xpredo script

العودة   نيو حب > المنتديات العامة > الحوار المفتوح > المنتدى الادبى > منتدى القصة
التسجيل

حلم عمــــــرى

منتدى القصة

25-10-2010, 08:31 AM
مسعين بالله
 
جميل خالص
والاجمل انها واقعيه جدا

من مواضيع : مسعين بالله الحب هو الحل ( الانتخاب الطبيعي )
قصه رومانسيه من الواقع
25-10-2010, 01:45 PM
malka
 
اقتباس:
المشاركة الأصلية كتبت بواسطة مسعين بالله
جميل خالص
والاجمل انها واقعيه جدا

هى من جهة واقعيه فهى واقعيه جدااااااااااااااااااا

أنتظر يا أخى القصه بها مواهب

مشكووووووووووور على مرورك الطيب

ملكه

من مواضيع : malka أيه أللى فى الورقه ديه
هديتي ...... (بعد كل تعليق قصة جديدة)
حلم عمــــــرى
المنحوس منحوس
•♥♥• الحـــــــــــــب مـــــــــــوتــــــــــــا •♥♥•
27-10-2010, 12:11 AM
malka
 





الحلقه الرآإبعـــــه



قفلت باب اوضتها عليها ... ونامت على سريرها... مسكت موبايلها وضغط على رقمه ..... اتصال

...... : الووو

سندس بصوت خافت ورقيق

: ايوه .... عامل ايه

هو : سندس ... بجد انتى ... مش مصدق

سندس : هههه .... ممم الاول عاوزه اتاسفلك على الى حصل الصبح .. اخويا دخل عليا

هو : ايوه منا الحمدلله اتصرفت بسرعه

سندس : انا متشكره اوى ... بجد خلاص كنت ممكن اروح فى داهيه

هو : بعد الشر عليكى ... متقوليش كده ... ومتخافيش من اى حاجه طول منا معاكى

سندس : ............. .




فى اوضة فيروز ...... نايمه على ضهرها ونور الاوضه مقفول وفاتحه نور الابجوره جمبها ...

صافى : روز ... اقفلى نور الابجوره مش عارفه انام

فيروز : حاضر ياصافى

وقفلت الابجوره ... ولسه مفتحه عيونها سهرانه مش جايلها نوم ... مشغوله فى امر ما

فيروز فى سرها " ليه بصلى كده ... مش ممكن تكون نظره عاديه ... لو كانت مره واحده يبقى معلشي

... لكن مرتين وبوضوح ... مممم ... انا ليه مشغوله بالموضوع ده اوى كده ... انا بجد مابقتشي عارفه

مشغوله بنظرته الغريبه ليا ولا مشغوله بيه هو ... بصراحه هو شخصيه جميله ومحترمه اوى ...

شخصيه شاحه اوى اليومين دول ... مش زى الشباب التافهه الى بشوفهم ... ما علينا انا لازم احاول

انام ... عشان المدرسه الصبح ... الامتحانات قربت وهنقعد فى البيت ونخلص من المدرسه دى خالص

... يامسهل يارب "




فى انفايت على النت كانو مجتمعين مع بعض

مذاكره مذاكره مذاكره

اووف زهقت .... احنا لازم نخرج يوم الخميس باى طريقه

سندس : مممم مابلاش نخرج الاسبوع ده الامتحانات قربت

فيروز : سندس عندها حق .... احنا المفروض نلم نفسنا شويه ونقعد نذاكر عشان بجد احنا استهبلنا

اوى السنه دى

نسرين : لا بجد حرااااااام انا زهقت ... انا عاوزه شوية مرح .... عشان خاطرى نخرج الاسبوع ده

سندس : انتى حياتك كلها مرح ... المفروض تكونى زهقتى بقا

فيروز : انتى بتنفخى فى قربه مخرومه يا سندس ... والله كل واحد مش بينفع الا نفسه

نسرين : يييييييييه بقا ... انتم هتعملوا فيها بوليكا مكانتشي خروجه دى

فيروز : انا مش سامعه صوت ماجى هى فين

نسرين : موجا .... انتى فين يا مزه

سندس : يمكن مش موجوده ع الجهاز

فيروز : البت اتخرست خالص

نسرين : استنوا اعملها جرس ع الخاص





نسرين : مش بترد

فيروز : اوكى انا هقوم بقا عشان نازله مع اختى نشترى شوية حاجات عشان فرحها

نسرين : انتم كل يوم تنزلوا ما تشتروا الحاجه بالمره

فيروز : الحاجات كتير ومش هينفع نجيبها مره واحده

سندس : اوكى يا روز انا مستنياكى بكره نذاكر مع بعض

فيروز : اوكى يا سندس .... يلا سلام

نسرين : سلام يا قلبي

سندس : مع السلامه يا روز

خرجت فيروز من الروم

نسرين : هى فيروز جيالك بكره

سندس : ايوه ... ماتيجى انتى وماجى نذاكر سوا

نسرين : مظنش ماجى ترضى تيجى .... انتى عارفه انها بتتكثف تيجى عندك البيت عشان اهلك متدينين

وكده وهى لبسها متبري منها

سندس : عادى مافيش مشاكل ... محدش عندى فى البيت بتدخل فى شئونى

نسرين : يا سلام ... با مارة حمزه اخوكى الى دخل عليكى وانتى بتكلمى صاحبك .... الا صحيح هو

اسمه

سندس : على


نسرين : هى فيروز عرفت انك كلمتيه

سندس : مممم لاء محدش يعرف غيرك انتى وماجى ... مش عارفه ايه رد فعل فيروز لو عرفت

نسرين : هى اصلا مش بيعجبها العجب ... واكيد هتعترض وتقولك الكلمتين اياهم المعتاده عليهم ... ده

شغل عيال ومراهقين واحنا لسه سننا صغير على الحورات دى وبعدين ده بيلعب بيكى وبتاع وكلام

ملهوش لازمه

سندس : بس والله ده لطيف اوى ... نفسي تصدقنى ومتقولشي عليه بيلعب بيا وشغل مراهقين

نسرين : يابنتى مهما تقولى ... فيروز دى بايعه قلبها خالص ... دى مخلوقه غريبه

سندس : ابدا والله انتى متعرفهاش قدى ... هى بس مجمده قلبها وماشيه فى طريق واحد وهى هدفها

الوحيد تخلص درستها قبل اى حاجه

نسرين : الحب لما بيجى محدش بيقدر يمنعه

سندس : فعلا ... انتى عندك حق

نسرين : انتى حبتيه ولا ايه

سندس : ممممم مش عارفه ... بس مظنش انى حبيته بالسرعه دى ... بس هو لطيف اوى واعترف ليا

باعجابه وكلامه ليا بيقول انه بيحبنى

نسرين : وهو قالك بحبك


سندس : لسه

نسرين : ولو قالك بحبك هتعملى ايه

سندس : مش عارفه بجد ... انا خايفه

نسرين : متخافيش ومالكيش دعوه بفيروز وكالمها ولو بتحبيه قوليله ... يابنتى مافيش احلى من الحب

وانك تكونى مع انسان بيحبك بجد

سندس : الى يجيبه ربنا بقا .... انا هقوم عشان اكمل مذاكره

نسرين : ربنا يعينك ... انا كمان هقوم عشان ماجى شكلها فطست مكانها ومبتردش

سندس : اوكى ... بايباي

نسرين : بايباي




فى اوضة ماجى .....

ماجى وهى حاطه موبايلها على ودنها ....

ماجى : ايوه ... اوكى ... زى ما تفقنا يوم الخميس عند سينما روكسي

............

ماجى : بايباي

نزلت التليفون من على ودنها الى احمرت من كتر الرغى كل الوقت ده

ماجى وهى بتبص فى الروم الى كان فى الانفايت مع اصحابها

ماجى : ايييييه ده ... كلكم خرجتم وسيبتونى ... كل ده بسبب رغيه وال انا بديه ميعاد .. اووف بقا .... هو

انا مالى متضايقه ليه ... منا كنت هموت واخد ميعاد منه واخيرا حصل ... ماهو ده المهم اعمل الى فى

دماغى وخلاص


خبت الباب على اوضتها ودخلت مامتها مبتسمه ابتسامه كلها حنان

ست سنها مش كتير اوى يعنى حوالى اربعين عام ... مظهرها شيك جدا وشكلها من الستات الى بيهتموا

بمظهرهم ورشاقتهم لانها بتشتغل فى مجال الموضه

ماجى : مامتى وحشتينى رجعتى امته من بيروت

باستها مامتها من خدها واترمت ماجى فى حضنها

الام : وحشتينى خالص يا موجا ... اخبارك ايه ياحبيبتى

ماجى : تمام ... بس هكون تمام اكتر لو قولتيلى جيبتى ايه معاكى من بيروت

الام : اه عارفاكى انتى بتاعة مصلحتك دايما ... يعنى مامى مش وحشتك ولا حاجه

ابتسمت ماجى ابتسامه مكر وقالت

: لا لا لا ابدا يا ماما والله وحشانى كتير بس انا اتعودت على انك تجبيلى هدايا كل ما تسافرى بيروت

الام : اول ما عم صلاح يطلع الشنط هتشوفى مامى حبيبتك جابتلك ايه ليكى انتى ومارى ... امال فين

مارى صح

ماجى : مارى خرجت مع اصحابها

الام : من امتى ؟؟

ماجى : يعنى بقالها حوالى ساعه ... ساعه ونص كده ... استنى اتصل بيها على الموبايل اقولها انك

جيتى

الام : اوكى بس استعجيلها عشان وحشتنى اوى ... انا هروح اخد شاور واغير لبسي اوكى

ماجى : اوكى يا مامتى


أنتظروووووووونى الباقيه تأتى
من مواضيع : malka أيه أللى فى الورقه ديه
المنحوس منحوس
•♥♥• الحـــــــــــــب مـــــــــــوتــــــــــــا •♥♥•
يوميات شاب عادي
سميره ضحيه من الشات
27-10-2010, 06:58 PM
lovly bird
 
اكيد الباقى اجمل
كل مواضيعك مميزه وجميله يا قمرايه
فى انتظار باقى الحلقات بكل شوق
اجمل تحية لكى يا اجمل ملكه
من مواضيع : lovly bird الكـوب السـاخن
مـهـلا خـذ الـعبـرة
ثـمـن الـعـرق
27-10-2010, 07:26 PM
محمود عبدالمجيد
 
فى انتظارك يا ملكه

تحياتى
من مواضيع : محمود عبدالمجيد
27-10-2010, 07:45 PM
malka
 
اقتباس:
المشاركة الأصلية كتبت بواسطة lovly bird
اكيد الباقى اجمل
كل مواضيعك مميزه وجميله يا قمرايه
فى انتظار باقى الحلقات بكل شوق
اجمل تحية لكى يا اجمل ملكه

ربنا يكرمك يا غاليتى الموضوع بيزيد جماله بمرورك

وبتشجيعك الدائم لى

باركلك الله يا غاليتى

تابعى فالقادم أجمل

تحيااتى لكى

ملكه



من مواضيع : malka أمرأه عجوز دفنوها وهى ساجده
العلبـــة دي .. فيهـا إيـه ..؟!
•♥♥• الحـــــــــــــب مـــــــــــوتــــــــــــا •♥♥•
سميره ضحيه من الشات
أيه أللى فى الورقه ديه
27-10-2010, 07:53 PM
malka
 
اقتباس:
المشاركة الأصلية كتبت بواسطة محمود عبدالمجيد
فى انتظارك يا ملكه

تحياتى

الله يكرمك أستاذى

أن شاء الله هنزل حلقه جديده

ومش هتنتظر كتير

تحيااتى لك أستاذى

ملكه

من مواضيع : malka سميره ضحيه من الشات
هديتي ...... (بعد كل تعليق قصة جديدة)
هل الرجل يصنع المرأة أم المرأه تصنع الرجل؟
أيه أللى فى الورقه ديه
المنحوس منحوس
28-10-2010, 03:46 AM
malka
 



الحلقه الخــآإمسه




خرجت الام من اوضة ماجى متجهه ناحية اوضة مازن ابنها الاكبر

خبطت على الباب .....

مازن من داخل الغرفه اذن لها بالدخول

: اتفضل

دخلت الام وعلى وشها ابتسامه صافيه حنونه لابنها مازن


مازن وهو متفاجىء بوجود امه وعودتها من سفرها

مازن وهو يقبلها

: حمد لله على سلامتك يا ماما

الام : حبيبي اخباره ايه ... وحشتنى اوى يا مازن

مازن : انتى وحشانى اكتر يا ماما البيت من غيرك مش حلو ... ياريت بقا تفضلى معانا ومتسافريش

تانى

الام بنظره حزينه

: ممممم غصب عنى يا حبيبي الشغل مش سايبنى فى حالى

مازن باستياء

: يا ماما احنا محتاجينلك اوى ... كمان ماجى ومارى حالهم مش عاجبنى وكل واحده فيهم ماشيه ورا

دماغها وبابا دايما مشغول فى شغله وثفقاته الى مبتخلصشي

الام : البركه فيك ياحبيبي انتى تغطي غيابنا وتاخد بالك منهم

مازن : انا مش مستعد ادخل فى معركه معاهم وبعدين انا مش بيعجبنى حالهم خالص ولو اتكلمت

هتحصل مشكله وهتزعلى منى انتى وبابا ... عشان كده انا ماليش دعوه بيهم

الام : اخواتكم متربين كويس وانا واثقه فيهم زى ما واثقه فيك تماما .. متشغلشي بالك انت وخد بالك

من نفسك ومن شغلك

مازن : انا مش شاغل دماغى بحاجه لان مافيش حاجه تستاهل اصلا فى الدنيا دى الواحد يشغل دماغه

بيها

الام باستياء

: لا لا يا حبيبى مش عاوزاك تزعل ... انا هغير لبسي ونقعد سوا كلنا نتعشي ... اتصل بـ بابا واستعجله

مازن : خلى ماجى تتصل بيه ... انا ماليش نفس ... معلشي يا ماما انا مش بتعشي

زفرت الام انفاسها باستياء وهى متفهمه تماما دماغ ابنها مازن الناشفه ومتعوده على انطوائيته

المعتاده وخرجت من اوضته متجهه ناحية اوضتها




كانت فيروز قاعده قدام كتابها وملازمها تذاكر بعد ما اجلت اختها صافى نزولة اليوم لبكره

قعدت تذاكر بملل شديد وهى مش مركزه ابدا فى الى بتقراه وتعيد وتزيد وهى سرحانه ومشغوله

هى نظرات عنيه مازالت شاغله دماغها وتفكيرها وموقفها عن التركيز فى مذاكرتها

فيروز : اوووف بقا ... مش عارفه مالى ... انا مالى مشغوله اوى بالمشهد ده ... فيها ايه يعنى اما

يبصلى ... كأنى فرحانه انه بصلى وادنى اهتمام عن اى مره شافنى فيها ... وبعدين ايه الغريب يعنى هو

شخصيه جاده ومعاملته مع كل اصاحب نسرين كده .. مش انا بس ... ماهو عشان كده اما بصلى حسيت

انه غريب مش زى ماتعودت منه انه يفتحلى الباب واتفضلى وبس كده ... لا ده كان فى ما بينا حوار ....

غير كل مره ... هو في ايه .. ماهو عادى انا مش شايفاها معجزه يعنى ... العيب فيا ولا ايه ... انا مالى

مشغوله بيه اوى كده .... متنكريش انك معجبه بيه ... يالهوى ايه الى انا بقوله ده وال انا الى عماله

اقولهم ده كلام فارغ واحنا لسه صغيرن واهم حاجه الدراسه وبس ... هو انا يعنى قولت بحبه انا بس

معجبه بشخصيته مش اكتر ... مجرد اعجاب لا اكثر ... كبري دماغك بقا وقومى اعملى فنجان قهوه

وركزى فى مذاكرتك بلا دلع بنات ..


فى تمام الساعه سابعه صباحا ..... كان واقف على منتظر انه يشوف سندس قبل ماتدخل المدرسه

وقفت سندس متسمره مكانها اول ما لمحته واتنفض جسمها وقلبها دون دين دونج

لاحظت فيروز وجوده ولا حظت ملامح سندس الى اتغيرت فجأه

فيروز وهى بصالها بصه غريب

: اييييه مالك فرملتى فجاه كده ليه ...


سندس وهى باصه ناحيته

: ابدا ...


فيروز وهى باصه ناحيته بصت غضب وغيظ

: مش هندخل المدرسه ولا ايه

سندس : يلا بينا .....


ودخلوا المدرسه ..... وقفوا فى حوش المدرسه شويه لحد ما الحصه الاولى تبدأ

وقفت فيروز تبصلها بتمعن ونظرات مش مريحه

سندس : اييه مالك يا روز بتبصيلى من الصبح ليه كده كأنى عملت عمله

فيروز : وانا لسه هستنى اما تعملى عمله

سندس بغضب هادى

: قصدك ايه يافيروز بكلامك


فيروز : انا عرافكى اكتر من نفسي واحنا عشرة سنين ياسندس ... عيب تخبى عليا بعد السنين دى كلها

وانتى عارفه كويس انتى بالنسبه ليا ايه وقد ايه انتى اغلى صديقه عندى




سكتت سندس وبصت للارض بحزن وكسوف

فيروز : يعنى انا تخمينى صح انك مخبيه عنى حاجات

رفعت سندس عنيها فى عيون فيروز وهى بتقولها

: غصب عنى

فيروز : ازاى يعنى غصب عنك .... انتى هتكلميه فعلا زى ما هو طلب منك


سندس باستياء ردت وقالت

: منا .... منا كلمته خلاص


اتفزعت فيروز لما سمعت كده وردت عليها بنرفزه

: انتى بتقولى ايه ... يعنى ايه كلمتيه خلاص ... ازاى وليه ماقولتليش وامتى حصل كل ده ...

ضرب جرس اول حصه وكان مشرف الحوش بيزعق للبنات تطلع فصولها ...

بصت لها سندس وخلاص كانت قربت تبكى لما شافت فيروز بتزعقلها وحست انها فعلا ارتكبت جريمه

زى ما فيروز معتقده انها عملت جريمه يوم ماسمحت لنفسها تكلم شاب ...

زفرت فيروز بانفاسها المخنوقه وقالتلها

: اوكى اطلعى على فصلك دلوقتى واشوفك فى الفسحه او بين الحصص اما نشوف اخرتها مع الى

طلعلنا فى البخت ده ....


يــآإترى ايه اللى هيحصل بينهم؟؟!

تــآإبعونى


من مواضيع : malka هل الرجل يصنع المرأة أم المرأه تصنع الرجل؟
يوميات شاب عادي
هديتي ...... (بعد كل تعليق قصة جديدة)
أيه أللى فى الورقه ديه
حلم عمــــــرى
30-10-2010, 05:13 PM
محمود عبدالمجيد
 
هو يعنى لازم نرد عشان تنزلى الحلقه

احنا متابعين وفى انتظار الحلقه القادمه

تحياتى للاستاذه
من مواضيع : محمود عبدالمجيد
30-10-2010, 05:24 PM
lovly bird
 
فى انتظار باقى الحلقات حبيبة قلبى
ياريت متتأخريش علينا
دايما متألقه
تحيااتى لكى
من مواضيع : lovly bird الكـوب السـاخن
ثـمـن الـعـرق
مـهـلا خـذ الـعبـرة
30-10-2010, 06:10 PM
malka
 
اقتباس:
المشاركة الأصلية كتبت بواسطة محمود عبدالمجيد
هو يعنى لازم نرد عشان تنزلى الحلقه

احنا متابعين وفى انتظار الحلقه القادمه

تحياتى للاستاذه

طبعا لازم تردوا علشان أعرف أنكم متابعين وأنزل الحلقه الجديده

وبعدين ناقص شويه وحضرتك تضربنى علشان أتأخرت على الحلقه

خلاص يا استاذى تابع ومش هتأخر تانى

لك منى كل ود وأحترام

ملكه

من مواضيع : malka أمرأه عجوز دفنوها وهى ساجده
المنحوس منحوس
•♥♥• الحـــــــــــــب مـــــــــــوتــــــــــــا •♥♥•
هديتي ...... (بعد كل تعليق قصة جديدة)
سميره ضحيه من الشات
30-10-2010, 06:12 PM
malka
 
اقتباس:
المشاركة الأصلية كتبت بواسطة lovly bird
فى انتظار باقى الحلقات حبيبة قلبى
ياريت متتأخريش علينا
دايما متألقه
تحيااتى لكى

حاضر يا غاليتى أن شاء الله مش هتأخر تانى

حالا أنزل الحلقه الجديده

أنتظرينى يا قمرايه

ملكه

من مواضيع : malka أيه أللى فى الورقه ديه
العلبـــة دي .. فيهـا إيـه ..؟!
حلم عمــــــرى
هديتي ...... (بعد كل تعليق قصة جديدة)
المنحوس منحوس
30-10-2010, 07:08 PM
malka
 




الحلقه السادسه





دخلت سندس فصلها وهى فى قمة الحزن وخلاص لو حد كلمها نص كلمه هتنفجر فى البكاء

قعدت على ديسكها بكل هدوء جمب نسرين من غير ماتقول ولا كلمه

اندهشت نسرين من حالها وسألتها

: مالك يا دودو ... شكلك معيط ولا ايه

كانت كاتمه دموعها بالعافيه وهى بتقول لنسرين

: فيروز عرفت انى كلمت على


ردت عليها نسرين باستنكار

: وايه يعنى اما تعرف هى هتتحكم فيكى ولا ايه فى الحاجه دى كمان


بصتلها سندس ودمعتها على خدها

: متقوليش كده فيروز عمرها ما تحكمت فيا بس هى بتخاف عليا اوى




كانت قاعده جمب ماجى مكتومه على الاخر وعفاريت الدنيا بتطنطت ..........

ماجى : مالك يا روزا متنرفزه ليه كده على الكشكول

هديت فيروز وهى بتتنهد تنهيده عميقه ورحمت الكشكول الى فى ايدها واتصفحته بهدوء اكتر

ماجى : فيروزززز .... مالك يا بنتى شكلك مضايقه من حاجه

فيروز بصوت خافت ومخنوق

: مافيش يا ماجى سبينى الله يخليكى


بصتلها ماجى بتمعن وهى بتلبيلها رغبتها

: حاضر يا قمر .... لو تحبي اسيب الديسك واقعد فى مكان تانى اوكى


زفرت فيروز بانفاسها مره تانيه وهى بتقولها بشوية عصبيه

: ياستى مش مستاهله انا بس ماليش مزاج اتكلم ... خليكى قاعده عادى


ماجى وهى متفهمه حالتها المزاجيه

: خلاص خلاص زى ماتحبي



فى تمام الساعه تمانيه صباحا


مع فنجان الشاي كان ماسك الجرنال بكل اهتمام يشوف الاخبار وقدامه المشروعات الى بيدرسها .....

رفع يوسف جاجبه باستعجاب من الخبر الى موجود فى الجرنال

يوسف ببنبرة اندهاش

: ايييييه حرام السعر غالى اوى كده ....سعر الحديد ده هيأثر اوى فى الشغل ... ربنا يستر ... الواحد

يتوقع اى حاجه فى الايام الحلوه دى


دخلت عليه السكرتيره وفى ايدها ملف ........

وهى بتقدمه ليه
: المدير طالب من حضرتك دراسته

يوسف : اوكى حطيه هنا

السكرتيره : تؤمرنى بحاجه تانى


يوسف وهو بيبص لفنجان الشاى الى خلص فى ايده من غير مايشعر


يوسف :اذا سمحتى اطلبيلى فنجان شاى تانى

السكرتيره : حاضر .... بعد اذنك




خرجت السكرتيره من المكتب .....

قام زميله من المكتب الى قصاده وهو بيبص عليها ويهرش فى دماغه ....

حسين : مزه اوى السكرتيره الجديده الى جبهالنا

يوسف وهو مهتم بالجرنال الى فى ايده

: يا خبر ابيض ... الاسمنت كمان سعره طلع

حسين : اسمنت ايه الى انت بتتكلم عليه ... بقولك السكرتيره الجديده جامده اوى ... المدير زوقه اتحسن

اوى عن الاول


بصله يوسف نظره خافته فيها شىء من الاستحقار

: خليك فى المشروع الى فى ايدك احسنلك

حسين :بس انا اموت فى المشروعات الى من النوع ده

يوسف :يا بنى اعقل واتجوز احسنلك طالما انت ميت اوى على صنف الستات بالشكل ده

حسين : لاء ياعم اتجوز ايه انا اروح للهم والنكد بنفسي ليه هو انا اتجننت

يوسف : هم ونكد ليه .... الجواز نص الدين وواجب على كل مسلم عاقل وقادر ... وانت مشاء الله عقل

ومال وجاه

حسين :بتتريق يا جوو
يوسف : مممم وبعدين يا حسين انا مش قولتلك ميت مره بلاش جوو دى ... اسمى يوسف ... يوسف

وبس




فى تمام الساعه التاسعه رن جرس الفسحه وانطلق الكل من الفصول وكانهم كانوا فى قمقم

كانت البنات اخر زيطه منهم الى بيرش على التانيه مايه واخر هبل والى بتشد فى شعر التانيه وتجرى

والى ماشين يغنوا فى كريدون الفصول والى ماشيه تتمرقع وهى بتضحك زى الرقصات والى واقفين

قدام الكنتين وعاملين اجدع طابور اطول من بتاع العيش المدعم .... ولا بيقضوا فترة الفسحه كلها فى

حمام المدرسه وفاتحينه كوافير وفى قسم للمحجبات


خبطت بنت وهى بتجرى فى كتف فيروز .......

فيروز بنرفزه

: غبيه ما تهمدى وتبطلى تنطيت البراغيت ده




رجعت البنت وبصتلها بشر وشكلها بتدور على اى خناقه تسلى بيها نفسها

لحقت ماجى الموقف وشدت فيروز ومشيوا ناحية فصل سندس

دخلت ماجى وفيروز فصلها يدوروا عليها لاقهوها قاعده فى ديسكها وحاطه راسها على الديسك

قعدت ماجى جمبها بكل هدوء وحطت ايدها على ضهرها

ماجى : دودو ... مالك

قامت سندس وعنيها كانت محمره خالص .....

ماجى :ايه انتى كنتى بتعيطى ولا ايه

بصت سندس لفيروز الى كانت واقفه مربعه دراعتها وباصه فى ناحيه تانيه ... وبصت لماجى وهى مش

قادره تمسك دموعها واترمت فى حضنها وفضلت ماجى تهديها

نطقت فيروز اخيرا وقالت

: اكيد بتعيطى علشان عرفتى غلطتك وندمانه عليها


ماجى : هو فى ايه ماتقلولي

فيروز : ............


سندس وهى مازالت بتعيط ردت بنبرة البكاء

: انا معملتش حاجه غلط يافيروز عشان تعاملينى كده


بصتلها فيروز بحده وقالتلها

: انتى حره .... عن اذنكم انا رايحه فصلى


سابتهم وخرجت وماجى فضلت تنده عليا ولا ردت ولا حتى بصت وراها

خرجت فيروز من باب الفصل من هنا وكانت نسرين داخله بزجاجتين بيبسي من هنا

نسرين : فيروز رايحه فين

مردتشي عليها فيروز وكانت ماشيه بخطوات سريعه جدا وبعصبيه

راحت نسرين ناحية ماجى وسندس الى لقيتها بتعيط

سالتهم باندهاش

: هو في ايه .... فيروز مالها ... اتخانقت معاكى يا سندس ولا ايه




فى تمام الساعه اتناشر الضهر اتفتح باب المدرسه على مصرعيه وانطلقت البنات بعد جرس المرواح

كانو اخر ناس خارجين من الطلبه هما ماجى ونسرين وسندس .... اتاخروا فى الخروج لانهم كانوا

بيدورا على فيروز


ماجى :احنا دورنا عليها فى كل مكان .... انا بقول هى اكيد سابقتنا وروحت لواحدها انتم مش عارفينها

ولا ايه لما بتبقى مزاجها زفت

نسرين :ايوه فعلا انا معاكى يا ماجى ... خلاص يبقا نروح لحسن مش ناقصه كلام كتير من البنى ادمين

اخواتى

سندس :اوكى انا هاخد تاكسي واروح البيت

ماجى : لاء استنى انا هروحك .... بنت عمى جايه تاخدنى عشان مروحه عندها البيت من بره بره .. اكيد

هى مستنيانى على الناصيه ... هوصلك فى الطريق انتى ونسرين


نسرين : يبقا عملتى فيا معروف

ماجى : يلا اى خدمه ... عربيه جيب شروقى موديل 2006 كمان

نسرين : ياى تجنن هى دى الى هناك

ماجى : ايوه هى دى يا قروبه عرفتى ازاى

نسرين : عشان بنت عمك واقفه قصادها ... وانا شوفتها قبل كده فى عيد ميلادك

ماجى : ماشي يا زكيه يلا نروحلها




دخلت فيروز من باب البيت وهى على اخرها .......

دخلت على اوضتها فورا خصوصا ان مافيش حد فى البيت فى الوقت ده الى اختها صافى وكانت مشغوله

فى المطبخ ....

غيرت هدومها ودخلت الحمام ... وبعد ما خلصت دخلت اوضتها وقفلت عليها الباب

فيروز وهى متعصبه

: ايه الى انا هببته معاها ده .... هوووف


خبطت صافى على الباب

فيروز

فيروز : ادخلي ياصافى

صافى : ايه ياحبيبتى مقولتليش انك جيتى يعنى

فيروز :اصل مزاجى مش حلو خالص وانتى عارفه اختك بتبقى عامله ايه فى المود ده

صافى : وايه الى مش مخلى مزاجك مش حلو

فيروز :هه مش عارفه اقولك ايه بجد .... انا وسندس زعلانين من بعض

صافى :سندس الرقيقه ... طيب ليه كده

فيروز : كل ده عشان خايفه عليها من الواد الماسخ الى بيلف عليها

صافى : واد مين ولف ايه مش فاهمه

فيروز :طيب ياستى هفهمك وانتى احكمى

أنتظروووووونى لى عوده بباقى الأحداث

ملكه

من مواضيع : malka حلم عمــــــرى
المنحوس منحوس
العلبـــة دي .. فيهـا إيـه ..؟!
أيه أللى فى الورقه ديه
هديتي ...... (بعد كل تعليق قصة جديدة)
31-10-2010, 12:48 PM
محمود عبدالمجيد
 
اقتباس:
المشاركة الأصلية كتبت بواسطة ملكه الحق
طبعا لازم تردوا علشان أعرف أنكم متابعين وأنزل الحلقه الجديده


وبعدين ناقص شويه وحضرتك تضربنى علشان أتأخرت على الحلقه

خلاص يا استاذى تابع ومش هتأخر تانى

لك منى كل ود وأحترام

ملكه
ههههههههههههههههههه

لا هو حد يقدر يضرب ملكه بردو وبعدين متشخطيش كده

منتظرين يا استاذه الحلقه القادمه
تحياتى
من مواضيع : محمود عبدالمجيد
01-11-2010, 07:07 PM
malka
 





الحلقه الســـآآإبعه





فى اوضة سندس .... كانت قاعده على سريرها بتعيط من الى حصل معاها انهارده من فيروز

تليفونها كان بيرن وكان رقم على ........ رن كذا مره ومردتشي

وفى النهايه مسحت دموعها واستجابة ليه وردت

سندس بنبرة بكاء

: ايوه ... على

على : ايه مالك .... انتى بتعيطى ولا ايه


سندس وهى بتحاول تظبط صوتها

: لا ابدا ... انا بس مضايقه شويه

على : من ايه بس ؟؟

سندس : اصل انا وصاحبتى زعلانين شويه من بعض

على : مين زعلان من التانى ؟؟

سندس : مش عارفه ... مش عارفه بجد

على : خلاص خليكى انتى الكويسه وابدأى بالصلح لو هى غاليه عليكى اوى

سندس : ايوه غاليه اوى

على : خلاص يلا قومى اغسلى وشك واتصلى بيها صالحيها

سندس : بجد ياعلى انت طيب وزوق اوى

" يارب تقدرك زى منا مقدراك وتعرف انت قد ايه انسان زوق ورقيق "

على : سندس ؟

سندس : نعم !!

على : انتى الى طيبه وحنينه اوى انا يابختى بمعرفتى بيكى .... انا بجد مش عارف اوصفلك مدى

سعادتى قد ايه
سندس : .............................. " مكسوفه جدا "

على : وحشتينى اوى اوى

سندس : ............................. " هتموت خلاص مش عارفه تقول ايه ولا تعمل ايه "




بين فيروز واختها ............

صافى : بصي يافيروز ... انتى عندك حق تخافى عليها بس مش تزعقيلها وتبعديها عن الغلط بالطريقه

دى ... لاء انتى تحاولى تقنعيها انها تبعد عنه بطريقه لطيفه منك وفيها خوف بحنيه مش بقسوه وامر

فيروز : والله حاولت اقنعها كتير لكن مافيش ... بس هى شكلها اتعلقت بيه وصعب اقنعها تبعد عنه

صافى : يمكن بتحبه ويمكن الولد كويس ويستاهل تتعلق بيه

فيروز : لاء يا صافى تتعلق بيه ازاى هى تعرفه اصلا ... ده يا دوب تعرفه من اول امبارح لما طلب منها

تكلمه على رقمه وبعدين هى لسه صغيره على الكلام ده ومش عارفه اقنعها بكده

صافى : الحب يا فيروز لما بيجي مبيعرفشي صغير ولا كبير ولا يعرف شكل حلو ولا وحش ولا مكان ولا

زمان ... بينزل على قلب الواحد ويخترقه من غير انذار ... الحب مشاعره رقيقه وحساسه اوى بتخرج

من القلب للقلب متعرفشي المستحيل ولا حد يقدر يمنع وصلها لقلب العاشق

فيروز : ....................
صافى : يلا قومى صالحى صاحبتك مش مستاهله يعدى يوم وتنامى وانتم زعلانين من بعض اكسبي

صاحبتك وابعديها عن الخطر بكل حب وحنيه وعقل

فيروز : هه ......... حاضر ياصافى انا هقوم اكلمها




رفعت فيروز سماعة التليفون وضربت رقمها ..........

كانت وقتها نهت سندس المكالمه مع على وهى فى منتهى السعاده من رقته ولطفه معاها وكل كلمه

قالها مازلت بتتردد فى ودنها وعايشه معاها فى خيالها واخدها لسابع سما وراحت ناحية التليفون

الأرضى

تتصل بفيروز ........ رن الجرس وكان رقمها على شاشة التليفون

اتفجائت سندس وهى بترفع سماعة التليفون

سندس : فيروز ...... انا .... انا ...

فيروز : ازيك ياسندس

سندس والدموع اتجمعت بسرعه فى عيونها

: انا لسه كنت هتصل بيكى اصالحك ......


فيروز قاطعتها

: دودو حبيبتى انا الى بتصل اصالحك

سندس : فيروز بس انا الى .....




قاطعتها تانى
: بس اسمعينى .... انا الى كنت غلطانه المفروض مكنتش اتعامل معاكى بالقسوه دى .... بس والله

اعذرينى ... انا بحبك

سندس : وانابحبك اكتر والله


فيروز : غصب عنى خوفى عليكى طلع بصوره ضايقتك ومكنتش واخده بالى من تصرفاتى

سندس : انا بس عاوزه اقلك انى مش زعلانه والله منك وعارفه انك عملتى كده عشان خايفه عليا

فيروز : ربنا الى يعلم انا بخاف عليكى اد ايه لانك مش مجرد صديقه عاديه ... انتى حته منى وعشرة

سنين واصدقاء طفوله بينا ذكريات وايام متتعوضشي ابدا ومش ممكن ازعلك ولا اخسرك مهما كان

سندس : ان شاء الله مافيش حاجه وحشه هتحصل وهنفضل دايما اصحاب وحبايب ... بس والله على الى

انتى خايفه منه ده انسان فى منتهى الزوق والاحترام

فيروز : ياريت يا سندس يكون كده فعلا انا ياحبيبتى اتمنالك كل خير .... بس خدى بالك من نفسك كويس

سندس : ربنا يخليكى ليا يا احلى فيروز فى الدنيا كلها

فيروز : ويخليكى ليا يارب

سندس : .................

فيروز : مممممم دودو .... انا مضطره اقوم دلوقتى ... اشوفك بكره فى المدرسه

سندس : اوكى ... خدى بالك منك نفسك

فيروز : حاضر وانتى كمان ... يلا ياقلبي مع السلامه

سندس : سلام يا روز

بعد ما نهت فيروز المكالمه دخلت اوضتها طمنت اختها انها صالحت سندس وقامو حضروا الغدا وقعدت

كلت هى وصافى





فى بيت بنت عم ماجى كانوا قاعدين قدام الاب توب والكام مفتوحه وبيراسلوا شاب ايطالى .......

ماجى : واو .... ده امور خالص .... اوعى تقفلى معاه

نادين : بس انا مش بعرف اتكلم ايطالى اوى الا بسيط ومش هعرف اتكلم معاه اكتر من كده ... وبعدين

فكك فى احسن منه

ماجى : بس خساره ده امور خالص .... طيب شوفيه لو بيتكلم انجلش

نادين : لا لا لا فكك منه خالص هوريكى صورة واد احلى بكتير ... هتتهبلى عليه وايه كمان ميدن

ايجيبت

ماجى بضحكه عاليه : هاهاهاهاهاى ميدن ايجبت صنع يدوي ولا ايه هههههههههه

نادين : هههههههههههه اها فى منه على فوشيا

ماجى : طيب ورينى خلى الواحد يفك الكبت الى عنده ... ده انا بشوف اشكال عندنا بيقفوا قدام المدرسه

..... يكرهوا الواحد فى عيشته

نادين : دى بواقى شباب ياماما ... هوريكى انا التقيل اصبري




فجأه

ماجى : استنى .. استنى كده دى نسرين فتحت ... هدخلها معايا انفايت لما نكلم الى انتى بتقولى عليه

نادين : اوكى ...

دبل كليك على اسم نسرين الى فى ميل ماجى وكلمتها

ماجى : هاى يا نوسه

نسرين : هاى يا موجا ... انتى عند بنت عمك لسه

ماجى : اها .. نادين ... هى جمبي وبتسلم عليكى

نسرين : الله يسلمها ... بوسهالى

امممووواه

ماجى : وهى كمان بتبوسك

امموواه

نسرين : استنى كده

ماجى : اوكى



فى بيت نسرين فى الوقت ده ........

جهاز الكمبيوتر فى اوضة يوسف وحسام اخوتها الصبيان ....

نسرين: انا لسه مسكاه دلوقتى يا حسام ارحمونى بقا مش عارفه اجى ناحيته

ادخل يوسف

: سيبها ياحسام تقعد شويه

حسام : ايه يعم انا ماليش فيه عاوز اعمل حاجه مهمه دلوقتى

نسرين : اوووف بقا ... وانا كمان ماليش فيه بعمل حاجه مهمه

حسام : وهو فين المهم ده غير انك بترغى مع صحابك

نسرين : مالكشي فيه وخليك فى حالك

حسام : بت انتى بطلى وخلصى فى دورك كده وقومى عشان عاوز اخلص الى فى ايدى


يوسف ادخل مره تانى وساب الى كان فى ايده

: يعنى انتم عاوزين ايه بالظبط انت وهى ... اطردكم من الاوضه كلها ولا اقوم اطربق الجهاز على

بعضه ... حد فيكم يسيب الجهاز للتانى بالزوق بدل ماقوم اشد الفيشه وماشوفشي خلقة حد فيكم ...

عاوز اركز فى الى بعمله


اتعصبت نسرين وكتمت غيظها وهى بتقفل ايميلها بعصبيا ورزعت الماس على المكتب وخرجت ...




نعود لماجى ونادين ...........

ماجى : ايه ده دى قفلت فجأه

نادين : يمكن النت فصل او حاجه

ماجى : يمكن .... تعالى ندخل احنا على تيجى

نادين : اوكى .... هوريكى صورته الاول معايا ع الموبايل

خرجت الموبايل من شنطتها .... وطلعت صورت الشاب الى قالت عليه لماجى

نادين : اهى صورته ايه رئيك

تنحت ماجى شويه قدام الصوره مسبهله ............




يـــآإترى ايه حكــآأإية الولد دا؟

تابعونى

ملكه
من مواضيع : malka العلبـــة دي .. فيهـا إيـه ..؟!
حلم عمــــــرى
سميره ضحيه من الشات
أيه أللى فى الورقه ديه
هديتي ...... (بعد كل تعليق قصة جديدة)
 

الكلمات الدلالية (Tags)
√♥♫Ѽ, حمل, عمــــــرى

أدوات الموضوع

الانتقال السريع

حلم عمــــــرى

الساعة الآن 09:50 PM.