xpredo script

العودة   نيو حب > المنتديات العامة > الحوار المفتوح
التسجيل

المشاعر الصادقة تبقى للأبد ولا تنتهي

الحوار المفتوح

30-01-2008, 04:22 PM
عماد 24
 
المشاعر الصادقة تبقى للأبد ولا تنتهي



لاحظت في فترة من الفترات أن فيه عضوة من أعضاء المنتدى اللي أنا فيه مركزة على مواضيعي وترد عليها.. وكانت ردودها ردود إعجاب شديد... لدرجة إنها صارت تدور مواضيعي كلها وترد عليها... حتى لو كانت قديمة.....





أنا جاني الغرور وبديت أشوف نفسي... إيه من قدي صار لي معجبات...
صرت أجلس على الإنترنت أكثر من جلستي مع أي شخص ثاني...





حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى....
يعني الغرور كان واصل حده عندي...





وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل...( حنا يالشباب الفاضي 12بالليل . يعتبر أول الليل عندنا )...





المهم وأنا راجع وقاعد أسولف مع نفسي وأغني وأهيجن وموسع الصدر على الآخر...




ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا....
وفجأة...
لقيت وحده لحالها بالشارع وتأشر...




أنا حسبتها تأشر لليموزين وراي ... بس يوم طالعت مع المراية ماوراي سيارات...
قلت في نفسي ... وش عندها ذي...ووش قصتها.....
خلني أخذ فرة ثانيه بالشارع وأشوف وش السالفة...




خذت لي فرة وفرتين وثلاث.... وكانت كل مامرت سيارة أشرت لها... ومحد يوقف لها...




أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي....




قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا....




وفعلا وقفت....
"



قلت : نعم وش عندك تأشرين؟..
"



قالت: لو سمحت يااخوي أبيك توصلني للبيت....
"



أنا : ومتى المعرفة عشان أوصلك لبيتكم..
"



هي : أجل وشوله واقف لي....
"



أنا : أنا واقف أبشوف وش سالفتك... يعني بنت تالي الليل وفي شارع فاضي .. وش القصة..؟..
"



هي : ومو معنى هالشي إني أكون من اللي في بالك... أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا....
"



أنا : لاحوووووول ولاقوة إلا بالله... طيب طيب ...بيتكم وينه فيه؟....
"



هي : قريب ...يعني تقريبا ثلاث كيلوات من هنا....
"



أنا : طيب .. يالله أركبي خل نوصلك نكسب فيك أجر....

"



جت تبي تركب ورا وقلت لها : لا تعالي قداااام ... رفضت ..... قلت لها : ركوبك ورا يجيب لي الشبهة تعالي قدااام ومايكون إلا كل خير...




وفعلا ركبت قداام.... وأول ماركبت ..
"



قلت : إسمعي يابنت الناس... أنا مابعد تأكدت أنك بنت.. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا... أخاف وأنا أسوق تجيني من ورا غدر وتسوي فيني شي...
"



ردت علي وقالت : والله بنت ... وماني من ذا اللي تقول عنهم...صدقني..
"



قلت : إكشفي لي وجهك..
"



قالت: ( وبسرعة) مستحيل...
"



قلت : أجل إنزلي...
"



قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي...
"



قلت : أن لازم أتأكد أنك بنت..
"



قالت : والله بنت.. وأرجوك لاتستغل الموقف...
"



قلت : هذا حقي ... انا ماقلت أبسوي معك شي حرااام لاقدر الله.... أنا أبي أريح نفسي بس....
"



قالت: أنا وكلت رب العالمين في أمري....




وكشفت نصف وجهها.. وشفت دموع تسيل من عينها....




أستغربت... بس جمعت قواي وسحبت لثامها كله... وشفت شي عجيب.....




شفت وجهها ..... شفت الحسن كله....شفت الجمال... سبحان الله صورها....وشفت دموع تسيل على خدها..... كانت تبكي بدون صوت... حتى مارفعت عينها بعيني......




غطيت وجهها وصديت.. ومسكت طريقي ومشيت فيه....




كان تفكيري يلعب فيني شمال ويمين...
هي وش طلعها من ليموزين تالي الليل..وش سالفتها... ياولد لاتكون من بنات الليل ....وقاعدة تمثل عليك....
اطلع بها اطلع بها....




وبدأ إبليس يشاركني تفكيري....




بس كنت كلما تذكرت كلمتها


‏( وكلت رب العاملين في أمري )....


‏وكل ماتذكرت دموعها... أستغفر الله وأرجع عن الأفكار السوداء....




وبعد وقت قصير وصلتها لبيتهم ... ونزلت بسرعة أختفت ورا الجدران... وأنا قاعد أتابعها...وأفكر في هالبنت العجيبة... ووش قصتها ....




ومادريت إلا وأبوها ينزلني من السيارة غصب ... ويجلد فيني جلد... ومافكني منه إلا البنت...يوم حلفت له إني مالمستها بشر.....
"



الأب وقف وهو مازال ماسكني ... وطالعني وقال : تنام هنا... وبكرة نروح للمستشفى ونتأكد من كل شي...فااهم..
"



وافقت مضطر يعني واحد في نفس موقفي وش يبي يسوي...




وأتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته....
"



والله ويدخلني أبوها للمجلس..ويقفل علي الباب....
"



نمت عندهم وأنا عيوني مفتوحة...أفكر في هالورطة اللي ورطت نفسي فيها بدون داعي....البنت أنا وش دخلني فيها أروح أوصلها كان خليتها ويرزقها رب العالمين من يوصلها...
"



كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي......
"



وأصبح الصبح...وقبل كل شي... نقزنا للمستشفى...وسوينا التحاليل للبنت والفحوصات وكل شي...
والحمد لله طلعت البنت شريفة وأنها مازالت بكر... هالشي خلاني أشيل فكرة أنها من بنات الليل نهائيا عن بالي....
"



وحنا طالعين من المستشفى ...
"



قال لي أبوها.. ياوليدي أنا اسف ... بس العذر والسموحة يعني واحد موقفه مثل موقفي ...يعني يطلع للحوش الساعه 1 الفجر ويلقى بنته تدخل عليه البيت... وواحد غريب هو اللي موصلها.. وش تبغا يكون تصرفي غير هذا....
"



قلت : ياعم .. أنا ماشرهت عليك... ومن حقك كل اللي سويته.. وتتطمن على بنتكم المصون...
"



قال : ياوليدي أنا أبسألك سؤال؟.
"



قلت : تفضل .
"



قال : أنت متزوج؟؟..
"



قلت : خلني أخلص دارستي واتوظف وبعدين أفكر بالزاوج..يا عم أنت عارف أن هالزمن صعب...
"



قال : الله يستر عليك زي ماسترت على بنتي... ويوفقك لبنت الحلال اللي تسعدك انشاء الله....
"



قلت : اللهم أمين... أنا أبمشي اللحين توصيني على شي..
"



قال : سلامتك ياوليدي والله يحفظك.... وانا اسف مرة ثانية...
"



تركتهم ومشيت.... ورجعت لبيتنا...
والخوف و الروعة مازالت في قمتها..لدرجة أني ماطلعت من البيت أسبوع... إلا ما طلعت حتى من غرفتي....
"



وبعد هالأسبوع بديت على شوي شوي أطلع على خفيف.. ورجعت للأنترنت مرة ثانيه ..وتذكرت المعجبين.... إيه اللي يدورون مواضيعي.... واروح أشوف وش صار على المنتدى وعلى مواضيعي.... ويوم دخلت المنتدى ...لقيت موجود رساله خاصة.... قلت أشوف منهي منه...
"



لقيتها من العضوة اللي دايم ترد على مواضيعي بأعجاب... وكانت تطلب في الرسالة... أن عندها قصة وتبغاني أكتبها بأسلوبي لأنه زي ماتقول معجبها الأسلوب...
"



أنا ارسلت لها وقلت هاتي القصه ونشوف وش نقدر نسوي....
"



المهم رجعت للمنتدى وقعدت أتصفحه ... كنت مشتاق له حيل....
"



وبعد نص ساعه لقيت .... انه يوجد عندي رساله خاصة توها تجي .... فتحت الرسالة.. ولقيتها من نفس العضوة.. وترد على رسالتي.... وكاتبة القصة... قعدت أقرأ بطريقة الكبار يعني أدقق عند كل حرف واوقف عند كل كلمة...
"



بس...... هذي هي نفس قصتي.... إيه قصتي مع البنت اللي لقيتها بالشارع....
"



وش الكلام هذا.....
"
وشلون.... معقوله تكون هي نفسها البنت..... لالا ما أظن.. إذا أنا وأنا رجال... قعدت منهار أسبوع كامل... وشلون حالتها هي....
"



فكرت كثير .. وقررت إني أعرف منهي ذا العضوة...
"



ارسلت لها وطلبت انها تسوي اضافه بالماسنجر عندها عشان أناقشها على القصة...
"



وفعلا بعد يومين لقيت إضافه بالماسنجر..
"



((@HOTMAIL.COM------ ) .... عبق الزهور يرغب بالتحدث إليك)....
"



قبلت الإضافة.... وجلست أنتظرها... وفعلا بعد ثلاث ساعات لقيتها داخلة الماسنجر...ودار بيننا الحوار التالي:
"



سلطان says:
السلام عليكم...
"



عبق الزهور says:
وعليكم السلام
"



سلطان says:
يالله حيها ... كيف الحال ... وش الأخبار.. بشرينا عنك...
"



عبق الزهور says:
بخير..
"



عبق الزهورsays:
ممكن تقولي إيش سويت بالقصة لو سمحت؟؟..
"



سلطان says:
أنا ودي أسألك سؤال إذا ممكن؟..
"



عبق الزهور says:
بس أنت ماجاوبت على سؤالي؟؟...
"



سلطان says:
القصة غريبة شوي... وما أتوقع انها ممكن تكون حقيقية زي ماقلتي لي بالرسالة الخاصة..
"



عبق الزهور says:
لأ... لا والله حقيقية وصايرة مع صديقتي...
"



سلطان says:
صديقتك...؟؟؟... ممكن أعرف أسمها ؟؟...
"



عبق الزهور says:
نعم؟؟... أنت وش خصك بالإسم ... صحيح إنك تجيد فن القصص بس الأسماء مالها علاقة بالموضوع...
"



سلطان says:
أنتي تعرفين اللي وصلها لبيتهم من يكون....
"



عبق الزهور says:
لأ.. طبعا لأنه وصل صديقتي ماوصلني أنا و مو من طبعي الإلحاح مثل الغير...
"



سلطان says:
عموما أنا أبقولك من اللي وصلها... مادام أنا اجيد فن القصص... ترا أنا أجيد فن التوقعات..
"



عبق الزهور says:
طيب خل نشوف يابديع زمانك.. من هو..
"



سلطان says:
أنا..
"



عبق الزهور says:
؟؟؟؟؟ إيش تقصد ؟؟؟؟ ...
"



سلطان says:
أنا اللي وصلتها... وعندي الدليل...
"



عبق الزهور says:
الدليل ؟؟؟..
"



سلطان says:
إيه الدليل اللي يثبت أنه أنا نفس الشخص... أنا مستعد أذكر لك أشياء... صارت في نفس الليلة ومااحد غريب ممكن يعرفها غير نفس الشخص اللي وصلها...
"



عبق الزهور says:
مثل؟؟؟؟؟..
"



سلطان says:
وش كانت شنطتها ووصف ووجهها ... ولون ثوبها..... ووأوصف لك أبوها بعد لوتبين..
"



عبق الزهور says:
طيب يالله قول أوصف خلني اشوف...
"



saysسلطان :
أنتي وش يهمك طيب؟...
"



عبق الزهور says:
أنت اللي طلبت مو أنا؟؟؟...
"



سلطان says:
إيه صح ....
"

وبديت أوصف لها كل شي ... واثبت لها اني أنا نفس الشخص اللي وصل صديقتها...
"



عبق الزهور says:
فعلا أنت صادق بكل اللي قلته...
"



سلطان says:
شفتي أنه أنا نفس الشخص اللي وصل صديقتك...
"



عبق الزهور says:
أنت تدري مين البنت؟؟؟...
"



سلطان says:
كل اللي أعرفه انها صديقتك...
"



عبق الزهور says:
أنا... هي نفس البنت...
"



سلطان says:
معقولة؟؟؟؟....
"
( تعذر تسليم الرسالة لكافة المستخدمين
saysسلطان :
معقولة؟؟؟؟؟؟.)
"
وانتهت ذيك المحادثة وأنا ماخذت جواب شافي... وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها...
"
قررت أني أجلس لها واقعد أنتظرها في كل الأوقات لين ألقاها....
"
وجاء يوم ودخلت وكلمتها.... وسألتها
"




سلطان says:
ممكن سؤال ؟
"



عبق الزهور says:
تفضل...
"



سلطان says:
أنا أبغى أفهم أنتي وش طلعك ذيك الليلة وخلاك تركبين مع ليموزين ... انا ترا من ذيك الأيام وأنا أفكر في هالشيء.... "‎




عبق الزهور says:
إسمع سلطان .. أنا أمنتك على نفسي وركبت معك توصلني...وأظن لو قلت لك على سري ماراح تتكلم عني فيه عند الناس.. وخصوصا... إنك حتى البيت تعرفه..
"



سلطان says:
وأنا انشاء الله أبكون عند حسن ظنك...
"



عبق الزهور says:
أنا كنت عند نايمة عند خالتي ...لأنه بنت خالتي في نفس عمري.... وفي الليل سمعت زوج خالتي قاعد يصارخ على خالتي... وبدأ يتكلم كلام جرحني... يقول أننا ماتحملنا بناتنا عشان نتحمل بنات العالم... ومن هذا الكلام اللي يجرح....وخالتي مسكينه تحاول تسكته وهو يصارخ بصوت أعلى ...

أنا ماقدرت اتحمل أني قاعدة في بيته وهو مايبغاني أجلس فيه... حسيت إني أنجرحت بكلامه.. ومالقيت نفسي إلا برا البيت...
"



سلطان says:
إيه بس انتي بنت ومايصير تطلعين لحالك في وقت متأخر....
"



عبق الزهور says:
وقتها ماقدرت أفكر... لاتلومني... حس فيني الله يخليك...
"



سلطان says:
انا ماأدري وش أقولك بس الأيام راح تبين لك هل اللي سويتيه صح ولا خطأ...





أخيرا عرفت السبب اللي خلاها تطلع تالي الليل.. وكان بالنسبة لي كافي ومقنع ماادري ليش....

ومع مرور الأيام بديت أحس بقرب لها..... وبديت احس انها لي .... وبديت أحس أن رب العالمين أرسلها لي ذيك الليلة... ووخلاها بطريقي عشان أعرفها... وتكون من نصيبي...

وصارحتها بهالشي.... وكان عندها نفس الإحساس والشعور...

وعشنا مع بعض ايام كلها حب وسعادة... وماكن ينغص علينا شي أبد ... أصلا ماكنا نسمح لشي يخرب علينا جونا اللي معيشين نفسنا فيه....




ولكن.. ‎
كان القدر اقوى مننا...
ومارست الأيام جبروتها علينا.....

وفرقت بيننا.. إيه فرقت .... تقدم لخطبتها شاب من هالشباب... هي ماكانت تبغاه..بس ابوها كان خايف عليها لأن العمر يمشي وهي مابعد تزوجت...




وفعلا تزوجت بعدها بشهور... وانا متضايق ومقهوور....

بس جاء الخبر اللي أسعدني وضايقني بنفس الوقت.....





وعلى طول وبعد ماانتهت عدة لأربعة شهور عشرة ايام .. تقدمت لها وطلبتها ووافقوا.... وعشنا حياتنا من جديد حياة سعيدة بديناها حب وأنتهت قصة الحب بزاوج... وخالفنا القاعدة... وأثبتنا للكل أنه ممكن للحب ان يعيش إذا خالط الحب صدق...




وانتهت القصة وسلامتكم
...........
احب اسمع ردودكم
عن القصة
من مواضيع : عماد 24 ليش عرست عليا؟!
المشاعر الصادقة تبقى للأبد ولا تنتهي
شكرا اخي حسام
هل يهمك امري
♥درس مـــن فــراشـــة
30-01-2008, 08:56 PM
اشقيت قلبي
 
اخصصصصصصصصصصصصصصصصصصصصصصص صص

اقسم بالله اندمجت حيييييييييييييييييييل

بجد بجد بجد

انت كاتبها

قل قسم

ههههههههههههههههههههههههه هههههههههههه

اه يا عيني

كل شوي وانا اقرا نص الكلام يجي في بالي سؤال

ودي انقز وارد بسرعه واشوف تحت اذا هو مقلب او شي

ويزيد فضولي مين هالبنت ذي

وش السالفه صدق مرررررررره

من جد اذا قلمك وفكرك وابداعك ..

انا اجل على كذا بنتظر قصه ثانيه وحدث ثاني

مع انه تعرف جات في بالي تساؤولات

يعني البنت يوم تطلع من بيت خالتها ما معها جوال

وكيف جلست قدام < قويه

وكمان كشفت عن وجهها << ياويلي

بس القصه قمة

على فكرة اول قصه بقراها افتكرتها موضوع عادي ..

وكفايه عامي شدني مره ..

يسلم لسانك وكيبوردك .. والماوس < لا يزعل

يالله بنتظر احلى جديدك ..

ابدعناااااااا

موفق عزيزي ..

سيآــأ
من مواضيع : اشقيت قلبي قصه حلوة ومعبره ولا تفوتكم ^^
ممكن بوسة __ ممكن شاب أسهر معه
هل تخسر رائيك ولا تخسر صداقتك ؟؟
التزم حدك تراك تعديت حدودك ... متى نرسم الخط الاحمر ؟!
هل البنت لازم تستأذن من خطيبها قبل ما تطلع ؟
01-02-2008, 12:01 AM
رومانسيه منسيه
 
هي القصه ديه بتعتك وحصلت لك ولا
من مواضيع : رومانسيه منسيه الجرح والحزن
عذرا سيتم أغلاق المنتدى للابد !!
كلام الناس
حروف لا تقرأ بالعين بل بالقلب ،،،،،،،،
عندما تخون هل انت مستعد للاعتراف
01-02-2008, 12:02 AM
رومانسيه منسيه
 
هي القصه ديه بتعتك وحصلت لك ولا لا
من مواضيع : رومانسيه منسيه حقائق غريبه جدا جدا جدا
الجرح والحزن
انت عملت ايه لنصرة الرسول عايز تعمل حاجه عندي فكره ادخل
مع كل وداع تتعلم
سؤال حير شعوب العالم
01-02-2008, 05:23 PM
عماد 24
 
اقتباس:
المشاركة الأصلية كتبت بواسطة أشقيت قلبى
اخصصصصصصصصصصصصصصصصصصصصصصص صص
اقسم بالله اندمجت حيييييييييييييييييييل
بجد بجد بجد
انت كاتبها
قل قسم
ههههههههههههههههههههههههه هههههههههههه
اه يا عيني
كل شوي وانا اقرا نص الكلام يجي في بالي سؤال
ودي انقز وارد بسرعه واشوف تحت اذا هو مقلب او شي
ويزيد فضولي مين هالبنت ذي
وش السالفه صدق مرررررررره
من جد اذا قلمك وفكرك وابداعك ..
انا اجل على كذا بنتظر قصه ثانيه وحدث ثاني
مع انه تعرف جات في بالي تساؤولات
يعني البنت يوم تطلع من بيت خالتها ما معها جوال
وكيف جلست قدام < قويه
وكمان كشفت عن وجهها << ياويلي
بس القصه قمة
على فكرة اول قصه بقراها افتكرتها موضوع عادي ..
وكفايه عامي شدني مره ..
يسلم لسانك وكيبوردك .. والماوس < لا يزعل
يالله بنتظر احلى جديدك ..
ابدعناااااااا
موفق عزيزي ..
سيآــأ
___

مرسي مرسي مررررسي
تسلمي على ردك الجميل الرائع ‏

‏ ‏
وعلى تفاعلك مع الموضوع
طبعا هي قصة تعبر عن مشاعر الاصدقاء تجاه بعضهم في النت


( الاصدقاء المتعارفين في المنتدى )


بنلاحظ ان سلطان كان يترك اصدقائه ويرجع البيت على شان يرد على احبابه في النت


وهذا حاصل معانا كمان
هههههههههههههه


تسلمي على مرورك الجميل
ما قصرتي وراح
ارد على تساؤلاتك عزيزتي

____________>>
اقتباس:
المشاركة الأصلية كتبت بواسطة أشقيت قلبى
انه تعرف جات في بالي تساؤولات
يعني البنت يوم تطلع من بيت خالتها ما معها جوال
اعتقد انها ما تقدر تتصل
لانها لو اتصلت راح تكبر المشكله
لان ابوها ما راح يسكت
او يمكن خلته ببيت خالتها
ومشت طبعا هي تكون خرجت
من دون ما حد يدري
وكيف جلست قدام < قويه
للضروف احكام وتعرفي هي تبي توصل البيت باي طريقة
وكمان كشفت عن وجهها << ياويلي
اصلا هي اطمئنت لسطان
يعني ارتاحت له لان الواحد منا
يقدر يعرف الشخص الذي
يكلمه يقدر يعرفه من ملامحه
اذا كان صادق او لعاب او كاذب
فا هي اطمئنت له وكشفت عن
وجهها والا لو كانت خايفة
او شاكه منه كانت تنزل من
السيارة طبعا هنا محد يلومها

اذا في وحده بنفس موقفها
وش راح تسوي ؟ ‎
من مواضيع : عماد 24 ♥درس مـــن فــراشـــة
أغرب ما قيل في المرأة
هل يهمك امري
المشاعر الصادقة تبقى للأبد ولا تنتهي
اعرف شخصيتك من فصيلة دمك..
01-02-2008, 05:30 PM
اشقيت قلبي
 
يعني البنت يوم تطلع من بيت خالتها ما معها جوال ؟؟؟؟؟؟؟

راح تتصل على احد من اهلها ؟؟
من مواضيع : اشقيت قلبي لما تقفل معك الدنيا وش تسوي؟؟
اختار عضو وتحدث عنه ولا يردك شي..
ابشرررررررررررركم انخطبت تعالووو باركولي ,,,,,,,,,,,,,,
عضو موقوف
علاقه بنت بمتزوج .. وش رايكم فيها ؟
01-02-2008, 05:54 PM
عماد 24
 
اقتباس:
المشاركة الأصلية كتبت بواسطة رومانسيه منسيه
هي القصه ديه بتعتك وحصلت لك ولا لا

هلا رومانسية تسلمي على
المرور ما قصرتي




لا لا ما حدثت لي
هي قصه فيها اشيا
من الواقع طبعا انا كتبتها
بجد والفكره فكرتي


بس عاوني فيها عمي
بصراحة رتب بعض الاحداث
وحذف بعضها لاني كتبتها
من شهر وما طرحتها الا
بعد ما شافها عمي وعدل
فيها تعرفوا انا مبتدى
بكتب على قدي واكيد احتاج
من يساعدني



لو حدثت لي كان
انا الحين متزوج عبق الزهور
بس للاسف حدثت لسطان
ههههههه
يسلموووو

من مواضيع : عماد 24 المشاعر الصادقة تبقى للأبد ولا تنتهي
♥درس مـــن فــراشـــة
لون الشفاه يدل على وضعك الصحى ؟؟
شكرا اخي حسام
اعرف شخصيتك من فصيلة دمك..
01-02-2008, 06:17 PM
عماد 24
 
اقتباس:
المشاركة الأصلية كتبت بواسطة أشقيت قلبى
يعني البنت يوم تطلع من بيت خالتها ما معها جوال ؟؟؟؟؟؟؟

راح تتصل على احد من اهلها ؟؟

حينها ما كان معها
او اهلها ما يردو
لانهم نيام الساعه
بعد 12 وجوالاتهم
على الصامت اخوانها صغار
والكبير مسافر مو موجود
بعدين كانت البطارية ضعيفه
وانطفى الجوال والرصيد
خلص لانها كانت تتصل
بصديقاتها
ضروفها كلش سيئه
واكيد لو تقدر تتصل
كان اتصلت
هههههههههه
شكلك شلتي همها يا عيني
يا اشقيت شكل القصة
عجبتك حيل
يسلمووو يا الغلاا

من مواضيع : عماد 24 معلومات عن المرأة
الحمد لله على السلامة عاشقة مصطفى قمر قولوا معي....
♥درس مـــن فــراشـــة
أغرب ما قيل في المرأة
المشاعر الصادقة تبقى للأبد ولا تنتهي
02-02-2008, 12:28 AM
عماد 24
 
اكيد ‏
هي مقتبسة من الواقع يعني من واقع حياتنا
تصدقي الحدث ألي في الشارع حقيقي
حتى وصلت البيت
هذا حقيقي
100%‏ ‏
يسلمووو
على تفاعلك شووشوو
ـ


من مواضيع : عماد 24 لون الشفاه يدل على وضعك الصحى ؟؟
ليش عرست عليا؟!
المشاعر الصادقة تبقى للأبد ولا تنتهي
هل يهمك امري
الحمد لله على السلامة عاشقة مصطفى قمر قولوا معي....
02-02-2008, 04:09 AM
hebahoba245
 
كل شوي وانا اقرا نص الكلام يجي في بالي سؤال

ودي انقز وارد بسرعه واشوف تحت اذا هو مقلب او شي


ويزيد فضولي مين هالبنت ذي
وانا كمان مثللها ومرسى انت بتكتب حلو جدا عماد24 وبتمنالك المزيد والنجاح فى تاباتك ولا تحرمنا منها ابدا وطبعا الصاداقه اهم شئ بالحياة وهذا الموضوع فعلا فى غايه الاهتمام واشكرك انك طرحتوا وعلينا واستفتندنا فى اشياء من نكون فى سهو عنها مرسى كتير عمده
من مواضيع : hebahoba245 الحب اخلاق قبل ان يكون مشاعر
السؤال الأول - هل تعطي اهتمامك الأكثر
هتعمل اية لو
ايه هو الحب في تفكيرنا
تلك حياتي بين السطور وفيها حياة كل انسان
16-02-2008, 09:19 PM
عماد 24
 
اقتباس:
المشاركة الأصلية كتبت بواسطة hebahoba245
كل شوي وانا اقرا نص الكلام يجي في بالي سؤال

ودي انقز وارد بسرعه واشوف تحت اذا هو مقلب او شي


ويزيد فضولي مين هالبنت ذي
وانا كمان مثللها ومرسى انت بتكتب حلو جدا عماد24 وبتمنالك المزيد والنجاح فى تاباتك ولا تحرمنا منها ابدا وطبعا الصاداقه اهم شئ بالحياة وهذا الموضوع فعلا فى غايه الاهتمام واشكرك انك طرحتوا وعلينا واستفتندنا فى اشياء من نكون فى سهو عنها مرسى كتير عمده



يا هلا والف مرحب بك واشكرك جدا جدا ‏

على مرورك الغالي ‏

نورتي الموضوع ‏

كلك ذوق تسلمي

واكيد الصداقة اهم شي في الحياه ‏

تسلمي ما قصرتي
من مواضيع : عماد 24 لون الشفاه يدل على وضعك الصحى ؟؟
♥درس مـــن فــراشـــة
اعرف شخصيتك من فصيلة دمك..
المشاعر الصادقة تبقى للأبد ولا تنتهي
ليش عرست عليا؟!
31-08-2008, 02:35 AM
العاشقه للحب2
 
لالالالالالالالالالا القصه مستحيله انها تحصل مره تانى هى مره وخلاص
بجد فوق الرائعه جميله جميله جميله
شكرا ياعماد
من مواضيع : العاشقه للحب2 16 سبب لتعرف هل انت تحب ام لا ؟؟
صفقات رمضانيه رابحه
تخيل وانت بتاخد شور وفجاه
عصر الخيانه والالم
اختبار لمعرفه تناسب الخطيب للخطيبه
03-09-2008, 02:35 AM
عماد 24
 
اقتباس:
المشاركة الأصلية كتبت بواسطة العاشقه للحب2
لالالالالالالالالالا القصه مستحيله انها تحصل مره تانى هى مره وخلاص
بجد فوق الرائعه جميله جميله جميله
شكرا ياعماد

هلا بالعاشقة للحب هلا فيك اسعدني جدا مرورك الجميل الرائع
نوري وما قصرتي الف شكر على المرور ماقصرتي
من مواضيع : عماد 24 هل يهمك امري
الحمد لله على السلامة عاشقة مصطفى قمر قولوا معي....
♥درس مـــن فــراشـــة
ليش عرست عليا؟!
شكرا اخي حسام
04-09-2008, 05:36 AM
رومنسية
 
مشكووووووووووووووور كتير على القصة
بجد رائعة
من مواضيع : رومنسية
 

الكلمات الدلالية (Tags)
للأبد, المشاعر, الصادقة, تبقى, تنتهي, وما

أدوات الموضوع

الانتقال السريع

المواضيع المتشابهه
تسديدة ابوتريكة تساوي ... &quot;2 مليون دولار&quot; والاحتفاظ بالكاس الأفريقية للأبد
مهلة حل أزمة الإيدج بين شركتي المحمول وجهاز الاتصالات تنتهي غدا

المشاعر الصادقة تبقى للأبد ولا تنتهي

الساعة الآن 03:49 PM.