xpredo script

العودة   نيو حب > المنتديات العامة > الحوار المفتوح > نكت
التسجيل

صدمات سنة أولى جواز..ده طلع مش بيغسل سنانه بسجنال تو!!!!

نكت

19-03-2007, 02:43 PM
mr.gebo
 
Thumbs up صدمات سنة أولى جواز ده طلع مش بيغسل سنانه بسجنال تو!!!!

ده طلع مش بيغسل سنانه بسجنال تو!



امبارح كنت عند صديقتي الأنتيخ المتجوزة جديد في بيتها، ودار بيننا حوار بنوتاتي طويل. بعد ما أعربنا عن استغرابنا من إننا كبرنا فجأة كده (احنا أصحاب من أيام ثانوي)، وإن أنا مش مستوعبة إن هي متجوزة وعندها بيت، وإن أنا مخطوبة والمفروض هابقى زيها بعد فترة إن شاء الله، قلت لها.. مبسوطة؟
- الحمد لله.. عقبالك يا جميل..
تصدقي الواحد مرعوب من اللي بيتقال عن الجواز.. إن أصعب فترة في الجواز هي أوله والكلام ده.. ويكون الطرفين واخدين بعض عن حب وتلاقيهم ماقدروش يكملوا في الجواز..
- بصي هو الموضوع ده نسبي.. بس عشان ترتاحي.. ماتتوقعيش كتير.. مش كل حاجة هتكون بمبي قوي زي ما إنت متخيلة..
حتى لو كنا عارفين بعض كويس قبل الجواز؟
- أيوه يا بنتي.. طب ما أنا وجوزي أهو.. إنتي عارفة احنا قد إيه متعلقين ببعض وبنحب بعض.. بس فيه حاجات ماعرفناهاش عن بعض غير بعد الجواز..
مش فاكرة بعد كده الحوار ودانا لفين، بس لقيت نفسي مشغولة بالهاجس ده.. يا ترى مخبي لي إيه يا بكرة؟ وهل ممكن في يوم من الأيام الحب يخلص؟ ويتبدل بالأعباء والمسئوليات والماديات؟ وامتى الموضوع ده يحصل؟
من حب رومانسي لنكد وقرف


التحول من الحب الرومانسي المجنون المندفع، لعلاقة رتيبة ومملة ولسؤال "هو أنا إيه اللي خلاني أحبَك أو أحبِك من أصله؟" ممكن يبدأ من أول الدخول في الجد.. يعني من أول ما يقول لك "بابا هيكون موجود في البيت يوم الخميس؟" أو "أتمنى إنك تشاركيني حياتي"..
طب ليه؟

خلينا نتخيل الحوار ده:

سها بتتطبخ، وأحمد جوزها قاعد قدام التليفزيون:
سها: أحمد.. مش هاتيجي تعمل السلطة؟
أحمد: بس كده.. أنا جاي حالا يا حبيبتي
يدخل أحمد ويبص على البوتاجاز.. طابخة لنا إيه النهاردة يا حياتي؟
سها: صينية بطاطس
أحمد: ومال لونها مخطوف كده ليه؟ هي مش بصلصة؟
سها: احنا متعودين نعملها كده في بيت ماما.. بصلصلة ازاي يعني؟
أحمد (بإحباط): طب فين خضار السلطة؟
سها: البصل والخيـ..
أحمد: إنت بتعملي السلطة بالبصل؟ ماما عمرها ما عملت كده!
اللي بيحصل في الفترة دي هو الانتقال من مرحلة الصفات.. جميلة وأمورة وطيبة ومؤدبة..(أو أمور وطيب وابن حلال) لمرحلة التنفيذ.. تنفيذ المهام المعينة المطلوبة من كل واحد على حسب جنسه وعلى حسب طريقة تربيته وتوقعاته مش بس في الأكل زي الحوار اللي فات..
مثلا..
ممكن العريس يتوقع من عروسته إنها تقوم بكل المهام المنزلية من طبخ ومسح وكنس.. تروح السوق وتغسل الهدوم وتحضر أعياد الميلاد وتحفظ المجاملات.. وتشتري الطلبات اليومية في البيت. وبعد كل التوقعات الأساسية دي، ممكن كمان يتوقع إنها تحضر له فطار مخصوص يوم الجمعة مع الجرنان في السرير، وبعدين تنزل تتريض معاه في النادي شوية. يمكن يكون ده فعلا أسلوب الحياة اللي هو متعود عليه، وشاف أهله بيعملوه وإن هي دي الحاجة "الصح" اللي "المفروض" تحصل.
مش الرجل بس هو اللي بيكون حاطط توقعات للست اللي هيتجوزها، الست كمان بتكون حاطة قائمة توقعاتها.. يعني مثلا إن جوزها ياخد باله من كل المهام الرجولية (هع!).. زي مثلا تصليح العربية ودفع الفواتير.. الإيجار والميه والغاز والتليفون.. برضه ده لا يمنع من تصليح أي حاجة صغيرة بايظة في البيت.. فيشة يركب لها سلك.. بلاعة مسدودة يسلكها.. بالإضافة لأنها تحب إنه يساعدها في المطبخ أو في الغسيل مثلا.. التوقعات دي برضه ممكن تدل على النشأة.. ممكن يكون يوم الجمعة أو الإجازة بالنسبة لها مختلف.. زي تقضيته في بيت العيلة مثلا..
ولأن الاتنين المرتبطين ببعض نادر لما بيتكلموا في توقعات دقيقة زي كده، الواقع اللي هيحصل بعد كده نتيجة للاختلافات دي ممكن يكون محبط جدا.
والحل: اتكلموا عن حياتكم مع بعض في المستقبل إن شاء الله.. وبلاش قايمة التوقعات الطوييييلة دي!
خلي أفقكم واسع، ورحبوا بالاختلافات بدل ما تهاجموها.
أهلَك أو أهلِك


الوصول لتسوية للاختلافات بتاعة سنة أولى جواز برضه لازم ييجي من تصور واضح ومحدد عن الفرق بين العلاقة مع الأهل، والجواز. وخلونا نشوف الفرق بين المشهدين دول..
الأم: أكلت وغسلت رجلك يا حبيبي؟
الابن/ الابنه:أيوه يا ماما
تتحرك الأم ناحية السرير، وتغطي وتطبطب على ابنها لحد ما ينام
الأم: هووووه.. اللي ينام أدبحله جوز الحمام... هوووه
الابن/ الابنة: خخخخخ!
الزوجة: هتنام؟
الزوج: أيوه مش جاية؟
الزوجة: ورايا حاجات في المطبخ هاخلصها، تصبح إنت على خير
مش معنى إن مراتك (أو جوزك) مفضلش قاعد جنب سريرك قبل ما تنام، وإنه مش بيحكيلك حدوتة، إنه بيحبك أقل. لأ.. ده معناه اختلاف في شكل العلاقة.. علاقة الجواز غير العلاقة الأبوية خالص.. الواحد مش بيتجوز عشان يلاقي حد يخدمه (زي ما الولاد بيقولوا).. الواحد بيتجوز عشان ينمو نفسيا وعاطفيا ويكبر مع حد هو بيحبه. اوعى كمان تعتبر إن الجواز مكافأة على حاجة إنت عملتها وإنها الحاجة الحلوة اللي هتظبط كل الدنيا، وتستنى الطرف التاني يبادر بإسعادك.. لأنك لو عملت كده العلاقة الجميلة اللي بينكم هتفتر بالتدريج ويوم ما تقرر تبادر بإسعاد شريكك، لا هتلاقيه ولا هتلاقي نفسك!
كل شيء انكشفن وبان!

في سنة أولى جواز، العرايس الجداد من المتوقع إنهم يصابوا بنوع من أنواع الاكتئاب.. عارفة إن الكلام ده قد يبدو غير منطقي لأن الناس مفهومها إن شهر العسل وسنين الجواز الأولى بتكون أحلى ما فيه. والحقيقة غير كده.. لأنك في الفترة دي بتشوف حاجات وبتتحط في مواقف عمرك ما اتحطيت فيها قبل كده مع الشخص ده..ومش كل الحاجات تعجبك:
منال مثلا كانت بتتكلم على اليوم اللي لاحظت فيه إن عريسها عنده كرش فبتقول:


كنا قاعدين بنتفرج على التليفزيون وكان قايم داخل يجيب إزازة ميه من التلاجة. وقبل ما يروح كان واقف بجنبه واتمطع جامد.. فشفت كرشه الكبير.. بصراحة اتصدمت.. حسيت إني عاوزة أعيط أو إني اتضحك عليا!.. دخلت الحمام وقفلت على نفسي وماخرجتش غير بعد ساعة وكلي اكتئاب..
ولما منال فكرت في سبب اكتئابها الفظيع ده.. اكتشف إن ده ليه علاقة بوالدها:
"بابا كان كرشه كبير جدا.. وكان كسلان جدا وعمره ما كان بيساعد ماما في حاجة حتى لو طلبت منه ده.. وأنا كنت متعلقة بماما جدا وكانت بتصعب عليا وهي بتشتغل في البيت لوحدها وهو نايم قدام التليفزيون"
والنصيحة هنا: قبل ما تحبط لما تشوف حاجة ماتعجبكش لأول مرة، فكر في سبب رد فعلك العنيف قوي ده.. هل عشان هي حاجة تزعل ولا عشان مربوطة بحاجة في الماضي؟ وفكر كمان في حجم مشاعرك ناحيتها.. هل تستحق كل الغضب ده؟ ولا إنت مهول الموضوع؟
ده بالنسبة للصفات المش كويسة اللي ممكن نكتشفها، بس حتى الصفات الجميلة اللي حبيناها في الطرف الأول ممكن تكرهنا فيه.. هتسألوني ازاي؟ طب بصوا على الأمثلة دي
لو حبيتها عشان منطلقة وبتعرف تعبر عن نفسها ببلاغة..
تتحول إلى: عاقلة زيادة عن اللزوم
لو حبيتيه عشان هادي ومش بيتكلم كتير غير في الجون
تتحول إلى: أنا حاسة بالوحدة ومش لاقية حد أتكلم معاه
لو حبيتها عشان هي على طبيعتها وشجاعتها وجموحها
تتحول إلى: هي مش بتتهد أبدا! أنا حاسس إنها صدعتني!
الحل:
أهم شيء في التعامل مع الاكتشافات من النوع ده، إنك تبعد عن الجمل من نوعية "مش هي دي الإنسانة اللي أنا أرتبط بيها" أو "مش هو ده حبيبي بتاع زمان"..
الحقيقة إن
• مفيش إنسان كامل
• وإن مفيش حد فيكم اتغير
• والشخص اللي إنت ارتبط بيه ماكانش بيمثل عليك ومخبي حقيقته عنك طول فترة معرفتكم.. ولا حاجة..
الفكرة إن لما طبيعة العلاقة بتاعتكم تعمقت شوية، ومساحتها كبرت، اتعرضتم لكمية من المعلومات ماكنتوش تعرفوها قبل كده بحكم العشرة.. والحل الوحيد للتعامل مع الموضوع ده هو عن طريق التفاهم.. وتقليص القائمة الطويلة العريضة بتاعة توقعات كل واحد منكم.. والأفضل لو قعدتم مع بعض واتكلمتم فيها وناقشتوها.. وكتبتوها مع بعض.. وعموما المشاكل اللي من النوع ده – أو من أي نوع بصراحة- عمرها ما بتتحل غير بالكلام.. يعني لو فيه أي حاجة مضايقاك أو شاغلة بالك، اتكلم عنها مع الطرف التاني وعبر عنها بهدوء وحب.. واوعى تشيل في نفسك..

دلوقت بقى.. عاوزين نسألكم إنتم..
سواء كنتم متجوزين أو خاطبين أو على وش خطوبة..
اكتشفتم إيه في الطرف التاني ماكنتوش شايفينه؟ وإيه كان رد فعلكم؟
مع تحياتى للجميع
....................mr.gebo.....................
من مواضيع : mr.gebo احلى ميكانيكي
إحترســـــــوا مــــــن هــــــــــذا الطـفــــــــــــل
اجمد نكت مصرية, جامدة جدا
النكت **اضحك لدنيا تضحك لك**
كيف تصبحين بنت دلوعة؟؟؟؟؟
20-03-2007, 10:37 PM
abeerr
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

هههههههههه
تسلم ايدك حقيقي رائع
من مواضيع : abeerr زكاء الصعايده الي هما برده احسن ناس ههههههههه
ابو جهل و ابو لهب على الشات
سررررررررررعة البديهه عند النساء
تعال وشف طفــلــك في المستقبــــــــل...
رسالة غرامية من مدرس رياضة لمحبوبته
22-03-2007, 06:58 PM
lovely_girl
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

ههههههههههههههههههههههههه هه
شكرا ليك
من مواضيع : lovely_girl مدرسة المستقبل
نكتx نكت
مسطول بيجوب على الامتحان
نكت 2 ( :
في واحـد كان يمشـي في الشـارع فجـأه جلـس وسط الشارع
22-03-2007, 07:01 PM
hosam
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

هههههههههههههههههههههه
ايه الجمال ده
من مواضيع : hosam فوائد المراه النكدية
نكت بايخة
3- سلسلة نكت الاغبياء - العروسة
300 جنيه
ارفع ضغط عسكري المرور وبرضو ما تخدش مخالفه
23-03-2007, 12:15 AM
mr.gebo
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

thanksssssssss
ميرسى وتحياتى للجميع
من مواضيع : mr.gebo كيف تصبحين بنت دلوعة؟؟؟؟؟
قاموس لغه البنات.الكلمه ومرادفها.اليوم ال6 في الحرب العالميه التالته. للولاد والبنات
اجمد نكت مصرية, جامدة جدا
النكت **اضحك لدنيا تضحك لك**
احلى ميكانيكي
23-03-2007, 12:44 PM
ام محمد2008
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

ههههههههههههههههههههههههه هه
شكرا ليك
من مواضيع : ام محمد2008 واحد راح يخطب وحده ...
أضحك و فرفش
مجموعة نكت جديدة ، اضحك يا عم شو عليك !
لماذا تقول الخراف امبا امبا ، شوف واضحك على راحتك !
نكت مش 2006 لأ هذه نكت 2060 .. اضحك وزغزغ قلبك
23-03-2007, 01:43 PM
اصحاب ولا بيزنس
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

هههههههههههههههههه
جميله مووووووووووووووت
من مواضيع : اصحاب ولا بيزنس نكت خاصه لي الاعضاء جميله مووووووووووووووووووووووت
نكت خاصه لي الاعضاء
نكت زوجيه جامده مووووووووووووووووت
كيف يضحك المصريون؟!
بدون عنوان
27-03-2007, 01:11 AM
tifa_ok
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

ههههههههههههههههههههههههه هههههه
رائعه
من مواضيع : tifa_ok
03-04-2007, 06:30 PM
HON
 
مشاركة: صدمات سنة أولى جواز ده طلع مش بيغسل سنانه بسجنال تو!!!!

ههههههههههههه
شكرا
من مواضيع : HON ***@{ مكالمه بين بوش وواحد محشش}@***
اجمل واجمد النكت ..... جديدة اوووووووى
شوية نكت عجب. ادخل وشوف
06-08-2008, 11:59 PM
المتميز2000
 
thanks
من مواضيع : المتميز2000
 

الكلمات الدلالية (Tags)
لص, مولد, بيغسل, بسجنال, بن, جوازده, صدمات, سنانه, صوت, طلع

أدوات الموضوع

الانتقال السريع

صدمات سنة أولى جواز..ده طلع مش بيغسل سنانه بسجنال تو!!!!

الساعة الآن 11:44 PM.