يعنى ايه العربية بتلت | معنى العربيه متلته | بوجيه قاطع

يعنى ايه العربية بتلت | معنى العربيه متلته | بوجيه قاطع | يعنى اية العربية متلتة | الموتور متلت
كل دا كلمات بنسمعها واحنا مش عارفين معينها خصوصا لما نكون مبتدئين فى عالم السيارت

خلينا نجاوب
يعنى اية الموتور "متلت" أو العربية "متلتة" ؟

العربية شغالة (دايره ) ب 3 بوجية بدلا من 4 بويجهات .
بعنى فيه بوجية قاطع (فاصل ) و السياره شغالة على 3 سلندر بس مش 4

خلينا نقسم الموضوع الى جزئين

1. أعراض تتليت السيارة
2. اسباب تتليت السيارة - علاج تتليت السيارة

نبداء باول قسم
إزاي أعرف إذا كانت السيارة مثلثة والا لأ ؟

- رعشه او رجه بعد تشغيل المحرك خصوصا والسياره بارده ممكن تلاحظها فى المراء الجانبيه للسائق او من دواسه البينزين او من الدريكسيون
- تحس ان السيارة عاوزة تبطل منك على المطالع والكبارى وفى التهدئه للمطبات وممكن تبطل منك على السرعات المنخفضة
- ضعف فى السحب تسارع السياره بطى جدا

فحص وتشخيص تتليت السيارة
اولا تحديد العطل
انزع كابلات البوجيهات بالترتيب من اليمن الى الييسار او العكس لاحظ اختلاف صوت المحرك واهتزار السياره بعد عمليه كل خلع وكل ما تخلع كابل وتسمع برجله الماتور او المحرك ركب الكابل تانى (دا سليم)
سوف تلاحظ عدم اختلاف الصوت والاهتزار عند خلع كابل من الاربعة وهو المطلوب (العطل او الخلل هنا)
مس حاتحس بفرق ماهو كدا كدا مش شغال اصلا
انتبه عند خلع الاسلاك حاول تمسكها بفوته جافة علشان ممكن تتكهرب
ثانيا علاج تتليت السيارة
- نبداء بالاسباب البسيطه سلك البوجية مش راكب فى البوجية كويس او فى الموبينة
- تلف البوجية نتيجة استخدامة فترات طويله او الى عيب تصنيع او بوجيه مش اصلى ينصح بتغير طقم بوجيهات كل 20 الف كيلو راجع كتيب السياره .
- وجود زيت على شمعة البوجية ودا بيخلى البوجيه يفصل و العربية "متلتة"
- سلوك البوجيهات نفسها قديمه ومتهالكه او تعبانة ينصح بتغير الاسلاك كل 40 الف كيلوا راجع دليل المالك للسياره
-تلف الموبينه نفسها فيها خط قاطع

ببساطه انزع احدى طرف البوجيهات ولمسه فى جسم السياره وهى تعمل سوف تلاحظ شرز كهربائى يجب ان تلاحظ الشرز فى 4 اسلاك طيب لو طالع من 3 بس جرب كابل سليم مع التالف لو مخرجش شرز العيب فى المبينه