xpredo script

العودة   نيو حب > المنتديات العامة > الحوار المفتوح > المنتدى الادبى > منقولات أدبية
التسجيل

"الحلم عذَّبهم" قصيدة لماهر مهران

منقولات أدبية

20-11-2012, 08:34 PM
sarsora
 
"الحلم عذَّبهم" قصيدة لماهر مهران

"الحلم عذَّبهم"



قصيدة لماهر مهران




الشاعر ماهر مهران






العيال للنور
والحلم فى كتبهم
يلعبوا ع السور
النور لاعبهم
كساهم شتا إهمال
قلاهم
وعذَِّبهم
ع الجمر قلَّبهم
طلعوا العيال موال
بسمة حياة صافية
رجعوا صراخ فى القلب
ع الحلم غرَّبهم!!!


طلعوا من غير فطور

غزال خفيف مشَّاى
يغنوا للحياة غنوة
يعملوا الصوابع ناى
وفجأة غامت الدنيا
وصرخت رؤى من القلب:
القطر علينا جاى
فى الوقت اللى كان فيه
بتاع المزلقان سرحان
بيعد فى الأحزان
وعمَّال بيشرب شاى!!!!


أنا قلت ما تنفعشى

غير إمام جامع
ف سيبنا يا عم
وغور
دا التوب عليك واسع !!!

أعرف أبنى بالريحة

ولا أعرفه بالوشم
دا أملنا الوحيد يا ناس
اتبعتر حتت ع الطرق
وأدينا من كتر المواتم
هانعمل عزا مجمَّع
(فينك يا رؤى)
فينك يا محمود
فينك يا أحمد)
ردت عليا حتة لحم لازقة فى البرسيم
وحتة عايمة فى الترعة
وقلب ع يرتل آية من القرآن
وأيد ع ترتعش وهى مكلبشة فى القلم
وكأنها بالسقيع لسه مضروبة
ف أفرح يا ساكن القصر
يا رافع رايات العروبة
ياللى هاتجيب ضرفها
بطيبة
أو بغباوة
أو بالاتنين
( شنطة أخوك ياد
راحت فين؟!!)


يا منفوخ على الفاضى

وأنت حقيقى مفيش
بتجر البلد ع الحرب
وقِّف شوية يا تيس
دا هبلك فعص الحلم
ودمر الأتوبيس
وأدى جثث عيالنا
لملموها ف كيس !!!!


لطمت حريمنا الخدود

ومشيوا من غير مداس
مزَّع الحزن أكبادهم
وأنت بتعلف الحراس
وتسيبنا للعطش والجوع
وتبكى دم
لو مرة مسوَّا حماس
طب أسمع الصرخة دى
وقولى أيه الشعور
أيه يا عمنا الإحساس:
فينك يا خالد
فينك يا زينب
فينك يا أحمد
ماحدش شاف ولادى يا ناس؟!!!


تبعت لغزة دوا

بأكتر من عشر ملايين
والناس تعفِّن هنا
ما تلاقى نوفالجين
يا مضلم مصر من المغرب
ومنور غزة وفلسطين
مصر هى الوطن
وهى اللى هدت للكون
بعد الضلال الدين
وأنت شكلك عبث
ف فوق قبل ما تشيّلنا الطين!!!!
من مواضيع : sarsora .. شعر عن مصر ..
"الحلم عذَّبهم" قصيدة لماهر مهران
قصيدة .. مشهد رأسى من ميدان التحرير ..
.. قصيدة "..الى تلميذة .." لنزار قبانى ..
قصيدة على إسم مصر
 

أدوات الموضوع

الانتقال السريع

"الحلم عذَّبهم" قصيدة لماهر مهران

الساعة الآن 12:46 PM.