xpredo script

العودة   نيو حب > المنتديات العامة > الحوار المفتوح
التسجيل

جمـــل لا تقـــــال الا في البيـــوت المصـــــــرية

الحوار المفتوح

01-12-2007, 11:04 PM
MOHAMED BASHA
 
Bye جم ل لا تق ال الا في البي وت المص رية


على مدى سنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ، بأساليب وجمل ثابته لا تتغير ...

فأصبحنا بمرور الوقت نحفظها جيداونتوقعها ...

" واهالينا يقولوها واحنا نكمل لهم "

هذه المقولات (التى لا نسمعها إلا فى البيت المصرى ) تعمق المحبة فى قلوبنا تجاه أهالينا ، وتجعلنا نكتشف كم الهيستريا
والقلق والمسئولية التى عاناها أهالينا... فى سبيل ان تقف وأنت كبير وسط الناس فخورا برأيهم فيك ... وهم يقولون


" شكله ابن ناس ومتربى "


كفاية مقدمات بقى وادخلكم فى الجمل على طووووول




1- مالكش دعوة بالسياسة .. وماتمشيش فى مظاهرات :
وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500 شخص أو أقل .

2- مش عاوزه أسمع صوت :
هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .

3- ماتردش عليا :
دى نصيحة لو التزمت بيها ستكسب مديرك فى العمل .

4- تقعد فى أول صف قدام السبورة :
جملة تعودك على أن تكون فى المقدمة دوما .

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )

6- اللى بيشيل قربة مخرومة بتخر عليه لوحده .

7- ومالها الكتب بتاعت الوزارة .

8- بص كويس وإنت بتعدى الشارع .

9- ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )

10- افرد ظهرك .

11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

12- ما تمشيش حافى فى السقعة دى .

13- صليت العصر ..؟! ( إشمعنى العصر ....!!!!!)

14- ربنا يهديك ... ربــنــا يــهــديــك ... أو ... إنك لا تهدى من أحببت .

15- إطفى التليفزيون وقوم ذاكر ... أو ... إطفى التليفزيون وقوم خش أوضتك .

16- إوعى تقول لحد هات لى حاجة .

17- إقفل صدرك .

18- بلاش وقفة فى الشبابيك والبلكونات .

19- كل على مهلك .. وأمضغ كويس .. وماتاكلش وإنت واقف وكل من قدمك متحفش .

20- المسلسل مش هاينفعك ... قوم .

21- كفاية رغى فى التليفون .

22- ماتقعدش قدام المروحة وإنت مستحمى .

23- وإنت فاكر إحنا مستنيين منك حاجة ؟!

24- ماتعليش صوتك .

25- بلاش لعب فى الشارع .

26- يا ابنى اللى ذاكر ذاكر خلاص .. قوم نام .

27- بلاش لعب بالمقص .. بيجيب الفقر .

28- يا ابنى كلم خالتك العيانة .. اسأل عليها .

29- إوعى حد غريب يديلك حاجة تاكلها او تشربها وتاخدها منه .

30- النوم لحد الضهر بيجيب الفقر .

31- إوعى تكدب عليا تانى مرة .

32- لازم تاكل سلطة .

33- لو شوفت خناقة مالكش دعوة بيها .

34- عيب .. لازم تحترم الأكبر منك .

35- كلمنا لما توصل .

36- بلاش أكل بره .

37- لو فلحت ابقى قابلنى .

38- يا ابنى أنت مسطول ولا إيه .

39- إنت فاكرنا نايمين على ودانا .

40- وطى المدعوق ده شوية .

41- قوم إقرالك كلمتين ينفعوك .

42- إيه اللامبالاة والاستهتار اللى إنت عايش فيهم دول .

43- إنت فاكرنا لاقيين الفلوس دى فى الشارع .

44- والله ما إنت فالح .. وآدى دقنى اهيه .

45- ما تتكلمش بصوت عالى فى الحمام .

46- ماتنامش غير لما تغسل سنانك .

47- ماتلزقش فى التليفزيون كده .... نظرك هايضيع .

48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )

49- سلم على عمك كويس يا ولد .

50- يا ابنى محدش بينفع حد .

51- ماتطلعش إيدك من شباك العربية .

52- قصة الغريق اللى كذب اللى كل مرة يقول إلحقونى .. لحد ما غرق .

53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.

54- ربنا يرزقك بعيل يوريك اللى وريتهولى .

55- ماتطلعش على الملاية النضيفة ورجليك متوسخة كده .

56- ماتقعدش عريان كده قدام إخواتك البنات .

57- حول القناة دى ... بلاش مسخرة وقلة أدب .

58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟

59- طلع إيدك من جيبك وإنت بتكلمنى .

وأخـــــيــــــرا .....

60 - ياللا يا أبو كحكة حمرا .. إنت فاكر نفسك هاتقعد تاكل معانا




بصراحة كده مش هى دى الجمل اللى بنسمعها كتير واللى عنده جمل تانية يقول البحر بيحب الزيادة


منقول للامانه
من مواضيع : MOHAMED BASHA عبــــــــــــــــرة ............... تـــــدمع لهــــا العـــــين
كتاب كفاحى لهتلر | حكمه هتلر فى اليهود
يعنى ايه كلمه طزززززززز ؟؟؟؟؟!!!!!!!!!!!!
من فضلك ... زد من سرعتك في القراءة .. لكن كيف ؟!!!!!!!!
اعلانات اعلانات اعلانات كل شوية اعلانات !!!!!!!!!!!!!!!!
01-12-2007, 11:35 PM
safy
 
رد: جم ل لا تق ال الا في البي وت المص رية

موضوع جميل محمد وصح بجد الجمل دى بتتقال كتير فى البيوت وساعات مش بتبقى بالكلام وبس لازم الام والاب يتكلموا بايدهم
شكرا ليك
من مواضيع : safy نصيحة ياقلبى اذا فكرت تحب حب الى يحبك......
اى من تلك الكلمات تؤلمك .......؟
القمم الستة
بعض العوامل التى تؤدى لنخسر ثقتنا بانفسنا
02-12-2007, 03:21 AM
super_H
 
رد: جم ل لا تق ال الا في البي وت المص رية

ههههههههههههههههههههههههههههههههههههههه
الجمل دى نصه موجهه ليا انت تعرف اهلى ولا ايه
بس خد دول كمان
اما اقولها ياماما معملش ده ليه
من غير ليه انتى هتردى عليا السؤال بسؤال
..................................................
ان رحت اشترى حاجه ولقتهاش
ايه هى الحاجه دى خفيت
مبتعرفيش تتصرفى
كنتى هاتى بدالها مش عارفه ايه
وان اتصرفت وجبت هو انا قلتلك هاتى بتجيبى ليه بتتصرفى من دماغك ليه
.........................................
عنيكى والكمبيوتر يا بنتى مش هتشوفه وهتمشى عايزه حد يجرك وشفى مين بقى اللى قادرلك
.................................................
والكلمه اللى ما بتتغيرش مهما عملت
انتى احوالك مش عجبانى
على طول بسبب او من غير سبب
.................................................. ......
تقبل مرورى
كل حاجه لما بتكون ذياده بتخنق الوسط مطلوب
خير الامور الوسط
من مواضيع : super_H جريده حب جديد<< اهم ما يحدث فى " الوطن العربى " سجل نفسك فى لجنة المحررين الان
إلى الأعضاء الكرام ..قبل طرح مواضيع الحوار والنقاش ..تفضل واقرأ...
عايز تعرف الممثل اللى انت بتحبه يهودى ولا لا ادخل وانت تعرف ارجو التثبيت
لو انت حاسس انك مريض نفسى ادخل هنا وجاوب هتشعر بارتياح
لا اعرف لماذ اكتب هذا الموضوع
02-12-2007, 03:29 AM
MOHAMED BASHA
 
رد: جم ل لا تق ال الا في البي وت المص رية

هههههههههههههههههههههه
فعلا عندك حق فى كل كلامك وشكرا على اضافتك للجمل دى ولو عندك اى حاجه تانى ياريت لو تضيفيها
شكرا لمرورك الجميل يا سوبر
من مواضيع : MOHAMED BASHA يعنى ايه كلمه طزززززززز ؟؟؟؟؟!!!!!!!!!!!!
تحذير هاااااااااااام لكل بنات المسلمين وايضا شباب المسلمين
من فضلك ... زد من سرعتك في القراءة .. لكن كيف ؟!!!!!!!!
جمـــل لا تقـــــال الا في البيـــوت المصـــــــرية
هام جدااااااااا كيف تختار الزوج والزوجه
11-03-2010, 02:26 AM
sarsora
 
ههههههههههههههههههههههههه هههه
صح صح صح
هههههههههههه
شكراااااااااااااااااااا
جدااااااااااا
تحياتى ...


من مواضيع : sarsora فتى احلامك..(طبعا للبنات فقط)يعنى ممنوع دخول الشباب.للمناقشة
.. انت ليه مردتش عليا .. ؟؟
.. علمتنى الحياة ..
مهم .. ومش مهم ..
..لماذا نعطس؟؟؟!!!!!
11-03-2010, 03:52 PM
ريتاج الشرق
 
ههههههههههههههه
اكتر كلمه بتتقلي في البيت
لازم تاكلي سلطه
اصل انا مبحبش السلطه
من مواضيع : ريتاج الشرق كل سنه وكل الأعضاء بخير
هل من الممكن أن يكون أصدقاء النت أفضل وأوفي من أصدقاء الواقع
أسأل عن أحبابك
مؤلمه ولكن رائعه
ماذا تفعل ولو زارك رسول الله في بيتك
 

الكلمات الدلالية (Tags)
ما, المصـــــــرية, الا, البيـــوت, تقـــــال, جمـــل, في

أدوات الموضوع

الانتقال السريع

جمـــل لا تقـــــال الا في البيـــوت المصـــــــرية

الساعة الآن 03:29 PM.