xpredo script

العودة   منتدى نيو حب > المنتديات العامة > الحوار المفتوح > جديد فضفضة

بدون عنوان

جديد فضفضة

30-10-2010, 08:05 PM
فضفضة
 
Icon15 بدون عنوان

السلام عليكم ورحمه الله وبركاته

بداية اللي عاوز يقرا يطول باله ع الاخر لانه هيقرا قصتي كأنه بيقرا كتاب 5000 صفحه لو مخرج صنفه هيتصنف خيال علمي او تراجيدي بحت .

مبدئيا انا خريج جديد 2010 بعاني من مشاكل كتير اساسها العاطفه والشغل والماده تعالوا نبدأ في القصه من البداية وشغل السيما يشتغل والمزيكا تهدي ونرجع بالزمن سنتين ورا .

كنت علي علاقة بواحده تعتبر قريبتي لكن من بعيد وبشويه استهبال بقيت ابن خالها وهيا بنت عمتي كان بينا شيء جميل حبيتها وحبتني بس عمرنا ما قلنا لبعض كلمة بحبك لا انا قلتها ولا هيا قالتها لكن كنا عارفينها وشايفينها في عيونا احنا الاتنين .

اللي كان بيني وبينها مر عليه 6 سنين واحنا علي نفس الحال لا في يوم كلمتها باكتر من السلام عليكم ولا هيا كلمتني باكتر من ازيك وعامل ايه . كنت دايما بشوفها اجرأ مني لاني من طبعي انسان خجول جدا - طبعا دا كان زماااااااااااااان - وقت ما كنا مع بعض . محدش يحاول يفسر كلمه مع بعض بأي شيء غير كونا بنحس شيء مشترك جميل بيننا.

محدش ممكن يصدق ان فيه اتنين بيحبوا بعض 6 سنين مكانوش بيتقابلوا لوقت ولو حتي قصير بره البيت او حتي بيكلموا بعض بالتليفون الارضي لان وقتها كان الموبايل مستحدث ومكنش منتشر ايام ما كانت الدقيقه بـ 1.99 قرش وكارت الـ 10 بـ 13 وبيشحن بـ 2 جنية اونلي . ومحدش برده هيصدق ان اتنين بيحبوا بعض طول الفترة دي ميعرفوش اي حاجه عن بعض سوا انهم بيحبوا بعض بمعني انهم ميعرفوش طبع بعض ولا ايه اللي بيحبه كل طرف من الطرفين ولا ايه اللي بيكرهه كل طرف من الطرفين ولا امتي اي طرف بيزعل ولا امتي بيضحك ولا ازاي تصالحه ولا ازاي تدلعه ولا ازاي تعبر حتي عن حبك ليه بالطريقه اللي تخليه اسعد مخلوق في الكون . بس مستغربوش اوي لان لما يكون الولد بيتكسف اكتر ما البنت بتتكسف وهما الاتنين ميفرقوش عن بعض في الخجل شيء فكان من الحتمي ان تكون دي هيا شكل العلاقه بينهم وبين بعض ضيف علي كده ان الاتنين تربيه ارياف عتيقه يعني نظام ممنوع ممنوع ممنوع ولا يصح الا الصحيح .

نرجع لموضوعنا . .. . بعد 5 سنين اتجرأ الشاب الخجول اخيرا من انه يقول كلمه بحبك للانسانه اللي حبها بقالوا زمان وكانت عبر التليفون وعلي مسافه تفرق بينهم مقدارها يفوق 300 كم . ودا لانه كان بيشتغل اخيرا في الاجازات والدنيا علمته الجرأه شيئا فشيئا وكانت كلمة بحبك هي اول واخر مرة يعبر فيها عن مشاعره بصراحه متناهيه . الا انه لقي منها رد كبسه بس عجبه قالتله ان الكلمه دي مش هتقولها الا لجوزها بس وانها تتمني انها تقولهالوا . طبعا مكنش دا المتوقع الا انه بعد ما فاق من الصدمه حس باحساس الفخر والنصر والكبرياء اكتر ما كان هيحس بيه لو سمع منها كلمه بحبك .

يمر الوقت وتفوت السنين ومعتقدش انها كانت اكتر من سنه واحده بعد هذه الواقعه ويفاجأ بانها اتخطبت وبعدها يوصله منها خطاب شفهي انها مش هتبقي مرتبه وبتحب واحد تاني لانه حرام وهيا مترضاش لخطيبها كده لانه برده مترضاش انه يحب غيرها وهو معاها حتي وان كانت لسه بتحب نفس الشخص ده وانها كمان مينفعش تربط نفسها بواحد اصغر منها ودا لاني كنت دبلرت سنه بسبب ظروف وفاه والدي اللي جت وقت امتحانات ومش مهم ذكرها دلوقتي لكن المهم انها مش هتربط حياتها بشخص اصغر منها وربنا يوفقه وخليه يعيش حياته وكل شيء قسمه ونصيب.

بصراحه علي قد ما كنت محتار قبل كده زمن كبير الا اني خلاص ارتحت من حيرتي وعرفتلها نهايه واضحه وصريحه . لكن للأسف يبقي الالم والحزن هو الرفيق الاغلي في هذه الاوقات متقدرش تسيبه ولا هو هيبعد عنك لانك مع اقل تفكير هتعيش الامرين انكسرت وقت كبير وعشت ايام معشتهاش في صعوبتها قبل كده ولاول مرة احس اني ولا حاجه وانسان اضعف مما اتخيل .

كان ربنا ازقني بزمايل بنات في الكليه وكنا وقتها في سنه تالته بصراحه هما اللي هونوا عليا الحكاية كتير خاصه لانهم كانوا عارفينها كلها من الاول خالص ومن قبل ما تحصل كنت حاكيلهم عن حياتي كلها . طبعا انا عارف ان ناس كتير هتقول اشمعنا بنات هقلك متسألس وعديها لان دي لوحدها حكايه تانيه خالص . لكن الاهم هو اني بعد معاناه قررت اني اعيش حياتي لايت يعني بدون حب ولا حبيبه وكيفت نفسي علي كده وحبيت حياتي كده ومحاولتش ادخل في علاقات جديده واتعب نفسي من جديد لسبب بسي جدا هو اني مكنش عندي اي ثقه في نفسي . بمعني اني اخاف اقول حبيت وانا غير كده .

كانت فيه بنات بتتقرب مني وببعدها عني لكن واحده بس هيا اللي كانت عنيده وللاسف كنت اعند وجرحتها جااااااااامد جدا وبرده متسألش ازاي وليه لكن انا مكنتش عاوز حديقرب مني ولا يحبني ولا احبه . لكن بعد وقت وفترة حوالي 3 شهور لقيت نفسي بدور في عيون كل بنت اقابلها عن شيء مفتقده شيء محتاجه شيء كنت عايش بيه وليه لكن للأسف مش لاقيه لحد وقت ما . ومن هنا تبدأ الحكايه ..........


تابعوني في الجزء التاني

انتظرووووووني

من مواضيع : فضفضة مشكلتي كبيره وغامضه ويا ريت القى عندكم الحل
انا محتاره
اشعر ان حياتي انتهت ساعدوني
مشاكلي كثيرة ...
قولولى بالله عليكم أغيره ازاى
01-11-2010, 12:18 AM
nadia_elberak
 
قصتك مؤثرة
أكيد إنك مش حتنسى بسرعة ولا بسهولة عشان لي يحب بجد مايقدرش بس أكيد مع مرور الوقت حتنساها وتجع ثقتك بنفسك زي الأول
ده ربنا ادانا نعمت النسيان لولاها كنا كلنا ضايعين
مستنية الجزء الثاني من قصتك
دمت بخير
من مواضيع : nadia_elberak
01-11-2010, 07:32 AM
malka
 
أخى قصتك بصراحه تشابه المسلسلات

بها دراما وتشويق أن نسمع الجزء الثانى

فأننا فى أنتظار الجزء الثانى لكلى نقدر نحلل

القصه من أولها

فى رعاية الرحمن

ملكه
من مواضيع : malka مساابقة قسم فضفضه
01-11-2010, 12:45 PM
احمد يحى
 
ايه ياعم ده انتى بتحكى فيلم ولا ايه هههههههههههه
فى انتظار الجزء الثانى
من مواضيع : احمد يحى
01-11-2010, 10:14 PM
lovly bird
 
بصراحه مع انى متأثره من اللى بيحصل وزعلانه علشانك
بس بجد عجبانى جدااا جدا طريقتك فى السرد واسلوبك فى الكتايه
فى انتظار الجزء التانى
من مواضيع : lovly bird
02-11-2010, 12:11 AM
HONDA ACCORD 99
 
أخي الكريم..
بداية نشكرك للمشاركة في القسم وأهلاً بك في المنتدى مهما كنت ..
ثانياً لو تكرمت فضلاً لا أمراً إن كنت تريد سرد قصص فهناك مكان مخصص للقصص والروايات ..
أما إن كانت لديك مشكلة وتريد عرضها هنا في القسم ليقوم الأعضاء بمشاركتك في حلولها فلا بأس من ذلك ..
تقبل تحياتي ..
من مواضيع : HONDA ACCORD 99 بخصوص المشاركة في القسم ( تعديل جديد ) ..
طـريـقـة الـعـمـل والـكـتـابـة داخـل الـقـسـم
الباسوورد الخاص بالقسم
03-11-2010, 10:04 PM
أبو عصام3
 
قصه جميله جدا وتنفع فيلم سينمائى
وفى انتظار الجزء الثانى
من مواضيع : أبو عصام3
04-11-2010, 03:55 PM
momoali
 
شكرا ليك
من مواضيع : momoali ممكن حلول
 

الكلمات الدلالية (Tags)
بدون, عنوان

أدوات الموضوع

الانتقال السريع

بدون عنوان

الساعة الآن 01:01 PM.