xpredo script

العودة   نيو حب > المنتديات العامة > الحوار المفتوح > جديد فضفضة
التسجيل

السلام عليكم..أنا عايز حل للمشكله دى لو سمحت

جديد فضفضة

02-06-2011, 10:24 AM
mido_cs
 
السلام عليكم أنا عايز حل للمشكله دى لو سمحت

اولا انا مبسوط جدا وانا بعرض مشكلتى عليكم وارجو من حضراتكم الرد وتقوليلى الحل واعمل ايه
ببساطه شديده جدا..انا خاطب من فتره قليله جدا لاتتعدى الشهر..انا بشتغل مهندس ومرتبى طبعا مش اد كده..المهم خطيبتى مهندسه والحمد لله ربنا كرمها بشغل كويس جدا وكنت ف قمه السعاده لما بلغتنى بشغلها الجديد..طيب كل دا جميل جدا المشكله تكمن ف الاتى
حاسس بنقص ناحيتها بسبب ان دايما اعرف ان الفلوس بتغير مع انها كويسه جدا وملتزمه وبتحبنى بس حاسس ف يوم من الايام انها ممكن تتغير معايا ودا اللى تاعبنى ومخلينى مكتئب جدا ومش عارف اعمل ايه..
الشق التانى بقا من المشكله....
ف بدايه تعارفنا كنت بكلمها وكل حاجه وبحاول على اد ما اقدر انى اقرب منها حتى بقينا بنتكلم ف الموبايل فوق 3ساعات يوميا عشان تتعود عليا لدرجه بقيت عامل زى الكتاب المفتوح قدامها مابقتش عارف اتكلم ف ايه معاها ولا اقول ايه وهيا بطبعها قليله الكلام
لدرجه كل ما اجى اقولها بحبك او وحشتينى...تتكسف ومش ترد عليا
بقيت حاسس انى بشحت الكلام منها عشان ترد عليا..علما بانها بتحبنى وارجوكم محدش يقولى السبب انها خجوله..انا عارف انها خجوله جدا وبتتكسف بس لحد امتى لحد امتى
والله ما بقيت عارف اعمل ايه
اجيبها شمال او يمين واحاول معاها تبقى كويسه معايا ف التليفون بمجرد ما اقفل معاها ونتكلم مثلا بعدها بفتره ترجع زى الاول ولما اجى اكلمها واقولها النقطه دى مش عاجبانى وحاولى يبقى فيه تجاوب تقولى هحاول بس برضه مفيش خاااالص اى تجاوب
خلاصه الكلام
حاسس انى شخص غير مرغوب فيه بالنسبالها وانها بتحاول لسه تفهم شخصيتى لحد دلوقتى بعد الفتره دى كلها
ارجوكم عايز الحل...انا ف حيره من امرى ومش عارف اعمل ايه
واسف ع الاطاله
من مواضيع : mido_cs السلام عليكم..أنا عايز حل للمشكله دى لو سمحت
02-06-2011, 10:31 AM
hosam
 
باختصار هى لسه مش مقتنعه بيك وفى نفس الوقت مش رفضاك
من مواضيع : hosam
02-06-2011, 11:28 AM
غادة لبنان
 


يعطيك العافية
الافضل ان تتم بينك وبينها مصارحة عن كل ما يشغل بالك قبل الزوج
والا ستكون هناك مشكلة بعد الزواج
ممكن تكون خجولة ...ولكن عليك الالتقاء بها اكثر
افضل من الهاتف

ينقل الى القسم الانسب
فضفضة
من مواضيع : غادة لبنان
05-06-2011, 08:14 PM
بنوته بسكوته_
 
طالما حسيت ولو لمرا انك شخص زى ما بتقول غير مرغوب فيه بالنسبه ليها
اسالها قولها عوزانى او انا بالنسبالك ايه
لو بتحبك حتقولك انا بحبك وعوزاك مهما كانت بتتكسف
ولو مش عوزاك اكيد حتحس من مضمون كلامها معاك
وربنا يوفقك بجد
من مواضيع : بنوته بسكوته_
07-06-2011, 01:30 AM
elsayedhassan88
 
إنته اللى محير نفسك
حاول تقطع الاتصال بها شوية لغاية هى ما تسأل عليك
وبعدها تكلم معها برزانه وعقل وضع النقط على الحروف فى أى موضوع
ودايما خلى كلامك بسؤال تعطيها الفرصة لتتكلم وتسمع رأيها لأن الظاهر مدة 3ساعات
إنته اللى بتتكلم وهى بتسمع بس ---- تمنياتى بالوفيق
من مواضيع : elsayedhassan88
08-06-2011, 01:10 PM
MALAK_7AZIEN
 
انا من راى اطلق سراح الشئ فان عاد اليك فهو لك وان لم يعد فهو لم يكن لك منذ البداية

اديها فرصة تحس باللى جواك صارحها مرة وانها انك معجب بيها وونفسك تعرف انت ايه بالنسبة ليها

واللى فيه الخير يقدمه ربنا

ارق تحياتى
من مواضيع : MALAK_7AZIEN ذنبى انى خلقت بنت..؟؟؟؟؟
ارجو المساعدة باسرع وقت ممكن
ارجو المساعدة باسرع وقت ممكن
الاحلام الوردية الزائفة ...درس مهم جدا.... (ارجو التثبيت)
15-06-2011, 06:21 PM
neroosrour
 
انا شايفة انك ظالمها هى ممكن تكون حاسة بمشاعر اكتر منك بس ممكن يكون طبعها انها مش بتعرف تبين مشاعرها بالصورة اللى ترضيك
من مواضيع : neroosrour
06-07-2011, 04:35 AM
بسمة امل للحب
 
اقتباس:
المشاركة الأصلية كتبت بواسطة mido_cs
اولا انا مبسوط جدا وانا بعرض مشكلتى عليكم وارجو من حضراتكم الرد وتقوليلى الحل واعمل ايه
ببساطه شديده جدا..انا خاطب من فتره قليله جدا لاتتعدى الشهر..انا بشتغل مهندس ومرتبى طبعا مش اد كده..المهم خطيبتى مهندسه والحمد لله ربنا كرمها بشغل كويس جدا وكنت ف قمه السعاده لما بلغتنى بشغلها الجديد..طيب كل دا جميل جدا المشكله تكمن ف الاتى
حاسس بنقص ناحيتها بسبب ان دايما اعرف ان الفلوس بتغير مع انها كويسه جدا وملتزمه وبتحبنى بس حاسس ف يوم من الايام انها ممكن تتغير معايا ودا اللى تاعبنى ومخلينى مكتئب جدا ومش عارف اعمل ايه..
الشق التانى بقا من المشكله....
ف بدايه تعارفنا كنت بكلمها وكل حاجه وبحاول على اد ما اقدر انى اقرب منها حتى بقينا بنتكلم ف الموبايل فوق 3ساعات يوميا عشان تتعود عليا لدرجه بقيت عامل زى الكتاب المفتوح قدامها مابقتش عارف اتكلم ف ايه معاها ولا اقول ايه وهيا بطبعها قليله الكلام
لدرجه كل ما اجى اقولها بحبك او وحشتينى...تتكسف ومش ترد عليا
بقيت حاسس انى بشحت الكلام منها عشان ترد عليا..علما بانها بتحبنى وارجوكم محدش يقولى السبب انها خجوله..انا عارف انها خجوله جدا وبتتكسف بس لحد امتى لحد امتى
والله ما بقيت عارف اعمل ايه
اجيبها شمال او يمين واحاول معاها تبقى كويسه معايا ف التليفون بمجرد ما اقفل معاها ونتكلم مثلا بعدها بفتره ترجع زى الاول ولما اجى اكلمها واقولها النقطه دى مش عاجبانى وحاولى يبقى فيه تجاوب تقولى هحاول بس برضه مفيش خاااالص اى تجاوب
خلاصه الكلام
حاسس انى شخص غير مرغوب فيه بالنسبالها وانها بتحاول لسه تفهم شخصيتى لحد دلوقتى بعد الفتره دى كلها
ارجوكم عايز الحل...انا ف حيره من امرى ومش عارف اعمل ايه
واسف ع الاطاله
السلام عليكم ورحمة الله وبركاته
اولا يا اخى عمر الفلوس مكانت هيا السعادة فى الحب ومش معنى انها بتشتغل او بتاخد مرتب اكتر منك تبقى دى عقبة فى حبكم
ممكن ربنا يرزقك بشغل احسن من اللى شغال فيها
فكل الحالات بنقول الحمد لله
وبالنسبة لموضوع انها بتتكسف انا عاوزة اسال سؤال انت كنت تعرفها قبل متتخطبو يعنى كان ليك علاقة بيها
علشان لو مكنتش تعرفها يبقى اكيد هيا ملحقتش تتعود عليك واكيد فى بنات كتير بتتكسف وبتبقى خجولة جداا
بس لحد متتعود عليك ان شاء الله دة هيبقى منك انت
تحاول تحسسها انكم واحد وتخلى الخجل من نحيتك يختفى شوية شوية
والشعور بالنقص بيجى لناس كتير قوووى مش انت لوحدك
بس لازم نحس اننا بنحقق اللى بنتمناه او على الاقل بنحاول نحققة دة اكيد هيمحى شعورنا بالنقص
ارجوا اكون افدتك
من مواضيع : بسمة امل للحب
12-07-2011, 05:48 AM
سندريلا الزمالك
 
اقتباس:
المشاركة الأصلية كتبت بواسطة غادة لبنان

يعطيك العافية
الافضل ان تتم بينك وبينها مصارحة عن كل ما يشغل بالك قبل الزوج
والا ستكون هناك مشكلة بعد الزواج
ممكن تكون خجولة ...ولكن عليك الالتقاء بها اكثر
افضل من الهاتف




بالظبط انا كمان رأيى كدة .. هى أصلها خجولة زيادة عن اللزوم ودى طبيعتها يا ميدو لكن مش معنى كدة إنها مش بتحبك !
وبعدين بصراحة العيب فيك إنت لأن إحساسك بالنقص ناحيتها ده هو إل مخليك تظن فيها كدة.
غير أفكارك وواجهها أكيد هتوضحلك الصورة بإذن الله
من مواضيع : سندريلا الزمالك
17-10-2011, 05:22 PM
sarsora
 
لو انت مش مرتاح كده وتعبان فى تعاملكم مع بعض من البداية
فالجواز مش مجرد اتنين لبعض والسلام
ده لازم اهم حاجة الاتفاق
ومن خلال اللى بتقوله فشكلكم مش متفقين
حاجة إيجابية إنك حاولت وكلمتها أكتر من مرة
بس القبول والاتفاق مش بالشحاتة ابدًا

ابعد عنها فترة إدى لنفسك مهلة تفكر تانى
واطلب منها هى كمان تفكر
وإن شاء الله خير

من مواضيع : sarsora
17-10-2011, 06:56 PM
MOHAMED ONLY ONE
 


اولا : صارحها بكل حاجه خايف منها أو بتفكر فيها
ثانياً : صلي صلاة أستخاره واللي من نصيبك هتشوفه

وخلي بالك
الفلوس عمرها ماكانت عقبه ف طريق الحب لو كان اختيارك صح لشخصيتها فاهم
وبرضه الخجل مش صفه وحشه للبنات لاكن بالطريقه دي اللي بتقول عليها مابتقولكش حتى بحبك
يبقى صااااااارحها لإن بصراحه حاسس ان فيه جزء نااااقص ف الموضوع !! ايه هوه الله أعلم
تحياتي


من مواضيع : MOHAMED ONLY ONE
18-10-2011, 06:15 PM
reemly
 
السلام عليكم
اخي انتا عم تحكي انوحاسس انو انتا عم تشحت الكلام, طالما انو انتا عم تحس هيك معناتا هيك وهدا غلط لانو رح تصير مجامله لأرضائك.
تانيا في بعض الاحيان كترة كلمة بحبك بحد داتها قد تفقدها المعني او يمكن ما تتصدق
"كلماتنا في الحب تقتل حبنا & إن الحروف تموت حين تقال"
أخي خليك واتق من نفسك ولا توجد الغير موجود "كالفرق المادي" عندما تفكر فيه كتيرا انت بدلك تجعله موجودا بينك وبينها.
ومتلما نصحك الاخوه الصراحه هي اساس كل شيء.
ربي يسهل امورك اخي.
في حفض الله
من مواضيع : reemly
09-11-2011, 11:06 AM
الاميرة سمسم
 
السلام عليكم اخى الفاضل انت ممكن تسالها هو انتى حسا من نحيتى بئية لو هى بتحبك بجد ومش حتقدر تستغنى عنك حترد عليك
ولو هى مش فارق معاها الموضوع مش حترض بس انا عاوزة اقولك حاجة الحب من طرف واحد مش بيعيش لان بعد الزواج
حتحصل مشاكل ممكن بعد الشر يترتب عليها الانفصال
بس بردة انا عاوزة اقول لك حاجة مادام فضلت معاك المدة دى كلها بجد تبقى بتحبك ومتقدرش تستغنى عنك بس هى اكيد
جواها كلام كتير لكن مكسوفة

والله الموفق بينكم



[IMG]http://t3.*/images?q=tbn:ANd9GcQVUK92zPx8HMfEZCgDf6tD_Aphc_Iss khojbgbLcFvUbF6HnrqLQ[/IMG]

من مواضيع : الاميرة سمسم
 

الكلمات الدلالية (Tags)
للمشكله, من, أنا, السلام, دم, يد, سمحت, عليكم, عليكمأنا, عايش

أدوات الموضوع

الانتقال السريع

المواضيع المتشابهه
حياة مختصره عن سيدنا ابراهيم عليه السلام
السلام عليكم ورحمة الله وبركاته
صور للاثار المتبقيه من الاتبياء وبعض قبورهم وأضرحتهم عليهم السلام

السلام عليكم..أنا عايز حل للمشكله دى لو سمحت

الساعة الآن 12:33 PM.