xpredo script

العودة   منتدى نيو حب > المنتديات العامة > الحوار المفتوح > نكت

تخيل انك رئيس الجمهورية ..

نكت

21-10-2006, 11:50 PM
aahh1410
 
Post تخيل انك رئيس الجمهورية

تعالى نتخيل
يا عم انت حتدفع حاجة من جيبك ؟
الحلم ده على حسابى
غمض عينيك شوية واحلم انك بقيت رئيس البلاد

متقولش ازاى .. مش مهم
زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ومش من اللى بيصلوا الفجر جماعة ... فوافق بوش انك تقعد على ... الكرسى

المهم انك بقيت دلوقتى رئيس البلاد
مين قدك يا عم

حتاكل طعمية مقلية بزيت فرنساوى وربنا حيتوب عليك من طعمية ابو احمد المقلية بزيت العربيات

وحتتعالج من انيميا الفول .. الفول الجديد بقه يا عم من غير سوس

وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل


لا لا العيش ابو شلن ده اللى انت كنت بتجيبه من الفرن وعقبال متوصل بيه البيت يعجن منك ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص
الاوضاع حتتغير خالص ياعم ... دا انت ربنا حيكرمك اخر كرم

طب بص دى ... حتاكل لحمة... متبرقش اوى كدة ... مش عارف يعنى ايه لحمة؟

( همّ حيقولولك )
وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا
آه فاكر ؟
اهى هى دى اللحمة
لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك

وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانته كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بستحموا بصابون اجنبى

وحتشرب السيجارة كلها مرة واحدة .. يعنى مفيش تخميس
وبعدين دى سجاير ستراكى سترايك من بتاعت الست مارى منيب .. جو تانى


بس لما يخدوك علشان تحلف اليمين
ياعم دا غير يمين الطلاق اللى انته مصدره فى كل حدوتة تحكيها

اصحى معايا الله ينجيك
لما تروح تحلف اليمين اوعى تروح بالبدلة بتاعت جوازك .. انته عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهالو من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه

وحياتك يا شيخ متروح بالجزمة بتاعتك ... عشان خاطرى ابقى اشتريلك جوز جزمة من بيع المصنوعات دى رخيصة هناك .... لأن الحدوة اللى انته مركبها فى كعب الجزمة بتعمل صوت .... قلق برضه .. وبعدين ممكن الجهاز يصفر عليك تبقى حكاية .. فاهم

اول يوم بس وبعدين همه بعد كدة حيتصرفولك فى جوزين جزم مستوردين عشان تقابل بيهم اصحابك بتوع الدول التانية

وحتنام على سرير عليه مراتب .. المراتب دى بقه جواها قطن ... ايوة قطن ... والله العظيم قطن .. ايوه تمام زى القطن اللى انته جبته من الاجزخانة للوله حودة ابنك لما الواد شحته ابن ام بيسة لزقه بالطوبة فى نافوخه فتحهاله

وجريت بيه على المستشفى قالولك هات لنا قطن وشاش وميكروكروم وصبغة يود وبلاستر وسرنجة وحقنة تيتانوس وكيس دم واقطع تذكرة بخمسة جنيه من شباك العلاج المجانى .... ايوه هو ده القطن .. فهمت ؟

حتحلم احلام نضيفة على السرير دا يا عم الحاج

افرد طولك ... متخافش رجليك مش حتطلع برة الاوضة .... انته مش فى بيتكم دلوقتى .. افرد افرد ... غمض عينيك كده .. غمض

ايه؟ ... انت نمت ؟ اصحى يا عم ... اصحى ... الباب بيخبط ... الحق .. موظفين الكهربا على الباب ... الحق دول جايين يشيلوا العداد علشان بقالك 3 شهور مدفعتش الفاتورة





من مواضيع : aahh1410 اضحك ’ الستات مبتعرفش تكذب ههههههه ..
غلاسة بنات ورخامة ولاد !!!!
اضحك مع احلي الامثال ....
واحد بليد دخل امتحان عربي ؟؟
تخيل انك رئيس الجمهورية ..
22-10-2006, 09:58 AM
aahh1410
 
مشاركة: تخيل انك رئيس الجمهورية

في ايه يا جماعه محدش حابب يحلم ولا اية

ولا خيفين من الحلم دة

عيد سعيد
من مواضيع : aahh1410 مواطن مصــري مقيم في نيو يورك
غلاسة بنات ورخامة ولاد !!!!
واحد بليد دخل امتحان عربي ؟؟
سؤال وجواب وضحك ..
اضحك مع احلي الامثال ....
26-10-2006, 06:43 PM
موسى بن الغسان
 
مشاركة: تخيل انك رئيس الجمهورية

انا دفعت الفاتوره
من مواضيع : موسى بن الغسان نكت 4
نكت منقوله 2
نكت " 4 "
نكت 2
نكت منقوله 8
27-01-2010, 10:34 AM
رااانو
 
هههههههههههههههههههههههه
حلوة جنان
بس انا مابقدر احلم لأني بنت
ومستحيل ابقى رئيسة
من مواضيع : رااانو
27-01-2010, 01:51 PM
sara_mero
 
هههههههههههههههههه
والله موضوع سكر
انا بقى لو حلمت ابقى رئيس الجمهوريه
من غير طبعا صباعى اللى خارج من الجزمه
هبنى فى الصحراء عمارات وفلل كتييييييير وهخلى كل الشحاتين وولاد الشوارع يسكنوا فيها
غير بقى هقعد رجال الاعمال فى البيت وهشغل بدالهم الرجاله الغلبانه اللى مش لاقيه شغل
يالهوى دنا هعمل حاجات
كفايه كده دلوقتى
ههههههههه
ميرسى ليك موضوع جميل
من مواضيع : sara_mero أدخل ومش هتندم......
حوار بين اتنين.....ادخلوا وشوفوا....جااااااااااااااامد
27-01-2010, 06:02 PM
n ou_nou
 
هههههههههههههههههههه
حلم حلو يسلموا تحياتي
من مواضيع : n ou_nou اسالة وايد مضحكة
hhhhhhhhhhhhhh
من الاذكى الطالب ام الاستاذ ام الاثنين معا ؟
الزوجة المطيعة
اندل من هيك مالقيت
28-01-2010, 04:07 PM
bode el 7abob
 
هههههههههههههه
جامده اوى يا عصام والله
من مواضيع : bode el 7abob
30-01-2010, 02:05 AM
sho\sho
 
هههههههههه
فكرة كتيير حلوة
تسلم الاياادى


اول حلم



هعزى الجزااااااائر

واقولهم
وان تو ثرى فوور

باااااااى باااااااااااااى

من كااااس العالم
من مواضيع : sho\sho هل تعرف الفرق بين البنت الهاىكلاس والبنت البيئة خشوا بسرعة ؟؟؟؟؟؟؟؟ شوفوا
30-01-2010, 05:56 PM
sarsora
 
هههههههههههه
لا خلينا فى الواقع احسن
علشان منحلمش وفى الاخر نقوم على كابوس بيقول مستحيل
بشكرك على موضوع الجميل
اجمل تحياتى...
من مواضيع : sarsora .. لو الرسالة دى وصلتك عالموبايل هتعمل ايه .. ؟؟؟
 

الكلمات الدلالية (Tags)
الجمهورية, انك, بحجم, رئيس

أدوات الموضوع

الانتقال السريع

تخيل انك رئيس الجمهورية ..

الساعة الآن 10:03 AM.