xpredo script

العودة   منتدى نيو حب > المنتديات العامة > الحوار المفتوح

شيء من بعيد بيبان بشر

الحوار المفتوح

26-02-2007, 09:13 PM
abeerr
 
Thumbs down شيء من بعيد بيبان بشر

شيء من بعيد بيبان بشر







شيء من بعيد بيبان بشر



ينفع ماريكا وعبد السلام



وبرضه ينفع ساعات ريهام



وساعات بينفع ليليان كوهين



ويا المعارضة ومع النظام



من ده لدي، ومن دي لده!



ينفع كده وينفع كده!



تشوفه ساجد، تفتكره ماجد،



وهو سوسو فْ لحظة مزاج.



وتقول: حيضرَب، أتاريه بيهرَب،



ويخش تاني فِ حالة انبعاج.



يبان مخيمر، وهو نشوة،



مِرات حسام اللي كان عبير.



على طول بيزأرـ، مع إنه لـ (انثى الاسد)



يا دوب تخنفر تحت السرير.



ينفع فانلة وينفع كولون،



وجزمة ميري أكبر مقاس.



ويليق جونلة أو بنطلون



ضيق مِبين حز اللباس.



ينام يشخر، يقوم مِكشر.



سنين شبابه، عاشها يـ ر (ليس لها مرادف محترم)



ومن تجاربه فِ الأوتوبيسات،



كَوِّن ثقافته عن البنات.



بضهره نسخة من بمبة كشر،



وفْ وشه حاجة من جورج بوش.



ونِفسه يشبه فِ الصورة تاتشـر،



أو حتى هتلر، ما يهمهوش.



وفيه ملامح من الخديوي،



وهو عامل فيها النديم.



شكله النهارده عبده الحامولي.



وبكره يبقى عبد الحليم.



للصبح يسهر. ياكل ويسكر.



عنده المدام بتجيب دولارات.



الشلة تحضر والرغي يكتر.



والليل يحب التشنجات.



أصل الكرنب تأثيره جامد،



بالذات فِ فقع النظريات.



ويبان مِركز، وهو واخد



تعسيلة مِ القرن اللي فات.



أوقات بييدي على عبدوفيسكي.



وفجأة جونسون ينقح عليه.



شوية فودكا وشوية ويسكي.



ما دام بلاش، أوكيه يا بيه.



الصبح مدحت والضهر ميرفت.



وفِ العصاري عامل مجاري.



ولما ييجي المسا بيشحت،



عشان يداري على اللي جاري،



طول ما اللواري بتنقل فياجرا،



لا بد هو تبقاله حصة.



ناضورجي بانجو وحشيش وبودرة.



ويقول: بادون أفكار لقصة.



أيام بعمة وجبة وكاكولا.



وهُبة يقلب محمدوف.



يبان ساعات راعي الطفولة.



كده أو كده، حسب الظروف.



ثوري وحكيمة تسرق يوماتي



مِ القصر أكل العيانين.



تربي ومفكر وكمان آلاتي،



وزعيم بيخطب في الفلاحين.



أبحاث وياما أشعار، دراما،



قصص، أغاني، نازل طبيخ.



مسرح وسيما ونكت قديمة.



وساعات بيلعب أستاذ تاريخ.



إدوه تفرغ جوه الحظيرة.



وفاز بجايزة: صحفي لطيف.



وباني جامع ورا المنيرة.



وبار برخصة فِ شارع شريف.



شحات وباشا ومخبر عتيد.



وبياخدوا رأيه فِ نادي باريس.



شريك في حزب مالوش رصيد.



ضد الحكومة ومع الرئيس.



مرشد سياحي ومرشد بوليس.



وبرضه مرشد في حتة تانية.



كان اشتراكي وبقى رأسمالي.



يا دوب بياخد فِ النطة ثانية.



نوع مِ المربى وماركة سيجار.



بس الشهادة: فارس خطير!



سمسار محبة وتاجر آثار.



لكن شجاعته مالهاش نظير.



في مرة هاجم مسئول كبير.



ما خافش منه وبهدل كرامته.



فرش الملاية لخالة بكير



جار بنت عمة سواق سـيادته.



على كفه ولع حياته شمعة.



"هل من مبارز؟" ضحكوا وسابوه.



شتم موظف فِ درجة سابعة.



وجرِي استخبا لا يمسكوه.



من ده لِدي، ومن دي لِده.



ينفع كده وينفع كده.



تسألني: مين دا؟ ما اعرفش ارد.



شيء من بعيد بيبان بشر.



وباء فظيع داير يعض.



طب كنا فين لما انتشر؟



طب كنا فين لما انتشر؟



بقلم الدكتور أحمد يونس

الدستور 21 فبراير 2007
من مواضيع : abeerr ايهما افضل .. ان تحب ثم تتزوج أو ان تتزوج ثم تحب؟؟
إذا طعنت من الخلف , فاعلم أنك في المقدمة
عبارات بل كلمات تمزق القلب
متى يكون 1+1 = 1 ؟؟؟؟؟؟
ايهما افضل .. ان تحب ثم تتزوج أو ان تتزوج ثم تحب؟؟
28-02-2007, 06:35 PM
abeerr
 
مشاركة: شيء من بعيد بيبان بشر

يسلم مرورك الرائع

[IMG][/IMG]
من مواضيع : abeerr شخصيتك بلون عينيك
أدب الحوار
متى يكون 1+1 = 1 ؟؟؟؟؟؟
العلاج بالفواكه
كيف تجعل موضوعك يهتم ويشارك به الأعظاء قبل المشرفين00
 

الكلمات الدلالية (Tags)
من, بيبان, بشر, بعيد, شيء

أدوات الموضوع

الانتقال السريع

شيء من بعيد بيبان بشر

الساعة الآن 01:25 PM.