xpredo script

العودة   نيو حب > المنتديات العامة > الحوار المفتوح > المنتدى الادبى > منقولات أدبية
التسجيل

رحلة في (( عيون الجميلات))

منقولات أدبية

20-09-2007, 05:04 AM
هبة الله
 
رحلة في عيون الجميلات

سافرت لعيونـك برغـم المسافـات
ماهمني جرحـي ولا اللـي اعانـي
عديـت بـك مـره ومـره ومـرات
واقسمت في نفسـي ولـو مامدانـي
لا اوصل لا عماقك واجيك انت بالذات
واستعمـرك مـن خافقـك لمكانـي
وانثـر احاسيسـك بكـل اتجاهـات
وارسم حدود السالفـه فـي كيانـي
وابنـي لا احلامـي دروبٍ طويـلات
ومابيـن تحقيـق الحلـم والامانـي
شكلت مجموعه تحـدى المحيطـات
لمواجهـة منهـو بحـبـه بـلانـي
ايقنـت دايـم بالامـور الصعيبـات
وقررت اوجـه مـن بنـاره كوانـي
مادامها عندي من احلـى المهمـات
لا تسئلـي يابنـت شلـي حـدانـي
يمكن احقق فيـك بعـض الهوايـات
ولا اتسلـى فيـك كـنـي انـانـي
يعني خذيهـا يالغـلا كيـف ماجـات
دامـك تجراءتـي وقلبـك عصانـي
ماهو انا اللي ترفضه بنـت بالـذات
بنت الغرام اللـي لهـا جـو ثانـي
اسلوبها بسمـه ونظـره وغمـزات
وثياب تكشـف هالضلـوع المحانـي
ودايـم تـوزع للحظـور ابتسامـات
واحيـان تتدلـع وتكشـخ عشانـي
انـا تمنانـي عيـون الجمـيـلات
ماهـو بذنبـي دام ربـي عطـانـي
الجـاه والسلطـان والعـز والـذات
ويكفي لعينـي يفتخـر بـي زمانـي
ياكـم بحارتنـا اشـوف المعانـات
وياكـم بنـاتٍ لجـل عينـي تعانـي
ماتسمـع الا تالـي الليـل اهــات
واصوات تشبـه للسفـن بالموانـي
ماهـي غريبـه والمحبـه قناعـات
وحده تقول للنـاس فيصـل بغانـي
والثانيه تكـذب مـن شافنـي مـات
لا والمصيبـه ان رقمـه عطـانـي
والثالثـه تتقـن بنقـل الاشاعـات
تعـرف توزعهـا مثـل الاغـانـي
مابين ام بي ثري ومابيـن ويفـات
واذكـر انـا مـره بلوتـوث جانـي
صدفـه وانـا قاعداطالـع مبـارات
اهلـي السعوديـه ونـادي عمانـي
طالعت في النك نيم بنـت الامـارات
وفكرت في نفسي منو اللي غزانـي
طالعت من حولي تعجبـت . بسكـات
ماشفـت الا مـن بسهمـه رمانـي
بنت الدلال . ام العيـون الكحيـلات
مـن شفتهـا للحيـن وانـا اعانـي
قالت وش اسمك قلت مافي خيـارات
ضيعـت اسمـي لا ويمكـن كيانـي
قالت علامـك قلـت كلـي علامـات
قالت وعمرك قلـت اكبـر اخوانـي
قالت تجنن قلت يلعـن ابـو القـات
لوني مخزن كنـت فـي جـو ثانـي
قالت عرفتك واسمعك في الاذاعـات
رديـت عـادي دام هـذا جنـانـي
شاركت في المليون وحزت الاشادات
ويكفينـي الجمهـور حبـه عطانـي
الحب والتصفيق ماقلـت لـه هـات
لبيـك ياجمهـور حاضـر عشانـي
انتو لـي المليـون والعـز والـذات
يكفـي مشيـد مـن غلاكـم مبانـي
ماني مسوي حق روحـي دعايـات
من شان اكبر في عيـون الغوانـي
شاعر ولي في ساحة الشعر صولات
حتى لو انـه مـا نصفنـي زمانـي
يكفيني ان الناس تحفظ لـي ابيـات
لني كتبت الشعـر باصـدق معانـي


من مواضيع : هبة الله لـــوعـــة مفارق
العزوبي و المتزوج.......
بضـــمك على صـدري...لين تصبح على خـــــير؛؛
عرااااااااااااااق
دعك منهم سيدتي
 

الكلمات الدلالية (Tags)
الجميلات, رحلة, عيون, في

أدوات الموضوع

الانتقال السريع

المواضيع المتشابهه
كيف تتحول جميلة الجميلات الى قبيحة القبيحات خلال ثانية
سيارة للنساء الجميلات فقط لازم تدخل

رحلة في (( عيون الجميلات))

الساعة الآن 07:55 PM.