xpredo script

العودة   نيو حب > المنتديات العامة > الحوار المفتوح
التسجيل

ماضى ! حاضر ! مستقبل ! -- انت فين ؟

الحوار المفتوح

07-01-2011, 03:25 PM
عاشق سراب 14
 
ماضى ! حاضر ! مستقبل ! -- انت فين ؟

لو حد سألك وقال......

انت عايش ف انهي فترة زمنيه من عمرك؟

ياتري هتلاقي نفسك اكتر حاجه تنتمي ليها ايه؟

ماضيك.....؟

حاضرك...؟؟

ولا

مستقبلك....؟؟؟



ناس كتير بتشوف ماضيها وحش .......بتحس كمان انها عمرها مااتعلمت منه اي حاجه

رغم الحاجات الكتير اوي اللي مرت بيها ....رغم كمان صعوبتها ف احساسها

كمان تحس انهم محبوسين جوا ماضيهم

مش عايزين يفارقوه.....بيعذبوا نفسهم زياده بوجودهم فيه!

رغم بردو انهم لو بصوا لقدام وعاشوا ايامهم ف حاضرهم دا
ممكن يلاقوا حاجه حلوه تسعدهم...

يمكن كمان انشغالهم بماضيهم ...مانعهم...انهم يحسوا بحاضرهم ولا حتي اذا كان حلو او وحش

ولما يجي المستقبل ........يندموا عالحاضر اللي خلاص بقي ماضي ومش عاشوه

يعني عشان دفنهم الماضي بإيديه فيه.....ومنعهم انهم يعيشوا الحاضر ..... ولا حتي يحلموا بالمستقبل

علمهم حاجه واحده بس

ازاي يخافوا.........!!!

امممممممم

الماضي والحاضر والمستقبل

طريق طويل اوي
وانت مطلوب منك تمشيه
مشيت الماضي بسلامة نيه وحفظته......وبعد اما خلاص قربت نقطة بدايه طريق الحاضر .....خفت

خفت تبدأ.....ومشيت .....بدأته وانت خايف
مشيت مش حاسس باي حاجه.....كل شويه تبص وراك......خايف

اه خايف ...
مش شاغلك اي حاجه غير اللي حصلك زمان وبس

اللي حصلك ف ماضيك

ولما خلص طريق الحاضر وجت نقطه بدايه المستقبل

حسيت

بندم.......ندم عالحاضر اللي انت معشتهوش
وخوف ......خوف عاللي جاي او من اللي جاي
مش عارف

الخوف هنا بقي بيختلف
المره اللي فاتت انت خفت وبدأت.....المره دي بقي ......خوفك مثبتك مكانك
مش قادر حتي تبدأ



خوف ليتكرر ماضيك
اها
ماهو الماضي ..... والحاضر بقي ماضي كمان ف المستقبل


بيقولوا اننا لازم ننسي الماضي ....ونعيش الحاضر .....ونفكر ف المستقبل

طب لو فعلا نسينا الماضي دا ..........!!
مااحنا ف نفس غلطات الماضي ف الحاضر هنقع....نفس الحكايه ف المستقبل

يعني كانها دايره .....وانت بتلف....مفيش نهايه
ولا حتي مطلوب منك انك تقف
استمر
استمر
استمر

دا اجباري .....

اوقات كتير لازم حاجات ف حياتنا تتنسي بس مش كلها ولا حتي ينفع اجزاء منها

يعني خليك فاكر ماضيك......بس متعيش فيه
اتعلم منه
متخليش كمان تفكيرك ف ماضيك يمنعك انك تعيش حاضرك
لا
عيشه......عيشه لانه بجد محتاجك

انك تعمل حاجه وتندم عليها .....احسن بكتيـــــــــــــــــر من انك تقعد وتقول ياريت

ياريتني عملت.......!

انا مش عارف بقول كل الكلام دا ليه....بس يمكن
انا من الناس اللي عايشه ف ماضيها ......مشغوله عن حاضرها بيه...او يمكن ف غيبوبه عنه
بتخاف تفكر ف بكره .....مع انه ممكن يكون احسن واحلي
ربنا العالم



تفتكروا فعلا

المشكله.......

ف الماضي بس ..؟

ف تفكيرنا ف ماضي وحاضر ومستقبل .....؟

ولا الخوف من التفكير .......ولا الخوف نفسه..؟؟؟؟؟

حاسس بحيره....قلق ......توهان

خوف من شريط حياتي ليتكرر تاني

خوف مني ......من اللي حواليا

خوف من الخوف نفسه!

طب قولي انت

اخبار ماضيك ايه؟؟

اثر ف حاضرك؟؟........طب عايشه؟؟

اتعلمت منه..؟؟

خايف من المستقبل ؟؟

طب تعمل ايه عشان تحاول تمحي خوفك وتعيش طبيعي ؟؟

قادر تتحدي؟؟



انا اسف انى طولت عليكم ومستنى ردودكم


من مواضيع : عاشق سراب 14 ماضى ! حاضر ! مستقبل ! -- انت فين ؟
** على رأى كاظم **
08-01-2011, 10:09 AM
نسائم مصر
 
موضوع جميل جدااااااا

هذة اول مشاركة لى هنا ارجو ان تتقبلونى

ادعوكم لزيارة منتدى
من مواضيع : نسائم مصر
09-01-2011, 12:09 AM
عاشق سراب 14
 
نورنى مرورك الجميل
من مواضيع : عاشق سراب 14 ماضى ! حاضر ! مستقبل ! -- انت فين ؟
** على رأى كاظم **
10-01-2011, 05:50 PM
rona93
 
مشكوووووور على الموضوع
تسلم ايدك بجد موضوع مهم اوى
الناس دلوقتى بتخاف من بكره وشايله هم امبارح
من مواضيع : rona93 عن المرأه والرجل .....انيس منصور
 

الكلمات الدلالية (Tags)
ماشى, ماضي, مستقبل, اوت, حاضر, فيو

أدوات الموضوع

الانتقال السريع

المواضيع المتشابهه
الكبار يبحثون مستقبل الصناعة العتيدةإعادة اختراع السيارة خلال 20 عاما
تخيل مستقبل العضو الى بعدك ..؟؟ (لعبة مضحكة)
أولمرت وبيرتس .. مستقبل مظلم لرئيس الوزراء .. ووزير دفاعه

ماضى ! حاضر ! مستقبل ! -- انت فين ؟

الساعة الآن 07:11 AM.