت مصاصه جبت مصاصه واكلتها قدامها ابصلها كتير وكده لحد محسيت من افعالها ان فيه بعض الاهتمام بيا
يعني سلم بقعد عليه طول ايام الامتحانات وهي بتشوفني عليه كل يوم روحت مره لقيتها قاعده عليه ركبت جبني مره السرفيس ومكلمتهاش افتكرت وعدي لمامتها حسيت انها علي الاقل معجبه بيا .كنت بمشي وراها اوقات وهي مروحه لحد لما تركب عشان اطمن عليها .
والسنادي في اولها حبيت اني اعرف ردها امها ماطلتني كتير هل هي مستعده تستناني ولا لاء وكده وقعدت محتار واقول هكلمها ولا لاء لحد ميوم الخميس اللي فات جه
كانت بتبتسملي جامد وتبصلي وكده وشويه جت واحده طلبت مني اوريها مكان في الكليه فروحت معاها وهي عدت مش عارف شافتني ولا لاء وان كان شافتني فدي اول مره تشوفني ماشي مع وحده والله غصب عني
المهم كان قاعد معاها اربع بنات صحابها بره المبني ده قلت يارب الاربعه يمشوا عشان اكلمها ثلاته مشيم والرابعه سابت كتبها معاها وراحت طلب .
روحت انا رايح عليها وهي قاعده فقامت ووقفت بعيد شكلها مش كان عايزه تكلمني وكان ده بالنسبالها مفاجاه مع ان كان فيه مواقف اسهل بكتير لكلامها قبل كده مثلا وهي راكبه جنبي السرفيس خلفت وعدي لمامتها بعد سنه كان لازم ارتاح واعرف رايها هي .فلما وقفت بعيد لما شافتني جاي عليها فقلتلها بعد اذنك ممكن اتكلم معاكي فقالتلي لو سمحت ابعد عني معقول ده يكون ردها في اول مره تكلمني فيها فقلتلها اسمعيني ومش هتعرضلك تاني قالت اصلي كتب صاحبتي معايا وهي جايه فسبتها ومشيت
وقلت مش هتعرض ليها تاني مهما حصل وهحاول انساها بس كلمتها لسه في اذني ولسه بحبها اوي ومش عايز اروح الكليه معقول هي كارهاني ومش طايقاني للدرجادي لدرجه انها قالتلي ابعد عني انا عاملتلها ايه انا حبيتها وفضلت تايه سنه كتبت فيها اكتر من 100 اغنيه محاولتش اجرحها وفيت بوعد مامتها حاولت افهمها بكل طريقه .
طب ان كان محبتنيش كان بتبصلي في اوقات ليه ركبت جنبي السرفيس ليه المكان اللي كانت بتعدي علي فيه كل يوم روحت يوم اقعد فيه لقيتها قاعده فيها ومبتسمه طب ليه مامتها كان بتعاملني كويس ليه قالتلي هتخطبها امتي ليه ده كله حصل
هل جزاه الحب والرومانسيه كده هو لو سمحت ابعد عني انا اعمل ايه دلوقتي ابعد عنها واعتبرها مش موجوده ولا ايه بس انا بحبها اوي ده انا كتبت اغنيه في بلدها عشانها كنت بدعيلها في كل صلاة فجر ومامتها مش بكلمها من فتره لما يئست انها تقول لها حاجه الا بعد لما اتقدم لها وانا مينفعشي اتقدم لها دلوقتي
مقاطع من اغاني كتبتها فيها
ساعتها طريقه مسكتها لشنطتها والبالطو جنان عليها
وانا من الساعه والشنطه والبالطو بغير عليها
و
لازم ابعد ياحبيبتي
رغم اننا عارف انك قد ايه محتجاني
لازم ابعد ياحبيبتي عشانك وعلشاني
تكوني لي او لغيري
اهم حاجه اشوفك سعيده
وان كان علي هفضل احبك
هفضل متعلق بالاماني البعيده
علشان انا بحبك
وانا عمري مكنت اناني
لازم ابعد ياحبيبتي عشانك وعلشاني
و
مسيره يعني يبيع حبي عشان واحد يجيله جاهز
ويقول حقي يختار قلبي حبيبه زي مهو عايز
دي مقاطع صغيره من اغاني كتبتها فيها بس ماكانشي ينفع اوصلها الاغاني اللي بكتبها فيها
ياريت ترد وتقول لي اعمل ايه
اسيبها ولا اتعلق بيها ولا ايه
واسيبها ازاي وحبها في قلبي ساكن فيه
ياتري جرحتها لما شافتني ماشي مع واحده
ولا هي متبحبنيش واخر واحده
تفكر في قلبي وتبقي ليه
ردوا علي وقولولي هي
عملت في كده ليه
منتظر ردودكم اعمل ايه وانا مقدرشي استغني عنها
شكرا
من مواضيع : modern romio ليه كان ردها كده
26-09-2010, 11:56 PM
modern romio
 
06

شكلكم مش مقتنعين بالقصه ولا مصدقين اني بحبها بس انا والله حبيت الحب لانه لها ياريت تقولو اعمل ايه
من مواضيع : modern romio ليه كان ردها كده
03-10-2010, 05:49 PM
modern romio
 
06

ارجو حذف موضوعي حتي يتثني لي اعاده كتابته بطريقه افضل وكشف غموضه لانه الان مبهما فارجو من الاداره سرعه حذفه وشكرا
من مواضيع : modern romio ليه كان ردها كده
06-10-2010, 12:08 AM
modern romio
 
Icon15 طلب

ارجو حذف الموضوع حتي استطيع اعاده نشره
من مواضيع : modern romio ليه كان ردها كده
 

الكلمات الدلالية (Tags)
آيه, ردها, كان, كده

أدوات الموضوع

الانتقال السريع

ليه كان ردها كده

الساعة الآن 07:17 PM.