xpredo script

العودة   منتدى نيو حب > مالتى ميديا > اخبار الفنانين | اخبار النجوم

الوجوه الجديدة سلاحي لمقاومة احتكار النجوم

اخبار الفنانين | اخبار النجوم

01-09-2006, 05:06 AM
bob
 
Exclamation الوجوه الجديدة سلاحي لمقاومة احتكار النجوم

حوار مع المنتج الجريء "هاني جرجس فوزي"


"هاني جرجس فوزي" منتج مغامراته محسوبة وجرأته نوع من التحدي للنمط السينمائي.. يقوم حاليا بإنتاج عشرة أفلام أبطالها وجوه جديدة لأول مرة ويرى أنها مغامرة محسوبة وسوف تغير كثيرا في السينما المصرية...
وجدير بالذكر أنه تقرر تكريم المنتج "هاني جرجس فوزي" بمهرجان الإسكندرية السينمائي الدولي نظراً لجهوده في ضخ دماء شابة ووجوه جديدة في السينما المصرية...
"هاني جرجس فوزي" ابن للمنتج الراحل "جرجس فوزي" الذي أنتج العديد من الأفلام المصرية التي نالت جوائز وحققت نجاحا كبيرا من الجمهور والنقاد.. هل الإنتاج السينمائي اختلف عن زمان؟ وإنت شايف فكر المنتج يكون ازاي؟
هو طبعا الإنتاج اختلف من كذا جهة.. الموضوعات زي "الحرافيش" و"الفتوات" مش مطلوبة قوي والنجوم غيروا شكل التعامل في السينما لأن أغلبهم بيهتم بالمادة ومش عايز يقدم حاجة مختلفة وبيمشي بالحظ، والتوزيع اختلف وعرض الفيلم في الداخل وإيراداته أصبحت أكتر من الخارج.. تفاصيل كتيرة اختلفت.
ازاي بتقاوم أفلام المقاولات؟
المسألة أصبحت صعبة قوي حتى الموزعين عايزين الأفلام التافهة، المنتجين دلوقتي مش بتوع سينما أساسا، أهم حاجة عندهم المادة.. باحاول أبحث عن سيناريوهات جيده علشان أقدم حاجة كويسة ومهمة في السينما وكان آخر انتاج لي فيلم "ظاظا" نموذج للفيلم الكوميدي الحقيقي.
"هاني جرجس فوزي" يقوم بإنتاج عشرة أفلام لوجوه جديدة لأول مرة في السينما.. ليه فكرت في الوجوه الجديدة؟
لجأت للوجوه الجديدة لأني لقيت النجوم الموجودة ماعندهمش استعداد يعملوا أفلام مختلفة.. عايز أرجع السينما للعصر الذهبي.. احنا بقالنا كتير أفلامنا بتترفض ومش بتروح مهرجانات دولية فلقيت عندي سيناريو مهم لـ"عماد البهات" وهو تلميذ "يوسف شاهين" وأخذ جائزة عن فيلم "استغماية" من فرنسا ومفيش حد عايز ينتج له الفيلم.. وكمان موضوعات تانية.. لقيت إن السيناريوهات دي لازم تطلع للنور.
إنت شايفها مخاطرة؟
هي مخاطرة محسوبة لأن الفيلم لو كويس من تصوير وقصة وديكور وإخرج وتمثيل فالناس أكيد هتروح تشوف الفيلم وتحبه.. عندي سيناريوهات مهمة جدا زي "ورق التوت" لـ"عمرو بيومي" وفيلم "العين السخنة" لـ"محمد حفظي" وفيلم "أجنحة بلا ريش" وفيلم "بنات في الجون" وموضوعات مهمة جدا هتغير في شكل السينما خالص، يعني لو قدمت مائة وجه جديد ونجح ثلاثون من المائة يبقى السينما كسبت نجوم جدد وهتفرق قوي في الصناعة، وعلى فكرة المخاطرة دي انتهت بنزول فيلم "أوقات فراغ" لأن الفيلم حقق نجاح وإيرادات كثيرة وسط أفلام كوميديا ونجوم كبار.. يبقى أنا فكري صح والناس فعلا عايزة تشوف نجوم مختلفة.
"هاني جرجس" واجه معركة في فيلم "ظاظا" مع الرقابة.. إيه حكايتك مع الرقابة؟
الرقابة أصبحت بتتدخل في كل شيء حتى في الأفيش و"علي أبو شادي" رئيس الرقابة بيقول لي: "ابعت لي خمس أفيشات أختار منهم"، وأصبح ذوق "علي أبو شادي" هو الوحيد في أفيشات شوارع مصر وبعدين الرقابة دلوقتي بتكيل بمكيالين يعني أفلام بتعدي علشان أصحابها مسنودين وأصبحت العملية مجاملة وعلاقات.. فيلم "ظاظا" اترفض خالص في البداية ولجأت لـ"فاروق حسني" وزير الثقافة وكلم الدكتور "جابر عصفور" يشوف الفيلم بنفسه وطلب حذف مشهدين والحمد لله عديت بمعجزة.
إيه رأيك في توزيع الفيلم المصري؟
الفيلم المصري طول عمره بيتوزع في السوق العربي فقط وده موجود لحد دلوقتي وحل محل السينما الفيديو، والمحطات الفضائية بتشتري الأفلام وبتعرضها فشكل التوزيع اختلف تماما.
شايف الفضائيات سينما إيجابية؟
طبعا لأنها ساعدت على ثراء الأفلام، وبتشتري الفيلم يعني بتموله وبيقدر المنتج يعمل أفلام تانية والمشكلة السلبية في القنوات دي إنها أحيانا بتمول أفلام ضعيفة وبتروجها.
فيلم "بحب السيما" إيه كان هدفك من إنتاجه؟ ورد فعلك للهجوم عليه؟
هدفي إنه فيلم كويس.. القضية ثقيلة أنا ما باصدق ألاقي حاجة مختلفة أنتجها على طول.. ماهتمتش قوي بالهجوم لأنه كان من جهات خاصة هي اللي رفعت القضية.. قس واحد فقط هو اللي هاجم مش الكنيسة زي ما الناس فاهمة والقضية اترفضت في المحكمة.
إنت قلت إن فيلم "قصاقيص العشاق" فشل لأن موضوعه ماكانش يناسب شكل السينما في ذلك الوقت.. ازاي؟
"نبيلة عبيد" في الوقت ده كانت نجمة مصر الأولى والفيلم قصته رومانسية إخراج "سعيد مرزوق" وتأليف "وحيد حامد" ولما اتعطل لخلافات شخصية وكملنا الفيلم بعد كده ظهرت موجة الأفلام الجديدة فماكانش الإقبال عليه كتير وكانت نوعية الجمهور اتغيرت ومش عايزة تشوف نوعية زي بتاعة "قصاقيص العشاق".
هل إنت بتوافق على الجملة الشهيرة "الجمهور عايز كده"؟
هو ده موجود طبعا بس ممكن أغير فكر الجمهور شوية شوية وهيتعودوا بعد كده يشوفوا حاجات مختلفة، زي فيلم "سهر الليالي" لما ظهر الناس بعدت شوية عن الفيلم الكوميدي ودلوقتي كمان فيه نوعية مختلفة زي "يعقوبيان" مثلا.

المنتج "هاني جرجس فوزي" إيه طموحاتك وإيه الرسالة اللي عايز تقدمها للسينما؟
أتمنى إن نوعية المنتجين وفكرهم يتغير وأتمنى ظهور سيناريوهات جديدة وسوق التوزيع يكون أكتر من كده وأتمنى تجربة الوجوه الجديدة تنجح وتغير في السينما المصرية ونهتم بالموضوع أكتر من النجوم، وأتمنى إن الفيلم المصري يحقق انتشارا أكتر في العالم وأتمنى إن الدولة تهتم أكتر بالفيلم المصري
من مواضيع : bob مفاجأة: "تانجو مانجو" فيلم سياسي يفضح الإرهاب
برامج الفضائيات فى رمضان2006
الشريف و رمزي يعودان بمسلسل جديد
تواريخ ميلاد الفنانين (للتثبيت)
منوعات فنية (خطوبة مصطفى شعبان -حنان ترك ترفض....
02-10-2008, 02:45 PM
لوليتة
 
thank you
موضعاتك روعة
من مواضيع : لوليتة
05-10-2008, 03:04 PM
asmaman_2010
 
موضوع رائع
من مواضيع : asmaman_2010
07-10-2008, 06:59 PM
الخاتم الاسود
 
موضوعك جدير بلاهتمام
وجيد
يسلــــــــــــــــــــــ ــــــــمووووووووو
من مواضيع : الخاتم الاسود
 

الكلمات الدلالية (Tags)
لمقاومة, الجديدة, النجوم, الوجوه, احتكار, سلاحي

أدوات الموضوع

الانتقال السريع

الوجوه الجديدة سلاحي لمقاومة احتكار النجوم

الساعة الآن 06:29 AM.