xpredo script

العودة   نيو حب > المنتديات العامة > الحوار المفتوح > جديد فضفضة
التسجيل

إزاي أحب ؟

جديد فضفضة

18-02-2012, 02:07 AM
honey_2005
 
Discc إزاي أحب ؟

بسم الله الرحمن الرحيم


الانسانه اللي أنا بحبها دايماً لما أشوفها بسلم عليها و هي كمان بدأت تسلم على بعد ما كانت مكسوفه مني، و عشان أحاول أقرب منها أكتر جيبتلها هديه في عيد الحب، و أول ماعرفت ان الهديه دي لها فجأة عنيها لمعت و زي مايكون اتملت بالدموع و فجأة ابتسامتها طغت على نظرات عنيها و قالتلي merci وقالتلي ممكن افتحها؟ قولتلها اه طبعاً و بعد ماشافتها أخدت الهديه و قالت للمره التانيه merci ، سؤالي هوه هل هي كده فهمت اني بحبها من غير ماأقولها بحبك بشكل مباشر ولا لأ؟ ، و ايه الخطوات المفروض اعملها بعد كده في المستقبل عشان اثبتلها دايماً اني بحبها؟

أرجو الافادة
من مواضيع : honey_2005 إزاي أحب ؟
18-02-2012, 04:41 AM
hosam
 
تروح تكلمها على طول وش وتقولها انك بتحبها
من مواضيع : hosam
18-02-2012, 02:23 PM
honey_2005
 
Eyelove

اقتباس:
المشاركة الأصلية كتبت بواسطة hosam
تروح تكلمها على طول وش وتقولها انك بتحبها

ما لو كلمة بحبك دي موش تقيله على لساني كنت قولتها، أنا جسمي كان بيترعش و قلبي وانا بديلها الهديه
من مواضيع : honey_2005 إزاي أحب ؟
18-02-2012, 06:41 PM
sarsora
 
الهدية ممكن تحسسها بحبك ليها

اللى عليك تعمله
انك تحاول تظهرلها اهتمامك بيها كمان فى اى موقف
ان حسيت انها أخدت الأمر عادى

تبقه مش حست بيك
وان حسيت انها فرحت

اطمن .. تبقه حست بيك

مش لازم الحب بالكلام
فى حاجات كتير بتعبر عن الحب بدل اللسان


من مواضيع : sarsora
18-02-2012, 07:46 PM
malka
 
حلو جداااااااااا .. على ما أظن طلما وافقت أن تقبل الهديه

تبقى هى أيضا بتحبك

كلمة الحب ليست بالكلام أفعاالك وتصرفااتك ... وأفعالها وتصرفاتها

هما الأثباات على الحب

وهما الدليل على الحب ... يكفى أهتمامك بها ونظراتك لها

أكبر دليل على الحب ... وأحلى من كلمة أحبك

وعلى فكره البناات ليست غبيه

بنظره منك هتفهم كل ما بداخلك

أتمناالك السعااده

ملكه
من مواضيع : malka مساابقة قسم فضفضه
19-02-2012, 01:52 PM
honey_2005
 
انهارده اللي بحبها اتكلمت في التليفون بس عشان تسأل على حاجه في الشغل سؤال روتيني و سلمت عليها و قالتلي الحمد لله بس بمجرد مارديت على سؤالها قالت شكراً و قفلت الخط على طول، و بعد حوالي ساعه كانت عندي في الشغل عشان منتظره أحد أقاربها عندي بس للأسف طول الفترة اللي كانت فيها عندي ماعرفتش أكلمها و مابقيتش عارف برضه أكلمها في ايه و افتح موضوع معاها ازاي، انا محتار اوي موش عارف اعمل ايه لما تكون جمبي، ياريت تساعدوني
من مواضيع : honey_2005 إزاي أحب ؟
20-02-2012, 03:49 PM
honey_2005
 
ليه ماحدش رد على سؤالي ؟؟؟!!!!!

ابعت ليه رساله على الموبايل قولها انك بتحبها
من مواضيع : honey_2005 إزاي أحب ؟
20-02-2012, 07:44 PM
sarsora
 
أحيانا البنت بتكون منتظرة رد فعل معين من الشخص

يعنى لما اتصلت بيك ممكن تكون كانت منتظرة رد معين او حاجة معينة ومش لقيتك قولتها
فقفلت على طول

وانت بتقول كانت قاعدة فى الشغل ومتكلمتش معاها

لا حاول تكلمها فى اى شئ

ان شالله تتكلموا فى السياسة

اهو كلام وخلاص


من مواضيع : sarsora
21-02-2012, 02:44 PM
احمد يحى
 
بص يابرنس الاهتمام بشخص معين
والوقوف بجانبه فى وقت الشده
اكبر دليل على الحب والسؤال عليه دايما
ومعظم البنات لاتبدا بكلمة بحبك
وتحب ان تسمعها منك اولا
........
لازم انت تبدا ومش شرط تقولها من اول مرة بحبك
اسال عليها دايما وحاول تتكلم معاها فى اى حوار
ولازم تكون جريئ وانت بتكلم معاها
وقبل كل ده اتاكد من مشاعرك انت الاول لانه ممكن يكون اعجاب
وبعد كده تصارحها وتقولها بحبك وشوف رد فعلها ايه
ولو ربنا سهل ياريت تتقدملها وتتجوزها
متسيبهاش وتخلع هههههههه بهز ر معاك
ولو اتاكدت من مشاعرك ومشاعرها
اتمسك بيها اوى اوى واوعى تسيبها
ياصحبى الواحد مننا ما بيصدق يلاقى
حد يحبه ويكون مخلص ليه
ولو فيه حاجة قابلتك ابعتلى على الخاص
وان شاء الله اقولك تعمل ايه
وربنا يسعدك يارب دايما ويحققلك امنينتك
من مواضيع : احمد يحى
21-02-2012, 03:15 PM
honey_2005
 
شكراً لــ أحمد يحيى و sarsora على الردود
من مواضيع : honey_2005 إزاي أحب ؟
21-02-2012, 05:01 PM
malka
 
أخى الفااضل موضوعك أسهل منه مفيش

عاايز فقط شوية جراءه

وعلى كلامك وأللى حكيته أن البنت بتحبك

والدليل أنها بتحااول تكلمك وبتحااول تقرب منك وتتواجد فى المكاان التى تتواجد فيه

بس أكيييييييد مينفعشى هى اللى تقولك أنها بتحبك

لازم حضرتك تتجرأ شويه لاااااا شويتين يا أخى

ومش لازم تقولها بحبك

يكفى ان تهتم بهااااا وتحااول تقرب منها

وتحااول تعرفها انك بتحبها

وأعمل خطوه أيجاابيه يا أخى

ربنا ييسر لك الأمر

بالتوفيق

ملكه
من مواضيع : malka مساابقة قسم فضفضه
22-02-2012, 11:05 AM
honey_2005
 
Exclamation

اقتباس:
المشاركة الأصلية كتبت بواسطة malka
أخى الفااضل موضوعك أسهل منه مفيش


عاايز فقط شوية جراءه

وعلى كلامك وأللى حكيته أن البنت بتحبك

والدليل أنها بتحااول تكلمك وبتحااول تقرب منك وتتواجد فى المكاان التى تتواجد فيه

بس أكيييييييد مينفعشى هى اللى تقولك أنها بتحبك

لازم حضرتك تتجرأ شويه لاااااا شويتين يا أخى

ومش لازم تقولها بحبك

يكفى ان تهتم بهااااا وتحااول تقرب منها

وتحااول تعرفها انك بتحبها

وأعمل خطوه أيجاابيه يا أخى

ربنا ييسر لك الأمر

بالتوفيق

ملكه


ايه هي بقى الخطوه الايجابيه ده اللي انا عايز اعرفه
من مواضيع : honey_2005 إزاي أحب ؟
22-02-2012, 04:02 PM
malka
 
الخطوه الإيجاابيه ديه مينفعشى أحنا أللى نقولك عليها

أنت اللى المفروض فى أقرب فرصه

تتقاابل العيون ببعض تحسسها بحبك لها بتصرفااتك وتقربك وأهتماامك بها

وخوفك عليها

وأخيرا بنظراتك ولهفتك عليها

أكيييييييييدهتفهم بعد كل هذا وهذه هى الخطوه الإيجاابيه

لو بعد كل هذا لم تفهمك فقرب منها فى اقرب فرصه

وأتشجع وقولها أنتِ مرتبطه .. أنا عاايز أرتبط بيكى

وأن شااء الله ربنا هيطمن قلبك بالأستجاابه

بالتوفيق

ملكه


من مواضيع : malka مساابقة قسم فضفضه
23-02-2012, 10:54 AM
honey_2005
 
ده انا من دقيقتين بس التليفون رن شكيت تكون هي قلبي قعد يدق زي الدرمز و مابقيتش قادر اقول الووو، بارغم ان التليفون كان من شخص تاني، أعمل ايه بس عشان اتجرأ أكتر من كده ؟ دي حاجات بتحصل جوايا رغم ارادتي
من مواضيع : honey_2005 إزاي أحب ؟
23-02-2012, 09:49 PM
sarsora
 
اقتباس:
المشاركة الأصلية كتبت بواسطة honey_2005
ده انا من دقيقتين بس التليفون رن شكيت تكون هي قلبي قعد يدق زي الدرمز و مابقيتش قادر اقول الووو، بارغم ان التليفون كان من شخص تاني، أعمل ايه بس عشان اتجرأ أكتر من كده ؟ دي حاجات بتحصل جوايا رغم ارادتي
هههههههههههه
لا واقولك كمان
يوم ما ربنا يكرم وتتشجع وتتصل بيها
كل اللى انت ناوى تقوله هتنساه
وهتقفل وانت مقولتش ولا كلمة من اللى انت مجهزه

خلاص
من غير كلام
اعرض عليها تتقدملها
كده على طول
من غير نحنحة وتسبيل

يالله بقه خلينا نقول مبروك

من مواضيع : sarsora
 

الكلمات الدلالية (Tags)
أدب, إزاى

أدوات الموضوع

الانتقال السريع

إزاي أحب ؟

الساعة الآن 09:33 AM.