xpredo script

العودة   نيو حب > المنتديات العامة > الحوار المفتوح
التسجيل

لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي الجنسين

الحوار المفتوح

18-05-2007, 02:19 AM
اصحاب ولا بيزنس
 
لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي الجنسين



شارع إيست هامبشير - ولاية وست فريجينيا - أمريكا

تجلس الأم "ناتالي" مع أبنائها "فاندر" و"ورتنبرج" و"إيفتي" في حديقة منزلهم.. تشرب كوباً من شاي "العروسة".. ثم تتأمل أحفادها الذين يلعبون في ركن الحديقة "السبع طوبات" -أيوه عندهم شاي العروسة وبيلعبوا السبع طوبات!-.. تتنحنح ثم تقول وهي تشد نفساً من الشيشة التفاح:

"كح كح.. أولادي الأعزاء.. جمعتكم النهارده عشان أقولكم على قرار أنا خدته.. بعد ما أبوكم "ديفيد" ساب الدنيا وريحنا.. أنا ربيتكم وعلمتكم وكبرتكم.. بقى كل واحد فيكم دلوقت عنده فيلا وعربية وبيشتغل في أكبر المناصب.. وبيطلع رحلات سفاري كمان.. بيتهيألي دلوقت إني بعد ما بقى عندي 55 سنة من حقي إني أعيش حياتي.. وأنا قررت أتجوز عمكم "إدوارد" جارنا.. وهو هييجي بكره ومعاه والدته الست "مارجريت" السكرة عشان يخطبني.. إيه رأيكم؟"

ينظر الأشقاء الثلاثة إلى بعضهم البعض ثم تقف الأخت الصغرى "إيفتي" وتمد يدها ناحية فمها قبل أن تطلق زغرودة لا تقدر عليها ستات السيدة زينب الجدعان:
"لولولويييييييييييييييي ... ألف مبروك يا "ناتالي".. والله زين ما اخترتِ.. ده حتى أونكل "إدوارد" جدع وسكرة.. والفرح امتى إن شاء الله؟"

تقول لها الأم وهي تتلقى التهاني من "فاندر" و "روتنبرج":
"يادوب كده على بال ما يخلص تشطيب الشقة الجديدة.. انتِ عارفة بقى الصنايعية وشغلهم.. ده بيقول لي إن السباك طالب 20 دولار في الساعة.. شفتي الاستغلال!"

ترد عليها "إيفتي" وهي تحضتنها:
"خلاص يا عسل.. فستان الفرح على حسابي.. هو أنا أطول لما أمشي في فرحك"!




شارع العريش- الهرم- الجيزة- مصر

تجلس الأم "فوزية" مع أبنائها "أحمد" و"سيد" و"منى" في بلكونة منزلهم.. تشرب كوباية الكركدية -المخفضة للضغط-.. ثم تتأمل أحفادها الذين يلعبون في الصالة وقد انتهوا من تكسير التليفزيون والكاسيت متجهين نحو الفازات والمرايات ليكملوا المهمة المقدسة... تتنحنح ثم تقول وهي تتأمل الشارع المزدحم بالأسفل:

"كح كح.. أولادي الأعزاء.. جمعتكم النهارده عشان أقولكم على حاجة عاوزة آخد رأيكم فيها.. بعد ما أبوكم "متولي" ما مات في وردية المصنع وماحدش صرف له تعويض.. أنا ربيتكم وعلمتكم وكبرتكم.. وبقى كل واحد فيكم ما شاء الله دلوقت عنده شقة إيجار جديد وعجلة وبيشتغل في أكبر المدارس الخاصة.. وبيطلع يصيف في جمصة ورأس البر كمان.. يعني ..بأقول يعني.. أنا تعبت وعاوزة ارتاح الكام سنة اللي باقيين لي في الدنيا.. وعمكم "أنور" جارنا اللي جنبنا.. أهو برضه من سني.. ومراته ماتت من كام سنة.. يعني.. حابب إننا نونس بعض.. و.. و.. و.. نتـ...نتجوز يعني.. إحم.. مابتشربوش كركديه ليه؟!"

ينظر الأشقاء الثلاثة إلى بعضهم البعض ثم يقف الأخ الأكبر "أحمد" منفعلا ناظرا لأمه نظرة لم ينظرها "التوربيني" لضحاياه.. ثم يدخل على الصالة وينادي أولاده بأسمائهم المحببة "يالا ياحمار منك له!"..

وقبل أن يخرج من باب الشقة ويرزعه خلفه يقول لأمه:
"أنا مش مستعد حد ييجي يقول لي عيب اللي أمك بتعمله ده.. حافظي علينا لو سمحتي"

ويقوم الابن الأوسط ثم يقف مستندا على سور البلكونة قائلا:
"والله يا ماما مش عارف أقول لك إيه؟.. بس الناس هتقول علينا إيه؟.. وبعدين إنتِ ناقصك حاجة يعني! ويا ستي أديني ساكن في العمارة اللي جنبك أهه ولو احتجتِ أي حاجة رني لي بس وهتلاقيني عندك على طول".

بينما تقوم "منى" وتجلس على طرف كرسي والدتها وهي تربت عليها قائلة:
"وبعدين يا ست الكل.. وفري الفلوس اللي هتدفعيها في الجوازة الغريبة دي.. واطلعي حجي.. مش حجيتِ مرة واحدة بس.. حجي كمان.. ده حتى جارتنا "أم سوسن" طالعة تحج السنة دي.. وبعدين أنت نسيت إن "أدهم" زميلي في الشغل هييجي يتقدم لي.. طب أقول له إيه يعني.. استنى لغاية لما ماما تتجوز؟"

يرن الجرس فيفتح أحد الأحفاد الباب قبل أن يأتي لجدته قائلا لها:
"تيته.. تيته.. فيه واحد بره اسمه "أنور" عاوز حضرتك.. وبيقول لي أقول له يا "جدو".. هو مين ده يا تيته؟!"






شفت الفرق؟
رغم إن لا الدين ولا القانون ولا الشرع بيمنعوا أي حد من إنه يتجوز حتى ولو كان عمره 100 سنة
إلا أن الموضوع ده عندنا في مصر مالوش علاقة بكده خالص..

"مع إننا دايما بنقول على نفسنا إننا شعب متدين.. اشمعنى في دي يعني!"

تلاقي الواحد من دول يتكهرب لو عرف مثلا أن أما من الأمهات اللي زوجها توفى أو اتطلقت مثلا اتجوزت في سن متقدمة.. 45.. 55.. ولا 65 حتى..

هتسمع كلام غريب عن إن ده عيب ومايصحش ..
والمفروض تعمل لآخرتها مش لدنيتها وإن وإن وإن..

وكأنها بمجرد وصولها للسن الكبيرة دي المفروض تمسك قلبها وترميه من الشباك..
عشان ماتحسش بمشاعر الحب..



ولا بلاش حب..
عشان حتى تلغي من قلبها أي مشاعر مرتبطة بالشعور بالأمان والاطمئنان والراحة والدفء والصحبة والونس.. ودي أصلا أكتر حاجة بيدور عليها الناس الكبار في السن ده..

وكأن مهمة الأم في بلدنا –لو زوجها توفى أو أصبحت مطلقة- هي إنها تربي العيال وبس..
أي حاجة تانية.. لأ.. عيب ومايصحش..

تفتكر السبب في ده إيه؟
ولو في يوم يعني اتعرضت لموقف زي ده

"إنت راجل / سيدة.. كبير/ كبيرة.. وأصبح عندك أولاد.. وجت والدتك بعد ما بقى عندها مثلا خمسين سنة وبعد ما توفي والدك -الشر بره وبعيد يعني- وقالت لك إنها عاوزة تتجوز..

هتوافق ساعتها وهتمشي في فرحها؟
ولاّ...
من مواضيع : اصحاب ولا بيزنس هل مازل الشاب الضخم مفتول العضلات هو فتي احلام الفتيات؟
حقيقه وسراب
النجاح والفشل شتان
ماضي الفتاه مهم اليك
ماساه شعب بي اكمله؟؟؟؟؟؟؟؟؟؟
18-05-2007, 01:12 PM
صور جميلة
 
مشاركة: لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي ال

انا عن نفسى عمرى ما حقبل حد يبقة مكان والدى فى اى حال من الاحوال
لان الاب عمرى ما بتعوض
من مواضيع : صور جميلة دمـــــــــوع واحـزان ........
انا احبك بجنون
اعرف شخصيتك من حروف إسمك
أنت تكتب... إذا أنت موجود .. وأنت عضو مبدع .. رغم قلة الردود
قوانين موقع (حب جديد) أرجو التثبيت للفادة من (عـــــــمـــــــــرو الــــــروش)
19-05-2007, 04:14 PM
اصحاب ولا بيزنس
 
مشاركة: لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي ال

اخي رد اكثر منر ائع تقبل خالص تحياتي
من مواضيع : اصحاب ولا بيزنس هل تهمك سمعتك بي المنتدي
نصائح لي البنات والشباب
الزواج
سوال غريب كما عودت المنتدي ؟
رايك ايه؟
19-05-2007, 09:01 PM
الوردة اللامعة
 
مشاركة: لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي ال

شكرا كتير
من مواضيع : الوردة اللامعة اسئلة جريئة بحاجة الى اجابات جريئة جدا............ارجو من الكل المشاركة
هل هـذا صحيح ( عبر عن شعورك ورئيك ) يهمني
الفتاه المغتصبه........هل ترضي بها زوجه؟؟؟؟؟؟
علامات --- الساعة --- قد اقتربت --- جدا .... جدا....
أيهما أنظف
06-06-2007, 09:10 PM
اصحاب ولا بيزنس
 
مشاركة: لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي ال

مع اني مش عارف ردك ايه
بس تقبلي تحياتي علي المرور
من مواضيع : اصحاب ولا بيزنس شبكه لايجار
Match Maker
مش عارف بتحبها ولا
في قلب كل انسان؟ هل تمتلك الاجابه
ماذا لو قالت لك احد اقرابك انها تحبك؟
23-08-2008, 12:48 AM
منال حسن محمد
 
لو والدتك جايلها عريس دة شرع ربنا منقدرش نقول لا بس هيا لازم لوحدها تقدر وانها تعيش لاولادها وبس لكن لو هيا موافقة يبقي مينفعش نقول لا "لا تحرمو ما احل الله"
من مواضيع : منال حسن محمد
23-08-2008, 04:17 AM
super_H
 
هوااااافق
مش علشان انا عايزه ده
علشان مش من حقى
لا دينا ولا شرعا
انى اعترض
وحرااام انى احرم انسانه من حقها
لمجرد تقاليـــد وعادات
منافيه للشريعه وغير صحيحه
ودى
عقده اسمها
{ كلام الناس}

كل انسان من حقه يعيش حياته ومحدش يتدخل فى ده

اذ كان ربنا سمح ان الام او الاب يتزوج
هل انا يا حتــــه بتاعه
هعترض

؟؟؟؟؟؟

طرحك مميز وتسلم على الموضوع
جزاك الله خيرا
من مواضيع : super_H ماذا تفعل حينما تشعر بالغضب الشديد
لأى استفسار عن المسابقه بين الشباب والبنات
نظريات الست ام احمد :::::::::::؟
ما هى افضل طريقه هتربى بيها اولادك
لو انت حاسس انك مريض نفسى ادخل هنا وجاوب هتشعر بارتياح
 

الكلمات الدلالية (Tags)
ممتك, مي, أيها, من, منك, الجنسين, اتقدم, ايه؟السوال, انها, بعد, يتعلم, عريس, في, وميك, وفاه, طلبة

أدوات الموضوع

الانتقال السريع

لو ممتك طلبت منك انها في عريس اتقدم ليها بعد وفاه ولدك حتعمل ايه؟السوال لي الجنسين

الساعة الآن 02:34 PM.