xpredo script

العودة   نيو حب > المنتديات العامة > الأخبار والحوادث
التسجيل

قصيده الابنودى الاخيرة الممنوعة انا المصرى

الأخبار والحوادث

23-09-2006, 02:10 PM
موسى بن الغسان
 
قصيده الابنودى الاخيرة الممنوعة انا المصرى

قصيده الابنودى الاخيرة الممنوعة انا المصرى





>
انا المصرى....كريم العنصر
سليل المخلصين ... المؤمنين



وحامى الامه فى وقت الشدايد


وشقاق السكك للواردين


ودمى ملك ليكم اجمعين


انا المصرى كريم العنصرين


>


انا المصرى كريم العنصرين


فقدت العقل والصوت والايدين وبعد ما كنت نجده وروح ووقفه


مانيش عارف نسيت دا كله فين


مين اللى سلبنى اسمى مين؟؟


انا المصرى كريم العنصرين


>


وكنت اصرخ اطفى النار بصوتى


ويحيى امتى فى الشده ..... موتى


فمين اللى كتب عارى ف جبينى


ومين اللى سرق شعله سكوتى


وانا اللى غنايا صحى العالمين


انا المصرى كريم العنصرين


>


انا متباع ...ماهيش عادتك يا وطنى


عدو..لعدو .. مين ماقبض شتمنى


صبى البقال يتاجر فى الضماير


واحلا عمرى ضاع مستنى زمنى


بقينا بصمتنا الموت متكتفين


انا المصرى كريم العنصرين



كان الوحل..شد الرجل منى


انوح ابكى وانا قاصد اغنى


وواقفين ع الشطوط بايادى سودا


محال هيغرقونى غصب عنى


ولو نصبوا فى قلبى ميت كمين


انا المصرى كريم العنصرين


>


من الهرم للسد .. يدى


بنتها كلها ف لحظه تحدى


وكنت زعيم نبيل ما بين جفارا وتيتو وكاسترو ونهرو وغاندى


ومش محتاج اقول انا كنت مين؟؟


انا المصرى كريم العنصرين


>


وكان يخطب تصيب الدنيا ربكه


ومن لبنان يعود اسطول اميركا


ولينا فى الوجود كلمه ومكانه


واخوة فى الامل ....دمعه وضحكه


ورقابينا الابيه...مرفوعين


انا المصرى كريم العنصرين


>


وجونا اللى رمونا...للمهالك


تقول" لاه:يقولولها وانتى مالك ؟؟


تقول لبنان..احبابنا الاعزه


يقولوا يغوروا ...وتغوروا كذلك


نسيت من همى ابقى ازاى حزين


انا المصرى كريم العنصرين


>


وبعنا كل شىء ينباع ...بدقه


بشفافيه ومن غير اى سرقه


ونظرنا لعلم النهب صرنا


بننهب كل شىء .. لكن برقه


بقينا دكاتره وسط النشالين


انا المصرى كريم العنصرين


>


زمان كان فيه ملك فاحت روايحه


وثوار جيش بروحهم يومها .. ضحوا


وكان لينا شاءن حتى فى الهزيمه


وطن..كان يعجبك جمعه وطرحه


علينا عين..واقى الامه عين


انا المصرى كريم العنصرين


>

وعاد تانى الملك يحكم بلاده..
ومن بعد السنين دى ...زاد فساده


وكنا ساده فوق ارض الكنانه


واصبحنا عبيده .....او عباده


وضاع فى الزحمه مشوار السنين


انا المصرى كريم العنصرين


>


وتانى يا فقير عاد من يخونك


وتتهان فى بلادك عينى عينك


ولا الدين مكتفى من مص دمك


ولا عارف ديونهم من ديونك


وجيت للحق؟؟,,كله سلف ودين


انا المصرى كريم العنصرين


>


وده يسلم لده والعصر فاجر


وتاجر حنت..سلمنا لتاجر


وام الامه مصر الانسانيه


بتتامر..وبتدارى الخناجر


وكنت النجده واستنجد بمين


انا المصرى كريم العنصرين


>


وكنت اصرخ ..وكان الكل يسمع


وامد الايد ..عدو الامه يرجع


وجانى النطع يامرنى ويشخط


وخلانى بقيت فى الحق انطع


انا الى كنت اصحى الغفلانين


انا المصرى كريم العنصرين


>


وكانوا يقولو"مصر"الشمس تطلع


وتعلا رقابنا فوق..وعيوننا تلمع


وكنا نشيل قلوبنا فوق كفوفنا


ويصدرونا نواجه اى مدفع


فمين ساعدنا ع الوضع المهين..؟


انا المصرى كريم العنصرين


>


وازاى النهارده الدم.عومى


مقلقل صحوتى وساكن فى نومى


دمانا بتشتعل فى ارض غزه


ولبنان نارها ماسكه فى هدومى


وانا اللى فى الاسى واقف ما بين


انا المصرى كريم العنصرين


>


ولولا الانظمه العريبه لامت


وفى صفوف العدو حتكون وكانت


ما كان الموت عرف "صيدا" و"بعبدا


ولاكانت قيامه الغدر قامت


ولا قلب العرب بيت حزين


انا المصرى كريم العنصرين


>


وشوف لبنان بترحل من جنوبها


ونوم الليل.. ما بيعرف جنوبها


سطور النمل زاحفه للملاجىء


وريح الخونه ما هدت هبوبها


راحلين فى قلبى مذعورين


انا المصرى كريم العنصرين


>


فيا لبنان انا..م اللى خانوك


يا حزب الله حكامنا باعوك


يا صاحبى..ماعدنا نملك غير هتافنا


هتافنا.مر مالى رقابنا شوك


وعلنى..بنفس الفعل المشين


انا المصرى كريم العنصرين


>


يا نصر الله ده..زمن البياعين


وانت طلعت الامه منين؟؟


تفكرنا بكل اللى نسيناه


اظنه صعب يصحوا الميتين


وخليتنا الجميع متفرجين


انا المصرى كريم العنصرين


>


مازال العدو نفس الخبيث


ابونا مات وسابهو ه لنا وريث


ومهما يلف ويدور ..راح يغور


واسال عندنا بيوت السويس


انا المصرى كريم العنصرين


>


بقت رايتك خلاص رمز لجهادك


بقت رمزالمقاومه فى بلادك


ولبنان كلها بايته فى ضميرك


خلاص صبح الجهاد ماءك وزادك


لغير المسلمين والمسلمين


انا المصرى....كريم العنصرين


>


بلاد الا مريكان احنا وصهاينه


وصمتى ع اللى حاصل...كله معنى


مازال الحلم لم فارق دمايا


على رغم اللى عاشه طعنه .. طعنه


يا لبنان الكرامه ....لا تلين


انا المصرى كريم العنصرين


>


ويا لبنان ما تطفيش نار نضالك


رجالك..حتى لو ماحناش رجالك


بحور الدم ماتغرق حقوقك


ولا تكسر مجاديف احتمالك


حبيبك..بس مش قادر اعين


انا المصرى كريم العنصرين


---------------------------------
http://www.aeamisr.org/modules.php?n...rticle&sid=453


من مواضيع : موسى بن الغسان العراق القديم .. وداعاً
المفاجأة الايرانية وعواقبها
صبي كوري جنوبي ينتحر بسبب فاتورة التليفون المحمول
رايس تهدد البشير شخصيا .. والكونجرس يفرض عقوبات
الوقت الحرج .. إسرائيل تزحف نحو غزة
26-09-2006, 03:39 PM
Ooملكة المنتديoO
 
مشاركة: قصيده الابنودى الاخيرة الممنوعة انا المصرى

الشاعر اشجع من القراء
من مواضيع : Ooملكة المنتديoO
 

الكلمات الدلالية (Tags)
الممنوعة, المصرى, الابنودى, الاخيرة, انا, قصيده

أدوات الموضوع

الانتقال السريع

المواضيع المتشابهه
أكبر مالتى ميديا زملكاوية
الأهلى يرفض عرض من المصرى لضم أكوتى

قصيده الابنودى الاخيرة الممنوعة انا المصرى

الساعة الآن 12:12 AM.