xpredo script

العودة   نيو حب > المنتديات العامة > الحوار المفتوح
التسجيل

عمرك سالت نفسك الاسئلة دى؟

الحوار المفتوح

25-11-2007, 11:50 PM
sabahy
 
Smile عمرك سالت نفسك الاسئلة دى؟

ليه .. ليه

ليه
لما نيجى نمشى فى المطر لظروف إستثنائية بنروح رافعين أكتافنا لفوق ؟ هاتعمل إيه يعنى

ليه
لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟

ليه
لما بتكون بطارية الريموت شبه فاضية ، بنضغط على الزراير جامد ؟

ليه
لما حد بيهادينا قلم جديد .. أول حاجة وإحنا بنجربه بنكتب إسمنا ؟

ليه
بنقول هدية مجانية ..؟ مش المفروض إن الهدية تكون مجانية

ليه
لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه

ليه
لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

ليه
الخدمة بتكون سريعة لما المطعم يكون مزدحم أكتر من لما يكون نص نص ؟

ليه
لما الواحد بيركن السيارة فى موقف فاضى اللى جاى وراك بيركن جنبك ؟

ليه
دايما لما حد بيجري يلحق الأتوبيس تلاقيه مبتسم أو بيضحك ؟

ليه
بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟

ليه
وإحنا بنأكل الطفل الصغير فى فمه بالملعقة .. بنفتح فمنا ؟

ليه
دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟

ليه
لما بنتصل بالتليفون .. دايما النمر الغلط مابتكونش مشغولة ؟ وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكيبورد ؟ وبمناسبة التليفون ليه لما واحد يعطيك رقم تليفونه بيقوله بسرعة ؟ وليه عمرنا ماإستمتعنا بالموسيقى فى التليفون لما نكون على الإنتظار ؟

ليه
لما بنصحى من النوم دايما بنحس إن كمية النوم ناقصها عشر دقايق ؟

ليه
الشخص اللى بيشخر وهو نايم دايما بينام الأول ؟


ليه..!









من مواضيع : sabahy شوفو اخر افعال حواء
قــــــــــــلـــــــــــــــــــــــــــ ادب ــــــــــــــــــــــــــة
قبل كل عيد كبير لازم يحصل حاجة كبيرة فى مصر حادث جامعة الازهر فى الشرقية
متى يبكى الرجل؟؟........ موضوع للمناقشة
أستقالة حب ...................
26-11-2007, 11:10 PM
super_H
 
رد: عمرك سالت نفسك الاسئلة دى؟

رد على كل اسئلتك دى
ليه .. ليه

ليه
لما نيجى نمشى فى المطر لظروف إستثنائية بنروح رافعين أكتافنا لفوق ؟ هاتعمل إيه يعنى
لاننا بنحس اننا بنحضن نفسنا فبندفا ونطمن
ليه
لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟
لانك مش بتبقى عايز تركز اللى فى تصحيح الطريق
ليه
لما بتكون بطارية الريموت شبه فاضية ، بنضغط على الزراير جامد ؟
لان بيجى احساس فى داخلنا ان فى امل ان الريموت يشتغل
ليه
لما حد بيهادينا قلم جديد .. أول حاجة وإحنا بنجربه بنكتب إسمنا ؟
لان اول حاجه اتعلمناها هى اسمنا واول حاجه بتخطر على بالنا اسمنا
ليه
بنقول هدية مجانية ..؟ مش المفروض إن الهدية تكون مجانية
يمكن بنحب نأكد على المستمع انها مجانى ويمكن لان الناس مش عايزه دلوقتى غير المجانى
ليه
لما نكون جوه المنزل والسماء بتمطر بنسأل هو الجو بيمطر بره ؟ هى عمرها مطرت جوه
ههههههههههه علشان ده بيدنا احساس انه مش هيوصل جوه يعنى احنا فى امان
ليه
لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟
ده بقى عنصر الشك وده موجود جوه كل انسان
ليه
الخدمة بتكون سريعة لما المطعم يكون مزدحم أكتر من لما يكون نص نص ؟
لان المطعم لما بيكون مزدحم الهمه والنشاط بتبقى اكبر والخوف من عدم ارضاء الزبون بيبقى اكتر
ليه
لما الواحد بيركن السيارة فى موقف فاضى اللى جاى وراك بيركن جنبك ؟
علشان يسيب مكان فاضى للجاى بعد كدا
ليه
دايما لما حد بيجري يلحق الأتوبيس تلاقيه مبتسم أو بيضحك ؟
يجوز علشان بيحس انه حر بيجرى علشان يلحق هدفه حتى لو كان الهدف بسيط بس بيبقى عايز امل يخليه يوصل وهو ده الامل الابتسامه
ليه
بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟
لا دى رخماه بقى وعنصر الشك هنا بيلعب دوره

ليه
وإحنا بنأكل الطفل الصغير فى فمه بالملعقة .. بنفتح فمنا ؟
علشان يتعلم ازاى احنا بناكل ويقلدنا لانه فى الفتره دى بيجمع ويخزن اللى بيشوفه
ليه
دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟
لانه بيبقى حاسس انه سر وان الشخص ده اتمنك على سر يبقى السر ده صح وميه ميه
ليه
لما بنتصل بالتليفون .. دايما النمر الغلط مابتكونش مشغولة ؟ وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة أو حتى أرقام الكيبورد ؟ وبمناسبة التليفون ليه لما واحد يعطيك رقم تليفونه بيقوله بسرعة ؟ وليه عمرنا ماإستمتعنا بالموسيقى فى التليفون لما نكون على الإنتظار ؟
حظوظ ممكن اه وممكن لا الصدفه هنا بتاخد الدور الكبير

ليه
لما بنصحى من النوم دايما بنحس إن كمية النوم ناقصها عشر دقايق ؟
كسل ولان الجسم بيبقى خامل فميقدرش يقوم يفط ينط من على السرير
ليه
الشخص اللى بيشخر وهو نايم دايما بينام الأول ؟

مش عارفه ابقى اسأل بس بيتهيئلى انه بيستمتع بالنوم
من مواضيع : super_H جمعيه حب الوطن الاهليه الخيريه<<<<
لأى استفسار عن المسابقه بين الشباب والبنات
تقبل او تقبلى تتجوز واحده اصغر منك وانتى تقدرى تقبلى الوضع ده
تحب تكتب اهداء لمين واشمعنا الشخص ده بالذات ارجو التثبيت
جريده حب جديد<< اهم ما يحدث فى " الوطن العربى " سجل نفسك فى لجنة المحررين الان
26-11-2007, 11:15 PM
sabahy
 
رد: عمرك سالت نفسك الاسئلة دى؟

ايه ياباشا الجمال ده ياسيدى ياسيدى على الردود العسل
شكرا ياهدير
لو عوزتى اى خدمة فى دراستك انا فى بكالوريس علوم ممكن اساعدك
لو كده انا تحت امرك وامر كل اعضاء المنتدى
من مواضيع : sabahy أستقالة حب ...................
صدمات ................
طعنااااااااااااااااااااااااااااات
كيف تستطيع خداع دماغك؟
أمامك ثلاث مواقف .. وفي عينيك دمعة واحدة
26-11-2007, 11:41 PM
sabahy
 
رد: عمرك سالت نفسك الاسئلة دى؟

تحت امرك قوليلى بس اقدر اساعدك فى ايه
وانا عندى اللى يساعدك
ماشى ياشا
من مواضيع : sabahy معنى الحب عند كل واحد منا ؟
(( الفرق بين الأولاد والبنات )) من غير زعل
المرأة قبـــــــــــل وبعـــــــــــــد الزواج
اكثر من يدخل النار النساء
الحب أعمى وأهبل وعبيط ..........ماتدخل تقرأ بنفسك
27-11-2007, 06:18 PM
super_H
 
رد: عمرك سالت نفسك الاسئلة دى؟

والله يعنى يا صباحى لو بتعرض خدماتك بقلب جامد فياريت تجبلنا حاجات للثانويه العامه المرحله الثانيه انجليزى عربى فلسفه تاريخ جيولوجيا لو ممكن تساعدنى فى الجيولوجيا
يبقى خدمتنى كتير لانى بصراحه مبحبهاش
من مواضيع : super_H هل تفضل الكذب فى المواقف الصعبه ام الصدق وتتحمل ما سيحدث لك من مشاكل
ارسيلك على بر عايش ولا ميت يا عم
جمعيه حب الوطن الاهليه الخيريه<<<<
سيتم غلق الموضوع لبعد رمضان ولنتجه جميعا الى المسابقه الرمضانيه
نظريات الست ام احمد :::::::::::؟
27-11-2007, 08:30 PM
مطر
 
رد: عمرك سالت نفسك الاسئلة دى؟

بالنسبالى اجابات الاسئلة دى مختلفة شوية
لو رفعت اكتافى تحت المطر فده لانى بحس ان المطر هو اللى بيحضنى بيدفينى ويطمنى ويجرف كل خوف جوايا
ولو هدانى حد قلم جديد
اخر حاجة هفكر اكتبها هى اسمى لانه ابعد شىء عن تفكيرى اوى احساسى الايجابى على الاقل
بالنسبة لمسالة مطرت بره
جايز تكون الدنيا مش بتمطر جوه المنزل
لكن ممكن تمطر جوانا فى قلوبنا
وانا لو حد نبهنى لان الطلاء لسة مانشفش عمرى ماهفكر المسه عشان اتاكد
كونى اكتشف انه ناشف ده مش هيفيدنى فى شىء
لكن لوكان طرى فعلا فانا ممكن افسده
واظن ده سبب يخلينى اصدق من غير ماتاكد بنفسى
وبعدين اللى بيجرى عشان يلحق الاتوبيس نادرا انه يكون بيضحك
بالعكس ده انسان بيتعب وبيعرض نفسه لخطر السقوط وهو بيجرى للحاق بهدف متحرك بيبعد عنه
على فكرة الانسان اللى بينام بسرعة مش شرط يكون بيشخر
النوم بسرعة بيكون بسبب الارهاق واللى اللى بيشخر فدة بسبب ان المجرى الهوائى بيكون مش سالك بسبب الوضع الخاطىء للراس والرقبة
ارجو ان تعليقى مايكونش ضايقك
انا محترمة رايك جداواتمنى انك تتقبلى رايي
وانا تحت امرك فى اى خدمة
من مواضيع : مطر
27-11-2007, 11:12 PM
sabahy
 
رد: عمرك سالت نفسك الاسئلة دى؟

مشكورين على المرور
وطبعا ممكن اساعدك ياهدير انا درست جيلوجيا اول سنة
من مواضيع : sabahy لماذا خلقت حواء من آدم وهو نائم..؟؟
قمه الخداااااع
شاب يخطب بنت ولكن اشترطت عليه شرط رفضه فماذا حدث..؟؟
دموع القلب
بتفكر فى ايه قبل ما تنام؟
 

الكلمات الدلالية (Tags)
الاسئلة, دي؟, سامة, عمرك, نفسك

أدوات الموضوع

الانتقال السريع

المواضيع المتشابهه
برنامج مسابقات تضع الاسئلة بنفسك والاجوبة بسرعة ادخل وحمل احسنلك قبل لا اطخك هههههه
لعبة الاسئلة العاطفية
كيف تجيب الفتيات وكيف يجيب الشباب على هذه الاسئلة
الكل يجاوب عن الاسئلة دى بكل صراحة ووضوح, للشباب وبس

عمرك سالت نفسك الاسئلة دى؟

الساعة الآن 11:25 PM.