xpredo script

العودة   نيو حب > المنتديات العامة > الحوار المفتوح > المنتدى الادبى
التسجيل

وانا اللي من تفارقنا وانا ما غمضت لي عين

المنتدى الادبى

01-11-2006, 03:18 PM
صمت الوداع
 
Arrow وانا اللي من تفارقنا وانا ما غمضت لي عين

وانا اللي من تفارقنا وانا ما غمضت لي عين
في وقت من البطا وبليل ضاقت شياطينه
بعد شفت الظلام ينزع من ثياب المسا ثلثين
تحايلتي المنام اللي مثل بيتك تمرينه
وانا اللي من تفارقنا وانا ما غمضت لي عين
غريب كل حلمي مر في رقادي تزورينه
والاغرب كيف احلم الحلم وارجع واحلمه بعدين؟؟
قبل يومين شفتك في المنام وقمت من حينه
ونمت امس ورجع نفس المنام اللي قبل يومين
انا اللي قبل اسافر شلت قلبي من شراينه
تركته في ايدك مثل الامانه واحفظيها زين
ترى حفظ الامانه دين مجبوره تردينه
اجل ما في احد قد قالك ترى حفظ الامانه دين
مرد المقفي بيقفي ويستوفي وتوفينه
بعد ليله,ثلاثه,اربعه,عشره,شهر,ش رين
اذا انتي ما انتي بقد الكلام الي تقولينه
حرام استأمنك حاجه واذا جيت اطلبك تنسين
تخونين وتبين ارضى واحد يرضى تخونينه
انا لا جيت اخونك مع حبيبه ثانيه ترضين؟؟
من اول ما رجعت من السفر ما شفت لك بينه
وانا اللي كنت احسبك قبل ادوس ارض المطار تجين
تكونين انت اول شخص عيني تحتضن عينه
وكنت اتخيلك من زود فرحة رجعتي تبكين
واشوف بدمعتك حكيك واعرفه قبل ما تحكين واجيب احلى من اللي بتحكينه واتركك تحكين

تقولين الوطن نور واقول بنور مضوينه

تقولي لي غديت احلى واقول عيونك الحلوين

كلام نام بشفاهك وخفتي لا تصحينه

ذخرتيه الغرام اللي ينام ويتركك تصحين

تغانمتي غيابي لين رجحتي موازينه

تعلم من ايدك لمس الكفوف وعلمك تجفين

وليتك لاقيه شي فيني ما تلاقينه

ماهو بغرور لكن خابرك مالك امل تلقينه

تغافلتي بغلا والا الحلى ماهوب من زينه

تزينه الصور والا الصحيح ابن الحلال زوين

انا ماني بناقص عنه يوم انك تبدينه

نصيب هو نصيبي لو يسددها من الصوبين

قنوع بمظهري والسم ما يذبح ثعابينه

على قول المثل ماني حلو لكن ماني شين

اذا اهداك الزهر مره فأنا اهديتك بساتينه

واذا ألهاك بفرح ليله فأنا تهت لبكاك سنين

واذا استضعفتك املاكه وشتتك ملاينه

انا حتى فتات الخبزه اقسمها معك نصين

طموحي بس اجي واظفر بشي تستحقينه

تدينته..تسلفته..سرقته.. مو مهم منين

كأني من كثر ما ارضى بكل اللي تمنينه

لو انك تطلبين الله يعنيني بقول آمين

انا ما العب على الحبلين وقت الطيش وسنينه

تبين اللحين يوم اني كبرت العب على الحبلين؟؟

ترى عند البدو بالذات عيب اللي تسوينه

حلاتك لاعشقتيني تعشقيني ليوم الدين

غرام نسكن ضلوعه حشيمه من مجانينه

جفا يجمع معزتنا ولا عشق يذل اثنين

كثار اللي تحدوني وقالولي تحبينه

امانه لاتخليني صغير في عينهم تكفين

لاني كل ما قالوا تخون قلت:مسكينه

عليك الله وامانه علميهم من المسكين؟

انا خايف الا طاح الجمل تكثر سكاكينه

وانا ما عادت ضلوعي تحمل طعنة السكين

مثل ما قالوا: المكتوب واضح من عناوينه

لو ارحل منك للغربه بسافر من ظلامك وين؟؟

كفايه كل حلمي مر في رقادي تزورينه

كفايه من تفارقنا وانا ما غمضت لي عين

قبل يومين شفتك في المنام وقمت من حينه

ونمت امس ورجع نفس المنام اللي قبل يومين
من مواضيع : صمت الوداع احلااام جميله انت فيها
يسألونى هل احببتك جاوبت بالطبع وهل تشكون فى ذلك
الى الشخص الذي احببته ...
من انت ؟ مستحيل ان تكون نفسه الذي سميته بقلبي ملاك
من ج الى حبيبي الغالي س ـ احبك ولكن المسافة بعيدة جدا
 

الكلمات الدلالية (Tags)
ما, مي, من, اللي, تفارقنا, غمضت, عين, وانا

أدوات الموضوع

الانتقال السريع

المواضيع المتشابهه
ويعني لو تفارقنا وبلل دمعك ثيابي...!!!!

وانا اللي من تفارقنا وانا ما غمضت لي عين

الساعة الآن 03:36 PM.