xpredo script

العودة   نيو حب > المنتديات العامة > الحوار المفتوح > المنتدى الادبى
التسجيل

زيـــنــوهــ ا.. وإدفنوهــ ا ..

المنتدى الادبى

10-06-2008, 01:30 AM
وصيت قلبي
 
كاتب زي ن وه ا وإدفنوه ا

زينوها وإدفنوها والكفن ثوب الزفاف
غصب عنها زوجوها وسلموها للغريب
مجبره ماشاوروها قصدهم شرع العفاف
مادروا إن البنيه مغرمه ولها حبيب
جهزوها وهي تبكي وترتشف دمع إرتشاف
وخبروها إن موعد الفرح منها (قريب)
مالقت أحد" فهمها وهمها ناظر وشاف
إن حكت باللي سكنهامالقت لها مجيب
وكانها هي وافقتهم جرعوها الزعاف
حالها من فعل أهلهاصار محزن ومريب
والحفل قرب وقامت ترتجف خوف إرتجاف
كل يوم تقول باكر الفرج بإذن الرقيب
باكر يمكن يفهمون قصتي بآخر مطاف
جا باكر ثم عدا وجا بعد باكرعطيب
وعلقوا عقد الإناره وإحتشد فرد وآلاف
أيقنت إن الجرح جرحها ماله طبيب
وإنها لازم تطيع أمرهم وترضى الجفاف
جو لها والدمع يغرق جفنها الحلو الرطيب
قالوا ياالله إلبسي ثوبك اللي للزفاف
كفنوها وفي نظرهم زوجوها للأديب
فرشوها الهم دايم والأسى لها لحاف
ياحسافه دخلوها والحشا يغلي لهيب
وأحكموا قيد البنيه وإسجنوها بإلتفاف
وادتعتهم وهي تقول حسبي الله الحسيب
رحلتي ماهيب طويله ورجعتي بعد القطاف
سافرت عن دارأهلها وقلبها خطر وصويب
سافرت مع منهو خطفها من أمانيها الضعاف
خايفه مستوحشه والعرق منها صبيب
وقلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب
بس عيت تقتنع وعشقها ذاك الضفاف
هوسألها جاوبيني ليه دمعاتك (سريب)
ليه لي ماتنظرين وأنازوجك شخص واف
قالت بنبره خجوله أنا في وضع رهيب
غصب عني زوجوني وإطعنوني بالرهاف
هو سكت لحظة تأمل وش أسوي يامجيب
عقله وقلبه نطقها صاحب النخوه يعاف
قال منهو غير حبي يسكن بقلبك نجيب
من تولى عرش قلبك إهتني به ياعفاف
وباكر الرجعه تراها وإمسحي الدمع العجيب
خايف إني أمسكك وأقترف ذنب إقتراف
إضحكت ضحكه وقالت مابعد هالطيب طيب
الله يجازيك عني بالأجر ويسر الطواف
إرجعت وقالت رجعت ياأهل الشرع الغريب
بنتكم جتكم ولكن من بعد ذل وحساف
وإبعثت مرسول عاجل أنا جيتك ياالحبيب
النذر اللي نذرته صار وافي يامناف
إجلست يوم وتأخر لارساله (ولامجيب)
وعقلها يمه تشتت وبدت بالغيبه تخاف
مرها طفل صغير وإسألت عن الصحيب
قال مات ليلة زفافك وإندفن بعد الزفاف
ناحت بحسره وطالت الليالي والنحيب
وودعت قبل اللقاء حلمها الزاهي وطاف
إقتلوها مرتين وشابت ماقبل المشيب
وذاب قلب" قد تعلق والبصر جاه الكفاف
من مواضيع : وصيت قلبي وصــيــتــي
الـــــــــدنــــيـــا والـــــحـــــب
هـــــآت الــيــديــن
على طاري صباح الورد واسمك والحلى والذوق
مــــــــــــن بـــغـــى الـــفــــرقـــا
10-06-2008, 12:54 PM
red.rose
 
شكرا اخ وصيت على الكلام الرائع

الله يعين

قال مات ليلة زفافك وإندفن بعد الزفاف

شكرا وصيت
من مواضيع : red.rose أتعلم ماذا يؤلمني
دنيـا...{فانيـه،،فـاتنـه،،فـائتـه}...
آخر محطاتي؟
لحظة صفاء مع الله......
أكرهك ولا كني اجدك جزء مني
10-06-2008, 03:21 PM
HONDA ACCORD 99
 
كلام بمنتهى الجمال والروعة
تستحق الشكر عالقصيدة ويعطيك الف عافية أخي الكريم
وصيت قلبي
من مواضيع : HONDA ACCORD 99 يـا قـاهـري . بـصوت أنثـى ....
كلماتٌ ساخرة ...
قوانـين الـقــسـم الأدبـي ...
إبــداع الــكــلــمــات ...
مــن حــبــكــ تــعــلــمــت.....
 

الكلمات الدلالية (Tags)
زيـــنــوهــ, وإدفنوهــ

أدوات الموضوع

الانتقال السريع

زيـــنــوهــ ا.. وإدفنوهــ ا ..

الساعة الآن 05:06 PM.