xpredo script

العودة   نيو حب > المنتديات العامة > الحوار المفتوح > المنتدى الادبى > منقولات أدبية
التسجيل

يا أجمل قلب

منقولات أدبية

05-06-2007, 05:41 AM
google
 
كاتب يا أجمل قلب

يا أجمل قلب




يومك ورد

وشمس بتضحك

جوة عيونك

ترسم أجمل ضحكة

تنور فوق الخد

وفرحة جميلة أحلى م الشهد

وبسمة صيف ....

وبشاشة ضيف

أهلا بيكي يا صاحبة كلمة

رقيقة وحالمة.

أصل الشعر ...

.دا أجمل وعد

يا وش السعد

ياهمسة حب جميلة

بتروي زهور الود

يا قلب يعيش الكلمة بشوق

داب في جمالها بفن وذوق

قالوا زمان في المثل الحي

إن اللفظ سعادة وبهجة

وان البسمة إللي احنا نشوفها تنور وش

واللا الدمعة ف عين نعسانة

نجوم بتلالي بكل الحزن.

هيا حقيقي دي نبضة قلب.

شوفتي أزاي أنا بقا مجنون؟

حكتب شعر في كل رسالة

وحدوش مخك بالأشعار؟

والا تحبي جنون الكلمة

وموجه العالي؟

يفيض أنهار؟

أصل الشعر دا بحر مشاعر

هو النار بتطهر ذنبي

هو الروح اللي بتحييني

هو الطيف لحبيبة

جميلة بحلم تيجي وتفضل جنبي

هو الأمل اللي أنا بتمنى

هو العالم جوا ضميري

لما بعيشه في أجمل جنة

شوفتي الشعر بيعمل إيه؟

يخلق عالم كل سلام

يمكن هو الدنيا حقيقي

مش دنيتنا

اللي بتدبحنا بقسوة يوماتي

يمكن هو الشعر حارسنا

من دي الغولة اللي بتحبسنا

عشان تكوينا وبتعشينا الهم ليلاتي

شفتي إزاي أنا بقا مجنون؟

لكن قلبي حقيقي حنون

يمكن هي الدنيا غريبة مفهمتوش

عايش كدة بين ورقي وقلمي

بكتب همسة وبرسم بسمة

وبعشق كل فنون الكلمة

لكن جوا ضميري الحب

دا منحة ربي لكل الناس.

يومك ورد وليلك أنس

وعمرك شجرة بتطرح فرح.

يا أجمل قلب ما بين الناس.

drawGradient()


من مواضيع : google الثريا
الله اكبر كيف خالكنا
حبي الاول ..
&& قـصيدة هـــزت الخليـج بـروعتها &&
امثال كمبيوتريه
 

الكلمات الدلالية (Tags)
أجمل, يا, قمة

أدوات الموضوع

الانتقال السريع

يا أجمل قلب

الساعة الآن 12:18 AM.